昌發泰國粉麵屋

营业中

休息中

📍九龍城 《昌發泰國粉麵屋》#九龍城泰國菜九龍城出名泰國菜夠正宗，昌發都係網上推介頭幾位，但唔知係咪水準越做越差...😣燒豬頸肉 $𝟕𝟗.本身滿懷期待既燒豬頸肉，燒得唔夠香口，做唔到燶邊焦脆既效果，上菜時已經係微暖，豬肉仲有少少豬騷味🥶炸蝦餅 $𝟔𝟗.蝦餅係熱辣辣上枱，夠脆同彈牙，不過味道過鹹🙈鮮蝦炒金邊粉 $𝟓𝟗.味道算唔錯，不過略嫌太油同埋得三隻🦐哈哈哈芒果沙冰 $𝟑𝟖.芒果沙冰好大杯滿到瀉，但味道太淡唔夠芒果味🤔味道：𝟓/𝟏𝟎性價比： 𝟔/𝟏𝟎

遊船河（金邊粉）豬手撈麵椰青、椰汁冰疫情關係無得山出關，唯有去本地泰國遊。湯麵嘅湯頭好好味👍👍有喺泰國食嘅味道。如果籃芽菜喺道，有得自己加牙菜就更加似去咗泰國😂😂😂。加小小醋同埋魚露，個湯就山真喺無敵。撈麵就麻麻地，可能食唔慣個味。

平價泰國菜，口味正宗，經常都嚟食，各式各樣嘅湯粉麵，炒粉麵飯，小菜，蒸炒炸嘅海鮮，湯羹類，特色飲品，都有齊晒，選擇算係多，所以經常都嚟幫襯，就算過嚟食晚餐，人均消費都係百零蚊左右。如果下午茶時段，或者午餐時間過嚟食，會仲抵份量其實都算大，足料，雖然環境普通一般，但係比起豪華裝修嘅泰國餐廳，我覺得呢度更加好食，而且價錢好合理，每張枱都會有齊所有調味料，如果唔知食邊樣要落乜嘢，可以問服務員，佢哋都好樂意答你。依家有咗地鐵，出去直行一個街口就到，方便左好多。門口比較細，唔覺意行快啲就會路過左，黎咁多次，都係要搵一陣。。

今日lunch過左黎九龍城搵食，黎到大名鼎鼎既昌泰。一入到餐廳已經充滿泰國既特色 — 熱！坐近門口好似冇咩冷氣咁🫠員工之間對話係講泰文既，同埋一坐低係真係聞到有陣泰國既特有香味，泰國回憶出晒黎！🇹🇭🇹🇭星期一至五既lunch set真係好抵食！全部都係$45 仲要包埋泰式凍飲！遊船河 配泰式奶茶 （$45）見到佢既船麵好出色，即刻叫番碗試試先！個湯底好濃郁好出色，真係同泰國食既一樣味🥹 我揀左卷粉，類似港式腸粉咁，第一次食的我覺得好神奇！ 滑係好滑 但略厭冇咁掛汁，所以我攤左左佢地黎食🤣麵仲配左豬肉片，肉丸同豬潤，餸都好爽口彈牙，呢個價錢 呢個份量 真係好抵食！鮮蝦炒金邊粉 配泰式奶茶 （$45）出面叫金邊粉閑閑哋都六七十蚊，呢度$45食到咁大碟真係超值！因為係即叫即炒，所以等得比較耐，但真係好值得！食落有鑊氣 又足料，賣相完全唔馬虎，仲有兩樣算大隻既蝦，推介！泰式奶茶就普通，有啲啲細杯，但呢個價錢真係冇咩好怨言🤣 熱辣辣飲真係透～心～涼～正價加左個炸蝦餅 （$69），外脆內彈牙，好實肉好好食！餐廳性價比高，下次會自備風扇仔再黎😋🤣👍🏻

叫咗燒牛肉同檸檬蒸魷魚，嘢飲係好快到，不過等咗半個鐘都未有嘢食，職員好hea咁話呢兩樣嘢要等耐少少，但係眼見有幾枱都話食物太耐未到要取消。等咗40分鐘忍唔住再催一次，貌似全間餐廳最大個位女職員/老闆娘話：「呢兩樣嘢食比較複雜，要耐啲，如果想快啲我建議你哋可以改叫湯粉，係真嘅！」一句唔好意思都冇，火都黎！如果我要食湯粉我一早叫咗啦，洗鬼你建議咩，不停喺度出外賣，枱枱都催緊嘢食，仲覺得係食客叫嘅嘢食太複雜所以先咁慢，簡單嘅嘢我唔洗出街食啦！如果處理唔到複雜菜式，不如唔好寫喺餐牌！最後分別等咗45分鐘同一個鐘先嚟到，咩心情都冇哂，嘢食普通，冇服務態度可言，慢到咁真係冇下次，其他泰國菜都有呢兩樣菜式，又唔見人哋要整咁耐？不知所謂！👎🏻

