春嬌越南河

今晚去咗屯門間春嬌度食晚飯，發現而家以前便宜咗好多，因為之前要散叫，一個主食再要加一杯嘢飲（正價），第二杯先可以半價。但而家一個主食，會跟一杯免費嘅熱龍眼蜜。叫咗一個咖喱牛腩飯，但係牛腩質素明顯差咗少少，比較比較瘦、柴，咖喱香味亦稍遜，整體尚算可以。另外叫咗一個生牛肉湯金邊粉，生牛肉可以揀全熟，金邊粉份量比較少，湯底我比較鍾意，但係好似都比之前差咗少少。最後都追加咗一碟蝦餅，蝦餅一試可以，但下次應該唔會再叫，份量都算小。以呢個價錢嚟講，性價比都ok，因為食物唔難食，而且都跟餐飲，但特飲或者凍飲要加錢。…查看更多

位於屯門的春嬌主打越南及泰式簡餐，這次試的是咖哩香茅豬扒飯。豬扒以香茅醃製，肉質鬆化，香氣自然，配上微辣咖哩醬汁，味道濃郁但不膩，與白飯搭配剛好。咖哩中還有薯仔，口感綿密，整體味道平衡，份量亦算足夠，是一款簡單又有層次的越式飯餐。環境：店面整潔，座位安排合理，氣氛輕鬆。 價格：與質素相符，屬中價位。 食物質素：豬扒入味，咖哩香濃，飯粒鬆軟。 食物種類：選擇多元，河粉、撈檬、飯類及小食均有供應。如果你鍾意香茅與咖哩的組合，這款豬扒飯值得一試。 …查看更多

越南菜其實冼越嚟越少，不過不失，穩定，烤牛肉湯湯底值得一讚，豬扒河粉普通牛肉檬粉不過不失，下次會再幫襯其他產品會試招牌，記得要試吓志明奶茶🧋夠香夠滑溜青檸可樂普通嘢可以唔試，跟餐茶不用加錢，…查看更多

收工是是但但搵食，見呢間野冇乜人又有位，咪中入去囉，點知……冇人真係有原因，中伏😵‍💫環境迫迫夾夾唔好坐，不過諗住求對其食完就閃。果度有個肥肥地既店員奇奇怪怪，粗粗魯魯，佢仲打瀉成杯水係個客度，整到人地半邊身濕晒！講返野食先…叫左個咸雞肶湯粉，同火車頭湯粉，兩碗野…個湯底勁咸，雞肶好似中幅射咁！火車頭都有睇頭既…就係有塊大花膠。原先諗住求其食，冇打算寫食評，所以冇影相，但真係奇差喇。講真以咁既價錢，係市中心大把選擇，唔需要食佢囉。總結…唔會有下次。…查看更多

係天天海南雞那邊，舖頭細細，所以都坐得比較迫！Menu都多選擇，份量及味道都正常。價錢比起錦麗，及其他連鎖的越南餐廳都比較相宜⭐️香茅豬扒湯粉連一杯熱的龍眼水/綠茶（$62）足足有兩塊豬扒，豬扒味道正正常常，係有少少嚡龍眼水就唔甜，有三至四粒當日叫咗金邊粉，湯底都冇乜味精，所以食完都唔太口渴！⭐️招牌春嬌火車頭湯河（$79）有好多唔同嘅餸菜，最特別係有牛嘅橫膈膜⭐️炸春卷香口好味，熱辣辣即刻炸！如果怕太熱氣，都有生菜提供包住嚟食不過不失嘅越南餐廳，冇味精想清清淡淡都可以食！…查看更多

道門幾重下我地坐近門口位八成人係唔會閂門，成餐飯都好熱我哋自己食飯途中閂左三次門。原本無諗住寫食評所以無影完整相我order 左雞絲扎肉撈檬配菜調味唔算好好食，都正常既，漏左d 香葉咁但d肉係。。。 直升機味食開白烚肉既我都覺得d雞肉好柴好乾我從來未食過有'so' / 怪味但胡椒味重既扎肉。 好難食。 友人order 咖喱牛腩喇沙，佢比左舊牛腩我試（圖中）。 成舊牛肉乾咁好難咬喇沙湯底偏咸。我杯奶茶已經係有poster推介，都係唔好飲，無茶味。唔好期望佢會滑我杯飲品上枱已經漏曬係杯邊。飯後成枱都係我d奶茶。 正價 $38。價錢唔平，不會再光顧…查看更多

