星聚軒

秋風起約好友食大閘蟹放題$498佐敦《星聚軒》兩小時任食大閘蟹、片皮鴨、生炒糯米飯、糖水、糕點，環境舒適美觀設有VIP房可唱歌🎤。酒樓贈送每位客人蠔皇8頭鮑一隻：鮑魚腍滑，醬汁味道濃香。小米燴遼參一客：切件遼參軟淋，黎麥&小米清香，濃雞湯底好濃郁口感豐富。大閘蟹有清蒸&花雕蒸：清蒸：蟹肉鮮甜爆曬膏，花雕蒸：蟹肉有酒清香，醮蟹醋提升味美味。片皮鴨：皮脆肉嫩，配薄餅、京蔥、青瓜🥒、醬汁包住好美味😋生炒糯米飯：臘腸味香飯炒得爽口好食。甜品：有薑汁湯圓、大良鮮奶、黑糖糍粑、薑汁千層糕，椰汁百香果糕、蘋果奶黃包，我覺得湯圓和千層糕最好食。註：除大閘蟹放題，還有中式私房菜，價錢中等，手工點心即叫即做，就近佐敦地鐵站交通方便，最適合親朋好友聚餐。…查看更多

鍾意食大閘蟹，唔好錯過呢個超值嘅大閘蟹放題優惠！🙂‍↔️呢間餐廳真係好吸引，唔單止有新鮮大閘蟹，仲有多款中式私房菜等你嚐試😝價錢方面都算中等，絕對值得一試！😍餐廳入面環境舒適，非常適合同親朋好友聚餐。你可以一邊享受美味嘅大閘蟹，仲有片皮鴨仲有其他食物🥘小米燴遼參：呢個湯好香濃，雞湯味道濃郁，加上遼參同小米，口感真係好豐富！絕對會帶來驚喜🤩蠔皇8頭鮑魚：鮑汁味道鮮美，彈牙入味，真係好濃郁。如果鮑魚大隻啲就更加完美啦！💗大閘蟹美味有三款口味：《清蒸》、《花雕》同《鹽油焗》。大閘蟹嘅蟹膏好濃郁我自己特別鍾意清蒸同花雕。清蒸最能夠食到新鮮嘅鮮味，而花雕則有淡淡嘅酒香，感覺好暖胃！鹽油焗就更加惹味😘除咗大閘蟹，仲有任食嘅中菜、手工點心同甜品，全都係即叫即整，唔使等北京片皮鴨：皮脆肉嫩，口感一流。生炒糯米飯：好足料，香氣十足，令人食得停唔到口。甜品方面：紅棗糕、椰汁桂花糕、黑糖糍粑、炸鮮奶、蘋果包、熱情果椰汁糕，當然少唔到薑汁湯圓，真係好味！仲可以點選餐廳嘅手工點心，隨叫隨做，保證新鮮美味。無論係蝦餃、燒賣定係春卷，味道都相當出色，令人回味無窮…查看更多

今日同屋企人去食大閘蟹「放題」餐廳一早標明每次每位只可能點2隻蟹（每個口味各一），咁等蟹期間諗住食其他「自助任取」野食醫下肚，點知唔係自助任取，係要落單再等職員上菜形式咁上，食完第一輪片皮鴨再叫，等左30分鐘問先話無哂！話送每位半隻乳鴿，點知到臨交枱前30分鐘先送左一隻乳鴿上枱。7點入座，第一輪蟹7點半先到，明白蟹蒸要時間，所以蟹一上枱我地立即再落單，但有位男經理語氣不耐煩咁表示要食完先可以再落，每輪蟹蒸半個鐘，又每次只可以一人兩隻又食完先可以再叫，入座又限時兩小時，如果做唔起放題就唔好做任食啦，見到有留言話一個人一張單唔只可以叫2隻，真係唔知係咪打手啦。所謂大閘蟹，先唔講佢有無膏，係連基本蟹味都無，拆開居然係隻「空心蟹」！同埋都係2至3兩既蟹，真係應該無必要蒸30分鐘。仲有薑湯湯丸個湯凍既，湯丸中間個芯仲係有冰，完全未熟。最後埋單3位1700蚊，當以身試伏買個教訓！…查看更多

