日常冰室 (MONTEREY Place)

今日到店用餐，本來打算輕鬆食個早餐，但一開始落單時就出現問題。可能係系統問題，app落錯單，發現後即時提出想修改，但員工就話「而家太多單，未必改到喎」，聽落已經覺得唔太有誠意，感覺好似唔想幫咁。最後雖然話改好，但實際上只得飲品先上，食物就完全唔見影。 等咗幾耐？成個鐘！期間追問兩次，員工都只係話「做緊做緊，扒要耐d」; 最後check多次話「以為上咗」、「以為取消咗」，原來3分鐘又整得出，應該都係想玩我；結果個早餐等足一個鐘頭先上都變午餐，坦白講已經冇心情食。感覺成個流程混亂，溝通又唔清楚，好似顧客嘅時間唔值錢咁。 食物上枱之後都冇再特別想試，因為心情已經俾整個經歷破壞晒。只能話，呢個體驗真係令人失望。不過店方似乎都唔重視顧客感受，唔想做蟻民生意其實可以直接講。最後都冇食就走咗，所以野食冇comment，因為根本冇心情再試。受氣日常，不求會改進，唔會再試。…查看更多

食個早餐要等成個鐘 ，由10:20落單到11:30先有！過程中仲有人話：「我以為你取消咗 」。聽到真係笑死，你話我取消咗，我仲坐度等成個鐘做咩啊？問下客都唔識？忙唔代表可以咁敷衍喎，用下腦諗吓啦。中途我身邊啲人食完走晒，我已經催咗兩次單都無用，感覺完全被遺忘。杯嘢飲啲冰都溶晒，心情真係跌到谷底。真係唔明白，忙都要有基本態度，咁樣做生意點得？下次絕對唔會再幫襯，大家去之前要小心睇路，免得浪費時間同心情。#食早餐 #排隊等餐 #服務差勁 #唔會再去…查看更多

好耐冇寫食評～簡單記錄一下～按完摩因為晏了，直接走落嚟食嘢之前已經聽過話啲嘢食麻麻哋，但係窗邊座位好開陽舒適，都想me time一下。餐牌好搞笑，同個手機程式又唔同，手機嗰度淨係寫午餐A-F當時已經諗住應該係門口塊黑板寫嗰個B餐，印象中好似係魚肉，都想食清淡，所以就隨緣咁樣撳咗😂魚肉鬆散，不是好的魚，不過啲瓜菜就幾靚烏冬還好吧$59有埋嘢飲同呢個風景都OK嘅。如果喺其他日子時間有其他選項，可能就未必會揀佢。…查看更多

本人曾為貴店長期顧客，過往對食物質素甚為滿意，但近日體驗令人極度失望。貴店裝修後水準明顯下滑，具體問題如下： 1. **食材品質低劣** - 雞蛋失去應有蛋香，意粉煮製粗糙（過軟或調味失當）。 - 最嚴重為昨晚透過網上外賣平台訂購的「椒鹽鮮魷」（價值港幣110元）： - 外觀已令人食慾全失，炸粉潮軟不脆。 - 鮮魷分量少且極不新鮮，口感如「軟身擦膠」，帶有死魚腥味。 2. **售後服務怠慢** - 致電店舖反映時，僅獲公式化回覆「會跟進」，老闆始終未主動聯繫。 過往貴店人龍不斷，足見口碑良好，但現狀恐讓顧客流失。望正視客人訴求。…查看更多

閑日晚上經過，本身無期望，但肚餓所以試吓，發覺好好食，推薦大家一試！最出色嘅係西檸雞同黑椒牛柳，健身人士（如我）建議可試雞胸！杯熱奶茶都幾好飲，好滑！價錢合理。…查看更多

試業第二日衝咗將澳海傍新茶室  食物有驚喜但衞生嚇到心臟病發💔  ✅ **食物亮點  ▫️瑞士汁撈麵掛汁力Max  ▫️西多士厚過PS5手掣  ▫️檸茶酸爽度爆燈  🚨 核爆級問題  ⚠️目擊員工執完垃圾徒手擺餐具  忠告**：  ▫️外賣自取較穩陣  ▫️自備消毒濕紙巾  ▫️潔癖人士請繞道  將澳新店實測 #衞生黑名單 #服務災難級 #試業期避雷 #香港食安實錄 #消費者權益 #茶記暗黑學 #Foodie慘痛經歷…查看更多

