日月堂

日月堂台灣菜幾時都係最真心推薦，菜式選擇多之餘食物質素係過去幾年都一直保持到，甚至覺得呢度越做越出色，返嚟食幾次食物質素都好有水準，而且每次都做得越來越好，所以一直都支持佢！今次同朋友嚟都係叫咗兩個套餐，包括一款主食一碗小食同一杯飲品，我叫咗起司雞扒麵，湯底十分好食，有啲蔥花同炸蒜配搭一齊，雞扒超多芝士喺面上，好適合鍾意食芝士嘅人，所以我就覺得非常好食，雞扒都炸得好香脆，雞扒連皮都十分好食內嫩外脆，裏面仲有兩條白菜仔。😊小食我叫咗梅子地瓜條，這款小食係超推薦，因為好食到唔停口，我哋好快都掃曬成碟地瓜條，佢加咗梅子粉係面上，原來噉樣整係咁好食😋飲品係熱茉香奶綠，好香茉莉花味，又唔會過甜😀朋友叫咗滷水雞翼冬粉冬粉係一條條晶瑩剔透又滑溜溜好易入口嘅粉條，我試咗兩啖都覺得超好食，而且湯底都一樣係咁好味，滷水雞翼十分入味，醬汁都非常好味，朋友嘅小食係玉米起司卷餅，裏面嘅芝士超香濃配上粒粒粟米，所以都係做得十分唔錯嘅一款小食，每一件口感都好好，冬瓜茶好清甜，最鍾意清清地呢種感覺👍🏻覺得最好食都係梅子地瓜條，呢款仲係店員推介畀我哋，果然係冇推介錯，下次過嚟都要再試這款小食😊…查看更多

今天和老公來到觀塘找餐廳吃飯，在網上平台打觀塘區美食，第一間顯示便是這間台灣餐廳，剛巧老公又想吃台灣菜，於是便來到這裡吃晚餐，可惜食物味道卻比想像中失望。紅燒半筋半肉麵：湯底十分濃郁，充滿著淡淡的藥材味，而且麵條完美滲透了湯汁的精華，每一口都滋味十足，可惜牛肉應該燉太久了，導致肉質比較粗糙，口感有點韌，而且味道偏鹹，整體來說只是一般而已。紅燒豬腳拌麵：這份拌麵足足等了20分鐘以上，豬腳雖然都算柔軟，但是味道卻十分鹹，每一口都鹹得嗆喉，拌麵的醬汁亦很鹹，導致鹹上加鹹，真的很難吃。起司肉鬆蛋捲餅：這是全場最出色的食物，捲蛋的口感煙煙韌韌，肉鬆和起司鹹鹹的味道不錯，我和老公都很喜歡這道菜式。炸鹽酥雞：鹽酥雞是即叫即炸的，至於內裡的雞肉都算嫩滑可口，肉汁四溢，是一款不錯的小吃。炸甜不辣：本身想叫地瓜條，可惜已售罄了，只好轉吃甜不辣，可惜雖然都是即炸，但是外皮卻十分油膩，味道只是一般。價錢方面，餐廳沒有加一服務費，最後兩人總共$270。總結來說，本身我們對這間餐廳抱有濃濃的期望，可惜最後味道卻不似預期，除了捲蛋，其他食物只是一般而已，重點是很鹹，地點亦不太方便，應該沒有下次了。…查看更多

今日同朋友夜晚嚟到觀塘搵食，呢邊好多台灣嘢，今晚揀咗呢一間餐廳係以前喺附近返工嘅時候食過一次，記得都幾好味。平日夜晚七點嚟到，都仲有幾個空位，呢度位於工廈入邊，都幾大幾闊落同埋幾乾淨。我哋一人叫咗一碗麵，另外加咗小食同埋飲品。紅燒牛肉麵($75)一上到枱首先飲吓啖湯，好濃郁，夠晒味，而且唔會太鹹，應該係有唔少材料熬製而成嘅湯底。佢哋嘅牛肉好腍身，好容易咬開，肉質鮮嫩，而且份量勁多。佢哋用嘅係幼麵，質地好Q彈，同湯底配合起嚟真係好好食。牛三寶麵($85)牛三寶包括牛腱肉，牛筋同埋牛肋條，湯底同紅燒牛肉麵一樣，同行朋友都話湯底好濃郁，好味而且牛三寶都夠唒入味。炸鹽酥雞($48)份量超多，係新鮮炸出嚟，熱辣辣仲好脆添，雞肉都好滑，唔會柴，仲可以配搭梅子粉同鹽酥粉令口味提升酥炸魷魚 ($48)都係即炸，除咗魷魚鬚之外仲有幾塊魷魚，全部都炸得好脆，咬落去一啲都唔韌，炸皮亦唔會覺得太油飲品方面叫咗仙草奶茶同埋黑糖珍珠奶茶，兩杯都好好飲，而且仙草同珍珠嘅份量都好多，超級滿足。喺香港食台灣菜嚟講，我都幾推薦呢間，因為佢嘢食好食，而且環境舒服，價錢唔貴，性價比超高👍🏻👍🏻…查看更多

