明星金閣海鮮酒家

明星金閣環境不華麗, 勝在地點方便(四方好友), 飯後各人回家路也不遠.近這幾次光顧, 發覺味道火候都進步了. 之前是貪就腳, 可以坐得耐. 然而這幾次, 食物味道大大改善了. 上次吃了一個牛尾,  一向不會點來吃的, 味道出呼意料的好味, 炆得剛好, 不柴皮, 有咬感.  餐牌久不久會更新, 不如十年如一日. 有時有特價菜式. 如今日, 三個小菜,  就可以特惠價, 加配半邊龍蝦仔. 龍蝦肉質鮮甜, 不是將價就貨.  其他菜式, 材料新鮮, 份量適中, 味道恰如其味.  小小的一層, 常常高朋滿座, 總有其原因. …Read More

原本是奔著 "避風塘焗蟹(HK$288/兩隻)* 去的，我要求1開2不要斬碎件及另外叫了 "酸菜水煮龍躉件(HK$148)"，經理入廚房Order出嚟就話D蟹沽清了，咁唯有加個 "琥珀青芥安格斯牛粒(HK$168)"，初初以為酸菜水煮龍躉件係水煮魚既朋友，原來唔係，碟菜一上枱我就聞到好勁既大豆牙味，我本身唔食大豆牙，於是將所有大豆牙揀出，最後剩番5塊龍躉肉(炸過)、5塊魚骨/魚尾、同啡色既汁，約10分鐘享用完，繼續等下一道菜。到琥珀青芥安格斯牛粒，我以為會有芥末味，原來全是豉油味，D牛粒好咸同乾，值得慶幸是琥珀無油益味😅，趕快享用完轉場去食糖水🫠🫠。埋單HK$385(茶位17/位連加1)。經過咁多年呢間酒樓仍然䇄立不倒，一定有佢既生存之道，除了靠一班老街坊支持，仲有廚師們既精心製作，佩服。…Read More

是日和朋友們路經深水埗，適逢晚飯時間，於是決定到訪明星金閣用膳。晚餐～～白灼生蝦雙冬枝竹羊腩煲避風塘軟殼蟹魷魚鬚炆油鴨煲蒜蓉粉絲蒸扇貝份量多，味道普通，價錢經濟，恰巧惠顧正價小菜，可以優惠價加$10元有個羊腩煲。…Read More

一年一度細妹生日飯，例牌簡簡單單約出嚟一家人食餐便飯當慶祝，佢同細佬對食無要求，地點當然就番佢哋晌石硤尾、深水埗一帶，所以，揀咗「明星金閣」。雖然話依家餐飲業市道唔好，但當晚所見，都有8乘幾滿，閒日晚嚟講，算喺唔錯。酒樓環境唔錯，一字長形，幾大，枱櫈都排得算闊落。晚市有啲時令優惠、特色川茶菜、2-8人餐、孖寶三寶，以及各類海鮮、小炒……等等。既然喺生日飯，當然食豐富少少，可惜細妹對蝦蟹敏感，所以，一向都唔會叫呢類菜。順帶一題，晚市茶位 每位收$15，另收加一服務費，但就無餐前小食呢類收費。蒜蓉粉絲蒸元貝 $68雖然蝦蟹唔食得，元貝就無問題喇，加上做緊特價，點一客剛好夠我哋一人一隻。啲元貝都幾新鮮，肉質好爽彈，配上大量蒜蓉，好惹味，粉絲又嗦晒啲味，好食。脆皮炸子雞 $138一向都話香口嘢討人歡心㗎，所以，叫一客炸子雞實無得輸 。雖然只喺半隻，但個份量睇落都唔少，夠晒我哋4個人食。而咬落外皮真喺幾香脆，唔油膩，啲雞肉亦都幾嫩滑，有雞鮮味，唔錯！唔錯！鮮果脆皮生炒骨 $118生炒骨又好，咕嚕肉又好，基本上喺細佬妹嘅至愛，近乎每次同佢哋食生日飯都會叫呢度菜色。所謂鮮果除咗菠蘿之外，仲多咗啲火龍果，講到脆皮又誇張咗少少，不過，食落層外皮粉漿唔太厚，唔會成嚿粉咁，而且個醬汁調校得幾好，唔嗆喉，仲有就喺份量超十足。蒜蓉炒西蘭花 $78都喺慣例啦，樣樣都喺肉就梗喺要加啲蔬菜菜式平衡下，俾細妹揀就揀咗呢個西蘭花，原本蒜蓉炒西蘭花就無咩特別，不過難得師傅都將啲西蘭花排到整整齊齊，唔喺炒完hea放上碟就算，再者炒得夠鑊氣，無過腍，入口爽爽地夠蒜蓉香味。鴛鴦炒飯 $138雖然點咗幾個小炒，理應叫幾個白飯，不過都話食得好少少就索性叫個鴛鴦炒飯，又喺碟頭非常足，都無數過，淨喺知可以分到好多碗。白汁嗰邊啲蝦仁幾爽口，而茄汁嗰邊嘅肉絲又幾鬆化， 整體味道唔錯，唯一要挑剔嘅就過多芡汁。雖然今日叫嘅菜式唔係咩特別嘢，都喺好大路嘅款式，但整體味道確喺唔錯，而且，夠碟頭，食得我哋好飽，招呼方面中規中舉啦，啲姐姐都有禮貌嘅，客人唔太多，環境唔會太嘈，方便傾吓偈講講近況。…Read More

