星小宴

@星小宴今日同朋友去咗黃金海岸,見到呢間酒樓做緊乳鴿買一送一,兼且下午茶時段大中小點$20,好似幾抵,望入去環境幾好,仲可以望住遊艇海,就入去試下啦#灌湯水晶乳鴿問過職員呢個同紅燒乳鴿一樣,上枱時熱辣辣,皮脆甘香,有肉汁,呢個好食#蟲草花濃湯鮮竹卷鮮竹卷正常發揮,內有蘿蔔絲和木耳絲,湯汁真係好濃,朋友全部飲曬#竹炭雪山叉燒餐包熱騰騰,脆皮,内有滿滿嘅义燒#香茜牛肉布拉腸粉腸粉皮好滑,不過有啲厚和偏油,牛肉份唔多,呢個一般總結餐廳環境優美,QR code落單,價錢實惠,下次會再來…查看更多

山長水遠入到嚟，梗係又要醫肚先，最近落車點嘅一間～星小宴。説實話，地方寬敞，座位唔迫夾。但冷氣變咗唔夠，真係有得有失。炸乳鴿買一送一，鹵水唔錯，最驚喜係啲肉唔柴，保留到肉汁，唔錯。叉燒飽普普通通，蝦餃皮薄，蝦亦新鮮。大良炸鮮奶，層皮大油，二口子食左一條放棄，因為層外皮，吸晒油，油多到離譜。最後煲仔飯，有飯焦係好，但「燶」咗底，攪到成煲都有「燶」味，失敗。埋單～$376回頭度～5/10喺炎炎夏日，冷氣唔夠，對我嚟講真係攪唔掂。…查看更多

因為黃金金功夫人多，唯有選呢間。平時印象就不好，今日帶住bb費事要等咁耐。明明有好多空位，又🈚人係出面排隊。一定要卡住人數坐位，我哋有架BB車，本身話叫我坐卡位抱起bb 我話佢訓著左抱起佢？ 後來見到張5人台，我哋三大一小坐下來，突然間話唔得 呢個要5個人先可以坐，一陣有人來就無位做起，我話你裡面咁多空台，可以開放出來，佢話裡面d台大d 要人數夠先可以坐。真係無語，經理同服務員咁樣死板安排，明明咁多空台都不讓人坐,仲一直在旁邊話我哋唔可以坐呢張台，話隔離有個四人卡位坐，bb都擺唔到 仲要我抱起佢。真係激死人 索性走人。…查看更多

繼上次食完覺得幾好食～今次就再去...見到有季節限定蟹粉小籠包 就要了後到見到比想像中大隻～😮.可惜皮比較薄～未夾起就穿了～內餡不太能吃出蟹既鮮味 有點失望入面還吃到一塊有點厚度的透明硬膠片..😣🥲🥲🥲係會界損口的🥲🥲乳鴿現在做緊優惠 買一送一 皮未到好脆口～ 但幾入味～👌🏽👌🏽蓮藕煎餅蓮藕係切碎粒混左係肉入面 但唔算有好蟹蓮藕～除咗有豬肉 仲有對蝦仁係入面～呢個有啲加分～燕窩流心包燕窩嘅存在感非常之低～就當佢係普通嘅流沙奶皇包咁食就好了～😂…查看更多

呢間中餐廳出品其實唔錯，但服務就真係笑料. 手機落單叫咗燒乳鴿(開邊). 上菜時候同待應講要求碎上(一開四),佢話手機咁樣落單冇得改.我忍唔住笑咗出嚟,叫佢拎入廚房咁簡單唔知係廚房大佬唔高興,定係佢老人家唔想行多轉.正正解釋到點解今時今日香港飲食業走向末路/不歸路.唔好講錢咁俗氣,無錢根本唔會行入去.服務業檢討吓自己先啦. …查看更多

