春水堂 (太古城中心)

今日一個人喺銅鑼灣食lunch，試咗春水堂嘅功夫麵，簡單同大家分享下食落幾舒服，唔會太鹹。麵條質感算係彈牙，配料有肉燥同蔥花，整體來講唔錯環境方面，舖頭乾淨光猛，坐得幾舒服。服務正常，落單上菜都幾快，適合一個人想快食個飯。…查看更多

一直都未食過春水堂 星期日6點左右見倒未有人龍就入左去食晚餐揀左半肉半筋麵 牛肉同牛筋既份量都算多 麵係正常既台灣麵質地 軟硬適中 但覺得個湯底太咸同有少少油 如果清番少少就完美…查看更多

被逼第一次寫食評。兩人叫咗牛肉麵和麻辣牛肉麵和飲品。已經有一段時間冇幫襯，因為價錢都唔平，但質素可以。以前用一半牛筋、一般腱）。一碗入邊有三條半牛筋、另外兩片好柴嘅牛肉，一嚿牛腱都冇，同以前食開嘅好大出入。唔知係咪今日非常唔好彩兩碗都係咁。但決定以後都唔會再嚟，喺而家食市汰弱留強嘅市況，咁嘅質素好快會被淘汰。而咁嘅質素出邊有好多小店，無論價錢和質素都比佢好，太古城商場又少一間可以值得幫襯嘅食店，可惜、可惜、可惜。…查看更多

不嬲對春水堂印象都幾好，啲嘢食ok，又有啲服務，但我今次一行9人，一個bb，入到去有半間舖都未開，但就係都要我哋分開兩張台坐，餐牌又唔畀要我自己行去攞餐牌，見到個長發鬍鬚肥仔疑似店長，問佢係咪轉咗self service，佢夠膽死答我係，離晒大譜，大佬呀呢度太古城中心嚟㗎，你成百蚊一碗面，畀啲咁嘅服務態度我，茶餐廳都不如，叫人點留港消費呀，又一間等執咩，食完背脊骨落，永久black-list, 冇下次，Bye-bye.…查看更多

今日我去咗香港春水堂食親子丼同麻油雞飯，加埋肉燥娃娃菜🍚👍🏻。親子丼味道鮮美，雞肉嫩滑，蛋汁香濃，搭配米飯非常合襯。👍🏻👍🏻麻油雞飯則有濃郁麻油香氣，雞肉入味，份量極度細，飯質鬆軟，可惜有啲太油食完飯仲有幾啖油剩低起個碗度油膩感偏重😣😢。肉燥娃娃菜清新爽口，增添整體餐點的層次感，不過不失。飯後叫咗一個薑汁牛奶芋圓湯圓，好有薑汁味，湯圓嘅芝麻味有啲奇怪。整體而言，春水堂嘅食物質素不錯，環境亦都好闊落對得住價錢🤤…查看更多

以前常來這間店，有一段時間沒有來了。 昨天到了這店，再重溫一下。食物品質與味道並無比以前差，不過量方面就比以前減少了好多。最難以接受的是在店中跟據提供之照片選擇了一款甜品，來的與照片不相符。…查看更多

我地真係好鍾意飲春水堂嘅醇香奶茶, 又香又濃 , 仲回甘添, 飲啖 心情就會轉好~平時行過都總忍唔住會買杯黎飲架!我食,紅燒牛肉麵 半筋半肉 配 香醇奶茶小糖去冰;佢食, 麻辣牛肉麵 半筋半肉 配 胚芽奶茶少糖少冰~ 嘿嘿嘿…果然係 我心愛嘅醇香奶茶完勝!!!佢飲得好慢, 再用一個後悔同埋可憐嘅樣望住我講: 都係你個杯好飲, 我呢杯好淡呀!除咗質感同埋味道一直都保持住之外, 牛肉同牛筋嘅比例同埋份量都 keep 到, okay 呀!不過麵嘅份量就比較少, 男仔未必夠飽~…查看更多

