星橋居酒屋

星期六晚同老公喺中環拍拖，搵咗間 Google Map 幾高分嘅居酒屋 — 星橋居酒屋！🏮 好彩我哋有book位，唔洗等位， 一入到去，居酒屋嘅熱鬧氣氛真係好正，仲要播著動漫主題曲！🥰我哋兩個都餓到個肚打鼓，所以叫咗好多嘢食！😋 必點推介:螢光魷魚漬: 鮮甜爽口，調味恰到好處！👍🏻雞翼: 燒得好香，外皮脆卜卜，肉質鮮嫩多汁！🍗活白鱔: 燒得啱啱好，肉質彈牙，好惹味！🤤Mega虎蝦: 啖啖肉，彈牙嫩滑，鮮味十足！🦐雞皮餃子: 估唔到咁好食！外皮香脆，餡料 juicy，有驚喜！🥟其他美食:雞橫隔膜: 口感爽脆，味道唔錯！龐見島A4和牛串: 入口即溶，牛味濃郁！🐂豆腐沙律: 清新爽口，好啱解膩！🥗三文魚腩串: 肥美甘香，入口即溶！🍣牛油果炸蝦卷: 用新潟米，口感煙韌，配搭牛油果同炸蝦，好夾！🥑🍤飲品方面，Kirin 生啤都係 $78 一杯，都算幾抵！🍻 我哋慢慢食，慢慢傾，嘆咗兩個半鐘！😌 整體嚟講，食物質素高，價錢合理，環境氣氛都好正！👍🏻 推介俾大家！💖📍 餐廳: 星橋居酒屋📍 地址: 中環嘉咸街嘉豪大廈地鋪📍 價錢: $400📍 推薦: 螢光魷魚漬、雞翼、活白鱔、Mega虎蝦、雞皮餃子…查看更多

1. 三文魚牛油果沙律 $108沙律上面加咗大量嘅三文魚同埋牛油果仲有啲青瓜，三文魚係切到厚身嘅正方形，加上大量沙律醬，令到成個沙律都好邪惡，每一啖都會食到粒粒嘅三文魚。🌟評分8.5/102. 瑩光魷魚漬 $58有六隻魷魚，魷魚上面係加咗啲薑蓉，可以增加鮮味，魷魚好爽口，而且仲有少少爆汁，甜甜地。🌟評分8/103. 唐揚雞 $68唐揚炸雞揸到表面金黃色，而且個炸皮唔會炸到好厚，雞肉仲保持到嫩滑，仲有水份，即叫即炸，上枱仲係好熱。🌟評分8/104. 免治雞肉棒 $58雞肉棒份量都幾大，配埋日本生雞蛋加醬油點嚟食雞肉吸收咗蛋漿，更加好食，仲要免治雞肉入面加入咗少少雞軟骨增加口感。🌟評分8.5/105. 牛舌芯 $68牛舌芯燒嘅縮到啱啱好，令到入面仲保持到咁嫩，而且調味極度恰到好處冇蓋過咗牛舌嘅香味，牛舌芯口感爽得嚟嫩，油脂豐富，加埋檸檬汁中和油膩感。🌟評分8.5/106. 牛肋肉 $58牛肋肉冇燒到好乾，入面仲有少少生，所以保持到有肉汁，令到肉汁鎖住左係牛肋肉到，肉質好鮮嫩，牛味香濃。🌟評分8.5/107. 三文魚腩串 $38三文魚腩油脂豐富，三文魚腩又燒到好乾身，仲保持到油脂，食落充滿油香之餘，仲多咗一隻焦香味。🌟評分8.5/108. 活白鱔 $68白鱔皮燒得微脆，白鱔亦夠厚肉好肥美，仲要冇乜細骨，啖啖肉，鮮嫩爽口。🌟評分8.5/109.帆立貝串 $52一串有2粒大大粒既帆立貝，仲加埋燒汁同沙律醬，帆立貝食落好鮮甜，唔會燒得好乾，熟度啱啱好。🌟評分8.5/1010. 翠肉瓜 $28翠肉瓜燒到表面少少微焦，但係估唔到入面有咁多水份。🌟評分8/1011. 日本銀杏 $38連皮一齊燒，再加少少鹽，味道鹹鹹香香。🌟評分7/1012唐辛子 $28燒到表面乾身，再加入啲木魚絲。🌟評分7/1013. 油揚 $38油揚吸滿咗高湯既精華，有啲似包卜既味道。🌟評分：7.5/10🎖️整體評分🎖️❤️味道：8.5/10🧡環境：8/10💛服務：9/10💙性價比：8/10📍 星橋居酒屋 (中環)中環嘉咸街35-39號嘉豪大廈地舖…查看更多