大推煲仔飯🙂‍↕️煲仔飯成個底都係飯焦👍而且唔會過燶 全部都食到！香香脆脆 👍👍👍👍飯焦控表示滿意😌😌.另外野菌竹笙餃 都幾特別👍佢既調味做得幾好有意外驚喜😀不過可惜嘅係唔係好搵到竹笙😜😜..蝦餃都算飽滿點辣油好食啲～.見好多人叫春卷～所以都叫左～就正常😛😛.呢到既點心款式唔多..小食好似炸魷魚鬚佢都係當小菜咁價錢都係偏貴少少～但係味道都算唔錯👍會再食🙂‍↕️🙂‍↕️.…查看更多

做人幾十年人生第一篇投訴食評！酒樓自己出菜已經慢客人也未投訴，酒樓飲茶兩個小時正常吧，客人是有權坐的，這不是茶餐廳！定見似熟賣熟冇人等位可以叫熟客起身？生客也不應該吧！毫無禮貌的員工，管理層係零責任感，非常不尊重人。再者，點心當日不新鮮，春蛋燒賣有少少變味，我們也冇出聲，都費事同服務員爭辯（以前試過，唔認嘅多，大家去下就知）我哋如果不是住附近坐下聊天，不會考慮去。本人媽媽腳力不好才去附近，否則絕不比錢佢賺。此乃沒有自知之明嘅公司。作為一個開業至今幾年一直光顧的客人，今日徹底決定永不光顧，從未見過一間酒樓對熟客如此無禮，員工管理非常差，反面現實對客人非常不尊重，熟客都可以出張單叫你起身買單趕走你。自問自己屋企家族都有經營餐飲生意，也認識不少餐飲業界的人，因為住附近經常光顧，從未見過任何一間下至低級上至高級的食肆如此荒謬的管理。如此差劣的服務及時好時壞的出品，我們每星期去兩三次，大部分同事都認得會有傾有講，過時過節每位同事過來賣月餅券，糕券，糭券我們全部也買，其實也不必要，順粹幫手買下，你尊重我時我尊重你。今日25/06/2024 我們如常去此酒樓飲茶，食到都差不多，但其實未食完，負責買單的同事（平時也認得會稱呼我們姓氏）竟然出張單比我地走過黎話「今日真係唔好意思，我打返個九折比你」當時我們在聊天，一時也未為意此話意思，亦從未遇過這情況，以為此同事意思是客人比較多今日提早截單，幫佢手買單先，因為此餐廳平時也是一次過出單就拎過黎埋。（其實也沒有禮貌一般也會問了客人才出單，但是我們因住附近有時也隻眼開隻眼閉其實很多大大小小問題如食物溫度不足，出菜很慢，員工服務態度，作為客人都算了，都明白他們工作辛苦）後來，我們付款後才發現該同事只買了我們張單，當時眼看沒有人等位，有可能一個半個，不是排隊那種，而且餐廳位置未滿。再者，也不該拿單給熟客買單叫起身吧，任何一間酒樓也可能這樣吧，何等不尊重客人，此同事做人基本禮貌也沒有？我們當時也差不多吃完，遲多十分八分鐘也是會起身買單，而且該店出菜一向慢，一般15-20分鐘以上，飲茶傾歇慢慢食也正常。餐廳沒有標示入座起/繁忙時間限制我們問返負責買單的同事，佢竟然話「我有講左唔好意思，同打左個九折比你」咁你又願意買左」首先如果你拎到張單過黎作為客人我當然會買因為係我責任，但不代表我認同你做法，講唔好意思就代表人地一定要接受？打個九折叫人起身好似理所當然？問左人就代表可以出左單拎黎焗個客？食客會因為你九折覺得可以比人趕走？平時買券，個個雙封利事咁派也不只吧（我不是說比錢買野食野大哂，是我們尊重你地，你地連基本比客人的禮貌都冇）後來，我們即時叫個當值經理出黎，他表情及態度上完全沒有想協助你的意思，他還說他不知道咩事，如果一間公司店長經理可以讓一個員工發生咁嘅事，不多不少是管理問題，但他好似不聞不問，毫無責任咁，還説「咁你地可以唔買單」？？這甚麼歪理！我們當時嬲到，即時連經理名也叫佢寫落卡片，因為管理不善，問佢拎左寫字樓電話，此餐廳屬名苑酒樓，但是打上去找寫字樓又係另一笑話，姓黃的負責同事，話佢地直對老闆但沒有老闆回覆，一個基本management 態度也沒有，至少做下表面功夫找人即時處理訓斥下覆返個客也沒有做，其實有時你有冇做客人也不知道，至少感受到反映有重視。Office 的黃姓同事答了你我轉頭覆你，又沒打黎，打返去再承諾6點前覆，最後又不了了知。隔天再打返去，話找阿Head回覆，答應了2點前回覆，又再不了了知，非常不重視客人。上面office都咁差的management, 下面店長及同事又咁差。光顧了近四年，以前店長在，我們有時也去晚飯，飲茶也每星期幾次，幾年間計埋買券也支持了近十萬生意額。後悔把錢光顧了此店，今日一個趕客九折，永不錄用，顧客也是有權選擇及值得捍衛消費者應有的尊重。…查看更多

