星聚軒

大闸蟹季节又嚟啦，今次我嚟到佐敦星聚轩享受佢哋嘅大闸蟹放题，$498一位就可以任食大闸蟹啦！真系好开心！🥳 首先，我试咗小米烩辽参，呢个系每位都有一煲嘅🥰鸡汤香浓加上辽参同小米，口感丰富，食落去真系好满足！跟住我又食咗蚝皇8头鲍鱼，呢个都系每位有一客嘅👍 鲍汁嘅味道鲜美，鲍鱼弹牙嘅口感令人忍唔住想再尝一口！如果佢再大只啲，肯定更加完美！讲到任食大闸蟹，呢度有两种口味可选：清蒸or 花雕，清蒸能够保留到最原汁原味，而花雕蟹带有淡淡嘅酒香，食落去暖心暖胃！好新鲜好好味好食到震！我总共食咗15只！😂除咗大闸蟹，店里仲有任食嘅中式菜、手工点心同甜品，全部都系即叫即整。北京片皮鸭外表脆口，内里嫩滑，味道一流；生炒糯米饭香气四溢，份量都好足！甜品方面选择相当丰富，有红枣糕、椰汁桂花糕、黑糖糍粑、大良鲜奶卷、苹果包、热情果椰汁糕等等，当然唔好忘记姜汁汤圆，我一口气饮咗两碗，又好饮又可以驱寒！呢个大闸蟹放题优惠真系好吸引！😌 店里除咗大闸蟹放题，仲有中式私房菜，价位适中，手工点心即叫即做，保证新鲜美味！而且，佢距离佐敦地铁站好近，交通方便，适合同朋友或者家人聚餐。总括而言，佐敦星聚轩真系一个值得一试嘅好地方！…查看更多

🦀 秋蟹爽爆！佐敦星聚轩大闸蟹放题，抵食到飞起！😍喂喂喂～秋天到，蟹膏肥！最近同几个兄弟直扑佐敦星聚轩，嚟个大闸蟹放题爽一爽！呢间酒楼喺佐敦弥敦道219号庄仕伦敦广场8楼，行出佐敦地铁C1出口几分钟就到，超近！（地址：佐敦弥敦道219号庄仕伦敦广场8楼，电话：2363 0836）无论系同屋企人定系同friend开party，交通咁方便，点都啱！讲真，佢哋嘅大闸蟹放题真心系蟹迷嘅天堂！每位$498起，2小时任食江苏靓蟹（3至6両，啖啖蟹膏，肥到漏油！）清蒸、花雕醉，点煮都好食！仲有片皮鸭、生炒糯米饭同甜品自助，升级套餐甚至送鲍鱼，抵到傻！我们两条友，每人轻松KO咗10只蟹，边食边吹水，笑到蟹壳满天飞😂 想去记得book位，蟹季真系爆满！除咗蟹，星聚轩平时嘅中式私房菜都好有水准，价钱唔贵（人均$200-300咁上下），环境又够chill。手工点心即叫即整，热辣辣上枱！我哋顺便试咗蟹粉汤包同蟹粉瀑布面，哇，蟹香爆棚，食到停唔低！想同家人朋友聚餐，呢度真系唔错嘅选择，粤菜、海鲜、烧味，样样有，样样掂！总之，星聚轩系佐敦嘅隐世蟹王，蟹放题又抵又满足，近地铁又好聚！秋季限定优惠，唔好再等，快啲约人去食啦～食完记得IG tag我你嘅蟹照啊！🦀🔥#星聚轩 #大闸蟹放题 #佐敦美食 #蟹膏控 #港式酒楼 #FoodieHK #秋季必食 #佐敦打卡…查看更多

秋风起又到食蟹既季节🫢今晚终于同蟹皇去呢间性价比唔错既大闸蟹放题「星聚轩」😍提供无限任食大闸蟹🦀真系好啱我哋呀🤪除左大闸蟹放题🙌仲全天供应手工点心添🤩🎯大闸蟹三种口味🩷清蒸大闸蟹保留最原来新鲜味道又爆膏🩷花雕蒸大闸蟹啖啖带有酒香诱惑升级 🩷盐油焗大闸蟹咸香十足🪿现片北京片皮鸭😍脆皮油亮🤩🤩小米荟辽参饮落暖粒粒🥰仲好滋补暖胃😋糯米饭用料十足😌口感烟韧😋✅ 甜品控不能错过呢度六款手工甜品 暖心姜茶汤丸（吃蟹驱寒必配） ❤️会拉丝的黑糖糍粑❤️大良鲜奶卷 ❤️清香椰汁桂花糕❤️姜汁千层糕🍎萌爆苹果包🙌加$30任饮汽水 或 $50升级Asahi任饮（配蟹超解腻）📍佐敦站3分钟直达⏰ 2小时充足用餐时间👨‍👩‍👧‍👦 适合蟹痴团/情侣庆祝/家族聚会…查看更多

星期六同朋友心血来潮想食大闸蟹上网见到呢间有任食两小时大闸蟹放题满心欢喜上去试吓，食物同环境系还可以我哋大约8:45pm上到去，10pm已经话厨房last order 当时侍应都冇问我哋最后嘅甜品拣边款本身已经谂定姜茶汤丸，谂住食到差唔多尾先叫未够10:30pm已经见个场啲侍应收哂工成个厅只有我同朋友喺度，一个侍应都冇原来有个经理喺间房度同佢讲要糖水佢话厨房收咗，得椰汁桂花糕冇谂过佢竟然喺个雪柜徒手（冇带手套）拎出嚟放喺只碟递俾我！（极度唔卫生）跟住就急急脚入返佢间房继续玩平均每人都要$600，咁样嘅服务态度一定唔会有下次！…查看更多

朋友生日，见到呢间大闸蟹任食未试过，睇到评价都好似唔错，咁就孤注一掷去试一试，环境系几舒适，两个人安排卡位，仲有电视睇，楼面姐姐服务非常好，一坐低已经帮我哋点咗12只大闸蟹，仲主动拎啲小食俾我哋食住先，期间会帮我哋换茶，片皮鸭就一般般，鲍鱼都几好食，仲有百香果椰汁糕几特别几清新，到咗主菜大闸蟹，冇咗盐焗，得清蒸同埋花雕，感觉分别唔大，但就全部都系得公蟹，间中一两只有苦味，整体蟹质素尚可，但食紧第一转仲剩两三只想落定order嘅时候（蒸蟹要15分钟），着西装男部长话未食晒唔可以落，咁就无奈地食剩一只嘅时候再问楼面姐姐先至可以再落，加得8只，前后只系食咗两转，两个人净系食咗20只，都真系几唔够喉，不过冇办法啦，人哋唔肯落order，最多冇下次。。。两个人头连茶水同10%服务费，都差唔多$1200，呢个价钱应该可以有更多选择🙂…查看更多