最近都鍾意同朋友食串燒，唔使食咁多之餘，仲可以慢慢傾偈慢慢食～-今次搵到嚟中環嘉咸街呢間居酒屋，見啲人主力推薦串燒，又貪佢係中環可以收工過嚟食近近哋，價錢係中環嚟講又唔算貴，就happy Friday過嚟試吓～-叫咗兩款前菜試一試，梅子蕃茄（$58）有淡淡的梅子味，蕃茄仲好甜，食完之後好開胃👍🏻而雞皮餃子（$60）炸到好脆口，雖然用雞皮包住，但一啲都唔油膩～串燒整體嚟講質素都幾唔錯，食材新鮮，加少少檸檬汁同鹽食就已經夠味，有幾款最主力推薦🤤-✨燒白鱔（$68）好彈牙，白鱔皮燒到好似薯片咁脆✨雞橫膈膜（$35）食落比較煙靭，口感幾特別，但又唔會好似其他內臟咁濃味✨免治雞肉棒（$58）加咗少少紫蘇葉，配埋蛋漿食，味道同口感都好豐富✨帆立貝（$52）好大粒，配埋大阪燒嘅醬汁食好惹味✨牛舌（$68）雖然未去到好厚切，但燒到好軟腍好易咬開，牛味又夠濃✨燒虎蝦（$75）超巨型，加少少柚子鹽食調出蝦嘅鮮味✨九條蔥豚肉卷（$48）✨雞肉大蔥（$38）✨雞皮（$38）呢間居酒屋唔算太大，但燈光好柔和，又坐得舒服，侍應服務同態度都好好，絕對會再encore 👍🏻…查看更多

今晚同朋友去咗間中環居酒屋，主要食咗幾款串燒，飲咗幾杯酒，然後去下場再飲過🫶🏽🌟唐揚墨魚咀 $58第一次試炸墨魚咀外脆內裏QQ咬口，嗰種脆口係酥脆而唔係死硬嘅脆，然後點埋秘製辣醬食，個醬汁類似係Tabasco加沙律醬🫶🏽🌟雞皮餃子 $60將雞皮當餃子皮包住肉餡，燒到脹卜卜，一開始以為會好油，但原來唔係，雞皮有啲彈性，將個餡紮得好緊，入面嘅餡有菜有肉，好好食🫶🏽 🌟汁燒蔥牛肉卷 $68牛肉燒得剛好，包住清甜嘅大蔥，驚喜位係個蔥一啲都冇我討厭嘅辛辣味🌟岩鹽魷魚一夜乾 $98魷魚好大條，簡單用岩鹽調味已經好夠，燒到微微焦香，口感有嚼勁但唔係死韌🙌🏻🌟雞翼 $45外皮燒到金黃脆身，入面肉汁鎖得好好👍🏻🌟雞橫隔膜 $35呢個部位好少見，所以好快叫咗😹口感似係食QQ雞皮再大少少肉嘅感覺，以為會有軟骨點知冇，個醬汁就係平時日式串燒燒汁嗰一種味道，兩者都好夾🌟九條蔥豚肉卷 $48豚肉片卷住滿滿嘅蔥段，蔥嘅甜味中和咗豚肉嘅油膩，食落清新又香口🫶🏽🌟豬頸肉 $48燒到外脆內嫩，每一嚿都係厚切，咬落去油香爆曬出嚟又有啲爽，每件豬頸肉都有wasabi食更加提鮮，而唔係攻鼻嘅感覺😽🌟牛舌芯 $68厚切牛舌芯中心仲保持住粉紅色，好香好多汁😽簡單用鹽、黑椒、檸檬汁已經好夠味🌟甜薯 $28平時放題食到嗰隻，燒到外皮微焦，入面綿密香甜，係完美嘅澱粉質結尾😌🌟鮑魚刺身 $108其實佢冇切得好薄，但係新鮮彈牙，一啲都唔韌，食得出有醃過啲醬油，好食😚-呢間居酒屋嘅串燒真係有水準，食物方面冇一樣係要劣評，唯一係舖位有啲細，大家預先book位會好啲呢食材新鮮😆…查看更多