一入到去坐低，坐收銀阿姐（唔知係咪老闆，係的話實好快執）拎住個qr code落單牌仔，飛落黎張台，一句都無講講行左去！諗住咁熱行到好攰就算，求其食完走，點知qr code落單，話lunch送飲品，但都無得揀，又係要搵返收銀阿姐落，超悔氣問「食咩」，問侸有乜飲，就好似欠左佢咁答人！食物到就大大力放落枱，大佬呀，你真係唔好怨點解啲人返大陸消費！你咁樣服務態度死得啦，仲要啲嘢唔係平，唔係好食，又咸！新開就咁，真係睇你幾時執，仲要好窄好迫坐得唔舒服🤢…查看更多

因之前吃過其他分店，見屯門有新店便迫不及待想來試試。然而昨天晚上在店內點了一碗招牌火車頭叻沙，叻沙裡面有花膠牛肉牛肉丸，價格加上服務費90幾蚊，說實話這個價錢一碗麵應該可以有個不錯的水準。這次的味道中規中矩。結果晚上回到家就感覺肚子不舒服，翻來覆去也睡不好覺，清晨就醒來痾肚、嘔，把花膠都嘔了出來。平時對於餐廳味道不好吃我也不會寫劣評，但是這次的情況我也是第一次遇到，實在是太過分。我對你們的菜已經失望，以後再也不會幫襯，都希望大家吃之前也要好好留意。…查看更多

平時夜晚經過見到多人排隊，睇到介紹又話好好食好正咁咁岩lunch hour經過附近就諗住去試下12點幾去到舖頭，有個女職員係企正係門口擋住個入口講電話，同佢示意幾多位後都冇讓路，仲以為唔開lunch time，再示意兩次後，舖入面既職員先見到叫讓開食左成餐個女職員有入黎做野都不斷講電話，只有一個男職員相對醒目有留意d客食物方面只可以講唔合格生熟牛肉係全熟上，根本唔係果回事，d肉一pat pat痴埋而唔係一片片牛腩牛丸凍凍地，牛腩難咬開食過一次就夠，冇原因要再幫襯…查看更多

店舖位於商場外圍，必須走出商場沿外圍走方可到達。店內位置不多，但乾淨衛生。食物份量一般，男生可能不夠飽，可能對越式食品沒有多大愛好，只覺得味道就不過不失吧，如果不用等位，可以一試。…查看更多

銅鑼灣人氣排隊越菜開到屯門，火車頭湯粉內竟然有花膠😱😍🔻招牌春嬌火車頭湯粉 💰79湯粉湯底比較清，配料有生牛肉、花膠、牛腩片、牛丸，肉量超多，估唔到花膠都可以放入火車頭入面😱值得一提係牛丸可以食到好重牛味，唔係我地隨便去超市買果啲😍🔻招牌蔥油烤牛肉撈檬 💰56烤牛肉係用免治牛肉，其他配料有青瓜、胡蘿蔔、炸蒜同蔥油，撈完後全部食材可以好好融合一齊，加上越式酸甜汁，好清新開胃😋🔻碳燒豬頸肉 💰82豬頸肉焦脆有燶邊，肥瘦適中，厚度切得啱啱好，肉質軟淋，可以沾埋泰式酸辣汁，幾香口😁🔻凍椰汁冰 💰34呢杯椰汁冰超級濃厚，放左超多椰漿，超重椰子味🥥🔻凍珍多冰 💰36珍多冰就係起椰汁冰嘅base上加左好多綠色一條條嘅煎蕊🥤…查看更多

