日漁 (T.O.P This is Our Place)

营业中

休息中

今日點餐，諗住新未食過試下啦～.但拎餐個陣，餐都未到齊個職員好惡咁叫我：你幾多號，拎啦，齊啦 我話未，仲有飯團個職員：哦 係喎 🫠🫠🫠🫠🫠🫠咁都得？？.飯團好鬆散 又無嘢包實食到好煩 食到隻手好污糟🫠.叫黑蒜油湯烏冬，張單都打黑蒜油然後變左豬骨湯？我食緊個陣先發覺，唉，算啦，食啦😪😪😪🥲當我黑仔，算.係幾平嘅，但職員態度好差，又漏單又比錯一張單二個錯🫠已經唔係繁忙時間，都可以咁見都多差評okok

冇諗過今時今日出來食嘢仲有啲咁嘅服務態度。 第一次來食，問下佢野好似阻住佢傾偈玩手機咁，仲扔部手機落張檯度。我又唔係喺度做緊係冇你咁熟個餐牌噶啦。。。。。。只可以話呢間係唔憂做/唔想撈日本餐廳。

埋位落Order個女收銀面色好差，可能老闆出唔夠糧俾佢所以黑面到～ 嗌左個三文魚蟹籽丼套餐（$65蚊附2件迷你泡芙）外賣返去開個丼好驚喜，4塊三文魚片紙咁薄，就黎可以透光。附上照片，隔離有盒魚尚三文魚刺身$38作對比，人地魚尚仲大方過佢😂 真係估佢唔到～ 希望店家見到可以改善下，無生意唔係無原因，遇到問題要變通。通關後一車車香港人蜂擁去大陸幫襯d餐廳，係香港頂住嘅餐廳更加要爭氣d做好本份。依然有港人堅持留港消費嘅💪🏼，唔好令依d人失望。

$64 勁少！！！！！！！！！如果$64少但好食其實可以接受，但係好難食呀！爭鮮都好過佢個薄切三文魚紙飯！三文魚薄過紙，啲飯又硬又冇醋味。做一個魚生飯如果飯咁難食不如唔好做餐飲業，去街市賣魚算啦！魚仲要入口即化呀，勁抽過拖罹，好似冇食過咁。唔好以為啲魚子冇事喎，硬到食塑膠粒咁。不過又唔係所有嘢都咁差嘅。老實講句啲紫菜係唔錯嘅，又夠紫又好有紫菜味。係呀因為唔係間嘢整㗎嘛！啫係間嘢做一個唔使煮嘅魚生飯都可以整到咁難食！

今日去旺角周圍都係人就求其去food ciurt 食,點知食左間伏鋪,叫左豬軟骨拉面,d面好似糊仔甘,仲衰過即食面,個豬骨湯係味精水, 個玉子好少少,不過都係冇蛋味,永不再食

.#foodie #hk #hkfoodie #HTB美食推介【旺角難食鰻魚飯｜Food Court都等咗20分鐘🕓】🐨蜆肉烏冬配迷你鰻魚飯 $62推薦度：⭐️見佢係人氣之選想試吓，本身對food court嘅嘢食都冇乜好大追求，但等咗20分鐘，令我以為佢係一啲好高質素嘅食物😵‍💫😵‍💫最後...就更加失望....蜆肉烏冬鰹魚湯底冇鰹魚味感覺似清湯多啲，蜆肉大約有五粒左右，每粒都係細細粒，仲要有沙。諗住鰻魚飯會好少少，但係飯係普通白飯，有啲硬...鰻魚得三片比起爭鮮嘅鰻魚壽司更加薄，而且鰻魚汁偏少，成個鰻魚飯都冇味🫨🫨完全唔知食緊乜... ——☼——☼——☼——☼——☼——日漁📍地址：旺角彌敦道700號T.O.P This is Our Place地庫S4號舖🐨推薦度：😋/5 💰人均價格：$50-100🪸環境：👾🗣️服務：👍🏻📸食物打卡度：💡🛠️分類：#HTB旺角 #HTB日本菜.#旺角美食 #旺角 #日本菜 #日式 #烏冬 #鰻魚飯 #迷你 #foodcourt #美食推介

尋晚去咗呢間買外賣去到見到好耐都冇人 等咗陣叫外賣嗰陣收銀員話食物製作需時 要等三四個字 咁我冇問題 但係佢態度就好一般 好似唔想做生意咁 我揀咗牛肉烏冬配壽司嘅餐 因為唔夠壽司，入邊有一舊生既 我本身唔可以食生嘢 咁我就問可唔可以生個舊轉其他款 收銀員喺我未問完就即刻話唔可以轉 我覺得佢態度好差 明明之前買嗰陣 另一個店員係可以幫我轉 咁跟住等咗1 5分鐘 我見到顯示牌有得拎外賣咁我就行去 點知收銀員唔見咗 等咗10分鐘都冇人出嚟嗰度有個出餐處 有個窿係會見到廚房有兩個人既手出餐 咁我大聲叫’唔該’ 希望入邊嘅人出嚟叫咗成5分鐘都冇出過嚟 冇應過一聲 好擔心我個包好咗嘅外賣會變壞 過多5分鐘 收銀員終於出嚟然後佢冇出過一聲 直接拎個外賣俾我 多謝或者唔好意思都冇句 眼見有其他客人排隊諗住叫外賣 隔離有個客人都問我係咪等咗好耐 我覺得呢間舖頭根本唔係想做生意 有生意都唔想做呢個體驗簡直貼錢買難受 唔會再幫襯😤