新年多飯局，就必然啦 .... 看看這一餐吃了什麼 ~財源滾滾來：其實就是鮮果沙律炸蝦丸， 蝦丸爽口彈牙，吃落有蝦味，算是不錯啦 ~豉汁蒸大鱔：鱔肉鮮味爽彈，個豉汁做得很不錯，非常不錯吃的，但真是很多骨 ~薑蔥焗美國桶蠔：香噴噴熱辣辣，桶蠔味道一般，但都算入味，是中規中矩 ~團年喜洋洋： 其實就是髮菜炆豬手，豬手炆得不夠腍，肉質好硬好死實，牙週病的人一定吃不到 ~發財添好市：就是發菜、豬脷、蠔豉、瑤柱脯，蠔汁做底，味道一般般 ~蒸沙巴龍躉：火候掌握得好，魚肉鮮嫩，是當晚最佳的一道菜。集腋聚成裘： 就是蝦粒蒸蛋，雞蛋蒸得都算滑嫩，蝦肉冇蝦味，味道一般般啦 ~本篇完 ~…Read More

少見，竟然會有搭枱同不搭枱茶錢唔同，不過都合理，亦可接受。點心品質不錯，特別推介流心椰汁球，夠熱，入面真係有椰汁西米流心👍。另外，蝦米腸粉亦唔會好好似其他咁煎到咁硬。…Read More

從不寫食評，今天去深水埗明星飲茶，不用等位，職員服務超級差，食品質素差，價格貴，好聲好氣叫服務員加水，過來的姐姐態度極差說她不負責，很忙一大堆原因，我忍住好好態度坐了大概半小時，環境很吵，實物不新鮮，難吃受氣，以後不會光顧…Read More

石硤尾高質酒家推介 - 明星金閣CK一向喜歡吃海鮮, 這天和朋友們經過深水埗, 經到遠處有一間聞名港人心中的著名海鮮酒家集團的其中一品牌 - 明星金閤, 反正到了晚飯時間, 就一於拉大隊上去食飯啦~簡單介紹呢晚我地既菜單 : 鮮果沙律吉列蝦，鮮味蝦肉，金黃鬆脆的外層令人垂涎欲滴上湯焗蝦球伊麵，伊麵吸盡蝦湯精華，啖啖都是蝦的鮮味碧綠彩鳳片蚌片，蚌片切片厚度精準，大家都吃到同等大小的肉，鮮甜彈牙翡翠花姿蝦球，外脆內軟，配合沙律漿一起吃非常可口花膠海皇燴翅，魚翅同花膠都足料，多過碗既一半架，都夠火喉清蒸海星斑，唔建議浸鼔酒太耐，否則太鹹會影響魚既鮮甜，肉質本身有咬口，正翡翠北菇肉掌，菇大大隻，肉掌其實應該叫肉片好D，口感還可以當紅一品燒雞，平時食開既雞都多油，呢個無乜油但啖啖肉瑤柱蛋白炒飯，呢個同出面食到既分別不大，NO COMMENT炒伊麵，普通野，NO COMMENT 紅棗糕，普通野，NO COMMENT 蟠桃，普通野，NO COMMENT 合時生果，普通野，NO COMMENT 明星金閣地址 : 大埔道168-178A號地下及2樓營業時間 : 星期一至日 07:00 - 10:30訂座電話 : 2778 8138…Read More