講到我最愛嘅珍珠奶茶店🧋一定非春水堂莫屬，個日收咗工💼就去咗食慰勞吓自己🫢珍珠鐵觀音奶茶 $38佢奶茶個茶底用咗鐵觀音，飲落俾平時出面嘅台式奶茶更重花香同fresh，就算我叫走甜／微糖，依然可以飲到奶茶嘅清香☘️🙂‍↕️呢間嘅珍珠就比較細粒，但都係好有咬口，同埋佢成個杯底都勁多粒，飲到最後都會有珍珠剩，但我點都會清哂佢🤪麻辣牛筋麵(半筋半肉) $92原味嘅紅燒牛肉麵就成日食，今次就試試新意思，叫咗麻辣湯，但原來佢個湯底都幾重麻辣味🌶️🥵食得辣嘅朋友先好嗌🤣佢啲牛腩好淋，索哂啲湯汁好入味，而牛筋都有好多舊同埋條條都幾大，好重膠質🥰麵條質感爽滑彈牙，果然係佢哋嘅招牌功夫麵👍🏻滷肉飯(小碗) $38因為想食小食，所以我哋2 個人就唔叫咁多主食，叫多個細碗滷肉飯share 就算😜佢細碗份量的骰，好啱啲細食嘅女仔，而且價錢都比較相宜💰上面肉鬆食落一絲絲同脆脆哋，滷肉肥瘦均勻，一層瘦肉加一層肥肉，食落唔膩，冬菇都好入味🍄烏龍豆乾 $38豆乾外層煙靭，入面嫩滑配埋上面嘅醬汁，呢個味道第一次食，又幾唔錯🙂‍↕️金沙芋泥丸 $52係我食過最好食嘅芋泥波波，外面炸得好脆，入面嘅陷料係蛋黃同芋泥💛熱辣辣食，外脆內軟，我一個人都可以清哂成碟😋😋.雖然價錢唔算太平，不過絕對對得住個食物質素，而且佢有好多間分店，行開附近不防試試佢😌…查看更多

因為泊車方便原故，又去左太古城覓食！今次想食台灣野😙🌟朱古力珍珠奶茶🧋留意番呢個係冇得小甜/小冰， 係固定冰同糖。但佢個份量的確拿捏得幾好，朱古力味超級濃，仲有朱古力粒粒喺入面，呢個已被列入我必叫之選👍🏻🌟朱古力珍珠奶茶🧋🌟麻辣煙鴨胸鴨血米粉上面鋪上一層紅紅嘅辣油，見到都知道唔惹小，食得辣嘅不妨試試。而我就即刻叫左杯朱古力咖啡止辣。😂鴨血好入味，麻辣味好足夠。成碗overall 幾好食👍🏻🌟麻辣牛腩牛筋麵牛筋好滑，牛腩麵好入味好食！湯底都好惹味同牛肉味濃郁。雖然份量唔多，同埋價錢稍高，但都值得間唔時去食下☺️*不是試食活動…查看更多

紅燒牛肉麵（$92）御品三寶牛肉麵（$105）和紅燒牛肉麵差不多，紅燒牛肉麵只有半筋半肉，三寶是有牛肉，牛筋和牛肚，其實三寶都醃得入味，牛肚腍些，牛筋腍度剛好帶點彈牙，牛肉比較嚡，湯底味道夠濃，麵質夠煙韌。 台灣肉圓（$40）是這店期間限定，是古早的台灣小食，點了一客，份量不算多，係小食。上枱時已有一陣濃味，應是味淋，鹹魚和蒜茸混合起來的氣味。 圓型的外皮是半透明的，煙煙韌韌，係QQ彈，外皮似煎炸過，有少少似食潮州茶果的糯米皮，係幾好食的，包著的係免治豬肉，有筍粒，醃得入味，整體不錯，值得試 培香麵茶珍珠奶茶（$44）係期間限定。麵茶同樣是台灣的古早小吃。奶茶面層已有一堆麵茶，勺少少試，係香花生加芝麻味，成杯都均勻混合了麵茶的粉，每一啖都有麵茶的味，很特別也好有質感，珍珠是比一般店的細粒很多，很彈牙有𡁻口，加了麵茶，整杯奶茶的質感和層次感提升了，非常之好的配搭，這個期間限定是有驚喜 Braised Beef Noodles ($92) and Three-Combo Beef Noodles ($105) were similar.Braised Beef Noodles contained shank with tendon whereas three-combo contained shank, tendon and tripe.All beef was well marinated. The tripe was tender, tendon was al-dente and the shank was bit tough.The soup was rich and the noodle was al-dente. Taiwanese Meatballs ($40), an ancient Taiwanese snack, are only served in limit time in the shop.The portion size was not big but reasonable.Mixture of mirin, salted fish and garlic could be smelled when the meatball served on the table. The translucent round wrapping, was made of glutinous rice flour, was fried with crispy outside and chewy inside.It tasted like Chaozhou dumpling. It was tasty.The minced pork inside was marinated well with dices of bamboo shoot.Tasted good and worth trying. Roasted Wheat Flour Bubble Tea ($44) was served in limited time here as well.Roasted wheat flour, again, was the ancient Taiwanese snack. Different from another tea shop, the pearl here is chewy though much smaller in size.The roasted wheat flour was evenly mixed into the drink.A spoonful of flour had nice flavor of peanut and sesame. The layer and the texture of tea were enriched and enhanced to another level. Tasted great!It must WOW the bubble tea fans …查看更多

