星海薈﹒譽宴

营业中

休息中

打完波去沙田吃晚餐。這家高級酒樓位於石門站附近的香港沙田萬怡酒店內。酒樓的内部裝修豪華，天花有星海，很有特色。環境寬濶，桌大舒適，侍應服務殷勤。餐前小食黑白木耳20元，黑色和白色木耳均爽脆，帶點芥末味道，開胃。雪梨無花果燉花膠湯68元。雪梨味道清甜。無花果香甜，味道有點似水蜜桃。花膠彈牙。亦加入了雞肉和豬肉一起燉。燉湯的味道層次豐富，很美味。花彫蛋白蒸大肉蟹628元，大肉蟹一隻，約重一斤半。賣相美麗，花彫酒氣味四溢。蟹和蛋白均被蒸得剛熟，蟹身的肉厚身，味道鮮甜，蟹鉗的殼已被貼心地敲開了，蟹鉗的肉彈牙。蟹膏少少屬正常。蛋白嫩滑，吸收了蟹的精華和少少花彫酒，甜甜地，很滋味。鹹魚雞粒豆腐煲138元，熱辣辣，吱吱聲，鹹魚香，雞肉嫩，豆腐粒外脆內軟，與白飯一起吃一流。白飯每碗15元，飯粒軟硬適中。茶介每位17元。總結：食物美味，環境寬濶。

石門站一出來當然大家都知道有幾間嘢食，但係你又知唔知行遠啲，有一間質素幾好，價錢又合宜嘅飲茶地方呢？大概行8分鐘，就去到一個小人去嘅地方，呢間譽宴嘅下午茶質素，同埋佢所有點心嘅賣相，喺同級數嘅茶樓來講，我真係覺得我要比滿分佢！入到去人多，所以同傳統茶樓嚟講，佢係比較靜，其實咁樣仲啱我，我根本就唔鍾意好嘈雜嘅中式茶餐廳或者茶樓！識乜嚟講，你見到我叫咗好多嘢食，每一樣都係10分精美，十分之好食！有一個好貴嘅小籠包，本身我對佢期望都幾大，但係呢一個位真係要減少少分，因為我覺得佢唔值咁貴！大家下次可以試返普通小籠包就得啦！不過可能口味問題，可能你哋鍾意嘅撇除嗰啲點心，每人到四平八穩，幾好食！佢嘅甜品先係驚喜鐘嘅驚喜！估唔到中式茶餐廳整得咁好，可能佢喺酒店隔離，就陽道佢啲點心甜品質素到一致提升！同埋佢地方少少偏遠，所以識落去性價比又幾高！

今日行完山黎到石門, 見咁耐冇同屋企人係酒樓飲茶就係呢區揾間坐底喇☕️ 係呢區的確比較難的揾一間酒樓, Search下就見到離石門站唔係好遠有間譽宴係萬怡酒店入邊就去喇!👍🏾我地咁岩係平日既下午茶時間, 所以唔洗等好耐位就入得去喇, 環境空曠, 坐得舒適😎, 而最正係因為正正下午茶時間, 所有小, 中, 大點都當小點計算, 全部$24, 我地3人行叫左9樣食物😋😋1/ 南翔小籠包🫓 $24一籠三件滿載住高湯, 入口熱辣辣, 一人一粒岩岩好!2/ 山竹牛肉球🐮 $24牛肉球好入味, 而且我最中意佢係多山竹, 加埋喼汁一齊食無得頂!3/ 豉汁蒸鳳爪🐔 $24骨肉分離仲要好滑嫩, 豉汁好入味！4/ 薑蔥蒸牛柏葉🐮 $24牛柏葉爽滑而且湯汁味滿滿！5/ 鮮蝦腐皮卷🍤 $24估唔到呢個鮮蝦腐皮卷咁多件而且大大件, 腐皮炸得脆薄, 蝦肉彈牙👍🏾6/ 米皇布拉腸🌾 $24手工做既布拉腸, 米香味重仲要厚製, 有哂口感😋7/ 原籠大澳三鮮蒸飯🍚 $148海鮮蒸飯好入味, 整個飯好鮮甜, 4-5人都得, 抵食！8/ 燕窩3.6奶凍🍮 $24燕棧完全唔慳, 配埋奶凍一齊食更加整個口感9/ 楊枝甘露 🥭$24

