明寶石餐廳

中秋節晚上響灣仔區，預計食唐餐一定多人，就去呢一間老牌西餐廳。其實幾個月前去過一次覺得麻麻哋，所以好耐冇去。今次就試吓睇吓有冇改善。點知去到人山人海，我哋都好幸運攞到張枱，目測似係自由行多。我哋兩人叫咗兩個燒牛仔骨餐，羅宋湯同蒜蓉包都OK，燒牛仔骨來到每人兩塊，但係煎到睇唔到啲肉，以為係拍咗粉煎，點知切開全部係肥油，一嚿又係咁兩舊又係咁，有一塊油係可以鬆開，睇得出係兩塊摺埋一塊，我哋都懷疑係咪人造肉＇最終九成都係油，冇乜牛肉，心諗嗰個做廚房煎嗰陣都知啦，點會咁樣攞得出嚟賣俾人。最後向個侍應投訴，女個個都好啲話煎多塊俾我哋，但心諗都係啲油嚟嘅，煎多塊都冇肉食啦！個男侍應做搞笑，話呢一水啲貨係咁，下一次嚟可能好啲。都唔明咁樣點樣做餐廳呢！我下一次仲會嚟俾你搵笨？真係一間冇良心嘅餐廳。睇咗其他評論，原來呢間餐廳係之前轉咗手，感覺佢已經唔係一間港式西餐廳…….。…查看更多

尋日第一次去明寶石餐廳食下午茶餐，嗌咗個薄牛扒湯米線，唔駛加錢包埋杯熱檸水 ($68 + 10% = $75)。以 $75 一個下午茶餐，我o既觀察係：1. 薄牛扒：有部份肉係正常口感，但有部份係淋到似梅o既口感，攪到我唔敢吞落肚（比用疏打粉乸過o既仲淋）。2. 米線：比預期中少，如果要具體比喻係大家樂湯粉下午茶餐3/4分量。3. 收得 +10%，但係水都無勘杯嚟。去過某啲連鎖店下午茶，係 waive 加一的。應該用免+1作為招徠，如果佢好想吸引人消費。佢只明寶石餐廳唔係名餐廳，如果以呢個水準交到上述水準，我只覺得值 $50。如果收 $75 先為到皮，就要做到相應質素。早知唔好嫌遠唔好怕餓，行遠少少去波士頓餐廳食。…查看更多

呢間位於灣仔譚臣道嘅老牌餐廳，在近年轉手後食物及飲品質素皆有所提升。近月多次於周日及周末午膳時間惠顧，對於佢嘅食物質素感到十分滿意。午餐嘅選擇頗多，價錢相比茶餐廳不算便宜，仲有加壹服務費，但食物質素明顯好得多。午餐一般包括餐湯，可選羅宋湯或忌廉湯。我每次都選擇佢嘅羅宋湯，因為味道非常濃郁，明顯係好足料，有當年嘅新寧餐廳羅宋湯嘅感覺。餐包方面可選擇甜餐包，多士或蒜蓉包。我十分喜歡佢嘅蒜蓉包，係即叫即焗，新鮮熱辣，蒜蓉味十足，而且係用法包，有兩片。至於主菜選擇就更多，所用嘅材料比一般嘅茶餐廳高質素多。佢嘅吉列黑豚肉十分嫩滑，一啲都唔乾或韌。焗牛脷飯嘅牛脷係厚切，而且份量足夠。牛柳粒或牛肉都唔會好似一般餐廳咁醃得太過份，仍然保留有牛肉嘅味道。咖喱牛腩炆得非常之到位，但個咖喱做得太過鹹，希望會有所改善。燒雞做得非常之嫩滑而且唔乾，十分美味。至於餐飲方便，絕對值得一讚嘅係佢嘅咖啡，特別係凍咖啡，可以飲得出佢用嘅咖啡豆並非平價貨，而佢所用嘅奶亦都非常濃郁有味道，唔係一般嘅平價奶，絕對有八成UCC coffee嘅感覺。至於服務方面，如果唔係繁忙時間，其實服務絕對可以。但如果係周日中午繁忙時段就屬於一般，特別係一位主管級嘅女人，面口就真係一般啦⋯⋯整體嚟講呢間餐廳絕對係值得幫襯，雖然價錢稍為貴，但食物質素係比起好多同區所謂嘅西餐好得多。絕對係性價比高，值得幫襯！…查看更多

