旦王

想食香港地道小食！來旦王 😆收工來買宵夜食必點招牌酸辣粉，可以自選辣度叫左2個餸：菜肉雲吞+肥牛小辣！好喜歡呢款自家製菜肉雲吞，多汁鮮嫩，肥牛配上酸辣湯底好醒胃又惹味！咖哩四寶陳皮魚蛋夠彈牙、魷魚晶瑩脆爽、牛柏葉有嚼勁、豬皮Q彈配上自家沙嗲咖喱汁好夾！韭菜豬腸蘿蔔豬紅港式經典小食！豬腸完全冇腥味又夠彈！生菜魚肉魚肉由店員即叫即製，口感回彈又鮮嫩旦王麻辣魚蛋好味到要再單點多兩串！辣味濃郁，帶有麻辣香味旦王 (旺角)旺角山東街50號地下C號舖旦王 …查看更多

今晚嚟到旺角旦王食晚餐，鋪頭細細間但好有氣氛，仲有立食位，好適合落班後快手食一碗熱辣辣嘅酸辣粉。呢度環境唔複雜，但食物真係有驚喜！招牌酸辣粉呢碗酸辣粉真係必試，湯底香濃又帶酸辣感，辣度可以自選，我今次揀咗小辣，辣得啱啱好唔會太嗆，薯粉煙韌彈牙，配埋炸菜、花生同芫荽，味道層次豐富，食落暖胃又開胃，真係食到停唔到口🤤。招牌大腸大腸洗得好乾淨，冇怪味，質感軟糯又帶啲微微脆香，尤其配埋麻辣味，香辣入味，完全遮蓋咗腸嘅本味，好適合配酒或者落飯，好正！👍小食三拼小食三拼包括腸粉、魚蛋同燒賣，腸粉滑溜又有彈性，魚蛋係陳皮魚蛋，味道淡而不失鮮味，燒賣煙韌有口感，三款小食配埋一齊食，味道配搭好均衡，啱晒鍾意多款口感嘅朋友。…查看更多

✨旦王✨真係世一酸辣粉😍屹立不倒係旺角多年我都食左好多年佢哋嘅酸辣粉真係由細食到大～真係好好食見到佢哋係旺角山東街開咗分店經過就買咗外賣😆同朋友一齊食✨豬紅，蘿蔔，大腸，韮菜 大size $41佢哋其中招牌大腸十分之肥🤤好香豬紅同蘿蔔好入味，湯底可以簡辣同唔辣✨小食三拼 $32腸粉好滑身😋魚蛋係陳皮魚蛋可以簡咖哩或麻辣燒賣好煙韌👍🏻✨藤椒鴨腎 $33藤椒味好香，唔會好辣，送酒好好食✨招牌酸辣粉 $31 起嚟到旦王⼀定要叫酸辣粉😍好煙韌，酸辣味適中仲有炸菜，花生，芫荽食落去更加香仲有好多餸選擇😋✨碗仔翅兩溝 $28自家魚肉好香同有好多，仲有冬菇，木耳絲口感好豐富，加埋麻油，胡椒粉食落去更加香 …查看更多

行街經過呢間街頭小食店，被佢個燈箱 menu 嘅「招牌咖喱魚蛋」吸引住😉🧤 等咗一陣，個小食盤就捧到面前：腸粉、魚蛋、燒麥… 鋪滿紅潤醬汁仲灑埋白芝麻，色彩繽紛到好似開 party，賣相超吸引！🌈魚蛋，果然彈牙爽脆，咖喱味夠晒濃郁惹味～🍢 腸粉滑捋捋嘅，掛住甜甜地嘅醬汁，軟糯中帶住少少鹹香，口感層次好豐富！雖然係街邊小店，性價比超高～💫 鍾意街頭美食嘅朋友，絕對值得試試呢份貼地滋味～…查看更多

公司就喺旦王附近，成日行過都會見到好多人排隊，你鍾意食佢嘅惹味，每一次都會買嚟食，一碗惹味入邊有韭菜、豬紅、蘿蔔、大腸，碗湯都好好味；再食埋燒賣+魚蛋+腸粉就夠晒飽啦。👍🏻📍旦王 (旺角)旺角弼街72號地舖…查看更多

次次買等勁耐，耐到冇人理，買左幾次都係好耐，左整右整員工又慢手慢腳 ，咁細間幾個員工都做得勁慢，由得你係度等，唔問唔理唔睬，d野又唔係要整好耐，永遠慢吞吞，又唔係平，又唔係勁好食。好似想做內地人生意多過做港人生意，又唔諗吓香港人先會多幫襯，內地人只黎1次半次，識唔識計數。…查看更多