今日幫襯咗呢度個金銀蛋白菜仔，點知嚟到啲白菜仔一啲都唔白菜仔仲長過一隻筷子，應該經歷咗好多年已經成精嗰隻，從來未試過咁老，又多渣食唔到，講真如果冇白菜仔，就應該坦白唔好叫客人選擇，如果係一間有良心嘅餐廳就唔會畀啲咁老客人食，老人家小朋友，任何年齡層應該都咬唔開呢啲咁嘅菜，自從餐廳裝修完，變大咗之後個廚房真係差咗好多，菜式偏鹹，好重味精，如果一個廚房見到咁老咁大條，有渣嘅菜仲煮畀客人食，真係好唔掂，講真呢間餐廳環境ok，但係一間餐廳最重要的就係食物質素，因為只有食物質素能留得住客人。…查看更多

要手機落單，入面啲資料又唔清楚，問啲職員晚餐A,B,C係咩，叫我睇電子壁報版，嗰塊版成5分鐘都未轉晚餐，睇咩野入座嗰時叫我兩個人坐四人卡位，明知二人唔可以坐四人枱，就唔好俾我坐啦，坐左一陣，仲睇緊食咩，走埋來話問落單，未就轉去二人卡位，啲位又勁窄，嬲到即刻唔落單，起身走人…查看更多

早餐最平$30有交易，呢間餐廳之前得一個舖位，成日要夾枱坐經過兩三個月左右，竟然擴大咗咁多，寬敞光猛，員工做野feel 到嗰種活力，食物都幾好！我鍾意飲佢個美式咖啡☕️牛角酥都好味。…查看更多

等候多時被服務員引領坐下了四人卡位，落單時卻被另外一位服務員要求調去另一個座位，說二人不能坐四人位，要80歲老人家撐住拐杖移位，由店頭走到店尾，結果發現原本的四人卡位也是被二人坐，其他四人座位也是二人坐，老人家好欺負嗎？真係好過份！！…查看更多

一入到嚟間舖頭有個 職員話有咩幫到我完全冇禮貌既回答兼個樣好串心諗咁嘅聲入嚟梗係食嘢㗎啦應該問幾多位呀嘛跟住人哋叫餐呢冇手機落單叫啲職員又話等等唔知等到幾時總之冇下次大家如果想受氣就嚟呢度食啦…查看更多

喺將軍澳附近游完水 正值下午茶時間 嚟到呢間叫日常茶餐的餐廳 沙嗲牛肉西多士超吸引西多士市入邊嘅沙嗲牛肉好多切開有驚喜!! 山炸雞髀亦都出色再配埋芝士撈丁啱啱游完水食！極邪惡…查看更多

質素唔錯嘅早餐，叫咗一個日常沙嗲牛肉麵餐，同埋一個牛扒拼法蘭克腸餐。侍應都好親切，唔係趕頭趕命落order，會同你傾吓偈講吓笑，幾有親切感。沙嗲牛肉麵正常發揮，無咩好評價。牛扒唔係薄切切，有返啲厚度，而且煎得好香口，唔多筋，值得一讚。…查看更多

今日諗住帶隻狗出去散步🐕 ，順便喺將軍澳一間茶餐廳買外賣早餐。見呢一間好似幾繁忙，好多人幫襯，就覺得應該都唔差。於是叫咗三個早餐。（早餐去到11:30am) 可能早餐時間，到11:30前都好繁忙。由落單去到拎外賣，等咗四個字左右。係有少少耐。🤏 打電話過嚟落單會好啲。期間都見到好多速遞員撤出咁轉，拎走一包二包嘅外賣送外賣 😂👍🏻 多人幫襯 ，就覺得冇錯。野食幾好味👍🏻👌🏻 合乎期望。外賣包裝完好，跌跌撞撞咗4個字拎到去郊野公園食嗰陣，都冇漏晒啲汁出嚟。包得好好👍🏻 要讚嘅係杯凍阿華田沖得好好飲👍🏻👍🏻 …查看更多

將軍澳海濱長廊附近多數是貴價西餐廳，其實仲有間比較少有的港式茶餐廳，在這個地區，價錢算大眾化，全部食品都正常價錢而且好大份，味道都非常唔錯。想過嚟散步又想食啲實惠嘅食物都可以選擇呢間。呢間餐廳都幾有誠意，睇得出用心處理，食物份量都算多，而且價錢大眾化，味道清淡比較低鹽，唔會食完好口渴。水吧很有懷舊特色，係一間坐得幾舒服嘅茶餐廳。總括來說，與週邊的餐廳相比，這是一個吃快餐的好地方，味道合格又健康，服務都可以，這裡的性價比還是不錯的。…查看更多