最近去咗位於佐敦既星聚軒，真係好開心！佢哋而家推出咗一個超值的大閘蟹放題，只需$498，就可以任食大閘蟹、片皮鴨、生炒糯米飯同埋各種甜品，真係好抵食啊！而且，每位客人仲會送一隻蠔皇8頭鮑同埋小米燴遼參，成件事好高級😋餐廳位置非常方便，距離佐敦地鐵站只係幾步路，地理位置一流🏙️ 入到去，環境都唔錯，裝修簡約而又有格調，令你喺食嘢嘅同時都可以享受到輕鬆嘅氣氛✨講返大閘蟹，佢哋提供清蒸同埋花雕兩種做法，咁樣可以滿足唔同口味嘅客人。我試咗清蒸，蟹肉鮮甜，而且非常爆膏，至於花雕蒸蟹，酒香四溢，食落去更加有層次，真係回味無窮🍶片皮鴨方面，皮脆肉嫩，真係好滿足！🥢 生炒糯米飯亦都唔可以錯過，飯粒粒分明，口感豐富，真係一試成主顧🍚最後，甜品方面，佢哋有薑汁湯圓，黑糖糍粑，薑汁千層糕，暖暖地食落去，仲有滋補作用，真係好開心😊 總括來講，星聚軒呢個大閘蟹放題實在值回票價，無論係食材質素定係服務態度都令人滿意👏 想食海鮮嘅朋友絕對唔可以錯過！下次我一定會再來！🌟…查看更多

同朋友一齊去食2025年第一餐大閘蟹自助餐， 黑衫經理同侍應姨姨都好好服務態度，四個人，食左差唔多60隻蟹，我估計係2.5-3両裝既大閘蟹，叫咗兩輪片皮鴨，每樣甜品都試咗，大閘蟹九成質素都靚，爆膏因為今年上網睇評價，好多間大閘蟹自助餐評語都麻麻地，所以唔敢搵網紅介紹嗰啲，呢間係自己搵，本來好驚質素差，會比朋友鬧，但好好彩，朋友們都好滿意，尤其是侍應姨姨服務真係好，幫我哋換碟，經理同侍應姨姨都有幫我哋追廚房，平均20分鐘上到一輪，同其他舖頭唔同，唔係每人每次只能夠叫兩隻，我哋平均每張單都叫20隻，有上齊俾我哋，所有大閘蟹都冇死蟹，冇黑膏，薑茶都係一輪輪煮，唔係預製菜，因為朋友都食得好快下，所以有催廚房質素與服務態度令我特登黎OpenRice評價，今次係第一次做評價…查看更多

大閘蟹季節又嚟啦，今次我嚟到佐敦星聚軒享受佢哋嘅大閘蟹放題，$498一位就可以任食大閘蟹啦！真係好開心！🥳 首先，我試咗小米燴遼參，呢個係每位都有一煲嘅🥰雞湯香濃加上遼參同小米，口感豐富，食落去真係好滿足！跟住我又食咗蠔皇8頭鮑魚，呢個都係每位有一客嘅👍 鮑汁嘅味道鮮美，鮑魚彈牙嘅口感令人忍唔住想再嚐一口！如果佢再大隻啲，肯定更加完美！講到任食大閘蟹，呢度有兩種口味可選：清蒸or 花雕，清蒸能夠保留到最原汁原味，而花雕蟹帶有淡淡嘅酒香，食落去暖心暖胃！好新鮮好好味好食到震！我總共食咗15隻！😂除咗大閘蟹，店裡仲有任食嘅中式菜、手工點心同甜品，全部都係即叫即整。北京片皮鴨外表脆口，內裡嫩滑，味道一流；生炒糯米飯香氣四溢，份量都好足！甜品方面選擇相當豐富，有紅棗糕、椰汁桂花糕、黑糖糍粑、大良鮮奶卷、蘋果包、熱情果椰汁糕等等，當然唔好忘記薑汁湯圓，我一口氣飲咗兩碗，又好飲又可以驅寒！呢個大閘蟹放題優惠真係好吸引！😌 店裡除咗大閘蟹放題，仲有中式私房菜，價位適中，手工點心即叫即做，保證新鮮美味！而且，佢距離佐敦地鐵站好近，交通方便，適合同朋友或者家人聚餐。總括而言，佐敦星聚軒真係一個值得一試嘅好地方！…查看更多