最近某YouTube Channel和谷德昭介紹過這間昌發泰國粉面屋，谷導還說是飯堂，預計會有很多人慕名而來，因此選擇了餓了中午繁忙時間才去朝聖，但是想不到也要等四張枱。叫了招牌的遊船河，轉了卷粉: 有豬肉丸，豬肉片芽菜等等，香葉等部分配料已切碎，令香味更出。糯米釀雞翼: 裏面的糯米飯本身已有未，不用點將也可以，外層雞翼略嫌炸得太乾。脆肉炒芥蘭: 脆豬肉醬燒味的燒腩一樣，芥蘭切成薄片狀，方便炒熟和進食，沒有渣。珍多冰，夏威夷梳打: 夏威夷梳打成杯藍色，入面有一些粒狀實心像軟糖的物體，糖漿過多，還是珍多冰較安全。整體價錢合理，這個價錢也不要求什麼環境和服務，只是飲品略貴。

《昌發泰國粉麵屋@九龍城》爸爸終於放假😢可以一家外出走走🥺無得返鄉下🥺唯有去食鄉下野😭呢間餐廳有好多泰國人都會去🤨味道接近泰國食到既口味😋鋪頭冇乜華麗既裝修😆但貼哂食物的照片亦mark低係咩NO.佢地叫野食係自己寫低NO.係落單紙跟住比店員就可以😌♥️♥️♥️♥️♥️♥️♥️♥️♥️♥️♥️♥️🦀鹹蟹木瓜沙律🥗 💰$50👱🏽‍♂️丞爸一去就必點，因為鹹蟹唔係度度都有得食🤨鹹蟹就好似韓國🇰🇷既醬油蟹🌝姐係生醃成🤨因為我腸胃唔好⋯好少食😭👦🏽丞哥今次第一次食就愛上，仲同爸爸搶食😆🐷滷水豬手飯 💰$48呢個又係👱🏽‍♂️丞爸必點😆我食過⋯真係好似泰國🇹🇭食咁🤨又淋又夠味🥰啲酸菜同點豬手既汁撈飯好好食😋🍤炸蝦餅（8件）💰$69蝦餅熱辣辣上枱，好脆又彈牙🥰一碟本身有8件😞但一上枱就比丞哥攞夾走左🥲相都未影呀😫之後好快兩隻嘩鬼已經搶食哂🌝♥️蝦醬撈飯 💰$65見到隔離枱嗌😆我忍唔住問佢係咩黎🤭因為有豬肉鬆又有臘腸🤨重點係問左隔離枱話唔辣👍🏼兩個小朋友就食得😌一上枱，好大碟🤭唔可以叫撈飯😆佢算係炒飯，仲要好乾身👍🏼炒飯入面仲有豆角，紫洋蔥🧅蝦醬好香但唔會鹹👍🏼🥥椰汁珍多冰 💰$38係我暫時飲過最好飲😋不過甜左少少🤏坊間好多的椰

屯馬線開通左之後九龍城旺左好多😅星期五晚happy Friday周圍都排隊今晚心血來潮約朋友食泰國菜首選CP值高既昌發👍👍🟡 冬陰功湯(細) $69 🟡幾足料, 有幾隻大蝦辣度酸度適中啱香港人口味⚪️ 馬拉盞炒椰菜苗 $58 ⚪️炒得好香份量都算大碟🟢 蝦醬炒飯 $65 🟢配上肉鬆同臘腸食落好惹味大碟到要打包返屋企🟣 炸蝦餅拼春卷 $69 🟣剛剛炸起上枱夠熱夠脆好食~昌發價錢合理又大碟下次一定再黎❣️ ❣️ 

雖然九龍城多好野食揀，但碌過去都係食泰國野為主。我最喜歡就係試泰國湯河，因為泰式既湯底真係好正，如果做得好。呢個湯底個色濃、味都好濃。其實我都唔太睇佢咩料，又係湯底配河粉都可以搞掂我🤣 又係清底不過，都要講下配料既。叫左豬雜湯河。有豬腸，豬紅同燒腩。好味！ 尤其愛個燒腩，竟然配燒腩，我係其他店都冇乜食過係咁。個河粉好粗身，佢好得意，一卷卷咁，未散開，好似食緊腸粉，哈哈。不過量好似少左d, 女仔食還可以啦。

