明寶石餐廳

中秋节晚上响湾仔区，预计食唐餐一定多人，就去呢一间老牌西餐厅。其实几个月前去过一次觉得麻麻哋，所以好耐冇去。今次就试吓睇吓有冇改善。点知去到人山人海，我哋都好幸运攞到张枱，目测似系自由行多。我哋两人叫咗两个烧牛仔骨餐，罗宋汤同蒜蓉包都OK，烧牛仔骨来到每人两块，但系煎到睇唔到啲肉，以为系拍咗粉煎，点知切开全部系肥油，一嚿又系咁两旧又系咁，有一块油系可以松开，睇得出系两块折埋一块，我哋都怀疑系咪人造肉＇最终九成都系油，冇乜牛肉，心谂𠮶个做厨房煎𠮶阵都知啦，点会咁样攞得出嚟卖俾人。最后向个侍应投诉，女个个都好啲话煎多块俾我哋，但心谂都系啲油嚟嘅，煎多块都冇肉食啦！个男侍应做搞笑，话呢一水啲货系咁，下一次嚟可能好啲。都唔明咁样点样做餐厅呢！我下一次仲会嚟俾你揾笨？真系一间冇良心嘅餐厅。睇咗其他评论，原来呢间餐厅系之前转咗手，感觉佢已经唔系一间港式西餐厅…….。…查看更多

寻日第一次去明宝石餐厅食下午茶餐，嗌咗个薄牛扒汤米线，唔驶加钱包埋杯热柠水 ($68 + 10% = $75)。以 $75 一个下午茶餐，我o既观察系：1. 薄牛扒：有部份肉系正常口感，但有部份系淋到似梅o既口感，搅到我唔敢吞落肚（比用疏打粉乸过o既仲淋）。2. 米线：比预期中少，如果要具体比喻系大家乐汤粉下午茶餐3/4分量。3. 收得 +10%，但系水都无勘杯嚟。去过某啲连锁店下午茶，系 waive 加一的。应该用免+1作为招徕，如果佢好想吸引人消费。佢只明宝石餐厅唔系名餐厅，如果以呢个水准交到上述水准，我只觉得值 $50。如果收 $75 先为到皮，就要做到相应质素。早知唔好嫌远唔好怕饿，行远少少去波士顿餐厅食。…查看更多

呢间位于湾仔谭臣道嘅老牌餐厅，在近年转手后食物及饮品质素皆有所提升。近月多次于周日及周末午膳时间惠顾，对于佢嘅食物质素感到十分满意。午餐嘅选择颇多，价钱相比茶餐厅不算便宜，仲有加壹服务费，但食物质素明显好得多。午餐一般包括餐汤，可选罗宋汤或忌廉汤。我每次都选择佢嘅罗宋汤，因为味道非常浓郁，明显系好足料，有当年嘅新宁餐厅罗宋汤嘅感觉。餐包方面可选择甜餐包，多士或蒜蓉包。我十分喜欢佢嘅蒜蓉包，系即叫即焗，新鲜热辣，蒜蓉味十足，而且系用法包，有两片。至于主菜选择就更多，所用嘅材料比一般嘅茶餐厅高质素多。佢嘅吉列黑豚肉十分嫩滑，一啲都唔干或韧。焗牛脷饭嘅牛脷系厚切，而且份量足够。牛柳粒或牛肉都唔会好似一般餐厅咁腌得太过份，仍然保留有牛肉嘅味道。咖喱牛腩炆得非常之到位，但个咖喱做得太过咸，希望会有所改善。烧鸡做得非常之嫩滑而且唔干，十分美味。至于餐饮方便，绝对值得一赞嘅系佢嘅咖啡，特别系冻咖啡，可以饮得出佢用嘅咖啡豆并非平价货，而佢所用嘅奶亦都非常浓郁有味道，唔系一般嘅平价奶，绝对有八成UCC coffee嘅感觉。至于服务方面，如果唔系繁忙时间，其实服务绝对可以。但如果系周日中午繁忙时段就属于一般，特别系一位主管级嘅女人，面口就真系一般啦⋯⋯整体嚟讲呢间餐厅绝对系值得帮衬，虽然价钱稍为贵，但食物质素系比起好多同区所谓嘅西餐好得多。绝对系性价比高，值得帮衬！…查看更多

这间餐厅在湾仔都有一段时间, 由相对较好变至现今越来越差, 食物缩水不特止, 服务更是奇差, 特别系午饭时段, 要有心理准备才好入去, 通常入得去坐你唔好预你就坐在这个位置, 佢地恒常叫你转位,就算你食物而到并已进食, 你都要狠狈地听从佢地安排, 另外侍应有一女三男, 女的无礼貌不特止, 仲经常找错钱, 大家要小心, 另外一个阿叔晦气不特止, 叫佢攞旧牛油呢D小事都要串你话无呀, 再唔系就由隔离枱执旧牛油掷落你张枱度, 仲话下次唔会再比, 我真系第一次听西餐厅要旧牛油涂面包都系罪, 我都明食午餐时较人多以及繁忙, 但呢D基本服务态度都无, 唔好成日话人北上, 自己首先要检讨下, 食到一肚火都系第一次…查看更多

今日lunch 本来想食越南菜，但经过见到呢间港式西餐厅咁多人排，就改左食佢啦。😀餐牌嘅选择有好多，基本上都系set lunch，包餐汤、餐包同饮品。餐汤有罗宋汤同忌廉汤。餐包嘅选择都唔少，有甜餐包、蒜蓉包，仲见到隔离枱叫多士。😂忌廉汤有落到粉丝同红萝卜，忌廉味都重。主菜我叫左双拼，煎牛扒加1/4只烧鸡。都有好多人净系叫烧鸡，咁就会有半只。鸡皮非常脆但鸡肉就比较干身。煎牛扒就多少少肉汁，9-10成熟但一啲都唔老，好易咬开。薯条就普普通通。呢个价位喺港岛区食到咁完整嘅set lunch，都算几抵食。😋…查看更多