星期六下晝，同朋友嚟春水堂諗住食下午茶，不過，呢度竟然冇下午茶餐，只可單點餐牌上的食物、飲品，人均$100，消費幾高。餐廳提供的唯一一款特價食物係黑糖珍珠厚班戟，跟餐點+$20。鐡觀音凍飲：$35；茶濃，濃到有啲苦澀，不過，我鍾意濃茶，加上部分小食幾油膩，所以都唔錯，可減膩消滯；見餐牌寫住所有飲品增量50%，之前未嚟過，唔知係咪大杯咗，但飲品起碼有500毫升鹽酥杏鮑菇：朋友點咗鹽酥雞，見佢食得滋味，就單點呢客小食；整得唔好食，好似冇調味咁，要靠落辣椒油先有味；炸漿炸到好硬，入面的杏鮑魚唔juicy而且非常靭，咬唔開，要成嚿塞入口再慢僈𡁻(都唔易咬)，唔知食緊乜，好失望~黑糖珍珠厚班戟：+$20好似好抵，賣相幾靚；可惜忌廉多到嚇死人，完全覆蓋2件迷小而唔厚的班戟；班戟應該係預製，拆包裝再拼湊成甜品，食落冇彈性、冇蛋味；雖然只係$20，但性價比低，可能佢係全店最平的小食，幾乎枱枱必點整體嚟講，旺區的食肆競爭大，呢度竟然冇下午茶餐，加上食物水準低，所以冇乜食客。好處係舖大，地方大，檯與檯之間距離感足，幾適合靜靜哋傾下計。服務尚可，店員送上甜品時，見我哋有3個人，都主動提供3份餐具俾我水哋分享，不過，喺送餐過程中就聽到佢對住耳機同另一位同事鬧意見，呢點要留意下。如果想同朋友有一個舒適、安靜的用餐地點同環境，都可以考慮嚟呢度淨飲，飲品只係$30-40，大大杯，同出面外賣廢水差唔多價錢咋~…查看更多
首先試咗麻辣牛肉麵，麻辣味好香，牛肉和牛筋都好入味，煮得夠淋，不過食食吓都要飲下珍珠奶茶解解辣 
珍珠奶茶茶味好香，珍珠份量好多，細細粒又夠Q彈 
另外試咗兩個小食，分別是蒜泥白肉和招牌豆干。蒜泥白肉好好食，有咁多青瓜夾埋一齊食， 感覺好清新。 招牌豆干比想像中辣，可能因為我們食辣力不高，心諗好在無叫辣味個款。 但個醬汁是很惹味。 
服侍員的態度是比較冷淡， 但我們的要求都一一做到。 我們主要為快閃個午餐， 食物質素比較重要， 下次都會再來。 
