春水堂 (新都會廣場)

环境👍👍👍 唔太嘈、座位阔、易倾计，气氛亲切, 贴切啲讲系有格调但唔拘谨珍珠奶茶: 分冻热 春水堂招牌。 奶泡厚而均匀，茶色温润，奶香与茶味平衡，平常饮港式奶茶系会胃痛嘅我，呢杯真系冇。我相信佢用嘅奶同埋茶都系最靓嘅。我同朋友都order走糖, 我觉得已经系非常出色。图中系冻饮嘅杯，外型触感好，又够大大杯，好正。我本人就叫咗一杯热饮(原味香醇奶茶)一样咁出色，必试。小食：盐酥杏鲍菇及黄金香酥鸡都好味，外脆里面有汁，不过建议一定要趁热食，味道会更出色。 主食方面，鳗鱼饭定食同半筋半肉蕃茄牛肉面，色香味都唔错，不过温度唔够热，食落失望。 最惊喜嘅反而系𠮶个麻油鸡红藜麦油饭，细份量㗎不过足够一个人食，但侍应话要即整，要等起码十分钟。到餐嘅时候呀啲饭仲系出紧烟㗎，呢个真系正。意外地好食，呢款真系必点之选。讲到服务，虽然冇过失但系still room for improvement。原因系侍应想清理台面。佢建议我哋两盘食净一半嘅食物倒埋一齐， 我个friend忍唔住同佢讲你好赶时间，今时今日香港地做生意尤其饮食业真系要畀个心出嚟㗎。…查看更多

星期六下昼，同朋友嚟春水堂谂住食下午茶，不过，呢度竟然冇下午茶餐，只可单点餐牌上的食物、饮品，人均$100，消费几高。餐厅提供的唯一一款特价食物系黑糖珍珠厚班戟，跟餐点+$20。鐡观音冻饮：$35；茶浓，浓到有啲苦涩，不过，我钟意浓茶，加上部分小食几油腻，所以都唔错，可减腻消滞；见餐牌写住所有饮品增量50%，之前未嚟过，唔知系咪大杯咗，但饮品起码有500毫升盐酥杏鲍菇：朋友点咗盐酥鸡，见佢食得滋味，就单点呢客小食；整得唔好食，好似冇调味咁，要靠落辣椒油先有味；炸浆炸到好硬，入面的杏鲍鱼唔juicy而且非常靭，咬唔开，要成嚿塞入口再慢僈𡁻(都唔易咬)，唔知食紧乜，好失望~黑糖珍珠厚班戟：+$20好似好抵，卖相几靓；可惜忌廉多到吓死人，完全覆盖2件迷小而唔厚的班戟；班戟应该系预制，拆包装再拼凑成甜品，食落冇弹性、冇蛋味；虽然只系$20，但性价比低，可能佢系全店最平的小食，几乎枱枱必点整体嚟讲，旺区的食肆竞争大，呢度竟然冇下午茶餐，加上食物水准低，所以冇乜食客。好处系舖大，地方大，台与台之间距离感足，几适合静静哋倾下计。服务尚可，店员送上甜品时，见我哋有3个人，都主动提供3份餐具俾我水哋分享，不过，喺送餐过程中就听到佢对住耳机同另一位同事闹意见，呢点要留意下。如果想同朋友有一个舒适、安静的用餐地点同环境，都可以考虑嚟呢度净饮，饮品只系$30-40，大大杯，同出面外卖废水差唔多价钱咋~…查看更多

今日喺葵芳新都会广场行街，去咗台湾老字号茶饮店 春水堂🧋，佢哋就系发明珍珠奶茶嘅始祖，不定期朝圣一下！我叫咗杯珍珠茉香奶茶，少冰微糖，真系一试倾心 😍。茉香奶茶茶底用上茉莉绿茶，茶香清新自然，入口有淡淡花香🌸，配上香滑奶味，比例刚好，唔会太腻。微糖版本甜度啱啱好，保留茶香之余又唔会太淡，少冰仲令茶味更突出，饮落去好顺喉 🍵。珍珠系细粒款式，烟韧有咬口，唔会太硬或太粉，每啖都好有节奏感 😋。店舖环境宽敞舒适，坐低慢慢叹都好chill，间店出饮速度都算快，唔使等太耐 就有得饮👏。以大约$40蚊嘅价钱嚟讲，味道、质素、氛围都好有水准，春水堂真系值得一试再试 💯。…查看更多

全店咁多吉位，安排我坐摆水，杯等位置，每次staff在我面前走来走去，开柜闸柜，张枱都震，又大声，食唔落饭，烦到我都想拍枱骂街，仲收我10%服务，乜嘢服务？其他客staff有主动倒水，我杯水，等10分钟无人倒，我自己倒嘅。举手叫人帮我搬嘢去新枱，盲又聋，扮睇唔到行过，又系我自己搬。啲服务越嚟越差岂有此理，垃圾，唔会再食呢间嘢。啱啱写咗email去台湾总公司投诉。最衰自己，lunch peak, 间餐厅仲会剩40%位，应该都伏㗎喇，仲走入去:(…查看更多

下午3：30-5：00一排椅唔比客人坐，只准员工用膳坐，问取匙羹和杯时，又话d杯只供职员用又冇尾音和唔耐烦，只是拨一拨冷风机叶，职员想刹人大骂，今时今日态度系赶客走。…查看更多