明谷

营业中

休息中

👉🏻頭盤小食🥬（雜菜沙律） 酸醋作為醬汁，可以自己另外再加 蔬菜新鮮度中上👉🏻香茅豬扒煎蛋飯🥩 一碗白飯份量正常不會太少 整體賣相欠佳 煎蛋有燶邊👍，蛋黃過熟至分離🙁 豬扒算大塊，但不厚身，肉色呈粉紅，不太實👉🏻生肉越式牛湯米線🥓 牛湯有味，不會太鹹 肥牛作為生牛肉 肥牛有半隻筷子長度，上枱時還呈粉紅色👉🏻熱檸檬蜜🍋 甜度可選擇，養顏之選🤭若然想CP值中等亦可選擇呢一間💪🏽餐牌看似好多餐但其實都係百搭

今日同閨蜜喺V city行到腳軟，本來諗住隨便搵間餐廳hea下，點知誤打誤撞，竟然有意外收穫～🍜 雞絲檬粉 熱到冇胃口嘅下晝，呢碗檬粉清清地都幾易入口！🍨 加購椰子雪糕 (+$12 | 原價$22)「OMG！必須加購！！」本來諗住雪糕咪又係嗰啲貨色，點知一上枱——🔥 燒粟米嘅焦香🥥 新鮮椰絲嘅嚼勁🥜 花生脆脆同砂糖粒嘅咔嚓聲再配埋濃到癲嘅椰子雪糕，凍熱交融嘅口感真係邪惡到震！我同閨蜜搶住刮杯，仲要即刻encore多杯～（$12真係抵到爛！)

佢個泰式椰子雞湯好好味，可惜晚餐先有，仲要係卡啦日子，即係一晚係苦瓜湯，一晚係泰式椰子雞湯。我去過呢間餐廳幾次只係飲過一次，要飲到呢個湯一係事前打電話問，一係就撞運氣。所以強烈要求佢有得散叫就最啦，我會為咗呢個湯成日去幫襯😆😆😆

經過見到下午茶時間主餐牌有75折所以試吓，選了下午茶餐菠蘿雞粒炒飯，及主餐牌冬蔭蝦球炒麵及煎蠔餅；可能是下午茶的關係，菠蘿雞粒炒飯份量少，主餐牌冬蔭蝦球炒麵份量還可以，味道偏辣但好味嘅，最後加了煎蠔餅，煎蠔餅最好食，蠔仔新鮮，不過少啲料，有胡椒味，可口香脆！平日下午茶時間不多人，座位都舒適，亦冇限時間，只係埋單時才發現原來煎蠔餅沒有75折扣優惠，怪自己不夠細心，又話主餐牌75折，以為同一餐牌就有折扣！

剛好在忙完事情後，再想去那裡吃飯飯，都是在三樓的位置，看到比較少人進去坐坐，又是招人體質，坐下後陸續有客前來。那地方比較大，不知道是不是免加一，到離開也沒有水提供，也看不到自助的位置。下午茶，可能是這區最抵玩之一，幾十元價錢，份量都可以。點了炒飯和炸雞比，你們知，對於炸比是沒有抵抗力。炒飯乾身，是用醬汁炒那種炒法，味道不算濃烈，反而肉粒都有一定大小，就比較有良心和少見。當然，真的好好味又未到，炒飯沒有火的味道，即是鍋氣，也不要太過份，可是熱度就比較不似炒出來，像翻熱或是烘熱出來的溫度。份量就比較下午茶類，真的想填填肚子，不想太多食物，也是一個不錯的選擇。炸雞比，就一般水平，不太用炸衣，看上去比較完整的色水，以為很脆，不完全是。成色知道很入味道，那肉量和汁水比例都可以，就是油酥感不多，比較油膩一些，當然看價錢就很合理，可以接受。店名：明谷Minh & Kok地址：屯門廣場三樓。費用：如果吃下午茶可以算抵食，主食看時段有折扣。如想看更多食評，可在主頁點擊查看，希望有金主課金照顧，連優惠券都沒有使用 。

見到水牌有呢間好似新新地嘅嘢就去咗試吓.咁啱下午茶時段.叫咗幾個餐試吓。.一個係金邊粉～一個喇沙～一個斑斕西多士...金邊粉味道都唔錯！雖然等得耐啲。同冇咩鑊氣～啲粉唔會話去到好淋，一坺嘢～調味都做得幾好！👍👍👍.喇沙都ok!湯底比其他連鎖店好喎～有啲驚喜😹😹.至於斑斕西多士本身掙扎左好耐，要普通嘅斑斕多士，定係斑斕西多士好。跟住諗起又好耐冇食過西多士，就揀咗佢啦～佢上菜上得仲快過金邊粉好多😆而佢本身啲斑斕醬喺個包入邊～ 所以佢面頭淨係有牛油唔會再比醬或者糖醬嗰邊有啲炸得好乾.有啲油如果再揀 會揀返普通嘅多士.最後埋單竟然問有冇yuu儲分？原來係美心集團嘅～