夜晚出開去太古城中心買野,買完野緊係食埋晚餐先返屋企,近排無乜食台灣野,即刻就諗起呢個商場有春水堂🤩嚟到嗰時啱啱無晒位,好彩等咗10分鐘左右就有位啦☺️我地叫咗紅燒牛肉麵(半筋半肉)紅燒湯底夠濃略帶點牛肉味牛肉夠腍👍🏻麵底軟硬適中魯肉飯(小碗)叫比小朋友食嘅,份量完全啱晒佢😂魯肉份量唔算多不過煮得好入味凍珍珠奶茶珍珠奶茶整體唔算太甜👍🏻珍珠咬落偏腍#hkfoodie#openrice#春水堂…查看更多

試左呢間野，真係貼錢買難受叫左杯檸檬紅茶，飲左一啖。。酸到好似食緊超級檸檬糖我同侍應講杯嘢太酸，佢叫我加杯糖漿再試吓我加左，都係太酸。。叫佢幫我沖過杯佢就拎走左我杯野。。。之後有個戴眼鏡嘅經理出黎話無得再沖，叫我再加糖漿😅 我話緊係唔加喇。。之前都已經加咗成杯糖我都叫佢試下。。佢用左嗰比喻回覆我，令到我印象好深刻， 「咁唔通嗰客點左辣嘢，佢之後覺得太辣，食唔到，又叫我換呀？ 咁我唔使做生意啊？」大佬，如果唔食得辣叫辣嘢，咁抵死啦。你杯嘢真係酸到唔正常。。之後佢冇理到我，甚至冇俾返杯嘢我飲添。個感覺係叫你食唔到就過住啦。…查看更多

點了一杯檸檬茶，但酸到不得了，飲了一口已飲不下去，叫我另一半試，佢都表示好酸頂唔順，結果同侍應講，佢話俾糖水我。我加完，結果係一樣咁酸，我要求換其他飲品，經理就過來話無可能換俾我。$33一杯飲品，沖到咁樣就逼客人接受，服務態度奇差！…查看更多

作為珍珠奶茶控🧋，見到春水堂出進化到將珍珠奶茶做湯底，就梗係要試吓啦😂🧋珍珠奶茶火鍋(肉+湯底+蔬菜配料+麵)💰$188肉揀左美國牛小排🥩大概有10片，主食揀咗冬粉，蔬菜配料有生菜、娃娃菜、蓮藕、菇類同牛丸🥬首先會上一杯酸梅湯用黎開胃☺️都幾貼心🤣然後湯底到左可以自行落埋個紅茶茶包同珍珠😆而本身個湯已經由有牛奶同埋豬骨湯組成🥛湯入面仲會有卜卜蜆、粟米同埋白蘿蔔幾豐富😍湯底好香奶味就咁飲會飲到最尾有啲茶味🤪，同埋會越煲越杰撻撻!同啲配料一齊食都唔會奇怪，比較搞笑係食所有野都會搭左幾粒珍珠😂煲得耐都仲煙韌既😛🍜酸菜白肉湯麵 💰$88麵質頗有咬口🤪而且白肉超足料，鋪滿哂成個碗面😆酸菜亦好爽口，湯底就易入口唔會太酸☺️整體來講，火鍋定價(特別係牛肉)覺得有少少貴🤏🏻如果其他肉類都要$158起，但Gimmick野如果鐘意珍珠奶茶既可以一試😛…查看更多

隨便食個午餐，叫咗鹵水拼盤，鹽酥雞，紅燒牛肉麵，同埋細嘅滷肉飯92蚊一碗紅燒牛肉麵，味道一般，覺得唔值呢個價錢，尤其係個面，食落去好黏口，覺得煮得唔係咁好鹽酥雞就唔錯，新鮮炸起，好脆滷肉飯比較好食，雖然係小碗，但係兩個人分都覺得好足夠，味道最唔抵食同唔推薦就係88蚊嘅鹵水拼盤，係牛筋牛肚同埋大腸，大腸有少少內臟嘅味道，冇洗得好乾淨整，體嚟講個味同紅燒牛肉麵入面嘅牛筋差唔多，而且有一嚿牛肚唔知點解煮燶咗試過一次就夠啦…查看更多