Happy Friday 相約老best 去中環星橋居日式居酒屋食串燒🍢，位置都方便在嘉咸街，週未客人頗多氣氛熱鬧梅子蕃茄餐前食一口冰鎮感覺咬落超多汁，甜甜酸酸味道清新螢光魷魚漬口感爽脆，吞下去滑嘟嘟，咸香帶鮮味，味道甘甜油甘魚鮫炭燒魚皮燒得香脆，魚肉鮮嫩，加點白蘿蔔蓉同檸檬食更鮮味九條魚豚肉卷豚肉燒過之後有濃郁香味，油脂濃郁，混合九條蔥清甜香味雞翼外皮燒得焦香，雞肉鮮嫩肉汁Juicy活白鱔肉質彈牙爽口，味鮮甜豬頸肉厚身爽口，抹上芥未提升肉質味道更加香口雞皮脆卜卜好脆口，是極佳左酒小食三文魚腩串肉質肥美甘香，火灸過魚肉焦香之餘更甘香Lemon Highball甜酸味道好平均，口感清爽解渴柚子梳打來自日本柚子味道香甜…查看更多

位於中環小巷嘅居酒屋，舖頭細細但係氣氛溫馨，牆上面有特色嘅日本公仔插畫，好啱收工同朋友聚一聚！開胃菜1️⃣燒鱈魚干燒到啱啱好，脆卜卜配埋蛋黃醬，忍唔住不斷食2️⃣梅子蕃茄酸酸甜甜，口道清新好開胃刺身1️⃣好特別居然有得食原條嘅秋刀魚刺身，秋天正正係秋刀魚最肥美嘅時候，配上特製嘅薑未蔥醬油同埋醋，食落去唔會覺得好腥，肉質鮮嫩2️⃣鮟鱇魚肝口感滑嫩，配合醬料好易入口炸物1️⃣雞皮餃子雞皮炸到卜卜脆，雞肉內餡好豐富啖啖肉，配埋酸醬超好味2️⃣唐揚雞分量幾夠，卜卜脆又唔會過分油膩，鍾意食唐揚雞嘅朋友唔可以錯過串燒1️⃣雞肉大蔥燒到啱啱好配爽脆嘅大蔥，好有層次感2️⃣免治雞肉棒雞味突出，配埋無菌生雞蛋，口感濕潤，加埋裏面有啲嘅軟骨，最好食嘅串燒3️⃣ 雞翼外皮燒到焦香，而且又拆開咗雞翼兩邊燒，所以燒得非常均勻，好適合一路食一路飲酒4️⃣ 九條蔥豚肉卷豚肉燒得好嫩滑，配埋九條蔥香味十足5️⃣ 豬頸肉肥瘦適中燒到啱啱好，燒汁醬料甜甜地中和咗豬頸肉嘅肥膩感。…查看更多