食物最緊要係熱辣辣上枱，就最好食，明谷就俾到我呢種感覺。今日我帶先生去食午餐，我叫了泰式肉碎煎蛋炒飯，紅噹噹嘅煎蛋，煎得好靚，賣相非常吸引，泰式肉碎炒飯味道香口，辣到又適中，仲係即叫即炒，熱辣辣上枱，非常美味。先生點了蔥油豬扒煎蛋飯，豬扒和煎蛋到煎得香口美味，但蔥油的味道略嫌太淡，要自己作出少少調味。每份午餐再配上一客沙律和一杯咖啡或奶茶，價錢都係由$64起，餐廳座位寬敞闊落，職員服務態度不錯，所以性價比非常之高。👍🏻👍🏻👍🏻

上星期行過屯門已留意👀到明谷下午茶☕️，但最後揀咗隔離友店You Café下午茶☕️，今次揀返明谷，冇食lunch，想食大份d，呢間同隔離一樣，都係下午茶☕️時間a la carte 75折兼送嘢飲🧃，同時又推下午茶☕️，所以有選擇困難😐症。隔離鋪要叫咗嘢先坐入，呢間坐入先叫嘢，坐靠牆位，最後揀咗牛魔王，原價$87，有生牛肉、牛腩片、牛丸同牛栢葉，餐飲叫熱咖啡☕️。上次隔離店叫個包都等咗半個鐘，今次叫牛魔王5分鐘就有，生牛肉真係生，啱我，牛腩片比較薄，但味道👅都ok，湯🥣頭比想像中濃厚，我係咁飲，因為我唔食芫茜🌿所以走青，辣椒🌶️粒要另外要求先有。咖啡☕️都大杯，ok。75折埋單$65.3，yuu儲分

今日係萬聖節🎃，就俾自己一個好心情食個豐富lunch，其實呢區屯門市廣場本身好多嘢食，不過都好厭同埋好多人，行吓行吓上到3樓見到有呢間，又有位走入去佢午餐小吃係泰式沙律酸酸甜甜好開胃至於主菜，猶豫咗一陣－心諗住食喇沙佢出名係雞髀流心蛋喇沙點知道午餐雞髀變咗雞扒有啲卻步所以由星加坡喇沙轉泰國冬陰功揀咗呢個雞絲扎肉冬陰功湯檬粉味道不過不失冬陰功唔夠濃，睇顏色都知淨係飲到香茅味，同埋貌似冬陰功嘅味道我expect佢有啲海鮮嘅鮮味飲品選擇都多，我揀咗熱檸蜜總括嚟講，我下次都係食返喇沙算

以今時今日50蚊嘅早餐係咪有啲貴？雖然減咗十蚊但係嗰杯奶茶呢冇味 好鞋 唔夠滑 主菜泰式肉餅米粉 太細碗唔係問題但係一陣唔知咩味...嗰陣味唔係人人接受不是針對而係事實

今日去咗屯門市廣場食午餐嚟咗呢一間新開嘅越南餐廳午餐唔係話特別貴普遍都係七八十蚊我哋最後嗌咗碗燒雞髀喇沙同埋生牛肉牛腩河粉加多杯桔仔檸檬水同埋咖啡埋單都差唔多二百幾蚊喇沙嗰碗味道唔錯不過碗牛腩牛肉河粉牛腩同牛肉就非常之薄但係個湯都幾鮮甜新開嘅餐廳嚟講算唔錯不過我覺得價錢可以再平啲

唔會再嚟幫襯，未至於難食，牛肉靭到一個點，最重要係有位員工態度不知所謂，我哋加錢要咗白咖啡，但只係一般咖啡，完全唔係嗰回事，所以問及一位帶眼鏡嘅中年店員是否嚟錯咗，個店員話係咁嫁喇你要咖啡喱杯咪咖啡囉，你要白咖啡嘅我加多d奶俾你囉，仲有咩問題？此刻無言。。。其實如果加多啲奶就係白咖啡嘅話，點解要extra 加錢呢？加奶咪得囉。。。咁大嘅集團，Menu得幾樣嘢。。。估唔到員工嘅知識咁有問題，態度仲要極差！

前身是高檔菜的吉谷社，現在這店成為價位中檔的明谷，屬於美心集團又一誠意之作。打著二時半始下午茶正價餐75折的旗號，能在空檔時段吸引粉絲，本身正價$79再加一的燒雞腿喇沙，現賣$67已包加一。先講地方位處商場3樓，此店能給人整潔寬敞的感覺而冷氣也很足，只叫了一個上述的喇沙麵，可能是新店碗子及餐具都很新淨，湯底有椰奶、紅油、蝦米及九層塔提香，味濃而咸道適中，但麵質不油很像意大利粉，軟硬度也剛好，雞腿是中号大小似炸子雞的造法，皮脆兼肉厚，餸除了肉食還有溫泉疍、豆卜及銀芽，因為是用厚身瓦碗食用溫度保持得好，整体食物質素及殷勤的服務可冠以真正高級茶餐廳之名了。

薄切牛肉、牛腩。午餐一碗生熟牛肉牛腩河係食唔飽的。問侍應乜D餸咁少同咁薄的牛腩，佢話係呀！坑腩切片！本人都不是大吃之人,午餐85蚊係唔飽的，同他家越式河粉餐廳比，差不多價錢，真心覺得呢間明谷係中伏。本人係不會不會不會再去幫襯的

上手是食上海菜咁快轉左食越泰菜，見價錢ok及新開張送飲品，即刻試吓，裝修原用上手，都新淨及空間充足，店員有禮也會略作介紹，上菜速度快，食物都幾好味，價錢合理，食物款式不算多，整體不錯會再試。