星記美食

好多人對上水的印象就是一個充滿水貨客的地方，雖然水貨林立，不過亦都有唔少食店等緊大家去食，其實上水有好多好食又平既地方，有好多小食店，想食飽又或者輕食都無問題😁今次嚟到天平商場星記買外賣，我同家人都喜歡食佢個burger 配沙律，沙律好清新有我最愛既椰果，另外再叫個酸辣湯米線，食完唔口渴，味精唔重，可能無味精添， 涼涼地食熱野非常舒服，佢仲有好多唔同小食，不過今日唔係太餓，下次可以嚟再試吓其他野🤓…查看更多

今次大概1點左右去幫襯成盒焗豬包實放係焗爐仔中保溫黎出黎仲係熱辣辣賣相及份量充滿驚喜未打開啲料好似就黎滿瀉咁打開後豬扒/蕃茄仔/菠蘿好足料而且扒豬扒好有誠意預先切好左件非常厚身份量足且唔靭唔鞋原以為放係焗爐keep住加熱會老晒可能佢旁邊仲有少少脂肪連住入口肥瘦適中，唔喜肥亦好方便咁cut走旁邊果少少肥，我大概每舊切左一塊尾指指甲大小的脂肪仔出黎 only，所以整體肉嘅部份極充，唔會出現骨多脂多肉少狀況蕃茄醬我覺得濃度黏度剛好飯底好似係有加蛋嘅炒底粒粒分明唔黏身正$37 一盒高質焗豬飯 + $5 一杯奶茶（較普通）唔知係咪心理因素平時食大xx 果啲焗豬食完仲有少少意猶未盡呢盒食完好飽😂 晚飯都唔使食遠少少特登行去買都覺得係值的非常支持…查看更多

上水抵食外賣店🌟星記美食—————— ʕ•͡ᴥ•ʔ ʕ•ᴥ•ʔ ♥︎ ——————屋企有陣時懶得煮飯就會食外賣🤩住附近咁啱見到呢間上水新開嘅舖頭🫣✨價錢好抵食 就一於買嚟試吓😋🧀芝士雞皇焗飯💲3️⃣5️⃣本身諗住試皇牌焗豬扒飯🐷但係個日已經賣晒 所以就嗌咗呢個～佢哋嘅焗飯全部都係即叫即焗🙌🏻等個陣仲見到佢哋係焗完個飯先放塊芝士上去用火槍燒🔥 芝士味超濃郁🧀啲雞份量都幾多 仲要夠哂滑🐔個焗飯仲係蛋炒飯底🤤👍🏻而且加左白汁都唔會好漏😆🌶️招牌酸辣湯麵餐💲2️⃣4️⃣老闆話佢對佢哋啲湯底都幾有信心🤫所以我哋都嗌咗呢個招牌酸辣湯麵佢有啲酸菜.花生.芫荽做配料～食落冇乜味精 唔同出面嗰啲 食完會好想飲水👍🏻辣味都岩岩好 唔會係死辣個種😆仲加左墨丸同牛丸兩個餸 夠哂豐富✨🍅蕃茄濃湯牛肋條麵餐💲2️⃣5️⃣有冇人都係好鍾意蕃茄湯🙋🏻‍♀️佢呢個蕃茄湯好濃 啲麵仲要索晒啲湯😍牛肋條炆得都夠淋 仲要大大舊同夠入味😋超級建議✨住附近嘅街坊要試下呢間平民抵食外賣店🤩—————— ʕ•͡ᴥ•ʔ ʕ•ᴥ•ʔ ♥︎ ——————📍星記美食 上水天平路48號天平商埸地下天平街市3號舖…查看更多

本身諗唔到上水仲有咩好食，見 openrice 最新餐廳有非常好comment，就諗住一試。本身想食焗豬，可惜賣晒。改試蕃茄牛米，不得了，痴線地好食。湯米分開裝，返到去試左淡湯，個湯係羅宋湯 level !!!!! 已經勁驚喜。仲要有4-5件大大舊牛（多肉無乜肥膏，不過作深色可能雪左好耐），今時今日25蚊食到咁嘅質素，真係要感動到喊出黎，簡直係我地呢啲窮鬼嘅恩物！！！食晒成個面連湯非常飽！如果可以齋買湯就好👍🏻方便返屋企再加工。會再幫襯試埋個焗飯！（唯一怪怪地係個贈送嘅配菜/ 醃菜，應該係醃蘿蔔？但係有陣臭膠味，但因為係分開裝，唔影響個米）…查看更多