星橋居酒屋 (中環)地址：中環嘉咸街35-39號嘉豪大廈地舖推介：芥辣八爪魚八爪魚夠爽口，芥辣汁好醒胃，唔會太攻鼻，送酒一流。唐揚雞即係日式炸雞，外皮脆，入面雞肉好Juicy，咬落有肉汁。係穩陣好食。冰鮑魚口感彈牙，食得出勁新鮮鮑魚味！勁好食！豬頸肉燒到微焦最正。爽口有嚼勁，油脂香。免治雞肉棒雞肉串食落有口感。點生蛋黃汁係精髓！超夾！燒雞翼串燒雞翼，燒到皮脆肉嫩，簡單灑鹽已經好香口。黑糖梅酒甜得嚟順喉，個人幾鍾意飲！嚟到可以試吓！梅子蕃茄 呢個凍蕃茄超大浸梅子味！都幾特別！…查看更多

夜晚最適合就係約朋友嚟一餐串燒大餐 🍶，坐低慢慢食吓串燒、傾下計。今次就揀咗中環嘅 星橋居酒屋，地方舒適，燈光柔和，真係好chill。🥢 螢光魷魚漬 $58入口帶有魷魚的鮮甜，加上發酵後的特殊風味，開胃 🦑。🥢 鮟鱇魚肝 $88滑溜綿密，好似食緊海中嘅鵝肝，鮮香濃郁，非常適合配酒 🥂。🥢 煮牛筋 $75牛筋炆得非常之腍，膠質滿滿，啖啖都黏稠香滑。醬汁收得剛剛好，但又唔會過鹹，最啱配酒一齊食 🍺。🥢 蜜柑鯛 $138刺身食落真係好特別，唔洗用任何醬油，魚肉本身已經散發淡淡嘅蜜柑清香 🍊，清新得嚟又高級，值得一試。🥢 鹿兒島A4和牛串 $98火候掌握得啱啱好，入口即溶，牛味濃厚，有油香但唔膩，好正！🐂🥢 九條蔥豚肉卷 $48青蔥夠新鮮，味道香甜，包住外層燒香嘅豚肉，口感層次豐富 🧅。🥢 豬頸肉 $48厚切嘅豬頸肉爽彈多汁，咬落仲帶少少焦香位，口感唔會乾柴 👍。🥢 雞橫膈膜 $35肉質嫩中帶爽，帶少少咬口，食落有濃厚雞味又唔覺得肥膩，燒香後嘅風味更加突出。🥢 兔治雞肉棒 $58表面燒到焦香，裡面混入紫蘇葉帶嚟清新感，配上濃郁嘅蛋漿一齊食，清爽同香濃完美平衡，比坊間好多免治雞肉棒更有層次。🥢 汁燒蔥牛肉卷 $68牛肉肉汁豐富，加上鹹甜醬汁同香蔥，非常之夾，燒得香氣十足。同其他居酒屋比，星橋居酒屋勝在環境舒服、地理位置絕佳、串燒火候拿握得好好。如果想收工後同朋友慢慢傾偈，又想食到水準高嘅串燒，呢度係一個唔錯嘅選擇。…查看更多

中環唔只得蘭桂坊有好西食🤭最近係中環而個鬧市中既嘉咸街發現有間居酒屋😲條街無乜人，但入面都幾多人😲😲😲 即刻睇下點解啦🤪🥢赤貝 ($78)赤貝超新鮮，仲好爽口😗不過得兩件，好唔夠喉😂🥢螢光魷魚漬 ($58)魷魚咸度適中，加上薑蓉癖腥，食落滑溜，唔錯😌🥢煮牛筋 ($75)個人最中意而味餸😍 必點❗️牛筋炆得勁入味勁腍，腍得黎又唔會散😙如果有碗白飯黎送就正啦😆🥢雞橫膈膜 ($35)依個部位好少何會食到，肉嫩，味道簡單卻好好，值得一試😉🥢雞皮餃子 ($60)雞皮脆脆的，內餡超豐富，每粒都脹卜卜，亦做到外脆內軟😛🥢唐揚雞 ($68)炸雞外脆內嫩，炸衣唔會太厚，仲鎖得住肉汁，唔錯🙂🥢雞軟骨 ($35)佢係比雞胸軟骨，咬下去脆脆既，雞肉亦好嫩，配調味粉更好味😌🥢雞翼 ($45)食串燒就梗係要食燒雞翼㗎啦🤣勁香口，肉汁仲流緊出來🤤不過一串得兩隻，好唔夠喉🫠🥢牛舌芯 ($68)好爽口，完全唔韌仲好嫩🤗簡單嘅調味已經好好味🤭🥢汁燒蔥牛肉卷 ($68)蔥香加上牛肉，味道超搭，睇個樣都知正🙂🥢豬頸肉 ($48)豬頸肉好爽，唔會咬到牙都甩🤣 面頭有d wasabi，減低膩感😌🥢免治雞肉棒 ($58)雞肉棒夾雜住軟骨，咬落口感好豐富，蘸埋蛋黃食好正🙂星橋居酒屋氣氛輕鬆，食物質素亦相當不錯😚係中環食連鎖店食到嫌，不妨去試下而間小店，包你滿意😀…查看更多

