明星海鮮酒家 (已結業)

好耐無食點心，今日同同事忙裡偷閒，去咗明星嘆點心。酒樓座位闊落，坐得都幾舒適。我哋兩個人叫咗5個點心：皮蛋叉燒酥、妙醬蒸鳳爪（什麼是妙醬？）、鮮蝦蒸腸粉、金錢肚同山竹牛肉球。皮蛋叉燒酥：叉燒酥就食得多，皮蛋叉燒酥真係第一次。最初點嘅時候唔為意佢有皮蛋，係食食吓嘅時候覺得裡面有一種好熟悉好特別嘅味道，顏色黑黑哋綠綠哋，最後終於諗起係皮蛋，望一望點心紙再確定了。無諗過皮蛋可以放入叉燒酥裡面而味道又幾夾而唔奇怪。皮好酥脆，熱辣辣啱啱焗起，配合埋醬味濃郁香甜嘅叉燒真係一流。雖然賣相麻麻，但份量十足！妙醬蒸鳳爪：醬汁香濃，鳳爪蒸得啱啱好，好味。鮮蝦蒸腸粉：嘩！腸粉滑到不得了，一放入口，超有驚喜，點解可以做到咁軟滑？雖然份量比較細，得六件，而啲蝦又細細粒、唔太新鮮、唔爽口亦唔彈牙，但都食到我同同事讚口不絕！下次會就咁叫齋腸。金錢肚：好食！金錢肚蒸得好淋唔靭，索晒濃香嘅醬汁再一啖放入口，真係人生一大享受！但我比較鍾意蘿蔔，豆卜有少少硬。山竹牛肉球：蒸得好淋（我比較鍾意淋嘅牛肉球），質感啱晒我！牛肉球好香，裡面有淡淡嘅芫茜味，配合埋喼汁真係正！可惜喼汁太稀，無乜味，希望佢哋唔好溝得太稀。…查看更多

全晚最好食係啫啫通菜煲 味濃 夠鑊氣全家都好鍾意食 鴨掌...無人想食 無咩味 老抽好重燒腩仔唔錯 份量都多 皮脆 肥瘦適中 但肉味就無乜 算係唔錯芝士中蝦伊麵 不知所謂 本身唔係想叫呢個...無下次蒸蟶子四隻都有沙 咁就$80呢餐唔洗我俾錢 都可以自己俾錢就唔好啦埋單好似五百八十蚊 叫左四個飯Openrice價錢💸：5/10抵食👍：4/10環境🤳：6/10味道😻：5/10,通菜8/10份量🍽️：6/10良心♥️：N/A…查看更多

由於疫情關係很久沒有喝茶了，我和家人想喝茶食點心，我們就打電話去明星海鮮酒家落order, 聽電話的職員叔叔好好人，好有禮貌👍🏻👍🏻，我們買左好多點心，水準依然好味道🥰😍😋，蘿蔔糕好足料，鳳爪排骨飯🍚好大size只係26蚊一盒，超低食。煎餅又係值得一讚，好香又好脆，姐係內暖外脆😋好多時喝茶想搵間近近地，我就提議喝呢間明星海鮮酒家，真係好近，點心又好食，而且價錢合理，真係平靚正。🤗…查看更多

話說我有人陪老竇去左明星飲早茶！飲完茶返咗上屋企玩陣，諗住走個一刻、先醒起唔記得拎收據、因為要攞嚟for泊車優惠, 就諗住返去拎返啦，去到見到個收銀掛住喺度打機，睇電話，完全冇正面回應我，佢答我話要搵經理、我話我平時都係咁拎、跟住佢繼續喺度㩒電話、無視我存在。之後我想明星個網頁投訴，佢覆返電話俾我，但我嗰一刻唔得閒、我叫佢下晝打俾我、點知冇打過⋯⋯所以我個人覺得，呢間公司請嘅人非常之有問題！無論係寫字樓定係員工都好，冇責任心，服務超差，嘢食又越嚟越難食！早幾日去食個粒牛丸都仲係生嘅，D肉紅色我話俾我聽係熟low,最衰影唔切相，跟手俾佢收走咗。…查看更多

