星馬館 (已結業)

兩點後的下午茶，不過不失。雞翅是脆，多士夠脆又夠味道。下午茶黎講價錢合適中。餐牌的下午茶西式為主，都系馬來星馬風味。下午茶多數在30-40左右期間的價錢，份量當然不會是太貴，加埋杯熱奶茶，（不銹鋼杯），都幾大杯，不過我話自己落糖，呢杯奶茶就好似同麥當勞一樣。蘿蔔糕有新意，但如果蔥再熟啲，芽菜似乎無味道。蘿蔔糕就太熟，相對黎講入味可以，不過蔥同芽菜少少失望。環境在餐廳黎講算可以。侍應接待我哋是阿姐，下午茶時段在呢區不算太旺。有求必應還可以。…查看更多

呢間野係長期都無人，無輪咩時間都係咁，無乜人食所以無乜侍應，無乜侍應所以無人落單又搞到無人食，無限loop。但其實野食都正常，早餐有個餐蛋治飲品只係$28仲要新鮮煎同厚切餐肉。午餐個海南雞飯都唔差。點都好過另一邊既台灣藍店咩幸福十份，一見到台灣店個老細就令我諗起葉劉條o靚阿珮姐，有次睇住個老細一見珮姐就烚熟左個頭，萬千喜悅之心黎迎接珮姐安坐平時唔會serve你既入面寬敞位置，只那次後，就沒有幫襯過十分幸福藍。…查看更多

早餐A+B自選其實不錯，但食物一般，尤其是個豬扒比較難食，反而個斑蘭朱古力多士不差，幾鍾意。我想特別指出⋯早餐時段十分唔夠人。無人落單，見到有不少食客因為無服務而離開:(…查看更多

經過海怡食個下午茶，嚟左呢間，難食到唔知點形容。個肉骨茶豬肚三層肉米粉最難頂，湯頭聞有藥材味，但食落係完全冇味，啲豬肚好似洗完就掉入去煮，冇味之餘，大大舊食落去令人難以忍受，另外家人叫的燕餃是酸的，佢仲以為係特色，食晒。最正常係雞翼加西多士。…查看更多

有一排冇嚟海怡半島食飯, 今日過嚟食午餐之前有食過呢間餐廳, 印像中都ok, 所以都幾肚餓之下, 對佢有啲期望🙏午飯時間一點幾, 入座嘅時候餐廳大概得三成入座率, 稍稍覺得奇怪🤔🤔🤔🤔嗌咗我次次嚟親都吃嘅果醋豬軟骨飯, 淨係望個賣相唔錯, 但係... 個飯係凍嘅, 啲汁都係凍嘅, 得三片薄薄嘅豬軟骨😑, 有啲花生做配菜, 不過啲花生係淋嘅😤！ 我嘅食嘢份量不算大食, 但係食完都唔夠飽🤦🏻‍♀️🤦🏻‍♀️🤦🏻‍♀️而家商場附近開多咗其他餐廳, 如果佢keep住咁嘅“水準”, 應該好快...…查看更多

鴨脷洲星馬館經過好多次，終於尋日入咗去幫襯，食左個既吾好味又不快嘅早餐。首先，喺呢度食早餐嘅人一定要係有高度耐性，落咗單之後半個鐘都未有嘢食，期間都有一台等到走左。肉骨茶聞落去幾濃 但食落個味好古怪 一份凍嘅多士 明顯係早起咗好耐 呢杯椰子特飲 最基本連一支匙都冇俾下低嗰一堆好傑嘅椰漿(煉奶狀)拎支筷子去搞點搞都唔勻 成杯椰子咖啡只有極甜椰子味 冇乜咖啡味最後，雖然星期日可以輕鬆啲，吾使咁chur但坐半個鐘連杯嘢飲都上吾到，啲嘢又偏凍，所以永不再去 …查看更多

After a day at Ocean Park, we hopped the MTR and headed here in search of something to eat. It was here we found a mall and a place called The Mekan.The place was colorful and served Malaysian food. The menu is in English and Chinese. As we were here during afternoon tea time, they offered an afternoon tea menu that included a drink. The three of us decided to order four sets to share.Satay Skewers in Chicken and Pork ($38). This came with four skewers of either chicken or pork. We could have two of each so we did that. The meat was ok though the pork was a bit dry. The satay sauce was way too salty.Hainan  Chicken Rice ($52). This came with soup and rice. The rice was actually quite good. Nice amount of chicken flavor. The soup was a basic chicken soup with a bit of pepper added. The chicken was moist and tender.Black Radish Cake ($42). This was not my favorite. It was too mushy and soft. It looked really salty but it actually wasn't. There wasn't much flavor at all.Kaya Toast ($25). The bread was toasted but it was mostly just butter. There wasn't a lot of kaya and tasted mostly of butter.The food was ok. Not great but not terrible. For those living in the area, it's decent enough.…查看更多

星馬館是商場內新開的食店，主打星馬兩地的美食。店內裝潢基本上與上一手魚米家無大分別，整潔舒適感普通喇！週六下午茶時間段入座有一系列下午茶餐供應，主食連飲品由 $25 起。同時段亦有午市套餐選擇，款式更多。海南雞飯是餐廳的招牌菜，雞件早已去骨，吃起來啖啖肉，滿足感十足。雞肉出品十分稚嫩，清甜味鮮富雞香，水準予人驚喜。另一食品豬頸肉喇沙，喇沙湯頭微辣惹味，椰漿味重，正合小編所好。相比之下，各配料包括豬頸肉的味道皆未見出眾。喇沙味重帶辣，配搭清涼溫和的凍冬瓜茶最好不過。今次下午茶時段造訪，只能淺嚐一兩款美食。招牌海南雞水準佳，沒令人失望。有機會再來吃正餐，試試其他招牌菜。…查看更多

兩個人，叫左一個菜，一個肉骨茶。可能食開蘇媽既馬來野，對比之下，覺得有啲.....可笑，或者頓時先發現原來而家食野可以賺得咁盡？個菜$55呢個份量ok ge, 可接受（接受到個價錢同呢個份量），不過好多油有啲鹹。但個肉骨茶，$48一條肥骨同個湯就唔多抵。最有趣係黎左個飯同個湯，一打開搵唔到一條骨，我以為係骨另上咁特別？等左一陣唔對路，一問之下，佢話：「吓唔記得俾舊骨你呀，唔好意思」禮貌係好好既，不過野食一般又極唔抵。佢咁講即係舊骨同個湯唔係一齊煮既。不過舊骨的確係無味，個湯有味既，不過好淡。海怡係多個選擇既，不過我唔會再去了。走左先後悔無影相。…查看更多

由原本超唔好食嘅湯加變成星馬館，老老實實，嘢食嚟計真係唔太差。不過由於位置問題，冷氣實在太勁。影響環境質素。淨係坐喺度等嘢食出嗰3分鐘，都真係凍到騰騰震。講返嘢食，不過不失。不過價錢又不算便宜。一碗牛肋條喇沙，溯價$75。如果食魚蛋魚片喇沙，好似實惠一啲。其實叻沙湯底唔算差。叫做喺海怡半島呢一個飲食沙漠，有唔同口味嘅嘢食咁解。而且尚算食得落口（叻沙嚟計）。我睇坐隔離枱嘅海南雞飯套餐，估計行上多一層，去美心食sir滑雞會好啲。…查看更多