今日紅黃雨，近近地行來午餐，還是第一次試菜。中午13:30 全場大約3-4成客。先俾張中間4人方枱，我想低調吃，要求最尾一張較短的窗邊卡位，放了三人的餐具。穿白色制服馬尾女職員，堅持我一個人只能坐卡位隔離一系列的方枱，看見每張枱都放了4張椅。甚麽道理？無清楚解釋。未試菜先一肚氣，只好走人。…查看更多

1:45落單，叫左4碟點心、一碟飯，每30分鐘出一碟，一小時後追佢，都仲未煮，午餐食到下午茶。呆坐到3點幾，仲有一碟飯、一碟腸粉未到，胃都痛埋。新年一月一日坐地起價，點心$50幾蚊一碟，真誇張。客唔多，都咁慢。貼錢都唔食。等左2個鐘都出唔到點心，夠竟想點？只能講差到極點，差到無人有。追佢就唔理你，答話煮緊，究竟要煮幾耐？究竟係冇材料？定係冇人手？叉燒包、蘿蔔糕？腸粉、鮮竹卷，呢四碟點心，真係咁冷門咩？好難煮架？…查看更多

驚喜的味蕾之旅，就係星小宴嘅美食啟程啦！嘩，講起佢嗰炭爐燒味，真係叫人口水直流啊！首先擺上嗰盤炭爐雞，外皮燒得又香又脆，輕輕咬一口，肉汁噴張，真係「正」到爆！肉質軟滑，吃落去外香內嫩，味大又霸道，正！等等，我仲未講完呢！接住就到咗加個豐富嘅湯底，鴨血、豆卜、木耳一丟落去，養生又暖笠笠，咁嘅配搭，簡直可以令人忘記外面嘅煩惱，感覺就好似飲咗壺暖笠笠嘅靚湯咁，開心！最後嗰碟手切肥牛，質感一流啊！輕蘸嗰湯汁，肉質彈牙又唔失嫩滑，夾雜肥瘦，嘗一嘗就知滋味滿分。唉，正！其實食得開心就最緊要，這間餐廳就係咁樣，輕鬆嘆美食，邊享受邊感悟人生，實在太對味喇！🍢🔥💯…查看更多

2023/11/21 早上第一次係星小宴飲早茶，只因見其他餐廳多人，見有位就試下啦。叫左早餐雙寶，手工餃+黑毛豬艐唉，食品不好，連態度極差。叫左黑毛豬艐，點知唔熱，同一位姓黃職員講，點知職員話蒸左好耐冇理由唔熱，仲要黑面。跟住我話要換，點知個職員氣沖沖黑面咁拎走咗，一句都冇講聲。一句對唔住都無，唉😮‍💨問其他職員又話經理未返。之後我吃左兩隻餃就走左。最後無吃艐，白白比錢同服務費，仲要一早食晒氣。…查看更多