係每一個男或女侍應都好似木口木面要都冇乜反應， 望到你當望唔到你， 上一輪食客食完嘢埋咗單都冇幫下一輪客更換枱布 傳菜嘅阿姐都不停喺度講嘢未有停下過來👎👎👎👎 呢度食嘢嘅質素一般。 總之一句講曬呢度真係差到仲衰過喺街邊茶樓飲茶。…查看更多

今日係婆婆生日，我地成家人特登係老人院帶婆婆黎到呢間明星酒家飲個下午茶 ，我地9個人去埋單1500都有找！我地有叫d 點心，蒸咗條魚，有叫一籠壽包，有炒咗菜，一隻燒雞仲有乳鴿，幾個飯幾支啤酒同幾罐可樂。我當然冇影哂全部食物，影咗幾樣。首先要讚下呢個燒雞份量都幾多，味道真係唔錯，d 肉又唔會好粗糙，d皮燒到脆脆地！唔洗落果d淮鹽都夠哂味，係店員推薦的！佢本來仲推薦咗 燒鵝但我地冇咩人食就冇叫所以只叫咗一隻雞。不過有少少唔鐘意就係佢有幾舊d肉有d 紅，可以再燒耐dd 吧！乳鴿就真係bb 鴿冇咩肉食，不過都好味！當然唔夠雞好味！到呢個 上湯浸豆苗又要讚一讚 真係幾大碟可以見到有個小山仔 算低食而且味道都唔錯 D 豆苗唔會話好老，而且好入味另外仲有想讚一讚條魚（冇影相）238蚊 2斤花尾躉！都算幾大條呢個價錢，同埋佢都蒸得剛剛好，食落d肉幾滑！最重要冇草清味～我好怕食魚有草情味。仲有要講一講點心，當中蒜香鮮蝦春卷我覺得唔錯，中間都有隻蝦同埋都夠味 ，但反而炸雲吞就麻麻地，佢中間個餡唔好食，有少少奇怪。:(:(另外仲想講下蒸鮮蝦豆苗餃，味道不錯，但如果皮薄少少 同埋唔好痴埋幾舊就好。最後壽包就一般啦，唔算好大個。如果中間有蛋黃就正啦…查看更多

長輩行動不方便，未能走太遠，選擇了在她住宅樓下商場的酒樓，中菜。。。應該較適合她吧？金銀蛋浸菠菜 - 最緊要夠淋，長者也輕易吃到，只是有點偏鹹。客家煎釀豆腐 - 熱辣辣的鍾板滋滋作響，豆腐嫩滑，魚肉份量偏少卻合意。家鄉蓮藕餅 - 蓮藕爽脆，鯪魚肉富彈性。臘味糯米飯 - 先給龐大的蒸籠嚇一跳，再被飯的份量嚇至傻了眼，那麼多怎能吃得消?飯粒不糊口，臘腸夠油潤，除了長輩沒吃之外，同行三人，各自吃了兩小碗仍剩下一大堆，只好作罷，外帶回府好了。…查看更多

完全唔掂，今日假期諗住開開心心食餐飯，幫襯左葵盛東間明星酒家，龍蝦做緊特價，叫左2隻試，來到勁失望，2隻龍蝦開邊，出到來竟然有隻差咁遠，叫人過來睇，個短髮女經理開初唔肯過來，擾攘左一陣先過來，跟住講係咁嫁，開出來係咁差咁多，正常嫁，我話點都砌唔出係同一隻喎，我要求換一隻啦，佢答我買曬啦，特價多人叫冇啦，我話唔會麻，我想換過隻姐，搞到最後佢話最多取消果隻，然後啦啦聲夾走左隻畸形龍蝦，咁既態度？博大霧博唔到，仲要惡過人？我要求一隻平均正常既份量食物姐，我俾錢嫁喎，唔俾呃仲要俾人發返脾氣轉頭？ 幾時個世界做客做到咁委屈？希望佢地公司好好教導d員工，做經理都咁態度，姐係去幫襯要預俾人搵笨？係要放到咁呃人都放好d,唔好咁明顯啦，自己睇下差幾遠，要換又話買曬，隔離枱叫又有，我唔肯俾錢呀？咁既態度真係好過分囉，我會叫曬親朋戚友唔好來，以後拒絕幫襯呃人寺😤…查看更多