由於近屋企嘅關係間中都會同家人嚟石門飲茶鐘意酒樓食 坐得舒服唔限時有feel d😁哩度款款點心都好吸引呀！🔸化皮腩仔（$78）皮好脆、肥瘦分明，真係皮脆肉嫩，香而唔會太咸，屋企人大讚好食！👍🏻🔸晶瑩鮮蝦餃（$40）大大粒、皮薄餡靚，餡料中的蝦肉好爽口，餃皮煙煙韌韌，好食。🔸蟹籽燒賣皇（$40）入口充滿香菇、豬肉香，仲有啲鮮蝦肉，大粒彈牙，必食！👍🏻🔸酸薑糖心皮蛋（$58）個糖心好濃味但又唔會有陣up味，酸薑酸甜爽脆，好好食！👍🏻🔸潮州蒸粉果（$24）外皮軟而有彈性，內有花生、韮菜碎、豬肉碎、蝦米等，脹卜卜好飽滿。🔸南翔小龍包（$24）🔸豉汁蒸鳳爪（$24）鳳爪蒸得剛剛好，軟得嚟仲保持少少爽口，配埋醬汁一齊食好惹味。🔸黑糖蜂巢糕（$24）超香黑糖味，好鬆軟，甜度適中，正！👍🏻🔸蒜香長春卷（$40）大條、多餡、脆卜卜，入面有好多蒜香蝦肉，好足料，而且就算中咗都仲脆架！👍🏻🔸香茜叉燒腸粉（$24）腸粉皮好滑！但唔會一夾就散，有唔少芫荽同叉燒粒，香氣十足。👍🏻🔸餐前小食（$20）、下午茶（$15/位）

👧🏻今次去沙田一間酒店級中菜，位於沙田萬怡酒店裡面嘅星海匯譽宴，出名胡椒焗大肉蟹，就冒名而來喇！👧🏻Caca今次食乜嘢？🦀招牌胡椒焗大肉蟹（約1斤半） $538 - 原隻食大肉蟹，鐵板上熱辣辣，肉質肥美鮮甜！🦞薑蔥龍蝦滑雞煲 $238 - 嫩滑雞球在煲中產生油香作用，同龍蝦鮮味好夾，龍蝦亦彈牙啖啖肉！🦐麥皮脆香大蝦球 $168 - 麥片嘅香甜同彈牙大蝦球係絕配呀，尋回新加坡嘅味道！🍐雪梨無花果花膠燉湯 $68/位 - 足料花膠，清甜滋潤雪梨同無花果，好啱而家季節飲！

如果仲未食大閘蟹嘅話，真心推介黎譽宴食，唔洗左搵右搵驚中伏😎升級大閘蟹套餐，價錢嚟講，就咁睇，中規中矩，但認真啲睇佢個套餐包咗啲乜嘢，同埋實質食完，我覺得真係超值🔥🔥冰鎮花雕五頭南非鮑魚靚靚仔仔，又好大隻架喎！唔需要點豉油Wasabi都好食😋花雕味好出，凍凍地，特別清新星海蟹黃燴生翅係非常非常足料！每一啖食到蟹肉、蟹膏、同埋肥嘟嘟既翅，味道唔會太鹹，超級奢華❤️❤️好彩個碗都唔細，正😆😆生拆蟹肉花膠絲扒高麗菜本身食左碗翅，已經覺得呢個餐真係好抵，估唔到驚喜係一浪接一浪。除咗一粒粒蟹肉之外，依一碟菜係好多好厚既花膠絲🔥🔥個汁有蟹香+滿滿骨膠原，真係超正！蟹粉小籠包好可愛，一大隻小籠包，皮做得唔錯，唔算好厚，冇穿窿✌🏼✌🏼肉汁唔算多，但都食到蟹粉濃濃味道。值得一讚嘅係佢哋嘅蟹肉無論喺邊度出現，都係處理得好好，完全冇骨/殼大閘蟹（六両）打開隻蟹，見到咁多膏，都算好滿意🤗🤗蟹膏好滑，好香濃❤️❤️依個size出去買黎自己蒸嘅話都起碼要$100+，又唔肯定質素好唔好。所以計我話，搵間穩陣嘅餐廳，食完返屋企算😎😎套餐仲包左原隻脆皮乳鴿上菜之前，店員都幾細心，問我哋想原隻相，定係斬開，斬開四件，就方便食😌乳