我都幾鍾意放工之後去居酒屋食飯，享受吓居酒屋時光。🔸赤貝。深海池魚✨赤貝口感爽脆；✨深海池魚肉質結實，味道清淡。🔸日本河豚乾河豚乾燒得乾身，味道鹹甜。🔸煮牛筋👍🏻牛筋軟腍，有入口即化的口感，而且很入味。仲可食到唔同牛的位置，蘿蔔腍滑無根，醬汁味道豐富，如果配白飯食，啲汁一定冇剩。🔸岩鹽魷魚一夜乾魷魚以一夜乾的做法製作，肉質軟硬適中有嚼勁，味道濃縮帶鹹香。🔸唐揚雞雞外皮薄而脆，肉質幾滑仲有肉汁，配上沙律醬很滋味。🔸甜薯。翠肉瓜。日本銀杏✨甜薯質地軟糯，味道甜美；✨翠肉瓜厚身，口感爽脆多汁，帶有牛油和鹽香；✨日本銀杏質地結實，味道鹹鹹的帶點甜味。🔸雞皮雞皮香脆，唔會油膩，口感脆得來帶韌性。🔸雞翼。雞腎✨雞翼脆口，雞肉都算滑；✨雞腎較實和韌。…查看更多

今晚開心同朋友係中環食好西啦～ 星橋居酒屋在中環嘉咸街，氣氛地道又溫馨，主打新鮮刺身、燒物和創意日式小菜。招牌壽司和串燒味道鮮美，配清酒最對味！🍣🍶壽司拼盤的味道多樣又鮮美, 鮮嫩的生魚片入口即化，帶海洋鮮甜；壽司飯酸甜適中，粒粒分明；配上海苔的微鹹和芥末的微辣，層次豐富又平衡，超滿足！🍣三文魚刺身入口超嫩滑，油脂豐富帶自然鮮甜，魚肉色澤通透，口感細膩又帶點滑滑的滑順感，吃起來很新鮮，很有海味！🐟  星橋居的串燒種類多又吸引，牛舌串嫩滑帶嚼勁，燒得香口。 雞肉串多汁入味，焦香恰到好處。 豚肉串肥瘦適中，鹹香迷人。 蔬菜串（如金菇、娃娃菜）鮮甜爽脆，平衡口感。 雞軟骨串脆口帶嚼勁，香脆誘惑。  …查看更多

經過見到呢間日式居酒屋就試一試🙃🦑 螢光魷魚濆：第一次食呢個前菜，超級特別！入口鮮甜同帶有d 甜豉油味道，口感好煙韌🌶️ 芥辣八爪魚：芥辣夠勁，醒胃又開胃，配酒一流👅 牛舌芯：厚切但不失嫩滑，燒得剛剛好，加d小調味就非常好🐔 雞橫隔膜：呢個係少見部位唔係度度都有，值得一試🐟 三文魚腩串：油脂豐富，入口即化。 🥒 翠肉瓜：清新爽口，食番個菜平衡整體味道。 🐚 鮑魚 &、赤貝：海味十足好鮮甜，特別是赤貝，單點也值得。 🥗 三文魚牛油果沙律：份量好足，加埋牛油果超健康，是女生最愛的菜式飲品點咗呢d🍑 Peach Chu-Hi：微甜微氣，好適合女士飲🧃 Japanese soda：呢款係綠茶口味，飲落去好特別呢度氣氛就有種置身居酒屋小巷的感覺。適合下班後來chill一chill，或者約朋友來個輕鬆聚餐🙌🏻…查看更多