這間餐廳在灣仔都有一段時間, 由相對較好變至現今越來越差, 食物縮水不特止, 服務更是奇差, 特別係午飯時段, 要有心理準備才好入去, 通常入得去坐你唔好預你就坐在這個位置, 佢地恆常叫你轉位,就算你食物而到並已進食, 你都要狠狽地聽從佢地安排, 另外侍應有一女三男, 女的無禮貌不特止, 仲經常找錯錢, 大家要小心, 另外一個阿叔晦氣不特止, 叫佢攞舊牛油呢D小事都要串你話無呀, 再唔係就由隔離枱執舊牛油擲落你張枱度, 仲話下次唔會再比, 我真係第一次聽西餐廳要舊牛油塗面包都係罪, 我都明食午餐時較人多以及繁忙, 但呢D基本服務態度都無, 唔好成日話人北上, 自己首先要檢討下, 食到一肚火都係第一次…查看更多

今日lunch 本來想食越南菜，但經過見到呢間港式西餐廳咁多人排，就改左食佢啦。😀餐牌嘅選擇有好多，基本上都係set lunch，包餐湯、餐包同飲品。餐湯有羅宋湯同忌廉湯。餐包嘅選擇都唔少，有甜餐包、蒜蓉包，仲見到隔離枱叫多士。😂忌廉湯有落到粉絲同紅蘿蔔，忌廉味都重。主菜我叫左雙拼，煎牛扒加1/4隻燒雞。都有好多人淨係叫燒雞，咁就會有半隻。雞皮非常脆但雞肉就比較乾身。煎牛扒就多少少肉汁，9-10成熟但一啲都唔老，好易咬開。薯條就普普通通。呢個價位喺港島區食到咁完整嘅set lunch，都算幾抵食。😋…查看更多

即使是午飯時段都不用排隊，一點左右到達，也不滿座。環境有點昏暗，沒有茶餐廳的吵雜。待應很從容，沒有很急的感覺，可能和有加一服務費的關係吧，不論如何，我們的用餐體驗不錯。因為早已選好了餐點，所以餐牌也不用看，爽快的下單了，一個燒鴿餐$98 + 10% 牛尾湯 及 凍檸水而餐廳知道我們吃的是燒雞餐或是乳鴿，便附上了手套和膠紙，看到細心的一面。意想不到的是，第一個上菜的竟是炸乳鴿。炸乳鴿比較瘦削，但是炸得皮脆。也因為比較瘦的的原因，沒有太肥膏， 肥膩的感覺也大減，也吃到了嫩肉。再來的是餐湯牛尾湯，非常足料，有點肉碎和薯碎。甜餐包，微暖，鬆軟，附上的牛油是獨立盒仔裝anchor 牌牛油，對比上次吃另一「經典」扒房—波士頓餐廳的不知明怪味牛油好上千倍。焗豬扒飯，看起來是有煙霧出，應該是熱騰騰，但是這只是虛有其表，熱騰騰的只有面頭的醬汁:(醬汁是非常傳統的螢光色蕃茄醬，不像時下的冰室出品的焗豬扒飯般有著鮮紅色的茄色，舖上了點蕃茄和有菠蘿，但沒有芝士，味道以酸為主，幾乎沒有蕃茄味，吃到點甜味，歸功於罐頭菠蘿的糖水。豬扒方面，不算很大件，但非常厚實。豬扒也是傳統製法，先裹上炸漿油炸，然後再放在飯上，淋上醬汁後焗。豬扒應該也是預製的炸豬扒， 所以即使再焗，但她仍是室溫偏冷的豬扒。豬扒外層的炸漿是預製，且放得太久而變得一點也不鬆脆，當然大量的醬汁也有關係，所以個人不太喜歡炸豬扒再焗的製法。豬扒肉質非常嚡，一點肉汁也沒有，像是在家中把豬扒煎得過熟的感覺，但慶幸的是，至少她不是淋爛梅，也沒有雪味，腥味。是真豬扒。至愛的炒飯底，也令我非常失望，雖然是炒飯底，但一點炒飯的香氣也沒有，而且飯比較濕淋， 再加上溫度和豬扒一樣也是室溫狀態， 真的在吃隔夜飯。奉送的甜品是啫喱， 我會形容她是極挺身版羅便臣啫喱，味道方面略有甜味，至於是甚麼水果味就不得而知了。餐飲點了，檸水正常，沒有檸檬澀味。第一個雙併餐$78+10%燒雞半隻拼燒蝦蝦🦐的質感味道，可想像為在大澳買手信的蝦干，有點海味味， 蝦乾硬。 燒到 一個程度是， 可以連殼吃，燒雞， 有點雞味， 也是得較嚡土， 與肉嫩一點關係也沒有，薯菜不太脆， 沒薯味， 薯條本本身較蓉， 有漿口的感覺。再點了一個雙併餐$78+10%牛扒拼豬柳 配沙律豬柳有六件左右，有一半是煎得很嚡很柴的，另一半則是比較嫩，煎得外脆香口。最滿意試過牛扒，醬汁嘢味，肉質也比較淋嫩，而且份量也不少， 略有點牛味。沙律就是罐頭水果拌上大量沙律醬。奶茶和檸茶也不錯，因為其茶底香醇，濃而不澀。…查看更多