同朋友去沙田石門處理一啲事情，原來佢以前都喺呢頭返工，我哋行到萬怡酒店，就去左飲茶。XO醬腸粉：煎得香脆，XO醬唔會好辣，加埋芝麻更香。晶瑩鮮蝦餃：蝦夠大隻，而且新鮮彈牙，皮薄但有韌性蟹籽燒賣皇：鮮蝦同豬肉嘅比例啱啱好，蝦肉夠彈牙豬肉夠香黃金流沙包：一咬已爆餡，餡料香濃，食到入面，有鹹蛋黃嘅鹹香味薑蔥蒸牛柏葉：爽口又不韌，少少辣，十分惹味。鮮蝦腐皮卷：鮮蝦腐皮卷熱辣辣，外皮煎得香脆，入面嘅蝦好爽口乾炒安格斯牛肉河粉：好有鑊氣！安格斯牛肉牛味濃，而且好淋，唔係嗰啲用梳打粉醃嘅牛肉質感，河粉條條分明唔會好油紅燒煲仔翅：非常足料，一排魚翅勁有口感，湯頭夠濃

與好友到沙田石門下午茶，這天選擇位於萬怡酒店的譽宴。這裏地方雖然不算大，但裝修華麗，服務員的態度都是有禮又親切的。食物出品的賣相和味道都有水準。晶瑩鮮蝦餃 $40蝦餃皮薄滑，鮮蝦餡新鮮爽甜。山竹牛肉球 $24牛肉球不鬆散，味道濃郁，墊底的腐皮很薄滑。香茜叉燒腸 $24腸粉皮軟滑夠薄，叉燒肉質爽實。蠔皇叉燒包 $24叉燒包外皮鬆軟，叉燒肥瘦適中，蠔油調味適宜。牛油香脆白飯魚 $58白飯魚新鮮肥美，炸漿略為厚了一點。鮮茄濃湯浸菜苗 $55有新鮮的小白菜、本菇、金針、鮮冬菇和車厘茄。杞子桂花糕 $24賣相吸引，不會太甜。

石門呢間酒樓環境唔錯，樓底高，夜晚亦都好少人。今晚想食啲海鮮，見到有胡椒蟹同埋龍蝦，價錢都算吸引。最抵食係白胡椒蟹套餐，可惜今日唔夠人數食唔到！今晚食咗招牌胡椒焗大肉蟹、士多啤梨蝦球、蔥油雞同埋雪梨無花果燉花膠湯。胡椒焗大肉蟹最先上枱，味道好香，胡椒味唔算好辣，香口惹味。蟹肉肉質結實，而且味道好鮮甜，正呀！雪梨無花果燉花膠湯味道清甜，感覺好滋潤，而且都好足料。士多啤梨蝦球味道酸酸甜甜，好開胃；蝦球大大隻，啖啖肉！蔥油雞係特價餸，幾抵食，不過味道淡啲。整體食物同服務都唔錯，下次屋企聚餐可以嚟呢度。