係正公司附近，有時經過聞到都已經留口水，所以時不時lunch time都會叫嚟食！個人最愛佢地嘅酸辣粉，多料選擇之餘價錢都好平民！而且辣度由bb辣到大辣都有，岩曬我呢啲唔太食得辣但又想過口癮嘅人🤣佢地煮嘅薯粉煙韌彈牙，夾埋芫荽一齊食簡直係完美組合🥰其次必食嘅就係蘿蔔韭菜豬紅大腸，有大碗細碗可選擇，蘿蔔煮得超腍唔會有渣，大腸都洗得乾淨，唔會有怪味，豬姐有咬口，唔會一咬就散曬，有時收正都會忍唔住買反屋企做宵夜🤣…查看更多

好多年前食過旦王酸辣粉, 好便宜好多配料(花生, 芫茜, 蔥…)同埋好好味, 剛經過再试吓, 見多咗好多餸可以加錢加入酸辣粉, 我就加豬紅, 魚旦同豬皮, 阿姐話要$60 wor, 咁我答佢咁貴嘅？ 佢話加左3樣餸要咁貴, 我話好la, 之後等左超耐, 唔明點解要咁耐, 全部野都係執入去好似車仔麵咁, 終於等到買返屋企食, 一打開蓋, 發現中伏, 冇咗豬皮, 而且加嘅餸及配料都極少, $60食完好似食空氣咁, 搞到我要另外自己再煮麵食至夠飽。…查看更多

等超耐，排隊混亂，明明企到佢面前都等勁耐，我係星期六晚11:00pm時間去，食物一般，唔值得去食，價錢貴，食依啲平民嘢，要$3，40一碗，味道一般，大把同類型嘅餐廳好過佢職員手腳好慢，接單非常混亂，再加上外賣平台單，一人一句，3個職員姐姐完全處理唔到成個情況，店舖放依物的爐很不衛生，我叫咗咖哩四寶，惹味，已經整好，放喺後面，但要我提佢先幫我打包，3個職員十分混亂，係一個十分差嘅體驗，不會再去食…查看更多

啲姐姐態度好好，叫左份大惹味啲肥腸望落好干淨又入味無啲肥膏，份量都唔少仲有豬紅蘿蔔同韭菜，鐘意食辣嘅記得加少少辣魚蛋汁👍🏻👍🏻超正 聽聞佢啲酸辣粉都好正但未試到，下次想試下🥰🥰…查看更多

好耐冇食過旦王，不過同之前一樣好夠酸好夠辣，重點係佢個肉碎，食完個粉之後一定要請哂所有肉碎！今次叫左大腸魚肉同豬紅，味道一如以往。旦王係個人心目中香港最好食既酸辣粉～…查看更多

難得可以me time 即刻出旺角食碗旦王先1，2點呢段時間超多人排隊酸辣粉一定要配肥牛同肥腸佢既肥腸真係好好食每次都要食佢個酸辣湯調配得岩岩好再加埋窄菜同花生簡直係一流…查看更多

蛋黃真係好出名啊，好多人去排隊。 下午過來都看到好多人。中意咖喱魚蛋同唔係麻辣魚蛋啊，好中意啊！好淡口味道夠濃郁。口感豐富。怪不得別人都說香港最出名的是魚蛋。果然名不虛傳啊！仲有咁多麻辣燙好多選擇。價格賣的也不貴。选吃小吃也可以，吃主食也可以。老板會做生意，怪不得生意這麼好。一致覺得佢個大腸好正。大腸洗得很幹淨。賣相很好。軟糯脆香。一定得選麻辣這個口味的。这样才能遮住大腸的本味！來旺角了和太子一定要來這家嘗嘗哦。…查看更多

🍜呢間已經食咗好多年 絕對係酸辣粉世一🤪紅薯粉做到好彈牙煙靭有口感，配料方面有肉碎、酸菜、花生、芫荽。唯一要挑剔係花生唔係太脆 味道一般😕佢仲可以加唔同餸係碗麵入面，大概係$9-$14，眼見最多人叫肥腸☺️當日係叫咗小辣 佢係比起外面會辣小小不過佢個酸中和番辣既味，冬天食係好暖胃！雖然係小店細細間 不過有提供立食位置方便大家可以堂食🫶🏽等緊酸辣粉期間仲見到有好多人叫魚蛋同碗仔翅食😏地理位置都好方便，有時經過都會買一碗食😈…查看更多

每次一多人流 都會有人插隊 店員服務極差 完全不會維持秩序 插隊的人大叫他們的訂單 店員也會照做 變相鼓勵其他人插隊 店員態度也當視而不見 每次買食物的情況都十分混亂 而且很多時候 店員都在談心說笑 而其他客人就在白等 請改善！…查看更多