日本駅和食

食左4-5次，份量愈來愈少。雞扒勁細，仲細過平時七仔買嗰啲雞扒。酸菜就勁多，好似酸菜就係主菜咁樣。碗面試湯就連一半都冇。真係無下次，當啲食客係傻嘅。香港餐廳可悲。…查看更多

粟米餅魷魚鬚係呢間茶餐廳嘅招牌之一。粟米餅炸得金黃酥脆，魷魚鬚又爽又彈牙，配埋甜辣嘅醬汁，真係好開胃。炸年糕係我嘅最愛之一。呢間茶餐廳嘅炸年糕炸得外脆內軟，年糕嘅口感好Q彈，咬落仲有少少芝麻嘅香味，好正。牛肉飯係茶餐廳嘅經典菜式。呢間茶餐廳嘅牛肉飯份量好足，牛肉又腍又入味，配埋香噴噴嘅白飯，真係好滿足。…查看更多

夜媽媽係屯門碼頭附近想食宵夜，除左行去龍門居，近近地行去兆禧都唔錯。呢間小店係兆禧食坊入面，無乜位坐。外賣會食得舒服啲，但野食質素好，全部都係即叫即整，熱辣辣😋每個飯都包碗味噌湯，價錢都合理，下次經過應該都會再幫襯👍鰻魚炒飯勁推，無諗過會有咁大塊鰻魚。最驚喜係啲炒飯入面會有細鰻魚粒，將成個炒飯既層次上升。個炒飯超邪惡，每啖都好入味，好似有少少芝士味。不過一個人食曬既話到尾會有啲油膩，最好同人share食😚洋蔥牛肉溫泉蛋飯都好食既，不過無鰻魚飯咁驚喜。牛肉汁同啲蛋汁撈埋飯食一流，加埋啲洋蔥腍腍地係不錯既。個牛正常發揮，都幾有牛味😂。每個飯包碗味噌湯，碗湯不過不失，唔係純用粉沖，都有啲配料嘅，食完鰻魚飯飲碗湯可以解下油膩。…查看更多

今日探訪屯門兆禧苑商場，一盒牛柳粒竟然只係$53，真係抵得食！唔好以為啲價錢低就唔好期望，因為我啱啱食過嗰啲牛柳粒，真係有驚喜！首先，佢地嘅烹調手法真係不同凡響。啲牛柳粒唔係一啖就咬晒，而係保留住肉嘅鮮嫩，外脆內嫩，啲肉質唔會太柴，反而有啲口感，啱晒我。啲調味亦都唔會太油膩，佢地嘅醬汁係啲牛柳粒啲表面恰到好處地裹住，唔會太過濃厚，保持咗肉嘅原汁原味。而啲香料嘅運用，更係點睛之筆，令整個菜式更豐富。…查看更多

兆禧食坊唯一一間日本餐廳，當初俾佢吸引係因為見到佢個Menu實在太多菜式，眼花繚亂。🐰洋蔥牛肉流心蛋飯都幾好食，即使我係外賣拎返屋企，隔咗半個鐘之後食啲牛都唔會話太韌，洋蔥爆炒得好惹味，最重要係個醬汁好味，應該係甜醬汁嚟，撈飯幾好食💪🏻…查看更多

之前係YouTube 見過依間小店嘅宣傳，所以咁啱經過依頭就試一試啦🤩🤩依間小店食物總類十分多，炸物、飯類、麵類一應俱全，價格都相對便宜 👍🏻粟米餅食得出係用新鮮粟米整👍🏻不過食得多都會有啲滯  但不得一提就係嗰炸魷魚鬚🤩嗰炸粉好薄  食落口脆卜卜  好好食！推介👍🏻👍🏻炸年糕啱啱炸起熱辣辣，所以叫之前唔好一啖即刻咬🤫一啖落去就有好多芝士爆出嚟  要小心啲食😋一上到枱見到啲木魚碎係咁郁已經好期待，聽老闆講嗰醬係佢自己調出嚟  一食落嗰味都真係同出面唔好  加埋落去好夾幾開胃！一路食嗰陣已經有好多人叫  就叫咗一個食下  一食就發現依個真係招牌菜嚟！嗰牛汁真係好入味  令人想扒多兩碗  不過真係食得太飽嗱  所以最後都要打包  但第二日叮熱翻都係咁好食😋👍🏻炸皮都係咁薄 外脆內軟🤪  …查看更多

一盒牛柳粒$53，10粒都冇. 會唔會貴左少少呢？D 菇索晒汁既味，咸到咳😞 總之成盒野得個 <咸> 字 試過一次就永不回頭😔唔抵食！超級咸！好難食！唔好試！唔係良心店😌 …查看更多

KOL 介紹老闆猛料，有多年米芝蓮日式餐廳工作經驗跟過大師級師傅。我試過完全唔似豬軟骨嘅豬軟骨飯，算合格老闆製作嘅雜錦天婦羅飯到今日不堪入目嘅唐揚雞飯。有人講過老闆唔係度唔好買。我今日冇為意真係中哂招，員工態度惡劣，外賣唐揚雞飯係我畢生係香港同日本食過最差最差嘅。打開外賣賣相驚嚇滿分，啲雞唔覺有炸醬乾到唔知翻炸幾多次。。。雞肉得番雪藏味，有相為証。正如標題所講係唔係要老闆長期陣壓店內呢？有人倒老闆米嗎？米芝蓮日本師傅學徒之名，信じられないです。…查看更多

去開兆禧諗住搵嘢食搵搵下就去咗一個好似food court嘅地方地方雖然唔大但係都叫坐得舒服 不過可能係嗰日冇乜人 (閒日3-4pm)麵豉湯係送嘅 雖然係送嘅但係料都唔少有少少海帶有啲蘿蔔有啲菜🙈黑松露叉燒溫泉蛋飯 $38呢個價錢入面起碼有一碗半飯 松露將亦都好足夠令你食每一啖飯都有少少松露味👍🏻叉燒味道正常 味道唔會太過吉列豬扒咖喱飯$46 🍛我自己幾鍾意咖喱同豬扒分開上 咁樣可以保持豬扒脆口呢盒飯起碼有兩碗飯 咖喱幾好味唔會太甜(自己本身唔係太鍾意太甜嘅日式咖喱)雖然豬扒脆 但係有啲乾🙈整體其實已經唔錯 咁嘅價錢完全冇得挑剔👍🏻…查看更多

好食嘅日本料理，價錢一般不便宜，日本駅和食係朋友介紹我去，所以專登坐輕鐵，問路行過去兆禧食坊！望落去企理乾淨，是一間用心有heart 小店，服務態度很好，食物造型一點也不馬虎，而且價錢非常親民！食物水準十分唔錯…查看更多

今日又係嚟兆禧食坊, 今之係買外賣俾百厭仔Whatsapp咗餐單俾百厭仔, 佢揀咗吉列豬扒咖哩烏冬,  咪照order囉. 原來menu意思係咖哩吉列豬扒飯+湯烏冬/拉麵 (真係眼大睇過龍)雖然係迷你咋, 大胃王百厭仔都夠食咖哩汁/飯/烏冬 分開3個兜載, 就真係唔太環保囉味道方面咖哩汁好香, 辣味剛好吉列豬扒雖然焗住拎返屋企食, 但都夠脆湯烏冬林咗少少, 但ok嘅另外兜飯有啲紅色酸味嘅嘢,  百厭仔揀晒出嚟, 佢話下次走晒呢啲就perfect喎總括嚟講百厭仔滿意呢餐 , 俾個讚喎  …查看更多