旦王

营业中

休息中

幫襯左旦王都有一段日子, 不過o係around 一兩個月前, 好似轉左手...就開始扣分了...以前係個四眼哥哥主理, 佢整得最好味, 酸, 麻, 辣分明, 小辣剛好, 中辣開始只係食到辣味, (可能我只係食到小辣程度...)依家係有一個操國語既後生仔整多, 有時就係個好似老闆既阿叔整. 後生仔整都還好, 果個阿叔完全唔掂! 淡而冇味!!如果見到係佢整, 我會揀唔食!依家佢地d 酸辣粉, 我要食中辣先得, 小辣冇味既! 要食到中辣先至接近以前四眼哥哥整既小辣, 不過當然, 味道都重係差得遠......雖然係咁, 但佢地依家暫時都重係o係香港最好食既,我既排名1. 旦王2 渝酸辣粉3. 聯記川王(另外我試過既酸辣粉但不入前三名既有: 傷心酸新粉, 東門町重慶酸辣粉, 川粵米線大王x2)雖然旦王o係我心目中重o係酸辣粉既首選, 不過已經同第二位既距離好近...

今次係第一次寫食評 要多多指教琴日出左去mk拎野之後唔知食乜好之制,就行左去旦王附近啦~見到有酸辣粉,又見到條排左好長的隊,不自覺覺得呢間野應該唔錯就去買係堂食,到我個陣,嗌左小辣,走莞茜..之後問呀師傅旁邊個c9有冇其他餸可以揀,竟然黑面話:呢個(指住面前的魚旦)同隔離個d囉~= =心諗:洗唔洗咁ar~問下你野都要黑面~之後我就加左魚旦...(驚唔夠食)then幸好佢隔離個度有個位可以企住食~都ok 啦~一食第一口,咳死了~香就香~不過d味得個辣字...我叫小辣,點解都咁鬼辣ga...見到佢係黑紅色ga 其實個粉都ok,但湯底soso~而d魚旦細粒到呢,又冇魚味又貴...$6/串最後唔知食左d咩粉狀的粉體...條脷立即麻痺左= ="係咪我未搞碗野就食呢??都係覺得葵芳個間好食d 下次唔黎lor~

旦王食左好多次, 通常係食四眼仔哥哥煮既酸辣粉, 唔知佢落D乜食到鬼咁上癮, 但換左別的人煮千萬不要幫襯完全唔同味勁唔好食, 今日撞啱四眼仔哥哥放假我寧願唔食, 等佢第日返嚟先至幫襯, 不過今次主要係講佢地D魚蛋同焼賣真係越嚟差, 尤其係D汁差到離晒普, 汁稀到不得了完全黏唔到魚蛋, 好似食化學水咁,, 焼賣又貴賣成$6得4粒又唔見得有咩特別,都唔知點解改名叫旦王真係自己拆自己招牌, 不如叫酸辣粉王仲好啦!

同fd唱完k食d野唔飽肚.諗起想食少少野醫肚..朋友都有興趣食辣.所以去左旦王食重慶酸辣粉.叫左小辣..好耐冇食啦.最初以為仲要企街食..原來佢租左隔離個間空店俾人係有冷氣既地方食太好啦.太耐冇食.以為會受唔到個辣度.今次食返反而面不改容tim=v=.坦白講呢兜野真係色香味俱全.未食時聞到個喉嚨都feel到個陣辣度.又好香好新鮮.d辣味好有特色.最鐘意d花生..成日好想叫佢多花生..不過驚俾佢啤=_=..d粉我覺得好彈牙..唔似食完好傷心個間咁..個間食既時候好似食緊一條條粉團.我喜歡牙齒與薯粉要咬大力少少先能斷開個種煙un感