又嚟到觀塘的日月堂食台灣野～今次主攻牛系同小食飲品，各有亮點。牛三寶面$80，集合牛腱肉、牛筋、牛肋條，湯底一如既往「唔會輸」，每次都濃郁夠味；牛腱帶嚼勁、牛筋軟腍、肋條油香相映，層次感幾足。紅燒半筋半肉麵$75，紅燒香氣收得住，半筋半肉配搭平衡，啖啖都係實在牛味，食完相當滿足😌芋泥肉鬆蛋卷餅$42，鹹甜交疊，芋泥柔滑、肉鬆香口，卷餅口感乾爽不笠，做小點好啱。炸鹽酥雞$48，香氣即開，份量剛好，邊傾偈邊食最適合🍗孜然粉同梅子粉喺枱上面任加，一定夠晒味道！飲品方面，仙草奶茶$28可少甜走冰，成日都點呢款，入口有幾分台式奶茶的底韻，帶清爽仙草回甘😍黑糖珍珠鮮奶$34就揀少甜少冰，考慮到珍珠本身偏甜，整體更順口，甜度恰到好處🧋整體配搭由麵到小食再到飲品，口味有層次；價位清楚，按喜好調甜度同冰量更就心口味，食完開心又滿足👍#牛三寶麵 #紅燒半筋半肉麵 #芋泥肉鬆蛋卷餅 #炸鹽酥雞 #仙草奶茶 #黑糖珍珠奶茶 #少甜走冰 #少甜少冰 #牛肉控 #台式風味 #黃怪獸 #黃怪獸吃喝玩樂…查看更多

網上見呢間日月堂個個大推，所以決定同朋友黎一試， 個人覺得呢間台灣料理又真係幾正，幾有驚喜。同朋友分別點左紅燒半筋半肉麵同牛三寶麵，個湯底好濃郁，聞落已經好香。牛肉炆得好淋，一啲都唔韌，牛筋仲軟糯到入口即化，掛住湯汁食落超正。麵條好彈牙，同個湯底好夾，我仲試咗轉冬粉，冬粉吸晒啲湯汁，又係另一種口感，都幾特別。跟住食個酥炸魷魚，外皮好脆，炸粉薄薄，入面嘅魷魚好鮮嫩，仲保持住juicy嘅感覺👍飲品方面，凍黑糖珍珠奶茶唔錯，黑糖味好香，珍珠煙煙韌韌。熱香芋鮮奶，香芋味好濃郁，鮮奶又滑，冬天飲熱辣辣好舒服。芋泥肉鬆蛋捲餅都好出色，蛋餅皮煎得好香口，入面嘅芋泥好綿密，肉鬆增加咗口感，淋上醬汁，鹹甜鹹甜幾好味。拍得住喺台灣食。整體嚟講，呢度食物水準唔錯，種類都多，下次仲想試下其他嘢食。…查看更多

最後愛上食台灣野，今次帶埋阿女搵食，黎左間係Openrice同social media都多好評既鋪。試完之後同阿女一致讚好，話下次要帶埋爸爸黎食食店裝修簡約得黎又富有台灣地方特色，而且我地平日約5點半黎到，未有太多客人，環境都好舒適。🐮麻辣牛肉麵換新竹米粉台式既麻辣較易入口，換左麵底新竹米粉更加吸湯，而湯底除左有麻辣既感覺仲帶有小小紅蘿蔔既甜味。牛肉已經燉到好淋，幾乎係入口即化，部份有筋既位置亦好軟，啖啖都係骨膠原咁。🍗炸鹽酥雞炸物都係即叫即炸，一定好食。鹽酥雞外酥內嫩，胡椒鹽既調味剛剛好。🍚滷肉飯（小）滷肉飯的肉燥醬好足夠送飯，見到肥肉同瘦肉比例各半，都唔會太肥皂粉。雖然叫左小份，但阿女都係食唔曬。🫓芋泥肉鬆蛋捲餅蛋餅真係好有台灣早餐店個種風味，蛋餅軟熟得黎有蛋香，芋泥帶小小甜味配合埋肉鬆既咸香，一流！🥤鳳梨綠茶鳳梨與綠茶的搭配清新解膩，岩晒食完重口味既麻辣麵refresh一下。🥤香芋鮮奶顏色上就好吸引，阿女見到都話好靚，而且唔係得個樣，係有芋泥係入面，呢杯都好推薦！📍日月堂 (觀塘)觀塘興業街14號永興工業大廈4樓C2室…查看更多