食蟹啦🦀 估唔到香港都有得食好味既白胡椒蟹😋 今次就來到沙田呢間譽宴，原來白胡椒蟹係呢度既招牌！一定要點來食啦🤩..🦀招牌白胡椒蟹好大隻！用鐵板呈上，一直keep住新鮮滾熱辣！🔥白胡椒汁倒上鐵板上滾，務求令蟹肉更入味！超香！蟹蓋裡都幾多膏🤤 而且勁多蟹肉！啖啖肉！好鮮！白胡椒汁令蟹肉更提鮮及惹味！..🍐雪梨無花果花膠燉湯叫返碗燉湯潤下，揀左雪梨無花果花膠燉湯，超清甜！又勁多料！有大大件花膠，仲有一片片雪梨，飲一啖，超舒服！..🍍招牌菠蘿咕嚕肉呢道咕嚕肉真心有驚喜！我自本身好鍾意食咕嚕肉，所以平時食中菜都間中會點咕嚕肉。今次一見到店員呈上，就點解係招牌菜之一！賣相好特別！可以話係打卡菜🤣 成條菠蘿船咁，有好多果肉，菠蘿好甜好好食！有無發覺咕嚕肉無同菠蘿一齊炒？咁樣就唔駛怕有酸味啦！😍 咕嚕肉真係啖啖肉，唔會有厚炸粉，好食！..🍲紅燒竹笙菌皇豆腐食返少少清淡既餸先🤣 簡單既紅燒豆腐，除左有竹笙同菌類，仲有菜在底！豆腐好軟滑，簡單美味！..太好餸，所以叫左白飯！要撈飯食，食唔停🤪 呢度食飯都幾舒服，枱與枱之間好闊，唔會窄，有空間感👍🏻

兩星期前已經打去book位, 講明一定要兩張BB櫈, 結果我哋去到企門口等左半個鐘先有位, 一路問門口個阿姐, 佢剩係鬧裏面d客食左三四個鐘唔肯走, 咁點解佢哋唔處理下? 最好笑佢叫我哋自己行埋佢哋張枱度俾佢哋知我哋等緊佢張枱, 到有位, 竟然同我哋講無唒BB櫈, 我哋企左喺度研究緊點安排, 全程無人再理過我地, 佢哋嘅態度係 - 食就抱住兩個BB坐低食, 唔食就過主, 真係勁嬲. 我哋最後無坐低行左出去, 佢哋一個人都無理過我哋, 問聲都無, 呢個服務態度真係何其惡劣!

今日約了老朋友在沙田午飯，想找間可以坐耐點和比較靜的食肆，大家可以相聚傾談一下。朋友建議去一間附近酒店內的酒樓。這間酒樓有多間分店，而沙田這間在酒店的2樓，人流比較少。整間酒樓是半圓形，中間是禮堂，坐位是環繞著禮堂，沿著半圓型外圍的窗邊而設，所以坐位很寬敞和舒服，光線充足。酒樓以婚宴為主，所以佈置都比較華麗，頂部用了波浪型設計的水晶燈，禮堂用了很多花的擺設，更顯雅致獨特。我們點了-紅燒煲仔翅看到有優惠，寫著足3兩魚翅，所以點了一客share，紅燒翅用煲仔上，魚翅多又厚，濃郁的湯底，加送一碟爽甜的銀芽，食時再混點紅醋，帶出魚翅的鮮濃味，又有清新的口感。-晶瑩鮮蝦餃 很大隻，皮薄餡多，爆滿蝦肉，爽口彈牙-豉椒斑頭腩炒河 走油過的斑頭腩，外脆內嫩，炒河配料還有西椒，洋蔥和銀芽，不會覺得太肥膩。-蔗糖馬拉糕原籠上，有蔗糖香甜味，甜度適中，糕身香軟。

