明洞EXPRESS

想食韓國野,和dd到這間韓食快餐試試原來改左名叫做dosi 樂,搵食的朋友要注意!!我們兩個叫了兩個定食,我叫左炆牛肋骨定食$58dd叫泡菜豬肉定食$29(+$3有野飲送)炆牛肋骨定食有很多前菜+好味泡菜湯,那個年糕真係很正,煙un個平時食開個d呢,腐卜也是超索味but d 牛肋骨就同想像中差小小,雖然係燜,但有d似煲完湯個d 渣呢,但其實都算不錯呢,兩個女仔share 都好夠食呢泡菜豬肉定食就好抵食,有大量泡菜鋪滿在飯面,但泡菜可能就返香港人口味,不太spicy,但見dd都食得好開心而且那老闆是韓國人,買野食時雞同鴨講,不過有個職員都識講小小中文,總的來說幾抵食,可以一試…查看更多

3月3號放工同o的同事試o下，都唔記得清楚叫咩食，記得係泡菜麵/ 年糕...真係好食！不過以佢o既格局，冇環境，冇裝修，$40 - 50 個set 就唔係值o羅！…查看更多

差不多很多個餐也試過, 無論雞肉, 豬肉也不錯, 那個較貴的牛肋骨, 非常腍, 正！炒粉絲幾特別, 不過太油。炒飯都頗有鑊氣, 全部既飯都好像用珍珠米！那碗湯OK, 不過有時會太重胡椒味。又試過辣泡菜鯖魚飯, 純豆腐飯, 都幾辣。韓式麵豉醬亦是傳統的那樣"黑"和"咸", 不知拌飯食定拌麵食較合適？現時的餐也有飲品, 甜品送, 超抵。最喜歡就是有一件甜品像蜜糖蕃薯, 平時也不太鍾意食蕃薯, 但都覺得好好味！！！店內有韓國MTV播, 地方也很清潔。不過紅磡附近, 居民多數比較年長, 又不近紅磡廣場或黃埔, 可能很難長做, 要食平價韓式食品就要盡快！…查看更多

在香港少有韓式自助快餐, 有d住家feel, 味道因為太韓國, 反而有時覺得唔好, 例如石頭牛肉飯, 牛肉真係很小, 生甘筍絲青瓜絲超多, 好唔好食真係見仁見智.但係我發現香港韓式石頭飯, 大多只是用"石鐹"盛飯, 就當石頭飯, 好似旺角朗豪坊上面food court石頭飯取飯時石鐹係凍既, 如是者, 不如減20蚊用個碗盛飯無分別.有見食家話呢間好食, 不如試下港運城樓下food court超好食石頭飯, 包你有意外驚喜!…查看更多

第一次係o係佐敦o既南京街, 係舊同學介紹入到去, 好多人都係韓國人, 不過佢地都識識地講d 廣東話... 都幾cuted 湯係韓國傳統o既住家湯, 通常都係食飯前飲o既, 水準唔錯, 冇味精, 都幾好飲ga.野食就同一般韓國料理有d 分別, 有d 特色食品, 唔係度度都食到, 住家feel 幾重, 就好似炒辣年糕, 炒粉絲飯. 仲有唔同o既口味可以選擇, 不過價錢就會比一般快餐店價錢貴d.雖然個餐係冇野飲, 但係佢有免費水供應. 環境都似一般快餐店, 所以食客唔會逗留太耐. 相信係仿效韓國的做法, 所以食物口味未必遷就到香港人.…查看更多

完全的快餐店格局，男友說收銀的是韓國人。定食中各種食物的味道都不錯，湯特別好喝，沒有口渴現象，不像味精湯，有很香濃牛肉味的蘿蔔湯。…查看更多

之前去食，叫左個飯，唔太難吃，不過D肉少到cry，只得少少肉碎。但價錢又貴，收50多元，環境一般，絕對唔值。以價錢來說，真係好劣質，不建議嘗試。…查看更多

今日係紅磡返工,lunch唔知搵咩食好~見到有間韓國餐順道入去試試,想叫個"牛肋骨肉飯",但同時又見到有個"炆牛肋骨定食"問一問之下先知原來兩個既分別就係""一個有骨,一個無骨""好在問一問,講小一個字或聽小侍應講錯都中招,所以如果點呢兩個飯就要講清楚"牛肋骨肉飯"or"炆牛肋骨定食" 拎左一張號碼飛就坐低等,5分鐘到就有得食..而味道就一般..牛肉真係太小..$50蚊...唔太抵食事關唔連飲品...想話唔要湯轉飲品都唔得...失敗..寧願去大家x好過..…查看更多