🦀 秋蟹爽爆！佐敦星聚軒大閘蟹放題，抵食到飛起！😍喂喂喂～秋天到，蟹膏肥！最近同幾個兄弟直扑佐敦星聚軒，嚟個大閘蟹放題爽一爽！呢間酒樓喺佐敦彌敦道219號莊仕倫敦廣場8樓，行出佐敦地鐵C1出口幾分鐘就到，超近！（地址：佐敦彌敦道219號莊仕倫敦廣場8樓，電話：2363 0836）無論係同屋企人定係同friend開party，交通咁方便，點都啱！講真，佢哋嘅大閘蟹放題真心係蟹迷嘅天堂！每位$498起，2小時任食江蘇靚蟹（3至6両，啖啖蟹膏，肥到漏油！）清蒸、花雕醉，點煮都好食！仲有片皮鴨、生炒糯米飯同甜品自助，升級套餐甚至送鮑魚，抵到傻！我們兩條友，每人輕鬆KO咗10隻蟹，邊食邊吹水，笑到蟹殼滿天飛😂 想去記得book位，蟹季真係爆滿！除咗蟹，星聚軒平時嘅中式私房菜都好有水準，價錢唔貴（人均$200-300咁上下），環境又夠chill。手工點心即叫即整，熱辣辣上枱！我哋順便試咗蟹粉湯包同蟹粉瀑布麵，哇，蟹香爆棚，食到停唔低！想同家人朋友聚餐，呢度真係唔錯嘅選擇，粵菜、海鮮、燒味，樣樣有，樣樣掂！總之，星聚軒係佐敦嘅隱世蟹王，蟹放題又抵又滿足，近地鐵又好聚！秋季限定優惠，唔好再等，快啲約人去食啦～食完記得IG tag我你嘅蟹照啊！🦀🔥#星聚軒 #大閘蟹放題 #佐敦美食 #蟹膏控 #港式酒樓 #FoodieHK #秋季必食 #佐敦打卡…查看更多

秋風起又到食蟹既季節🫢今晚終於同蟹皇去呢間性價比唔錯既大閘蟹放題「星聚軒」😍提供無限任食大閘蟹🦀真係好啱我哋呀🤪除左大閘蟹放題🙌仲全天供應手工點心添🤩🎯大閘蟹三種口味🩷清蒸大閘蟹保留最原來新鮮味道又爆膏🩷花雕蒸大閘蟹啖啖帶有酒香誘惑升級 🩷鹽油焗大閘蟹鹹香十足🪿現片北京片皮鴨😍脆皮油亮🤩🤩小米薈遼參飲落暖粒粒🥰仲好滋補暖胃😋糯米飯用料十足😌口感煙韌😋✅ 甜品控不能錯過呢度六款手工甜品 暖心薑茶湯丸（吃蟹驅寒必配） ❤️會拉絲的黑糖糍粑❤️大良鮮奶卷 ❤️清香椰汁桂花糕❤️薑汁千層糕🍎萌爆蘋果包🙌加$30任飲汽水 或 $50升級Asahi任飲（配蟹超解膩）📍佐敦站3分鐘直達⏰ 2小時充足用餐時間👨‍👩‍👧‍👦 適合蟹癡團/情侶慶祝/家族聚會…查看更多

星期六同朋友心血來潮想食大閘蟹上網見到呢間有任食兩小時大閘蟹放題滿心歡喜上去試吓，食物同環境係還可以我哋大約8:45pm上到去，10pm已經話廚房last order 當時侍應都冇問我哋最後嘅甜品揀邊款本身已經諗定薑茶湯丸，諗住食到差唔多尾先叫未夠10:30pm已經見個場啲侍應收哂工成個廳只有我同朋友喺度，一個侍應都冇原來有個經理喺間房度同佢講要糖水佢話廚房收咗，得椰汁桂花糕冇諗過佢竟然喺個雪櫃徒手（冇帶手套）拎出嚟放喺隻碟遞俾我！（極度唔衛生）跟住就急急腳入返佢間房繼續玩平均每人都要$600，咁樣嘅服務態度一定唔會有下次！…查看更多

