星聚軒

最近都好多朋友生日, 來來去去食啲嘢都是差不多, 今次來了啟德《星聚軒》, 地點真係好方便一出啟德地鐵d出口轉左行三分鐘便到。包房有卡拉ok音響效果都不錯。有幾個菜我覺得都值得一赞。頭盤乳豬炒飯, 乳豬食得多, 但係配炒飯就比較少見,而且乳豬味道好入味加埋炒飯一齊食真係一絕。個翅份量十足, 獨立每人一個盅保持温度,。其他菜的擺盤都好靚, 加上乾冰製造煙霧效果, 氛圍感十足, 朋友都爭相打卡,搞到氣氛好好。…查看更多

本人今日特意前往九龍城星聚軒購買半隻乳豬作外賣回家，惟整體體驗極為失望。乳豬外觀欠佳，皮層及肉質皆失應有之脆度，入口極為堅硬，嚼勁沉重，猶如橡膠般難以吞嚥，完全與正常燒乳豬的標準不符。實在無法確定問題出自製作手法、食材放置時間過長，抑或是因翻熱所致，但無論如何，其口感及味道皆屬劣質，令人難以接受，家人亦普遍表示難以下嚥。更令人不滿的是，店方於交付餐點時竟然遺漏了乳豬醬。少了醬汁的輔助，乳豬味道更為單調無味，整體體驗大打折扣。作為一家標榜中式餐飲的食肆，連最基本的配套服務亦未能妥善處理，實屬不能接受。事前職員未有仔細核對餐點內容，顯示出缺乏應有的負責任態度。是次消費令人氣憤及失望。誠心奉勸其他顧客在選擇乳豬外賣時需加倍留意，切勿輕易嘗試。…查看更多

送優惠券為了吸引人再次光臨，以往食優惠食物都可以用，昨晚話唔用得，食物質素又差，以後都唔會幫襯😡唔怪之得咁多人上大陸食嘢，好服務，好味到，又平。咁多香港食肆要執笠，是有原因的。…查看更多

今日中午再來試食燒鵝是因為上次初來時說未有燒鵝供應，今次上來的燒鵝既不是新鮮燒制還淋上厚厚的汁，皮不脆肉不滑，名不符實怎稱是燒鵝皇，廚房出品不管理好肯定會執笠，看見午飯時間的人數疏落便知，宣傳圖片、名人照片是騙人吧，再不會來幫襯。…查看更多

2025/5/15中午燒肉。完全冇燒肉味，皮得個韌蝦餃。一般乳鴿。只係得皮稍為好啲，裏邊啲肉完全冇味同埋韌冇肉汁。蒸魚雲。又鹹啲肉又黴蘿蔔糕。竟然系酸叔(最終都係換咗鳳爪)手拉腸粉攞到出嚟嗰陣時只係和暖，同幾經辛苦先至問到佢哋攞醬料(麻醬甜醬)，仲要覺得好錯愕噉乜要的麽。服務態：1.有一張大單嘅個服務員嚟到好大聲似乎審犯感問係咪呢個係咪呢個，噉我哋望一望，佢才講要複述單一次，驚落錯。但係最終呢張單都係漏單，三催四催才知漏單。跟住我哋就話要搵返張單落啦，佢話唔好咁煩喇重新落過。2.如上布拉腸粉噉，要問幾次先至知道要有醬料配備。2025/5/16之後教天。後續：隔數天另一幫朋友們約同試晚餐，我已經猶豫了。心諗晚餐應該唔會差掛，噉就再試一次晚餐。最後都係敗興而歸。1.咕嚕肉。只係得賣相玩gimmick,皮醬厚裏面肉疑似係無皮燒肉，冇味。2.唔知乜醬龍躉球：魚得真係幾塊冇味。3.鐵板梅菜扣肉：啲肉得個暖字，完全冇味。梅菜冇梅菜味。塊肉韌又唔腍，淋上汁都唔能夠增添什麼味道4.藍莓醬汁淮山：一般5.煎藕餅：還可以，蓮藕唔多。6.椒鹽魷魚須：還可7.話梅豬手：都可以8.訂枱前已經預留隻乳豬，最後竟然完全冇回事。送甜品：番薯糖水尚可，桂花椰汁糕，完全淡茂茂無桂花味又冇椰汁味，全部好似開淡曬嘅將粉雪凍。…查看更多