每次經過都會買春雞返屋企食😚D春雞即叫即整 多汁嫩滑😚食過翻尋味呢排經過見到做梗優惠 優惠價錢食左乳鴿同豬扒飯，飽到食唔到其他野 非常吸引，極力推薦！大家快D去試下啦😋…查看更多

灣仔燒雞嚟講piggy淨係識玫瑰花，但上次去覺得有啲太鹹🤪今次朋友帶我去食呢間無介紹錯，皮脆肉嫩，雖然比玫瑰花細細隻小小但味道比較啱piggy，跟餐有四款餐湯畀你揀超有誠意(羅宋、忌廉、牛尾同周打魚)，蒜蓉包都有兩件而且超脆，最尾仲包埋花奶啫哩真係兒時回憶🤭 piggy上ig睇嘅係跟櫻花蝦炒飯，但原來夜晚係跟白飯，一定要再去食櫻花蝦炒飯…查看更多

晚餐，灣仔嚟講食西餐，明寶石係唔錯嘅選擇價錢相當合理，包餐包/蒜蓉包/多士、餐湯、甜品同餐飲好耐之前有食過呢度嘅扒餐，今次搞吓新意思除咗想試吓豬手，仲想試吓燒春雞,影漏咗呢頁菜單蒜蓉包脆，唔會硬崩崩（sorry,咬咗啖先記得影相🤣）紅湯夠味，入面食到啖啖嘅肉粒同適量蔬菜豬手大大隻，皮煙靭好咬，肉質軟淋，無論齋食定點黑椒汁都好味，意粉一細碟，相當貼心因為啲肉係絕對食到你飽魚柳同牛扒都好味，但要留意返牛扒叫返5成會好啲，5成熟入面都偏熟，似7成燒春燒點泰式辣醬，非常開胃，加埋薯條同蝦片，perfect甜品可以揀布甸/啫喱，布甸用鮮芒果整，好味食得好滿足，捧住個肚返屋企美中不足係，4個人坐4人枱稍嫌迫少少，可能因為大碟嘢食🤣🤣都接受到…查看更多