朋友生日，見到呢間大閘蟹任食未試過，睇到評價都好似唔錯，咁就孤注一擲去試一試，環境係幾舒適，兩個人安排卡位，仲有電視睇，樓面姐姐服務非常好，一坐低已經幫我哋點咗12隻大閘蟹，仲主動拎啲小食俾我哋食住先，期間會幫我哋換茶，片皮鴨就一般般，鮑魚都幾好食，仲有百香果椰汁糕幾特別幾清新，到咗主菜大閘蟹，冇咗鹽焗，得清蒸同埋花雕，感覺分別唔大，但就全部都係得公蟹，間中一兩隻有苦味，整體蟹質素尚可，但食緊第一轉仲剩兩三隻想落定order嘅時候（蒸蟹要15分鐘），着西裝男部長話未食晒唔可以落，咁就無奈地食剩一隻嘅時候再問樓面姐姐先至可以再落，加得8隻，前後只係食咗兩轉，兩個人淨係食咗20隻，都真係幾唔夠喉，不過冇辦法啦，人哋唔肯落order，最多冇下次。。。兩個人頭連茶水同10%服務費，都差唔多$1200，呢個價錢應該可以有更多選擇🙂…查看更多

又到大閘蟹🦀季節了，今次同食大閘蟹放題😍小米燴遼參：香濃既雞湯，好濃郁、仲有遼參同小米，口感豐富！絕對有驚喜💕蠔皇8頭鮑魚：鮑汁鮮味彈牙，味道濃郁，如果大隻啲就更加好😆大閘蟹🦀有3️⃣款口味：《清蒸 、花雕 、鹽油焗》大閘蟹蟹膏濃郁，我比較喜歡清蒸及花雕 ，清蒸最能食到鮮味，而花雕有淡淡既酒香味，感覺好暖胃！而鹽油焗就好惹味呢‼️除咗大閘蟹，仲有任食中菜、手工點心、甜品；全都係即叫即整架👍✨北京片皮鴨 ：片脆肉嫩✨生炒糯米飯：非常足料，香氣十足✨甜品：紅棗糕、椰汁桂花糕、黑糖糍粑、炸鮮奶、蘋果包、熱情果椰汁糕……當然唔少得 薑汁湯圓、我都飲咗2碗，要驅一驅寒！…查看更多

大閘蟹季節又到啦，每年都要食最鍾意就係食任食，呢個放題真係不得了除咗大閘蟹可以任食，仲有片皮鴨，糯米飯同埋多款甜品自助任取，大閘蟹仲可以揀款式，清蒸，花雕蒸/鹽油焗款式咁多真係第一次見，新鮮嘅蟹我個人比較鍾意清蒸隻隻都手板咁大隻，食得好過癮，而且每隻啲膏都好多，超級香，熱辣辣好好食佢仲要送咗八頭鮑魚同小米燴遼參，兩樣都好好食甜品有：薑茶湯丸，椰汁桂花糕，黑糖糍粑 ，薑汁干層糕，大良鮮奶卷，蘋果包超近佐敦地鐵站，交通方便，去完尖沙咀行街過嚟都好方便除了大閘蟹放題，仲有中式私房菜同埋手工點心，即叫即做，望住人哋喺包房裏面玩得好開心，唱晒歌咁我都想做入面嗰個一齊玩🤣環境都幾舒服，就咁細卡位都有獨立電視，一路食一路睇愛回家🤣🤣🫣…查看更多

🦀✨【蟹迷天堂！佐敦星聚軒任食放題登場】✨🦀秋天唔食蟹，等於白過！星聚軒推出兩小時任食大閘蟹放題，蟹膏爆滿、鮮味撲鼻，食到唔想停😝🎁 入座即送：・蠔皇8頭鮑魚一隻（鮮嫩入味，口感厚實）・小米燴遼參一客（滑溜香濃，養生又滋補）🦀 大閘蟹三重奏：🔸 清蒸 — 原汁原味，蟹膏濃郁黏口🔸 花雕 — 酒香撲鼻，鮮甜中帶微醉🔸 鹽油焗 — 香脆惹味，蟹香升級🆙自取任食🦆 北京片皮鴨（皮脆肉嫩，甜醬香濃）🍚 生炒糯米飯（粒粒分明，臘味香氣撲鼻）🍮 多款甜品（馬拉糕、紅棗糕等，甜而不膩）⏰ 兩小時任食，款式多到唔夠時間食晒！…查看更多