朋友住第一城一直話附近有間中菜廳評價幾好 好想試吓我地都係為食貓 就算唔近我地 都決定跟! 🤣🤣🤣🤣🤣.餐廳位置有啲難搵我地以為係沙田萬怡酒店正門入去就會去到點知佢原來係檢疫酒店 我地要係酒店門外樓梯落地面 再搭扶手電梯上去兜兜轉轉 終於搵到喇🤤.因為book左枱 可以即時入座朋友們係門口時已經話想食片皮鴨當然舉腳贊成啦🥳🥳🥳另外叫多個招牌白胡椒蟹4人套餐.先上嘅係原盅黑蒜螺頭燉雞湯用料豐富 每碗起碼有2片螺肉加埋無花果同雪梨呢個雖然係燉湯 但無比鮮甜潤喉 生津解渴.接住上嘅係片皮鴨皮脆肉嫩 唔會好肥膩 又有油香蒸籠入面既薄皮每一片都有蒸籠紙墊住 客人可以輕鬆夾起每一片薄皮 唔駛夾穿夾爛 比起其他酒樓 星海薈廚房非常貼心 值得一讚👍🏻👍🏻👍🏻.之後就到重頭戲 招牌白胡椒肉蟹超級期待呢個菜式我地坐喺好近廚房門口 所以基本上每一道菜出黎我地都會第一時間睇到但呢一道菜就唔同 我地反而係先聞到佢白胡椒既香味實在太香濃 未見到鐵鍋已經先聞其味😍😍😍白胡椒汁被熱鍋煮到「咋咋」聲 真係見到都流晒口水廚房亦已經扑碎左啲蟹鉗 等客人食得容易啲食落口果然冇令我地失望🤤白胡椒味濃 少少辣 但係會令人上癮咁不

冰鎮花雕五頭南非鮑魚$68/一隻，鮑魚拳頭咁大，相當彈牙同新鮮，似係食刺身既質味。雪梨無花果花膠燉湯有三片花膠$118/一盅，清熱潤肺止咳，湯很清甜，熱辣辣上枱，入面超足料。招牌白胡椒煎焗澳洲龍蝦🦞$498，用煎pan上菜，保持返龍蝦嘅溫度，大約係斤半既重量，蟹肉結實，白胡椒味濃郁，但又唔會搶咗蟹肉鮮甜嘅味道，洋蔥🧅配菜都入晒味。菜遠安格絲牛肉$168，菜心煮得夠嫩，牛肉又軟滑，連同薑蔥同三色椒，很惹味。

我與家人曾經在沙田萬怡酒店嘗過自助晚餐，感到滿意，今晚家庭飯聚在「譽宴．星海薈」中菜廳，中菜選材新鮮，烹調也具水準，大家都很滿意。餐前開胃小食：花生米和醋雲耳雪梨無花果花膠燉湯，還有雞件，湯水顯得特別清晰鮮甜。招牌白胡椒煎焗澳洲龍蝦，用鐵板上，淋下汁液，發出支支聲響不絶于耳，宛如一道樂章，配合冒出的煙霧與香氣，十分享受此際色香聲畫面，接下來自然是嘗味，龍蝦肉質鮮嫩爽脆，配合適量白胡椒煎焗，味道微辣、香氣濃郁是上佳之選。椒鹽白飯魚，肉質很滑，炸漿夠脆，外脆肉軟的椒鹽白飯魚送酒下飯兩佳宜。招牌菠蘿咕嚕肉，包裹鬆軟豚肉的薄薄脆漿，做到酥、香、脆、夠水凖，酸甜味道剛剛好。肉絲炒麵，分開上碟的肉絲和炒麵，好處可以自主分配，麵脆、芡汁質感較濃稠，因此口感很佳。三鮮海皇什菜煲，很豐富的食材，蚌、蝦和魷魚都鮮美肉爽，簡單的什菜煲，用心烹煮。 清甜的燕窩3.6奶凍和杞子桂花糕，為晚飯劃上完美句號，人均消費$310，在服務良好的酒店中菜廳享用，堪稱價廉物美。