特登黎食「花膠叻沙」，星期六下午茶時間黎到好爆場～👉🏻招牌春嬌火車頭叻沙超級大碗～食叻沙一大片花膠好震撼。牛肉熟度控制得幾好（可以揀生上或熟上），牛腩片都唔會乾柴，牛丸一口爆汁。揀左配檬粉，特別吸湯，堅正。叻沙湯夠濃郁，椰奶味足夠，係唔多夠辣，餐廳有辣椒粉可以任加。👉🏻越式香茅雞翼5隻大雞翼，炸功幾好無乜油又夠香脆。👉🏻越南春卷配奇津薯條下午茶有啲套餐幾抵食，呢個薯條已經調左味，小小辣幾惹味。👉🏻凍志明奶茶(套餐$12)多煉奶好飲呀，茶味濃郁。…查看更多

春嬌係屯門開第三間分店，仲係試業中，餐廳環夠細，但裝修簡樸，一眼就睇得出係一間越南餐廳🇻🇳▪️招牌春嬌火車頭 💰79 牛骨湯底 清甜不膩配料有生牛肉 牛腩 牛丸 仲有一條滑捋捋勁長嘅花膠 清甜但吸唔到牛湯味▪️香茅雞翼撈檬💰62配有青瓜🥒紅蘿蔔絲🥕蔥油🧄炸蒜，加上越南酸甜汁及魚露，好清新，十分適合熱辣辣嘅天氣，十分開胃。香茅雞翼炸到半脆，有三隻。▪️馬拉盞通菜💰60份量十足，十分惹味。晚市有加一服務費，沒有跟餐飲品，但第二杯半價。…查看更多

想係屯門食越南菜唔單止係得屯市入面嫁🇻🇳其實走出去外圍就已經見到呢間小店，咁就唔洗擔心大集團既質素參次啦🍲。上網揾先知原來屯門呢到唔係第一間嫁，佢地係將軍澳同銅鑼灣都有分店，果然有品質保證先可以陸續係唔同地區擴張👍🏼而今日黎到都keep住full house，而外賣既單都keep住無停過🥡。🐒河內麻香手撕雞粉皮💰$76👉🏻 凍志明奶茶$38🐒魚片頭配魚腐撈檬💰$60👉🏻 凍咸檸七$16(半價)🐒越式香茅雞翼(5隻)💰$58🐒蒜蓉炒通菜💰$58食物方面我幾中意佢個麻香手撕雞粉皮🐓因為佢首先夠辣，而佢個粉皮係煙韌個種，雖然係涼拌但個口感都keep到好好而佢個魚腐係自家製既，係出面未試過呢種口感既魚腐🐟配埋個撈檬汁夏天食真係一流☺️。因為依家做緊野飲第二杯半價，所以我就揀左杯志明奶茶試下🥤感覺同泰式奶茶都幾似，因為都係落左練奶去整，所以特別滑…查看更多

屯門行街見到新開咗間越南餐廳，叫「春嬌」幾特別，加試天氣熱好想食撈檬，所以就入去試下。餐廳細細間幾別緻，坐位唔多。📌香茅豬扒撈檬 $62🥙📌香茅雞翼撈檬 $62🥙配料有青瓜絲、紅蘿蔔絲蔥油同花生碎，食落口感豐富，蔥油香味好出，撈埋青瓜絲同紅蘿蔔絲中和返好清新，再加上酸味味嘅越式酸甜汁，十分開胃，非常啱夏天食。鍾意食辣嘅朋友，可以自己加啲辣椒乾會更加惹味😋🥩香茅豬扒份量十足，有2大塊，醃得好入味，肉質幾juicy，唔會太乾。🍗香茅雞翼有3大隻，炸得金黃香脆。📌脆炸米網蝦春卷 $48 🫔即炸熱辣辣，脆卜卜，餡料有芋頭蓉令香氣更出。📌凍志明奶茶 （跟餐+$12）📌凍越南煉乳咖啡 （跟餐+$12）志明奶茶有驚喜！揀咗少奶少甜，茶同奶嘅比例啱啱好，茶味香濃又唔會澀。…查看更多