大食妹去親觀塘都會幫襯日月堂，因為真系太好食了今日做完瑜伽又去飯堂開飯，水準一樣咁正叫左碗紅燒半筋半肉麵，牛肉同牛筋炆得夠淋食落唔會有渣，牛筋喺啖骨膠原滷雞腿便當雞腿同滷肉飯分開上，唔會mix 埋兩兩個味雞腿肉好滑，滷肉飯勁多滷肉汁，仲有半隻滷蛋同酸菜芋泥肉鬆蛋捲芋泥唔太甜，肉鬆有咸香，兩個味道mix 埋出狗幾夾炸鹽酥雞份量夠多，兩個人share 都食唔曬鹽酥粉好惹味，食食下唔覺意食多左香芋鮮奶真材實料有芋頭粒…查看更多

📍放學又去搵嘢食，今次去咗呢度食台灣料理，好抵食又好食呀😋🍜清燉半筋半肉麵：呢個清燉半筋半肉牛肉麵口感超爽呀🥳一口牛肉🐂一口牛筋😋加埋啖啖嘅牛骨湯❤真係大滿足呢😍😍🍜牛三寶麵：湯頭夠曬甜✅三寶都係我哋喜歡嘅牛部位🐂有牛腱肉，牛筋同埋牛肋條😍啲麵索晒啲湯汁💯好入味呀🥳🥢台灣香腸：都算幾大份✅即叫即烤💯好香口又多汁呀🥳🐥炸鹽酥雞：去台灣夜啲市必食嘅鹽酥雞 🐔外脆內滑💯咬落去卡卡聲🔥但一啲都唔乾🔥入面仲好Juicy又夠嫩滑💯即叫即炸😋好好食🥳🧋凍珍珠奶茶/凍黑糖珍珠奶茶：珍珠咬入口好Q彈✅外層軟軟好好咬🥳茶底唔錯👍甜度適中😍…查看更多

同友人係附近工廈入完美妝產品，行過隔離街上咗去呢度食台灣野。一系列台灣地道小食，就似行咗轉當地夜市咁。香口野從來都難以抗拒，叫咗客酥炸魷魚($48)。普通份量，即叫即製，入口超熱，鹽酥脆皮加上彈牙魷魚，配凍飲係一絶。另一必食小食當然唔少得蛋餅，多款口味中，呢客起司肉鬆蛋捲餅 ($44)最快跑出，事關有齊我鍾意食嘅材料。夾起蛋餅，就見到拉絲效果。入口有芝士嘅軟滑，又有肉鬆嘅咸咸甜甜味道，再配埋蛋餅嘅軟糯感，一啖一件都唔太過份。今晚主食係麻辣牛肉麵 ($78)，想食新竹米粉就另加($5)，鍾意佢索多d麻辣湯。牛肉煮得相當腍，入口鬆化，帶點筋位充滿膠質感; 新竹米粉係索湯方面無令人失望，麻辣度都有D料度，幾刺激吓。友人叫咗滷鷄腿便當 ($68)，有一碗細滷肉飯，滷鷄腿另上。跟餐優惠價，凍鳯梨紅茶($15)，淡淡鳯梨味，甜度適中，一杯夠飲晒成餐。碗細滷肉飯除咗有滷肉碎外，仲有酸菜粒及醃蘿蔔配食，可以中和吓膩感，再有半隻滷蛋，滷得相當入味。滷鷄腿望落好似細隻，但配埋個滷肉飯，食晒其實都幾飽肚。要咗杯熱香芋鮮奶 ($32)，飲到香芋香甜味，與鮮奶融合，夠熱好好飲，下次可以叫少甜。埋單每人百幾蚊，已經有飲有主食仲有小食，相當抵食。…查看更多

朋友每次去觀塘都提議食日月堂我食過咁多次都覺得係正既，每次都覺得愈食愈好食今次都係點左二人餐朋友叫雞腳便當，佢話一樣好足料同味道好好，有啲肉燥口感更好，醬汁又好食飲品叫左一杯仙草奶茶，粒粒仙草配搭奶茶口感好之外亦都好好飲。我叫左滷雞腿便當滷水雞腿肉質十分鮮嫩及醬汁亦好好味，味道適中唔會過鹹或者過甜，而且係大大隻雞腿，飯既分量亦都唔少飲品我叫左冬瓜茶，呢度既冬瓜茶唔會過甜我覺得十分好，因為好怕一啲好甜落左好多糖既冬瓜茶，呢度既冬瓜茶比較清同健康啲小食我地都叫左兩份，酥炸魷魚同蔥抓餅酥炸魷魚十分香脆，外皮十分脆口而且聞落去都十分香，我同朋友都食左唔少，蔥抓餅都好大件，鹹鹹地既味道我都好鍾意。朋友都話下次睇下幾時再過黎日月堂再一齊食晚餐，呢度既臺灣菜真係食極都唔厭！…查看更多