勁嬲！話說叫左兩個外賣拎走，一個炸醬飯($35)、一個牛肋骨飯($50)，拎到番屋企一打開，huh？！牛肋骨？！變左個肉片飯？！d肉既份量仲少過吉野家既細牛飯？！ok…打去同佢理論…我：我頭先黎買左個牛肋骨飯…但係得果幾片肉片…你地應該係俾錯。阿姐：哦…另外一個係炸醬飯丫嘛…你等等…(十秒後)牛肋骨飯冇骨家嘛…係咁o家喇。我：係咁？！唔係呀嘛…你得幾片肉片俾我咋喎…點都唔係牛肋骨喎！阿姐：係o家喇…廚房話o岩o家喇…佢唔會豬肉同牛肉都唔識分既…以下就係50蚊既牛肋骨定食……查看更多

我同朋友5人叫左2碟泡菜炒飯,2個石頭鍋飯一落單唔係好耐石頭鍋飯就好快得,夠晒熱而且味道ok,但...............另外2碟泡菜炒飯...我地足足等左半個鐘!...以快餐店黎講...絕對唔可以!....雖然出到黎碟飯係好好食但係等左半個鐘真係扣晒分...所以比中立…查看更多

尋晚經過就去試試，老婆喜歡食石頭飯就叫左個牛肉石頭飯套餐，我就叫左個牛肋骨套餐。套餐除主菜會有湯有泡菜。個牛肉飯OK，個牛肋骨四件肉都幾淋，不過個汁比較杰同淡，飯比較硬，整體不過不失，加埋兩杯柚子茶，埋單一百蚊。快餐黎講算係咁上下啦。…查看更多

15-06-2006 19:45 搭車經過紅磡蕪葫街, 見到新開左間明洞Express, 今晚就同老婆黎試試! 店內可說無甚裝修,食物的種類亦不算多, 但烤肉,石頭飯,湯麵和辣鍋等韓式菜都有供應. 我倆點了一個辣泡菜什錦麵($35)及一個牛肉王菜鍋($30). 什錦麵用青瓜,泡菜等材料,並加入大量辣醬, 將麵也染得通紅,不過麵的份量太少,味道也只得辣. 反而隨餐附送的湯就味道不錯. 牛肉王菜鍋味道辛辣,材料為大白菜及牛肉,不過吃不出半點鮮味. 對快餐本來就不會抱甚麼要求, 但既然冠以明洞招牌, 並主打韓國菜, 無論如何也要多多改善. 連一杯汽水埋單共$71.…查看更多

韓國菜向來是我的喜愛口味之一﹐但要吃有水準的韓國菜﹐並不便宜。對於我這個"專食cheap野" 的人來說﹐明洞Express在我家附近開分店﹐應該是個喜訊。前幾天去了一試﹐選的是我至愛的韓國菜式- 炆牛肋骨。套餐包括白飯一大碗﹐餐湯及泡菜薯仔一小碟﹐賣相是頗吸引的﹐以份量計﹐這個套餐賣五十元實在不貴。但老實說﹐食物水準並不高。白飯頗糊﹐用的亦不是甚麼優質米﹐沒飯味﹐但以份量取分﹐大大碗﹐都算合格吧。餐湯則頗惡劣﹐一塌糊塗﹐濃不濃清不清﹐隱約浮著幾片像椰菜的菜葉湯渣﹐味道可以想像﹔兩款小食﹐辣泡菜錯不到那裡去﹐始終是韓國人的國食﹐不會太差﹔反而薯仔則很難吃﹐一件也嫌多。主菜的一煲炆牛肋骨份量相當重量級﹐牛肋骨足足有五~六件﹐這個煲夠兩個人分享的。牛肋骨的肉煮得軟及腍﹐但相信是因為有用梳打或鬆肉粉去處理過﹐所以味道變得很"快餐"﹐就似是去大家樂吃鐵板牛扒般﹐感覺上食而無味﹔反而最好味的是煲中的大配角蘿蔔﹐炆得透徹入味﹐好好食。這裡的水準如何﹐已心中有數。雖然算不上是失望﹐但明白韓國菜因為工序多﹐材料亦重要﹐所以是一分錢一分貨。而這裡走的是連鎖快餐店的"抵食大件" 策略﹐如果你對味道要求不高﹐這裡也是一個不錯的選擇。但要吃好的韓國菜﹐還是乖乖地準備多些銀兩去正宗韓國菜館吧。…查看更多