明寶石餐廳

很久没有在湾仔揾食、今晚去会展睇完展览顺度行天桥过对面谭臣道看看有没有改变、来到看到灯火通明原来有几间新店开业、我以前来过的明宝石餐厅经过多年的疫情也在、入去看到服务人员都系熟口熟面那几个、信心也增强。我们点了日本黑豚猪肋骨、带子皇拼牛柳及超值$98的乳鸽餐、乳鸽够肥大加埋焗猪扒饭、餐汤甜品及饮品2年价钱都没改变真系服左佢哋点做。铁板牛柳拼带子是店的名菜、牛柳够大件、带子是3L级的、大到豉油碟一样。日本黑豚猪肋骨真系好食到无轮、骨边肉够软滑、肉汁切开流出来配合腌肉的日本特色酱、5条2人份量的整件骨几乎被我抢晒。$338套餐2人用、真系好扺又好味。所以话存在多年的老店一定有惊喜、不会令人失望。下次一定会再来。…查看更多

一早出到湾仔，想揾间餐厅食个早餐，点知一入到去就中晒伏，入到去，伙计好似见你唔到，但成间野得3个客😮‍💨之后想order,足足叫左3次先有人应你。到上食物时，个waitress唔系放野落枱，系（订）啲嘢落枱🤬🤬想点呀？个汁兜仲要系烂。成间餐厅d人只系系到吹水同吹水。一定唔会再去，永够black list,再衰既茶餐厅都唔会系咁，电话长响个waitress 都唔去听电话，咁摆个电话系到做咩？伙计讲野仲大声过音乐…查看更多

中秋节晚上响湾仔区，预计食唐餐一定多人，就去呢一间老牌西餐厅。其实几个月前去过一次觉得麻麻哋，所以好耐冇去。今次就试吓睇吓有冇改善。点知去到人山人海，我哋都好幸运攞到张枱，目测似系自由行多。我哋两人叫咗两个烧牛仔骨餐，罗宋汤同蒜蓉包都OK，烧牛仔骨来到每人两块，但系煎到睇唔到啲肉，以为系拍咗粉煎，点知切开全部系肥油，一嚿又系咁两旧又系咁，有一块油系可以松开，睇得出系两块折埋一块，我哋都怀疑系咪人造肉＇最终九成都系油，冇乜牛肉，心谂𠮶个做厨房煎𠮶阵都知啦，点会咁样攞得出嚟卖俾人。最后向个侍应投诉，女个个都好啲话煎多块俾我哋，但心谂都系啲油嚟嘅，煎多块都冇肉食啦！个男侍应做搞笑，话呢一水啲货系咁，下一次嚟可能好啲。都唔明咁样点样做餐厅呢！我下一次仲会嚟俾你揾笨？真系一间冇良心嘅餐厅。睇咗其他评论，原来呢间餐厅系之前转咗手，感觉佢已经唔系一间港式西餐厅…….。…查看更多

寻日第一次去明宝石餐厅食下午茶餐，嗌咗个薄牛扒汤米线，唔驶加钱包埋杯热柠水 ($68 + 10% = $75)。以 $75 一个下午茶餐，我o既观察系：1. 薄牛扒：有部份肉系正常口感，但有部份系淋到似梅o既口感，搅到我唔敢吞落肚（比用疏打粉乸过o既仲淋）。2. 米线：比预期中少，如果要具体比喻系大家乐汤粉下午茶餐3/4分量。3. 收得 +10%，但系水都无勘杯嚟。去过某啲连锁店下午茶，系 waive 加一的。应该用免+1作为招徕，如果佢好想吸引人消费。佢只明宝石餐厅唔系名餐厅，如果以呢个水准交到上述水准，我只觉得值 $50。如果收 $75 先为到皮，就要做到相应质素。早知唔好嫌远唔好怕饿，行远少少去波士顿餐厅食。…查看更多

呢间位于湾仔谭臣道嘅老牌餐厅，在近年转手后食物及饮品质素皆有所提升。近月多次于周日及周末午膳时间惠顾，对于佢嘅食物质素感到十分满意。午餐嘅选择颇多，价钱相比茶餐厅不算便宜，仲有加壹服务费，但食物质素明显好得多。午餐一般包括餐汤，可选罗宋汤或忌廉汤。我每次都选择佢嘅罗宋汤，因为味道非常浓郁，明显系好足料，有当年嘅新宁餐厅罗宋汤嘅感觉。餐包方面可选择甜餐包，多士或蒜蓉包。我十分喜欢佢嘅蒜蓉包，系即叫即焗，新鲜热辣，蒜蓉味十足，而且系用法包，有两片。至于主菜选择就更多，所用嘅材料比一般嘅茶餐厅高质素多。佢嘅吉列黑豚肉十分嫩滑，一啲都唔干或韧。焗牛脷饭嘅牛脷系厚切，而且份量足够。牛柳粒或牛肉都唔会好似一般餐厅咁腌得太过份，仍然保留有牛肉嘅味道。咖喱牛腩炆得非常之到位，但个咖喱做得太过咸，希望会有所改善。烧鸡做得非常之嫩滑而且唔干，十分美味。至于餐饮方便，绝对值得一赞嘅系佢嘅咖啡，特别系冻咖啡，可以饮得出佢用嘅咖啡豆并非平价货，而佢所用嘅奶亦都非常浓郁有味道，唔系一般嘅平价奶，绝对有八成UCC coffee嘅感觉。至于服务方面，如果唔系繁忙时间，其实服务绝对可以。但如果系周日中午繁忙时段就属于一般，特别系一位主管级嘅女人，面口就真系一般啦⋯⋯整体嚟讲呢间餐厅绝对系值得帮衬，虽然价钱稍为贵，但食物质素系比起好多同区所谓嘅西餐好得多。绝对系性价比高，值得帮衬！…查看更多