影片
开饭介绍
富丽堂皇的中菜酒家，集团式经营，可作婚宴及宴会场地，供应高质点心及粤菜。
继续阅读
营业时间
今日营业
10:00 - 16:00
18:00 - 23:00
星期一至日
10:00 - 16:00
18:00 - 23:00
公众假期
10:00 - 16:00
18:00 - 23:00
以上资料只供参考，请与餐厅确认详情
招牌精致雀笼点心 ($198) - 打卡之王，抵食指数爆灯！一上枱，成个港女酒店High Tea嘅鸟笼咁，劲浮夸！相机食先！入面有齐六款点心：虾饺：皮薄虾爽，合格以上；蟹籽烧卖王：啖啖肉，蟹籽卜卜脆，好食！鸡粒鲍鱼酥：几得意，酥皮松化，上面粒鲍鱼仔唔算好突出但够晒睇头；天鹅酥：真系靓到唔舍得食，入面系芋蓉，香口但略油；带子凤眼饺：几鲜甜，卖相精致；趣致南瓜球：外脆内软，南瓜味自然。$198食到咁多款，仲要款款都上得镜，真系抵到烂啦！打卡同饱肚一次过满足！.XO酱炒肠粉 (煲) - 声效满分，口感扣分！上台𠮶阵「滋滋」声，烟雾弥漫，成个气氛组组长咁，闻到XO酱香已经流口水！可惜... 肠粉炒得过头，软淋淋冇咩咬口，完全冇咗肠粉应有嘅烟韧，得个咸香同辣味撑场，有啲失望。.迷你虾干珍珠鸡 (2件) - 细件但足料！真系「迷你」size，两口一件。但胜在够足料！糯米软糯入味，虾干同冬菇嘅香味好出，啖啖都食到馅料，冇偷工减料，味道传统好食。.招牌胡椒浓鸡汤灌汤饺 - 汤饺够巨，胡椒失踪，仲穿底！真系大大只灌汤饺，睇落好有气势。汤底话胡椒浓鸡汤... 但胡椒味淡到几乎隐形，得个「鸡」字。汤饺皮薄系薄，但薄到一夹就穿！汤同馅泻到成碗都系，狼狈到呢... 馅料系唔错嘅，但整体扣晒分。.南翔小笼包：竟然有自己嘅小竹盘宫殿，下面仲用甘笋片垫住。夹起上嚟真系唔易穿皮，呢个设计抵赞！皮薄汤多，馅料鲜味.星海荟最大卖点肯定系个雀笼点心：抵食又呃到like，点心整体质素OK。其他散叫有惊喜（珍珠鸡）亦有伏位（肠粉太淋、灌汤饺穿底）。小笼包出场最浮夸！想同朋友影相打卡兼食点心，个雀笼真系必叫
继续阅读
今次嚟到星海荟食Lunch，专登黎吓佢哋嘅中式点心，果然冇令我失望。手工制作，每一款都系真实材料。餐厅环境光猛整洁，座位都几宽敞，同朋友倾偈食嘢好舒服。餐厅装修亦都好华丽，尤其是个楼梯位，真系好打卡able。- 精致雀笼点心卖相真系好精致，雀笼造型好有心思，点心款式多样，分别有虾饺、烧卖、饱鱼酥、天鹅酥、凤眼饺、南瓜球，每款都细细件，可以试到唔同口味。特别钟意天鹅酥同南瓜球，天鹅酥入面系萝卜丝，食落清甜好有口感，而南瓜球入面更加系我最爱嘅奶黄馅，南瓜同奶黄真系好夹，食落甜甜地。- 南翔小笼包小笼包皮薄多汁，一咬开入面唧汤汁就爆晒出黎，鲜甜得嚟又唔油腻，就甘食已经好正，点埋醋更加鲜味。 -XO酱炒肠粉（煲）绝对系今餐嘅MVP，肠粉炒得够镬气，XO酱香辣惹味，仲有啲虾米同瑶柱碎，味道好丰富好有层次，而肠粉口感亦都好滑溜，口感味道都好出色，正。- 迷你虾干珍珠鸡（2件）珍珠鸡细细件，但馅料一啲都唔少。糯米软糯，入面有虾干、鸡肉同冬菇，味道非常香浓。 - 招牌胡椒浓鸡汤灌汤饺汤饺皮薄馅靓，咬开之后，入面浓郁嘅胡椒鸡汤流晒出嚟，饮落好暖胃。汤底胡椒味突出但唔会太辣，鸡肉馅鲜嫩，好有层次。 -