真心推介！！！抵食夾大件！又好味！又有禮貌！本身之前見到啲食評都唔太敢黎，之後鼓起勇氣，第一次嚟樓下個門口係令人卻步(因為個門口實在太細) , 上到嚟雖然唔係好大，但就超乾淨！結果呢間嘢成為咗屋企人既飯堂呢到所有員工都超級有禮貌！本身都好少寫食評(應該係讚嘅食評真係好少) , 但呢間真係不得不讚！份量大！就算叫佢地啲特價食品都唔會黑面！仲要有優惠券可以用！所有員工都超友善！超級有禮貌！就算唔係包圍食飯，都會時不時過嚟換碟。轉頭攞俾你，佢話佢要食哎呀。食過啟德咁多間酒樓，個人應為呢間係啟德呢邊係最好食既酒樓！佢值得有更多客人！食品完全食得出好有誠意。全部都係食到一半記得影相😂😍😝每次嚟必嗌：😍👍🏻文昌雞 （有味得黎勁滑）👍🏻咕嚕肉 （外脆內冧，而家都冇乜邊間酒樓食到， 👍🏻噴住煙咁上碟，勁有儀式感）👍🏻樟茶鴨👍🏻麻辣魚皮 （入味夠辣又爽脆）今日試咗佢新菜式👍🏻咖哩蟹，勁抵食！$88 👍🏻豆腐火腩👍🏻熱情果椰汁糕 (完全唔甜，又有椰汁味)👍🏻芒果布甸基本上冇一樣嘢覺得唔好食所以呢間餐廳真係超級值得一試！…查看更多

今日想飲茶朋友話呢間酒樓都幾抵食,所以就過嚟試下. 去到喺我前面有一兩張枱等緊, 咁我見等三張枱啫就等下啦. 侍應都係一般屋邨茶樓嘅服務水平. 呢度啲座位排到好逼, 所以都比較嘈.開咗水仙, 啲茶麻麻地啦但係都要收15蚊一個茶錢😓點嘢食係用點心紙, 點咗一下蝦餃, 一客係魚肚百花蝦膠, 一客燒賣, 一下脆皮鮮芋絲糕, 南乳蒸豬手,灌湯餃, 叉燒包同埋珍珠雞.所有嘅食物都唔係話好出色,只係不過不失. 但佢嗰個灌湯餃我就覺得佢變咗質, 即刻就叫經理過嚟同我退咗佢. 佢處理嘅態度都算係正常,話同我換過一客, 唔係好似有一啲茶樓咁唔相信你講嘅嘢. 應該都唔會再去幫襯😅…查看更多

十點到店飲茶，冇人入單，要客人主動將點心紙交到到櫃檯搵人入單。當你以為已經成功入單，大概一個鐘啲嘢食都未到，於是再搵服務員查單，點知服務員敷衍了事，查完又唔講，原來完全冇落單，搞到白等成個鐘…查看更多

諗住近近地同屋企人食既飯，就前2日book定星期日晚7點枱當日準時黎拎枱果陣帶位姐姐同我地講今日好多人未有枱要等陣..諗住都係等多5-10分鐘姐，點知19:15仲未入得，問佢要等幾耐，佢答唔知，跟住仲話有街客緊係比左人坐先，唔通留空張枱到你地7點先咩..30分鐘之後有張路口坐緊2人既埋單，問我地坐唔坐🙄我哋6個大人真係覺得有可能？！過左10分鐘終於有張大枱埋單..book左枱最後都要等左40分鐘先入到去..咁我book枱黎做咩？！安排真係勁差，真係唔會再黎…查看更多