第二次嚟呢度飲茶，上一次8月尾嚟嘅時候食物質素OK，服務還可以。今次因為假期再光顧，12:48到達等位，當時要等四張。明明同門口待應講，你而家係B12，我哋係B13咁下一張枱我哋喺度等，佢話：好！係！之後我見到有位男士係手持B15飛，佢哋認識嘅，咁位男士B15嘅就去坐低，我發現就問個白色恤衫嘅服務員，仲要死口唔認，仲要話嗰個男人係B11，跟住我就去門口同個帶位待應查詢😓佢話叫咗好多次，我哋冇人應，不斷鬧，跟住我話你哋冇咪叫號數，你哋做服務性行業竟然可以鬧客人實在太離譜，就算客人聽唔到應該都要解釋，竟然着白色恤衫嘅完全冇道歉同任何理會客人嘅態度，不可接受🥵半個鐘頭後門口侍應走到我枱，解釋話佢今日比兩位客人鬧，所以佢好氣憤，忍唔住就鬧我哋…….食物幾好，但服務態度差都不能接受!!!!…查看更多

巧耐茅黎黃金海岸，印象對上果次黎應該是 N 年前有攤檔的時候。呢間環境幾好，可以坐戶外望住遊艇停泊區用炭火食雞煲。招牌醉菜烤江團魚：江團魚幾大條、肉質幾滑。招牌雞煲：雞件肉質都滑但蒜蔥不夠淋。瓦罉鮑魚雞粒炒飯：鮑魚大小好像指甲般，好過引。炒飯幾乾身、吾錯。…查看更多

黃金海岸商場有幾間唔同類型嘅餐廳，今次就試咗一間有烤魚、炭火雞煲、小菜、點心嘅中式酒樓✍🏻前菜: 秋葵&無骨魚已經係成餐最好食嘅食物，都係乾身脆卜卜👍🏻🔸沸騰麻辣烤青江魚 小辣 💲348第一次食烤魚食咗2舊就想放棄，首先醬汁唔香唔辣，魚肉質感麻麻地，入面嘅配料得少量雲耳&好幼嘅紅薯粉，竟然menu連最基本嘅蓮藕&萵筍都無得嗌🤷🏻‍♀️，最後嗌咗枝竹(💲42)、鴨血(💲48)、午餐肉(💲46)。午餐肉煮咗唔係好耐，一夾就斷&散開😮‍💨🔸即燒脆皮燒肉(例牌) 💲88燒肉皮脆，但味道一般🔸欖菜肉鬆四季豆 💲98正常發揮，味道就辣辣地🌶️另外，茶位💲18/位⚠️切記 呢間最出名嘅係炭火雞煲🐓，如果要食其他，建議要有心理準備💸🫣…查看更多

成日去 黃金海岸沙灘曬太陽都冇留意附近食店，今次好認真係商場搵野食，發現「星小宴」有炭爐火鍋🍲，好奇心驅使，試一試風味晚餐🥣秘製香辣雞煲 （1隻） ＄298用炭爐的好處是火力均勻，唔似用電爐過分將熱力聚焦，所以用炭爐打邊爐一刋都唔熱氣，燒得紅紅炭火，放入裝滿秘製香辣雞煲，滾下滾下，麻辣鮮香，掛汁的雞件，嫩滑入味，風味無窮。白菜韭菜餃＄68每日新鮮自家製白茶餃，豬肉蝦仁白菜豐富餡料，餃子香軟紮實，香汁四溢，吃得停不下來。本地生菜＄44生菜簡簡單單用湯滾滾，就很好吃。…查看更多