我已經第3次食佢喇~第一次係3個月前,同朋友一落火車站就俾佢嘅香味引左埋去,一食就忘不了,同深圳東門係一樣味ge,企喺街邊食,又辣又大汗疊細汗~正之後過左咁耐都未有再食過,因為好少去旺角...上星期男友早放工,特登去買左碗外賣過金鐘俾我,經過成30分鐘車程+路程,依然好得,d粉依然彈牙,只係凍左少少(只係冇平時咁熱,不過都好暖ga), 所以冇平時食咁辣琴晚搭開火車,又心思思走落去食碗先照舊中辣走青一碗,男友唔食酸辣粉($13),要左一份腸粉多醬($7)俾佢叫完野食,e~~點解排前面嗰個人攞住野食行入隔離個鋪位ge?原來依家隔離個鋪位安排左俾食客入去企住食,仲開行冷氣tim,太好喇講番野食先,今次碗粉好似有d未熟透咁,有幾條硬硬地,不過味道依舊咁正腸粉反而有驚喜,腸粉本身好香,又薄又滑,早知叫10蚊啦,有d唔夠喉下次再去試埋個蕃薯先~

是日,諗住係太子旦王買返碗重慶酸辣粉做午餐,因為之前曾經食過果度GE中辣,覺得唔夠酸,所以我今次ORDER左個中辣,不過就同老闆講要多D酸菜,老闆無講D咩,但係即時黑面,當佢遞碗外賣俾我果時,同我講左呢一番話:要多酸即係你根本食唔到中辣LA!當時我真係呆左,我只不過想佢俾多D酸菜姐,咁都要黑面.....其實D酸辣粉都係靠味精黎維持D味道,唔係話D咩特別GE野,唔明點解買碗粉都要受氣!

不得了!小妹實在鍾意酸辣粉鍾意到不得了!平時食開另一間好傷心果間呢(我驚開名會比人打),果間其實都好味,不過我呢一張為食既咀,就當然係貪心啦老老實實,呢度只有企位,仲要大熱天時企係馬路邊,比D車既廢氣狂噴無返咁上下心理準備,我驚大家會講一句「我真係接受唔到囉」抱著一死既心態,在酷熱天氣警告下的一天出發,帶住朝聖既心情,黎到旦王一碗野掂定唔掂,我通常都係睇湯底既顏色,一落柯打,見住店小二起勢咁左溝加溝,心諗,對路喇!拎埋去鋪頭出面既企位正式埋牙肉博,一路大叫「媽!好辣呀!」一路食過唔停麻既味道係口中久久不散,酸度適中,辣得好過癮!再加上肉碎,花生,芫茜等等既配料,碗野食落口一d都唔燥(因為有時食辣野個人會覺得好燥底的,可能係個人問題)成頭大汗,幸好呢間連坐位都無既小店,細心咁準備左tempo紙巾食完一碗粉,面上忍唔住流露出滿足既表情呢一刻,我身體既溫度,應該係攝氏48度

今晚行完波鞋街口痕便過去買酸辣粉醫肚叫了一碗中辣, 只見阿姐熟練而快速地下薯粉,醬料,放湯,下配菜, 一分鐘內搞掂回家時順便買了牛奶止胃痛, 否則成晚冇得瞓薯粉質地: 由買至回家吃第一口距離起碼分鐘依然有o趙頭分量: 如果只係當食tea或者消夜都冇問題嘅, 當正餐真係會唔夠飽的湯底味精湯底裏: 麻足夠, 辣不足, 咸適中, 酸不夠, 酸其實可以令麻同辣更加明顯, 也可提出香味配料炸菜 很脆不過鹹芫茜 很少以為冇放過花生 不知是否時間太久已經焾哂始終 仲未找到理想的酸辣粉

偶然在街上被一陣香噴噴的酸辣粉味道吸引，一試之後便愛上了。這裡的酸辣粉很煙軔，而且老闆會即場下數款香料，又可按照自己的口味要求酸和辣的比例，所以在冬天經常見到長長的人龍﹗不知夏天的來臨，會否打擊到這裡的生意額呢。

某晚心血來潮, 買左碗返屋企食.....配料又真係幾好味, 不過我只可以碗野又咸又麻又酸又辣....同埋超味精......味精食得多, 未試過口渴到第二日...絕對冇下次啦老闆