觀塘美食嚐不完，每次來這邊，都很開心，可以趁機大吃😂 衝著蚵仔煎而來，香港實在少有‼️蚵仔分量不少,而且飽滿鮮味🤤麵餅軟糯微煙韌，加上靈魂醬汁，口感味道都對版(≧▽≦)滷肉飯都出色，半肥半瘦，鹹甜入味✅，帶點油潤和膠質，而且分量超多🤤，足夠伴完一整碗飯有餘!👀相對雞腿就一般，個人推薦單點滷肉飯 然後另外點小食，更滿足😚 ✿ 蚵仔煎 $45✿ 滷雞腿便當 $68✿ 熱檸檬紅茶+椰果 $14 🍴加一服務費：✖ …查看更多

「日月堂」餐廳唔單止價格親民，而且店內環境優美——木系裝潢搭配綠植同復古元素，好有台灣夜市嘅氛圍😎起司雞排麵($55)雞排上嘅芝士好濃郁，雞排外脆內嫩，湯底好清甜紅燒豬腳拌麵($60)豬腳夠晒入味又夠有彈牙，仲有津白同半隻蛋，伴麵蒜香味濃家鄉水餃($40)餃子皮薄餡靚，餡料係豬肉同蔬菜，風味十足燙青菜($24)喺大量白菜上面加左少量滷肉飯嘅汁上去，食落冇咁齋凍檸檬紅茶加愛玉凍($16)係一款推薦飲品，其特色係帶有茶香同檸檬酸味，加左愛玉凍之後增加左口感同豐富度凍黑糖珍珠鮮奶($34)鮮奶順滑濃郁，珍珠煙韌彈牙，甜度適中呢間店真係好抵食呀👍🏻仲拎過好多獎添！…查看更多

見咁多人都話呢間餐廳好食，經過觀塘就決定入去試下。餐廳座位唔算多，入座安排有Ｄ混亂，感覺人手唔太夠。我哋叫咗一個牛肉麵、一份蛋餅、兩款小食：炸魷魚同梅子地瓜條。落單後等咗好耐，催咗兩次先上齊。牛肉麵湯底算濃郁，但牛肉偏硬，好難咬得開地瓜條味道普通，自己加咗好多梅子粉都冇乜梅子味。炸魷魚就算係正常發揮，炸得香脆但冇太大驚喜。蛋餅亦都偏向一般，冇特別突出。整體而言，食物質素同服務都唔算理想，可能因為太多人推介而期望過高，試過一次就夠，未必會再黎。…查看更多

二訪依間位於觀塘既台灣菜店， 依舊令我大喜望外， 最中意係依間既氣氛：店員熱情、 店內播住台灣歌，仲要係以前我聽開嗰啲既歌，好似去左台灣咁 🇹🇼🐔起司雞排便當（$68） ： 便當其實就是滷肉飯,作為台灣的特色美食之一，滷肉飯絕對係超讚的存在，唔會太咸，mix埋飯一齊食口感更好。 起司雞排是另上， 鋪係面的起司望落去非常邪惡， 雞扒肉感香嫩。🥣蚵仔煎（$45） ： 台灣最著名既其中一款小食。牡蠣超肥美 ，餅皮軟糯帶黏感， 好有係台灣夜市食既口感😋上面既醬料更加突出到個口感😻🧋香芋珍珠奶茶（$26，加珍珠$5） ： 個人最中意飲香芋奶茶， 所以必叫不可😋依間既香芋奶茶最令我喜出望外既係用芋泥做，而唔係糖水做， 珍珠軟糯一啲都唔硬又唔粉。 …查看更多

晚上肚餓，四處逛逛，走到九龍中心地帶，發現香氣四溢，於是入內試試牛三寶麵 (牛腱肉，牛筋，牛肋條) $85牛腱肉燉得夠淋，嫩滑鬆軟，牛筋有咬口彈牙，牛助條鬆化及牛味濃郁，三款餸各有層次，另人回味冇窮滷肉蔥油拌麵 $54滷肉肥瘦適中，聞起來香氣四溢，嚐下來軟綿綿的肉粒亦十分入味。配上蒜香味濃的拌麵。使人食指大動鹽酥雞 $48鹽酥雞外脆內軟，肉汁四彈，使人食得不能停口蚵仔煎 $45大大粒的蠔，加配香口的煎蛋餅，吸引食客的注意桂圓薑母茶 $10吃過一頓豐富的晚餐，飲一杯熱騰騰的桂圓薑母茶，十分解膩凍黑糖珍珠奶茶 $34淡香的黑糖配上珍珠及順滑的奶茶，十分美味日月堂興業街14號永興工業大廈4樓C2室…查看更多