態度垃圾 服務垃圾 食物垃圾 永遠blacklistbook左12點，提早10分鐘已經到左，竟然仲要等超過30分鐘。樓面態度不知所謂，同我地講話要做生意係咁㗎啦，唔食咪走唔好等…查看更多

金箔蝦餃王：這道蝦餃王在傳統蝦餃的基礎上，加入了金箔，讓外觀更加奢華。蝦仁新鮮彈牙，餡料豐富，每一口都能品味到蝦的鮮甜和爽脆。韭菜魚肉餅：鮮嫩的魚肉與香氣四溢的韭菜結合，製成的魚肉餅外酥內嫩，韭菜的香氣和魚肉的鮮美相得益彰。椒鹽豆腐：這道菜將豆腐外皮炸得金黃酥脆，再撒上椒鹽調味，外酥內嫩，香氣撲鼻。椒鹽魷魚：魷魚切成條狀，經過炸製後外皮酥脆，再撒上椒鹽，帶來一絲微辣的口感和海鮮的鮮味。紅菜頭炸兩：紅菜頭炸兩：顏色吸引，紅菜頭腸粉外皮口感不錯，但內餡較油膩。XO醬金錢肚：牛肚經過慢煮，入味且軟嫩，搭配香濃的XO醬，帶來濃郁的味道和豐富的口感。鮑魚雞粒炒飯：這道炒飯加入了鮮美的鮑魚和嫩滑的雞肉粒，米飯粒粒分明，香氣撲鼻，每一口都充滿了海鮮和肉類的美味。芝士糯米雞：真的是普通糯米雞鋪上芝士然後用火槍燒溶的點心，份量只是半只糯米雞，價錢較貴，味道一般。炸蘿蔔糕：脆口但蘿蔔糕味道普通，也是比較油膩。…查看更多

起27/9，因為爸爸起微信見到有呢間宣傳，所以入左去食。環境同食物超級高當。當時叫左2人餐（400一人左右），餐點超級精緻，用料高級。當中，乾鮑同佛跳牆最為推薦。乾鮑切落去係糖心，可以食到佢獨有嘅咸甜，超正。佛跳牆個底係鷄湯羹，好似仲有啲金華火腿同其他鮮味，再配其他海味一齊食簡直好絕。其他食物都有驚喜，例如叉燒，海鮮炒飯，布丁或其他。都係起有生之年可以試下。不過價格的確貴，推薦家庭或朋有慶祝嘅聚會嘅時候先去會舒服。…查看更多

環境十分污糟和殘舊，不敢相信是新開張的酒樓。而且店內充斥廉價廁所香薰的味道，猶如在廁所內用餐。而且侍應的態度十分惡劣，因為點心過了20分鐘遲遲未到而查詢，侍應立即態度惡劣地表示：「你估呢度茶餐廳呀，飲茶就要時間㗎啦」其後除了和其他侍應在我們背後大聲批評我們，這還不夠，侍應不死心地跟我們附近的食客大聲地評論我們。之前已經網上聽聞這間酒樓服務態度差劣，果然名不虛傳。之後落錯單都不想跟他們爭拗，快點離開更好！…查看更多

行過見到呢間酒樓新開，燒鵝都幾吸引，決定試吓佢隻燒鵝☺️半隻$198，買咗半隻返屋企加餸。燒鵝係一道著名的中式菜餚，外皮酥脆，肉質嫩滑，油而不膩，點酸梅醬入味又好食😋一啖咬下去特別爽脆多汁～害怕肥肉嘅我，忍唔住食多幾塊😝…查看更多

蝦餃精美出品神級表達手工廚王獻技特惠價錢。優惠顧客13.5元超值1籠貓耳朵牛肉球好滑好好味架又夠香，天鵝雀巢蘿蔔絲酥鵪鶉蛋賣相精美蘿蔔絲炸得好香脆芝士焗糯米飯出品新穎…查看更多