而家懷舊港式西餐廳買少見少，灣仔依間餐廳依然屹立不倒，時不時去幫襯下，另有一番風味。餐廳裝修偏舊，位置較狹窄，如果想坐得舒服，建議4人一齊去食。2人食，就會偏擠迫。中午我最鐘意點自選雙拼套餐（$75），有加一收費。你可以簡餐包/蒜蓉包2塊，我鐘意佢地嘅蒜蓉包，香脆可口，配上羅餸湯，Perfect match!我今次簡左經典牛柳粒配椒鹽鮮中蝦。牛柳粒唔會太老，但偏咸少少，蝦係連殼上嘅，怕麻煩嘅朋友，可以簡其他餸。你仲可以簡薯菜，意粉或沙律。我多數簡薯菜配蒜蓉汁，汁會另上。配一杯餐茶。懷舊港式西餐係食個情懷，侍廳係絕對會不停過黎問你食完未，想盡快收走哂你台上嘅野。所以唔鐘意依種急促嘅朋友，絕對唔建議啊！…查看更多

清晨灣仔後街完全無人，正當諗梗食咩早餐好時，見到有間西餐廳門前有好多人，入面原來坐滿座，咁多人食我地都即刻入去試下先入到去仲有位，不用得。員工快速安排入坐，眼明手快。早上餐牌有很多選擇，今次第一次就叫了招牌湯面，多士套餐。多士可以選擇餐包或2塊多士，多士配上士多啤梨🍓果醬和牛油🧈香脆可口。湯麵有巨型煎蛋🍳兩大塊香煎午餐肉，少量菜和粟米🌽份量超足，雞湯仲好清甜，不加味精，每日新鮮製造。沙嗲牛肉米粉同樣出色，食得飽飽。…查看更多

今日中伏了，睇間餐廳以為係間服務ok嘅餐廳，入去要左個中午經典餐，食物質素已經好一般，食左一陣，未食完，侍應已經過黎收，問都無問就收走杯仲有一半嘅檸水，跟住仲直接收埋檯面嘅口罩！大佬，疫情期間，收人口罩等於收人條命呀！同距理論，仲話係咪我自己跌左，唉...…查看更多

去到灣仔，朋友話帶我試間可以尋回學生時代嘅餐廳喔呢間 明寶石餐廳，成間餐廳嘅裝修都係一貫普通餐廳裝修，懷舊feel就十足雙拼套餐：餐湯+餐包：揀左羅宋湯 同 忌廉湯，羅宋湯真心偏咸，相反忌廉湯就好夠味，而且好足料，另外仲有 牛尾湯 可以揀！餐包細細個，鬆軟又唔太油，兩啖食完岩岩好！雙拼主菜：香煎魚柳條+脆皮燒鮮雞 配 薯菜：半隻燒春雞好香，皮脆肉嫩。最正係炸魚柳，魚肉唔會炸到乾晒身，而且仲係啖啖魚肉，一定要食！經典牛柳粒+脆炸黑豚柳 配 沙律：呢度嘅牛柳粒唔係一粒粒正正方方，而喺一舊舊長形，食落個口感似係牛腩。炸黑豚柳又係外皮炸得好脆，塊豚柳仲幾厚身，仲幾juicy！跟餐仲有配野飲！…查看更多

身為食肉獸嘅我都幾鍾意食呢度嘅午市套餐，因為肉類選擇好多同埋可以隨便配搭肉類選擇方面就通常有啲一口牛肉粒，炸魚，ribs，¼隻燒春雞嗰啲選擇今次我就叫咗ribs加¼隻燒春雞配雜果沙律🥗有啲意外就係食物嚟到嗰時候，燒春雞就熱到出晒煙咁，應該就係啱啱炸起就送上嚟最奇怪就係ribs，因為嚟到嘅時候已經有啲凍，好似擺咗好耐咁，所以都有啲失望，不過味道來講都可以嘅，唔會話焗得太乾搞到啲肉食唔到，只係有啲凍雜果沙律就好豐富，有超級多生果，唔會係全部都係薯仔🥔…查看更多

灣仔內街懷舊特色西餐廳，餐廳內設計好有老香港feel，待應即好有禮貌，好有人情味嘅感覺不得不讚係蒜蓉包非常出色，好好味，要讚!其他主菜味道ok，沒有特別驚喜，不過勝在份量足夠!價錢亦都好合理!…查看更多