昌發泰國粉麵屋

好后悔冇睇食评就冲咗入去街头呢一间泰国菜馆, 因为佢嘅门口摆咗好多泰国食品出嚟, 色彩缤纷好吸引, 畀佢引咗入去. 一坐低发现就发现有一股奇怪嘅气味. 然后两个人点咗一个汤, 三个菜, 两款饮品, 以下逐一介绍：冬阴公汤（小）算系正常嘅虾酱炒芥兰冇乜虾酱味, 芥兰好硬亦都冇乜菜味.半只泰式海南鸡系鸡髀嚟嘅, 但系都系冇乜味, 鸡肉比较软淋, 就加埋个酱都系冇乜味, 好淡口.泰式煎蚝饼同平时食开嘅潮式蚝饼有好大分别, 蚝系肥嘅, 但系同啲蛋炒埋一齐「散收收」咁, 冇镬气, 底下垫咗大量芽菜, 成碟味道都系淡口, 连鱼露味都冇, 连个辣酱亦只系得辣味冇乜咸味.饮品我哋点咗椰青同埋龙眼冰最正常就系饮品好失望！去九龙城谂住食正宗泰菜, 点知入到去系前所未有嘅淡口. 但系好奇怪, 虽然系淡口, 但系食埋两杯饮品都系会觉得好口渴㗎㖞, 埋单都要四五百蚊, 早知睇多几间先坐低.另外亦都值得一提, 呢间舖头店入面坐低嘅位置系收唔到电话嘅, 所以想即场睇食评再点嘢食就要上佢提供嘅wi-fi, 但系我就基于安全理由就冇上wi-fi所以冇喺店内睇食评就点餐, 可能系咁所以冇点中佢出色嘅嘢.…查看更多

今日专程嚟到九龙城原本想去食越南粉，但系因为距离比较远，而且今日天气极度炎热。路过呢一间舖头见到门口贴咗几张相，睇佢个相都觉得系整得几好食嘅样。叫咗一碗游船河，一碗清迈咖喱米线，仲有一碟扎肉沙律，一杯泰式奶茶，一杯梳打。游船河粉配料都OK嘅，喺个汤个味淡咗啲。清迈咖喱米线，难食到飞起，成兜嘢个卖相已经好唔开胃，好似食净捞埋一碟咁。啲猪红烂蓉蓉，鸡脚又系一嚿嚿碎晒，入面仲有好多碎骨，啲菇臭臭地，成碗米线都唔系好觉得有咖喱味。卖相同味道一样咁差。扎肉沙律啲扎肉都几好食，但系剩低嘅蔬菜部份就麻麻哋，佢捞咗个类似生虾刺身嘅汁都几惹味。冻奶茶出奇地难饮，我以为都系手标沟水开出嚟，我觉得佢落得太多水。青柠梳打就系青柠梳打啰。俾钱我都唔会再食粉面，其他菜式或者都有可能再帮衬，但系区内咁多选择，机会都比较微。…查看更多

今日中午约1点到九龙城的昌发泰国粉面屋，门面低调但人气向来不俗。这次运气不错，刚踏入店内便可即刻坐下，避过午市的等位高峰。点了店内招牌之一「游船河」($55)。汤底香气淡雅，入口清爽，但若能再浓郁一点、多一层鱼露与香料的厚度会更出彩；河粉滑顺，肉料份量刚好，整体味道属「稳打稳扎」型，不惊艳但耐吃。在这条遍布泰菜名店的街区，昌发给人的感觉更像一间「街坊速食老舖」——价格亲民、出餐快、味道有诚意。若你只是想在午饭时段来一碗热汤河粉取暖解馋，这里仍是值得重访的一站。…查看更多

上网见佢食评唔错满心欢喜嚟食下佢嘅嘢食本身嚟之前都食咗嘢所以只系叫左佢个游船河、泰东猪肉生菜包同埋一杯椰汁珍多冰杯椰汁珍多冰正正常常几好饮个生菜包少少辣都可以但个河就真系好失望望落个汤底都几深色但食落好淡无咩味….啲𩠌都好普通下次未必会再试了…查看更多

系九龙城要食泰国粉，我通常都会去依间，食得最多都系依间。点解呢，因为佢叫泰国粉面屋，所以食得泰国粉我都去佢到。我暂时未见到第二间叫泰式粉面既店舖，所以无得拣。同埋佢有一个优势，就系近，我系九龙城做野，可以话系行两步就到，所以都方便。不过如果我系正佢舖头隔离返工，就会再方便啲。食物方面，佢都有齐基本既泰式汤底，每个汤粉你都可以自己选择唔同嘅面底，金边粉，粗幼河粉，唔同种类嘅面都有。咁呢个系几好嘅，有时同一种汤底搭配唔同嘅面底出嚟都会有唔同嘅效果同感觉。我一般叫彩虹汤河，游船河，或者鸭肉汤河。再加上有有喺泰国食嘅辣椒粉同鱼露等俾你自己任加，味道都相当浓郁。有时我会加多个通菜，或者加多个小食，最主要睇吓我𠮶日肠胃畅唔畅顺啦，始终食多啲菜帮助消化好啲。😂😂😂整体我俾85分💙…查看更多