Lunch time經過見到間日本野就諗住入去試下，雖然門口望落好普通，但d野都幾好食，佢lunch set有兩個餐牌選擇，而每個餐都有湯、沙律同前菜🍱溫泉蛋特盛汁煮牛肉丼 $108牛肉煮得岩岩好唔會好靭，配埋洋蔥都幾好食🍱炙燒四色丼 $138呢個分別有三文魚、鰻魚、油甘魚同埋赤鯥(白身魚)，每款魚都好新鮮呢間環境幾好坐得好舒服，而夜晚主打做串燒，諗住下次夜晚黎試下d串燒🤤地址：中環嘉咸街35-39號嘉豪大廈地舖…查看更多

星橋居酒屋隱身鬧市，昏黃燈光與木質裝潢營造濃濃日式氛圍，令人一踏進門便倍感放鬆。這晚我和朋友點了一桌豐富菜式，從燒烤到刺身，樣樣令人回味。雞翼烤得金黃酥脆，肉質嫩滑，炭香撲鼻，調味恰到好處。雞軟骨咬感喀滋，微辣調味超適合下酒。雞橫膈膜Q彈多汁，油脂豐富卻不膩，令人驚喜。豬頸肉肥瘦相間，外焦內嫩，肉汁爆開的滿足感無與倫比。牛肋肉軟嫩多汁，油花均勻，搭配特製醬汁，牛香濃郁，堪稱全場最佳。蔬菜類的翠肉瓜輕烤後清甜爽口，炭香點綴，簡單卻迷人。日本銀杏外微焦內軟糯，堅果香氣獨特，作為小點很討喜。豆腐沙律滑嫩清新，和風醬汁開胃；明太子沙律微辣鹹香，與蔬菜脆感形成有趣對比。秋葵保留黏滑口感，簡單調味，清淡不失風味。刺身方面，三文魚厚切鮮甜，入口即化，油脂豐富不膩。油甘魚鮫外焦內嫩，魚油香與炭燒氣息交織，一試難忘。星橋居酒屋食材新鮮，調味不過分，凸顯食物原味。服務親切，雖忙碌時上菜稍慢，但整體體驗愉悅。適合朋友小聚，想在輕鬆氛圍享受燒烤與刺身的雙重滿足，這裡是不二之選。下次還想再試串燒與刺身拼盤！…查看更多

朋友鍾意食串燒，就搵左呢間位於中環的日式串燒店。店舖環境舒適，適合同朋友傾下計食下野，亦都可以飲下酒，係中環搵食既好去處。燒白鱔白鱔厚身，但燒出外脆內軟的質感，而且味道調教得好好，即使唔鍾意食魚，都會覺得好食，可以話係必點系列。三文魚腩串三文魚腩帶有油脂，既肥美但不會太油膩，而且份量適中。帆立貝串帆立貝新鮮，有鮮味，生熟度剛剛好，不會太韌免治雞肉串免治雞肉串配上蛋汁，雞肉鮮嫩入味，配上的雞蛋蛋味濃，增加左免治雞肉既味道層次雞横隔膜第一次食，食落口感特別，煙煙靭靭，又唔會有內臟既濃味，可以一試。蜜柑鯛5件食左串燒後，食返呢個魚生刺身，而且配上不同嘅醬汁，帶出刺身不同嘅味道。而且魚生新鮮、魚肉有彈性、食完刺身後食呢個刺身，感覺很新鮮。鹿兒島A4和牛串和牛燒得非常之好，生熟程度剛剛好。如果配上白飯更一流。我想聽。煮牛筋必食✨煮牛筋，煮得剛剛好，牛筋煮到入口即溶。重點推介，呢度服務好好、招呼👍👍…查看更多