第1次寫食評~旦王食左好多次~但次次想試其他野時都會俾酸辣粉果陣味吸引左埋去而忘記左其他野食我第一次食酸辣粉係食小辣~真係好正好過癮~雖然真係辣到媽咪都唔太認得~但果種熱辣辣+麻+香絕對令我食過番轉頭十幾廿次~ (連老闆都認得我啦~)而家因為食得太多既關係~所以變左食中辣 (同第一次食一樣都係辣到阿媽都唔認得~但又過癮到食過番尋味~)配料方面，個人認為榨菜係最好食~而且唔係好酸~亦好中意佢俾好多"鹽西" 但花生就因為個人喜好問題~所以成日要佢唔好落~ (唔表示唔好食)我未食過其他舖~不過旦王係做重慶野食果種濃味同果種過癮感覺~所以依間野應該係岩D中意濃味 (特別係中意咸/酸味) 既人另外~其實呢~四眼仔哥哥同老闆煮既酸辣粉都會足料少少同埋辣既比例會正常D...(例如話唔會明明叫中辣但只係有小辣咁辣) 所以大家買酸辣粉果陣可以留意一下~最後........如果食完覺得成個人都慶恰恰~可以去隔離間椰汁大王買杯椰汁飲~因為果D榔汁唔係太濃味~但又幾滑同有少少凍~好岩食完酸辣粉去買杯降火 (雖然通常第一啖飲落去都係俾酸辣粉既酸味覆過~)

昨天與友人出外用膳我們選擇去旺角掃街突然想起日前上OPEN RICE曾看過這間酸辣粉所以就慕名而來一去到 竟然有小小的人龍!而且有很大的麻味 好香好香~真的有點像小肥羊的味道排隊的時候 看見「堂食$13 外賣加$1」 原來店外的兩小張高台就是叫堂食 ..... 呆講回食物!我們排隊越行得近就越有麻辣香!真的好正 因為本人很愛吃粉麵 所以好興奮四眼哥哥以熟練的手藝又加湯又加麵又加辣醬我們叫了一碗微辣一碗唔辣走青~就站著堂食我的微辣酸辣粉上有一層少少的辣油本人毫不介意辣油配菜有花生(我的最愛) 和榨菜一吃之下有湯底很夠味! 即使只在湯裡滾了幾滾 也有酸辣味 湯底很酸很酸!對本人這個嗜酸的人來講 完全是食指大動 哇好酸!酸辣粉越吃越麻 整條利都麻了在本人的舌頭麻痺的同時 除了品嚐到酸辣咸麻之外 竟然也有很重的.....甜味 好刺激友人的無辣酸粉 亦酸到舌頭發麻(掛住食 草草影了一張相)另外值得一提的就是我們站在高台上吃店員一開裝腸粉的「箱」就一大陣熱蒸氣撲背而來 哇 如果女士們要蒸面的話 一定要哄埋去幸好我們昨天天氣有點涼而且入黑了否則一定大汗淋漓這是本人覺得店家可以進行改善的地方總結花生

其實經已食過旦王好多次..因為番工近外賣番去食,,嘻>v<冇可口非..出名之後份量小了...同埋都冇咁辣莫講話份量少了..就算之前的份量都唔夠喉啦(當正餐的話)經過冇數次買2碗的經驗後..比我發現左原來係可以加底的!!! (可能淨係得我唔知..haha)加底後食1碗已經飽飽了..嘻普通外賣-$14, 加底外賣(分湯上的)-$20

成日都會外買番屋企慢慢食，不過間鋪紅左之後份量小左DD，可接受既；最衰呢D食物冇咩益，次次食完都非常口渴。為健康著想，小食多滋味P.S　魚蛋唔好食！

星期五，喺學校放工之後仲要番公司接case。十萬個不情願同不滿。偷時間食少少野先，如果唔係好難捱到六點。原本想買蕃薯，但無出爐。於是買了腸粉，$7有4條。腸粉較幼身；質地幾滑，也不會糊口。不過d醬就麻麻，好咸。好似所有醬都好咸，麻醬得個咸字無香味。豉油又係偏咸嗰隻。