#20250909 📝📍 #星聚軒 @starcuisine_hk佐敦彌敦道219號莊士倫敦廣場8樓 🍽️葵涌葵昌路72-76號Life@KCC 9樓九龍城啟德沐寧街10號Oasis Place 1樓G號舖➖➖➖➖➖➖➖➖➖➖➖➖➖➖➖➖➖ 🥢 #餐前小食 $15 🥢 #茶芥 $15/位💭 去開佐敦，就係地鐵站附近搵野食，一坐低乜都未叫已經會比碟小食頂住口癮先，陳醋雲耳酸酸地好開胃🤤個茶壺仲有個小火爐㷫住，唔會食到半路啲茶唔夠熱，全個配套都有份高級既感覺😂.#兩小時任食大閘蟹 $498/位 🥢 #蠔皇8頭鮑 💭 呢個係逐個人頭送，每人一碟好似去飲既感覺，鮑汁好濃郁，鮑魚切開好少少黏刀既感覺，咬落彈牙，再加上側邊舊嗦嗦聲既西蘭花，係好味既🥦. 🥢 #小米燴海參 💭 同樣都係按人頭送既限量菜式，呢個絕對係是日最有驚喜，淨係個湯頭已經勁吸引，啖啖都係香濃既雞湯，然後每羹都有啲類似藜麥既小米，有得飲又有得咬，呢個高分💯. 🥢 #大閘蟹 🫧 #清蒸 #花雕 #鹽油焗 💭 尼到今餐既重中之重當然就係大閘蟹，有三種煮法，清蒸最常見，原始既食法最能夠食到蟹既味道，點蟹醋食就更加帶出到個鮮甜🦀花雕聞落好香，有啲似醉蟹咁，食落就散發好淡好淡既酒香，驚酒味既朋友仔都可以試下🍶鹽油焗就最惹味，食膏既時候連殼吮簡直停唔到口呀🧂. 🥢 #紅燒乳鴿💭 本身個餐應該要係任食片皮鴨，後尾經理哥哥過尼話啲鴨唔太靚問轉乳鴿好唔好，有得轉梗係好，無理由食啲唔靚既野架嘛😅乳鴿啲肉好紮實，唔會太咸味道岩岩好，仲好juicy tim🦆. 🥢 #糯米飯 💭 如果驚淨係食蟹唔夠飽，咁呢個餐就絕對唔使擔心，皆因佢有得任食糯米飯，雖則話佢係任食咋，但一樣有齊臘味、冬菇果啲非常足料🤗. 🥢 #黑糖糍粑 #大良鮮奶卷💭 除左片皮鴨同糯米飯，甜品都係任食，叫左兩款炸既，新鮮炸起熱辣辣，糍粑就sell煙韌，鮮奶卷就sell滑捋捋，可以滿足鐘意唔同口感既朋友仔🥛. 🥢 #熱情果椰汁糕💭 另外又叫左個新奇有趣既糕點，椰汁桂花糕呢啲就經常有得食，第一次試個椰汁糕上面係配熱情果，兩樣加埋酸酸甜甜估唔到又幾夾架喎🍮. 🥢 #薑茶湯圓 💭 食大閘蟹最後點都唔少得要叫返個薑茶飲下，湯圓係花生餡，細細粒不過有流心效果🥜薑茶股辣勁好足，可以暖下胃很好🫚原來呢度除左大閘蟹放題，仲有中式私房菜食，啲手工點心即叫即整tim，下次真係要試下😏.#佐敦美食 #🐷在佐敦 #葵涌美食 #🐷在葵涌 #九龍城美食 #🐷在九龍城 #🐷_食 …查看更多

係鄰X買見買一送一八道菜套餐好似好抵，就買黎試下，都預咗廣告會同真實會唔同都打定7折，點知原來要得4折好多道菜都唔同咗1）龍蝦湯海皇燴燕窩變咗蝦粒，龍蝦消失咗，燕窩有少量2）金獎叉燒配腩仔變乳鴿，炸得偏乾3）琉璃玉簪蝦球變脆米炸蝦4）富貴炒飯5）燒汁煎魚扒6） 上湯蒜子菜苗7） 蠔皇五頭鮑伴花菇8）大師甜品紅豆沙，仲要唔熱本來諗住有蒸餸，點知全部都係炸咁滯，差啲食到喉嚨痛，兩位茶錢加一承惠 $750想試就要諗清楚…查看更多