工作咗成大半日，都開始有啲肚餓，叫返個下午茶餐食先，一於閂埋個電腦唔睇住，食咗嘢先講🤔隨手上網睇吓有乜嘢食，見到呢間下午茶幾抵食，好肚餓，就叫幾款食吓，食物嚟到都仲係熱的，唔錯😊➡️四隻雞中翼加薯條：雞翼炸得好香，雖然送外賣嚟到焗住有少少腍咗，但係都仲感覺到外皮仲有小小脆口，而且雞肉亦都好嫩，相信熱辣辣嘅時候仲更加好食，薯條吃的時候仲係脆的👍➡️雞髀加雜果沙律：雜果沙律，沙律醬適中均勻，而且味道調較得好好味，入面有椰纖果、粟米、生果粒……..➡️招牌酸辣湯麵餐：配墨魚丸、腩片、大紅腸、午餐肉、魚片頭。呢個酸辣汁好正，又夠香又夠味，腩片咬落好有口感，餸菜都足料呢間嘅外賣都唔錯，得閒都可以叫吓黎食，味道價錢都屬於平，抵食👍…查看更多

今日係上水附近打波，朋友帶左我去天平邨醫肚，一入街市就見到呢間星記，咁岩老板同我地講係新開，睇個餐牌真心平到喊，叉燒湯麵都係26蚊咋，蕃茄牛肋條湯麵都係25蚊，真超抵，我已經好耐無係香港食到呢啲價錢，講真都出番市無50蚊都搞唔掂，仲要份量上一啲都唔小，蕃茄牛肋條湯麵畀足幾粒大大粒嘅牛肋條粒，入口啖啖肉，對岩岩打完波嘅我地黎講真心好醫肚，50蚊前后食兩個麵餐真係好抵，聽老板講佢地個焗豬飯都好正，搵日再黎呢邊都會再黎星記美食呢邊再食下，因為性價比無得頂，簡值糧尾救星…查看更多

今日同幾個朋友一齊去跑步，跑下跑下不知不覺間走咗入一條行人隧道，過咗條隧道，原來入咗一條村叫做天平村，記得以前有套卡通片叫做IQ博士，入面有條村叫做天神村😂😂😂😂原來上水有個天平⚖️，竟然俾我發現咗一個隱世的美食😀😀😀😀————————-跑完步都有D肚餓，幾條友仔入到去睇吓有乜食，見到有魚蛋燒賣.立即叫嚟食醫下肚先😂😂😂😂😂——————-魚蛋燒賣🍡：魚蛋燒賣醫吓肚沙爹味道好夠濃呢度嘅食物都唔錯咁就幾條友買咗幾款出去公園一路食一路傾，食完再繼續慢慢散吓步😜—————————-🍔手打牛肉漢堡包配雜果沙律🥗：自家手打肉質嫩滑，新鮮即製👍————————🍜招牌酸辣渴麵：酸辣味道啱啱好，酸菜又夠多、花生🥜、芫茜、肉碎夠香夠味道，正👍—————————🍅蕃茄濃湯牛肋條麵：足料鮮蕃茄湯🥣、蕃茄味道濃郁，牛肋條炆得夠腍入味，軟熟有肉汁——————————🍜叉燒湯麵🍜：叉燒軟熟滑溜好味😋⋯⋯湯麵🍜質感彈牙，時間恰當—————————-🍚招牌焗豬扒飯：必吃的招牌焗豬扒飯，厚切豬扒焗得夠香夠脆，鮮茄烹製燴飯，炒飯底夠香，厚切的豬扒更是做得相當好吃，連我一向小吃飯的人也讚不絕口👍確是做得相當出色的一個招牌焗豬扒飯👍👍👍👍👍————————-🍝蒜香雞肉意粉：蒜蓉味道濃郁、雞肉嫩口、意粉軟硬度適中，咬落彈牙口感，這裏的食物確是做得相當出色————————-蕃茄肉醬意粉🍝：新鮮蕃茄足料配製，肉醬又多，意粉濃郁味道又夠香👍—————————-閒時跑下步..朋友相聚…隱世的美食😋其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-…查看更多