Dinner @ 明星金閣海鮮酒家 ~唔係講笑 , 職員服務態度真係好惡劣 , 黑口黑面之餘，叫都不理， 難以相信，今時今日還有這樣的服務態度，可以話係比大排檔 /茶記飛碟般的服務更惡劣！ 但食物還算是可以的 .... 上湯龍蝦伊麵：龍蝦沒有雪藏味 , 肉質爽口彈牙 , 吃得出是新鮮的 , 伊麵煮得Q靭富彈性 , 且吸收了龍蝦上湯汁，勁好味 ~荷葉蒜香班頭腩蒸飯 : 班頭腩 , 從來不是我的心頭好 , 但吃落也沒有魚腥味 , 米飯完全吸收了蒜頭和魚肉的鮮味 , 加上荷葉香 , 算是不錯吃的 ~本篇完 ~…Read More

深水埗舊居租客９月底退租，損耗大，要翻新，今天到工程公司談事情，在附近吃午餐。大埔道明星金閣在２樓，午市生意很好，不拼桌，要等15分鐘才有位。是日午餐，點了以下的：#普洱茶：午市茶位11元/位，濃而不澀，配點心，解油膩。#明星蝦餃皇：足料，蝦肉滿滿，好吃！#沙田鹹雞粥：份量足，鹹雞竟然帶鮮味，好吃！#鮮蝦腐皮卷：腐皮炸得鬆化，不油膩，不錯。#家鄉鹹茶粿：我不是客家人，但對鹹茶粿情有獨鐘，餡料有眉豆、花生、豬肉，加了五香粉，yummy！#香煎蝦米腸粉：腸粉煎得外面微微脆，裏面軟綿綿，好味！總體滿意的午餐。…Read More

見到咁多差評我都安心晒起碼原來唔止我一個覺得差服務差先唔講問左4, 5個人拿個調味料 見過左十幾廿分鐘都冇自己死死氣走去廚房門口問佢拿 先拿到出來野食又差過以前最利害係途中仲要聽見佢地比人打電話投訴好啦~到最後差唔多食完果陣發現佢漏單再落單要等20分鐘仲叫我下次先再食？未汁粒的話一定可以啦.....................從未見過咁利害既酒樓👍唔怪得之一樓果層被惠康吞左.....................…Read More

（13/08/2021 下午時段）貴司深水埗分店門口公關服務態度極差，客人到門口表示想查問如何取票排隊入座，該公關不斷以極為惡劣態度回應客人，跟客人對話期間更不斷腳*印印* ，給人一種撩交嗌的感覺， 本人明白現在市道差，員工可能都會承受不同壓力，但請保留最為基本的服務態度也是必要的吧！食物質素方面是不錯的，但作為一間連鎖集團，客人除了食物之外，服務質素也是考慮之一。…Read More

因為係我生日就同家人諗住去明星book位食長腳蟹，點知個接線生倒米，起初約時間個態度都非常之差，我話6點半，6點9都ok, 佢即話大聲話咁你book幾點就幾點啦，我book咁多次食飯都唔會有咁嘅態度，有關人士睇到的話，請安排一下內部訓練……另外又喺openrice 睇到入面有個過期餐牌，打過去問下價，咁都大鬧你話邊有咁平呀？ 你幾耐之前架? 你梗係攞住個好耐嘅舊餐牌啦我夠知啦，所以咪問你囉，海鮮價吖嘛！咁都唔使咁嘅語氣呀？我知你唔憂做，我惟有過主…Read More

岩岩午市時間 之前有枱客唔知錯乜好似同樓面嘈緊唔知乜咁當然事不關己沒有理會我地就跟住門口指示去張枱度等咗兩三分鐘見未人沖茶努力招手最終等到個一個呀姐回應初初同佢講冇反應懷疑佢帶住耳機但似聽唔到我地大聲啲講多次唔知佢做乜事個呀姐惡到除耳機話我地自己坐錯枱唔好向佢發脾氣但其實我地跟指示坐底三分鐘多啲一直冇人理只係要求沖茶而且我地一句粗口都冇講過我地覺得依家佢發緊我地脾氣多啲竟然遇到如此厚待實在深存感恩 即走離場食餐飯食到咁慶 點解要難為自己…Read More