昌發係我一直去開既泰國菜舖，味道一直都keep到最鍾意就係叫鮮蝦炒金邊粉，味道酸酸甜甜，好開胃仲有青咖哩雞，豬牛雞串燒，生蝦，份量都好多，味道都好好最正就係佢既價錢算係平，非常抵食

呢間喺九龍城出哂名嘅泰國餐廳未到7:30已經坐無虛席，要食就要預早嚟等位啦！被安排坐門口嘅我地見到外賣包完一單又一單可以話係無停手。我地最鐘意就係佢嘅糯米釀雞翼，外皮香脆但糯米仍然keep住濕潤

屯馬開通真的很興奮.......屯馬線開通左..去九龍城方便左好多一於就同朋友黎個九龍城一日遊啦...我地12點45到左宋皇臺站B3出口就出發去昌發喇到左昌發大概1點, 唔洗等位, 即刻入得之後我同朋友一人嗌一碗湯河同野飲再加個小食~~~我嗌左一碗鴨肉湯河, 鴨肉份量適中，唔騷，湯底甜甜地. 黎到泰國餐廳點可以唔叫椰青~ 所以我就嗌左個椰青作為我既餐飲...清清甜甜, 解渴解辣既良品~朋友就嗌左個彩虹湯河,  有豬紅, 魚片, 豆卜, 魷魚同埋魚蛋~~料好足..湯底有少少辣..但唔食得辣既朋友都接受到...至於朋友就嗌左泰國奶茶沙冰作為佢既餐飲..佢話有濃濃的泰式奶茶香味...雖然我倆已經開始飽飽地..但黎得泰國餐廳都想試下佢d 小食, 於是我地就嗌左泰式豬肉碎生菜包, 係餐牌見到有2隻辣椒既辣度..但我地作為唔係好食得辣既泰菜小fans都想試下, 味道好香又辣, 食到我開始出汗, 但仍然好味到停唔到口最後埋單食左HK$226.. 滿足得黎又抵食:-) 下次有機會再黎~!!

回家路程中落大雨經過見到唔多人就入去試下一個人叫左碗河粉， 闊條河粉有豬肉又有通菜加香菜，一飲個湯幾鐘個湯甜甜地帶香，重點飲左一大碗到依架寫緊食評都無口渴的情況可想而知冇味精👍👍👍另外叫左一碟 豬頸肉炒雜菜豬頸肉食到佢係先處理過，肉片邊係脆脆地而且仲有鹹鹹地，再放落去一齊炒，雜菜無咩味但好夠鑊氣最後忍唔住試左少少 菜汁都係鮮甜，好正，值回票價最後門口仲有好多野食，好想食佢魚， 可惜太飽食唔落留返下次

黎到九龍城 一定要試下泰國野啦香港比較少正宗既泰式粉面舖老實講 除左九龍城呢頭其他果d真係貴得黎又唔正宗Lunch menu一碗船河加野飲都係45蚊一碗叫左牛丸濃湯河個湯同泰國食到既係一樣架濃得黎又唔會口渴 一啖湯加河粉真係覺得自己去左泰國佢地隻河湯比較特別係一塊塊似粉皮既但又唔會好索水質感彈牙 亦都好掛湯由於個湯太正 另一碗豬肉丸清湯就略為單調不過 碗粉太好食 嫌佢有d細碗男士建議加底 同加d小食唯有係九龍城掃埋其他野食啦

☕ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻 /5又繼續懶人推介 ☺️ 九龍城出名泰國菜館多，除了那些比較大牌的老店，個人來說更喜愛光顧不同的泰菜小店，除了因為價錢更相宜，亦因為它們的出品水準也毫不遜色呢!! 云云店舖中，前陣子光顧了這家泰國朋友也推薦，而且非常地道的昌發泰國粉麵屋~餐廳由泰國人主理，裝修雖然比較簡陋，但感覺就像置身在泰國的街頭小店中~ 除了招牌泰式船河打正旗號用料十足，還有多款小吃前菜，各款地道泰式主食和飲品等，全部都充滿著濃濃的泰式滋味~ 聽聞炒粉麵及炸物也相當不俗，思鄉病發作的朋友們，推介大家一試啊!~! 👍🏻💋 牛肉丸濃湯河 ($48)先看湯底的深棕褐色已知道是真材實料吧!! 一口細嚐，是滿滿牛精髓和各種蔬菜的鮮甜味道，湯底不咸也完全沒半點味精 ~ ☺️ 河粉用上泰國粗身河粉，有質感之餘亦很掛汁，牛肉薄片軟腍有肉味，牛肉丸爽口彈牙，蘿蔔入味又無筋，另加多種泰式香料 ; 整體而言是一碗高質的泰式船河，推介~ 👍🏻💋 海南雞飯 ($48)雞肉表現一般，不太老身也算嫩滑，油飯就不算太香，整體合格