午飯總喜歡去飲茶，能吸引我們去明星，一定係燒腩仔。燒腩仔總是皮脆肉滑，肥肉分佈平均，總令人有滿足的感覺。不過，其他食物水準都是不錯的。只是希望食具能更乾淨，那就更加能吸引我們經常光顧。…查看更多

酒樓是一群同事，嘿嘿哈哈吃午飯的最佳選擇！連鎖集團的酒樓，理應給予大伙兒一個最穩定的吃午飯場所⋯⋯一盅兩件，有菜有飯，又可食少少炸野，岩曬怕胖的女同事。上湯魚肉菜，清淡得黎，又是送飯好選擇，多吃也不怕！鳳爪排骨飯，入味足料價優，人人爭住叫！炸兩腸，腸粉幼滑，油炸鬼香脆！連鎖酒樓，食物一向有保證！可恨，服務無保證，衛生更欠佳！每次去到，都見杯杯碟碟沾滿上手的剩菜殘羹:(。找到一套過得去，也得用茶用水燙它三、四遍，方敢使用！總評：連鎖酒樓啊！求你努力，賜我們更好的地方！更好的飲食！阿門！…查看更多

表姐一家大細到港，特意找我吃午飯。但近來比較忙，唯有請她們到公司附近的葵盛東邨明星酒家。這家酒家是我經常光顧的，食物質素尚算不錯，只是衛生卻有點嚇人，杯碗上經常有污蹟，唯有自己醒目些，用熱水清洗乾淨。我們叫了很多點心，當中最欣賞的便是燒腩仔及燒鴨米線。燒腩仔皮脆肉滑，肥瘦分佈均勻適中。口感豐富。配上黃芥辣，認真美味。至於燒鴨，則是我的最愛。燒鴨的皮燒至金黃色，肉質鮮嫩。一咬下去，鴨油溢出，充滿口腔，十分滋味。燒鴨配米線是套餐來的，米線相對失色。湯底較啖，麵質一般。…查看更多

一大班人一齊飲茶最扺！一盅兩件食到飽都係五十。以上只是部分好野，點心還未上。煎腐皮卷、煎堆、薄撐都係炸物愛好之友必叫，既脆又不油。叉燒腸就有新意，加人南瓜，相當清新。…查看更多

小弟上班地點附近的商場只有一間酒樓，就是連鎖集團明星。我和同事們也愛飲茶，所以就經常光顧了。不過不要以為我們很喜歡這裡，只是沒有選擇之下，只好不斷作座上客而已。 其實這酒樓的食物水準也不算差，就是普普通通罷了。說好吃算不上，但止止飲茶癮倒是還可以的。不過有一點想說的，是食物的種類不算多，我家樓下也有一間明星，但那間的選擇就吸引多了。 其實最令我難以忍受的，是這酒樓的茶具和食具是永遠不乾淨的，每次看到器具上的污跡，我也會無名火起三千丈，連洗也不想，再找另一套就算了。當然要找另一套乾淨的也非易事。 作為熟客，希望它快點重振雄風吧！…查看更多

下午茶叫到成枱點心是人生大快事，幾款我覺得必試，為大家推介一下1）燒腩仔-皮脆肉嫩、價錢唔貴，聖價比高！2）薄撐-皮薄脆口，重㸃係多韭菜3）xo醬爆羅白糕-夠熱、4面金黃脆口、點了xo醬簡直一絕4）薑汁千層糕-夠薑呀、吾甜其他點心也合格…查看更多

母上大人的生日晚飯，不奢侈，踏實！近來來中餐酒樓裡，難得的味道中上，價錢也算合理！冬至再幫襯，希望保持，能成為我家外食飯堂！暫時看到缺點是樓面經驗不足，多加培訓吧！部長領班的水準也沒到位！…查看更多