继续阅读
妈咪钟意食蟹，约咗佢食饭特登揾呢一间有蟹食嘅酒楼，而且做特价，几抵食。去到酒楼见到环境都唔错㖞，一入门口就见到有条靓靓花楼梯同埋水晶灯，好适合婚宴摆酒。招牌白胡椒蟹炆饭 $368呢个做特价好抵食，白胡椒蟹几大只，蟹钳真系啖啖肉。蟹肉鲜甜嫩滑，配上白胡椒汁惹味得来又唔会抢咗蟹嘅鲜味，妈咪食得好满意。店员仲会另外俾一碟白胡椒汁，客人可以根据自己喜好添加。饭底都好好食，吸收晒酱汁嘅精华，用瓦煲上好传热，饭喺锅上面炒得粒粒分明，锅底仲有少少饭焦脆脆，捞匀一齐食口感好好。远年陈皮脆皮烧鹅伴陈村粉 $168我哋叫咗个例牌，份量都好足。烧鹅微热，烧鹅皮保持少少脆，油香丰富，肉质都唔会干柴，最特别系垫底嘅陈村粉，吸收晒烧鹅汁精华，好好味。滋味芥末虾球 $148大大只虾球新鲜爽脆，啖啖肉，配上嘅芥末沙律杂果感觉清新，成个𩠌爽口清新，好啱夏天食。蚝皇烩安格斯牛肉球 $168呢个𩠌有啲似狮子球，不过系牛肉版。狮子头就成日食，呢个牛肉球就真系第一次食。安格斯牛肉牛味香浓，带有少少油脂香，口感少少扎实爽弹，加上里边有一啲爽口牛筋粒同埋马蹄，口感丰富。
继续阅读
位于铜锣湾星海荟设计非常高贵华丽😍一进店旋转云石楼梯，浪漫水晶灯加埋大量玫瑰🌹花怖置，超适合婚宴场地，新娘子喺到进场一定好梦幻。呢到楼底高地方阔落，亦非常之适合公司周年，家庭聚会，来梗父亲节仲推出左唔同嘅套餐添，你地都快啲订位孝敬下爸爸👴🏼啦。瑶柱鲜虾菠菜饺(3件）$44呢到嘅点心全部自家制架😋👍🏻保证真材实料，大大只菠菜饺，望落胀卜卜，非常足料，饺子皮薄烟烟韧韧，鲜虾弹牙。沙姜猪手粒$58Size一口一粒👍🏻非常好，冰冰凉凉，而家天热🥵食岩晒，香而不腻，皮爽肉嫩。红烧皇子乳鸽$68乳鸽皮脆肉嫩，咸香入味。XO酱炒肠粉(煲)$58肠粉Q弹，炒得鲜香浓郁。田园蒜蓉鲜虾春卷$44炸到脆卜卜，内有蒜茸同鲜虾，非常香口。青瓜拼木耳$58青瓜清甜爽脆😋👍🏻酸辣汁非常开胃，木耳口感柔软。鲜芒果布丁(冻)$44浓郁嘅芒果🥭香气😋👍🏻味道柔滑清甜，加埋花奶一齐食，口感更加顺滑。生磨蛋白杏仁茶(热)$38杏仁味道非常香浓😋👍🏻甜度适中，好少酒楼有得食，相当特别。
继续阅读
今日同朋友去左铜锣湾食饭，一入到嚟见到环境宽敞舒适，中间有一个华丽舞台，做婚宴或者宴会场地好fit！最近端午节都有推出优惠礼卷呢！ 招牌白胡椒蟹焗饭 $368一大煲胡椒蟹焗饭上枱，个饭表面放咗一整只嘅肉蟹，白胡椒酱汁就另上，俾客人自己调整想落嘅份量。焗饭干身，饭粒粒分明，最底下仲有啲饭焦添，拆开蟹壳，唔系空心既𠮶只蟹，表现有一层薄薄嘅炸衣，畀白胡椒酱汁包裹住，食落啖啖肉，白胡椒香气明显，令蟹肉鲜味十足，捞埋饭一齐食不得了 瓦𦉘豉油鸡 $168呢款系新品，又系用瓦煲一大煲上枱，新鲜整好仲喺度冒烟，鸡件油光嫩滑好入味，系食到豉油嘅味道但又唔会太咸，份量多到吓亲，三至四个人分都好够食 奇味芥末沙律大虾球 $148呢款系春季嘅推广菜式之一，虾球表面嘅炸衣薄身，均匀被芥末沙律酱包裹住，入面嘅虾球厚肉，加埋带甜味芥末沙律酱，食落开胃唔油腻 金沙黄金虾 $168同样都系春季嘅推广菜式之一，呢款金沙黄金虾成只虾炸得金黄酥脆，被香浓嘅咸蛋黄酱包裹住，连虾壳都可以食，真系好邪恶丫！
继续阅读