影片
营业时间
今日营业
12:00 - 15:30
18:00 - 22:30
星期一至五
12:00 - 15:00
18:00 - 22:30
星期六至日
12:00 - 15:30
18:00 - 22:30
以上资料只供参考，请与餐厅确认详情
有关奖赏计划
东京米芝莲一星名店「日山」进驻湾仔合和商场✨湾仔新店重现⽇⼭东京⽇本桥百年老店嘅独特魅⼒，沿途有唔少打卡位，更设有特色独立包厢房😍「鹤」房陈列东京总店各样珍贵原装百年古董，而「秘」房设有独立吧台，由主厨喺客⼈⾯前即席烹调，近距离享受美食体验❤️✨ 日山 · 和牛料理✧ 前菜5点、日本米饭、渍物、味噌汤及甜品 ✧❀ 前菜 🥢先上5款前菜：梅酒啫喱、枝豆、时雨煮和牛、千切大根配蚬肉及蟹肉茶碗蒸😍 每款都别具特色及心思，最钟意酸甜开胃嘅梅酒啫哩及香滑鲜甜嘅茶碗蒸❀ 寿喜烧 A5和牛严选部位2片｜野菜盛 🐮席前即席烹调寿喜烧✨ 拣选了西冷部位，油花分布均匀，肉质柔嫩多汁且重油脂香👅 和牛吸收酱汁嘅香甜，搭配豆腐、冬菇等蔬菜，浓郁入味，令整体味道更丰富🥰❀ A5 和牛三品盛合｜和牛清汤 🐮和牛三品分别系炙烧西冷、簿烧肩胛、慢煮腰脊，可以一次过品尝唔同和牛部位❤️ 簿烧肩胛系冷盘，配以酸汁沙律清爽又开胃✨ 炙烧西冷外焦内嫩，入口油香满溢，而慢煮腰脊整得非常软腍，充满肉汁👍🏻 旁边嘅和牛清汤汤头鲜美，每啖都有阵阵肉香，浓而不腻～❀ 柚子雪糕 🍨❀ Green Tea Fizz 🍹❀ Summer Passion 🍹另外试咗两款mocktail🥰 Green Tea Fizz系抹茶乳酸梳打，抹茶味浓郁，饮落好清爽～Summer Passion以苹果、热情果及青柠调制，酸甜解腻😚
继续阅读
同朋友庆生去咗日山位于湾仔合和嘅新店。餐厅入面嘅装潢都非常有特色，除咗大厅系以「村上美术馆」为概念，摆满唔同风格嘅画作，包厢嘅房间亦各有特色。好似「鹤」房就摆放咗由东京总店运过嚟嘅屏风同画等珍贵原装百年古董。而另一间需要预先预约嘅「秘」房就设有独立omakase吧台，师傅会喺客人面前即席烹调，可以近距离欣赏到师傅嘅手势。我哋分别叫咗七道菜嘅「松」($1298)同六道菜嘅「竹」($998)两款套餐，套餐除咗有主打嘅A5和牛寿喜烧，仲有前菜、刺身/寿司、蒸物/温物、饭/乌冬、甘味等嘢食，非常丰富。前菜「松」嘅季节前菜有四款，「竹」就有三款，每款都睇得出用咗好多心思配搭炮制，好似系清凉开胃嘅梅酒jelly 同冲绳水云，用高汤焯过爽弹鲜甜嘅白梅贝、烟熏八爪鱼刺身、黑松露和牛肉碎脆波波同咸香Parma Ham芝士卷。刺身/寿司「松」嘅刺身三品盛有爽口甘香嘅兵库县黄金武士生蚝、幼滑鲜甜北海道海胆同吞拿鱼。而「竹」就有三件唔同部位嘅和牛寿司，鹅肝A5和牛寿司用嘅系低温烤焗嘅牛肩胛，肉味香浓，加埋火炙过嘅鹅肝，牛同鹅肝嘅油脂融合埋一齐，油香饱满。海胆A5和牛散寿司用咗切成细粒嘅和牛西冷配搭creamy海胆，口感层次丰富。鱼子酱和牛卷用上肉眼部位，鱼子酱嘅鲜味进一步提升咗和牛寿司嘅味道层次。蒸物/温物「松」套餐包咗清酒蒸鳕场蟹，蟹脚非常鲜甜，又有淡淡嘅清酒香。「竹」套餐虽然冇蟹脚，但都有青海苔汁煮鲍鱼、车海老、萝卜同白舞茸。酢物「松」套餐另外仲有跟酢物，赤贝同车海老配搭柚子jelly同蔬菜，喺食寿喜烧之前可以先清一清味蕾。寿喜烧主菜嘅寿喜烧，师傅喺我哋面前即席烹调，无论系「松」嘅肉眼定「竹」嘅西冷，肉质都非常腍嫩，油香同肉香融为一体。跟寿喜烧仲有野菜五品，有日本大葱、豆腐、粉丝、香菇、荷兰豆、洋葱等蔬菜。师傅会将蔬菜配搭埋和牛一齐上，加埋蛋汁真系非常好味。跟餐可以拣饭、热或者冷乌冬，我哋就叫咗一热一冬嘅乌冬，乌冬系扁身嘅稻庭乌冬，口感弹牙。甘味最后嘅甜品就有静冈蜜瓜、冲绳黄金菠萝配柚子雪葩，水果新鲜又够甜，雪葩好香柚子味，酸酸甜甜劲消暑。话说喺商场去餐厅既时候会先经过一条模仿东京浅草鹫神社嘅隐蔽小路，入面仲摆咗象征好运来嘅巨型吉祥熊手。好适合同朋友去餐厅食饭时打卡呀。。。日山 (湾仔)湾仔坚尼地道15号合和商场4楼416号舖。。
继续阅读
呢间湾仔日山真系正到爆灯！佢哋嘅A5和牛寿喜烧，啲肉靓到癫，雪花均匀，入口即溶，加埋啲新鲜蔬菜一齐煮，个汤甜到不得了😋前菜三款精致又开胃，鲍鱼同车海老鲜味十足，爽口弹牙！最正一定系个寿司三点盛，鹅肝和牛握寿司浓郁香滑，海胆散寿司鲜甜到震，鱼子酱和牛卷奢华到爆，每啖都幸福到晕😝😝最后可以拣日本米饭配清汤，或者稻庭乌冬，清清哋又够满足！😍呢间餐厅环境好有格调，日式装修低调得嚟好有品味，服务又细心。真心值回票价，和牛爱好者一定要嚟试吓！A5和牛寿喜烧油花细腻，入口即化，令人回味无穷。前菜三品精致开胃，鲍鱼与车海老温物鲜美弹牙。环境非常好，竹木装潢充满和风禅意，服务细致。每位$998物有所值，是顶级和牛爱好者的必访之选！💯💯💯
继续阅读
黎间分店提供全包厢制嘅用餐体验，每间房都独立且装潢典雅，带有一丝传统日式嘅岁月感。劲适合dating或者聚会✨有staff全程负责煮食，完全懒人福音！前菜包括左章鱼、海藻同Ham卷芝士，十分开胃🤩令人食欲大开！一共两片A5和牛，包括西冷和肉眼，我哋拣左5成熟🥩肉质鲜嫩，staff煮到啱啱好👍🏻入口即化，配搭主食乌冬劲满足😙最后以清新的甜品作结，西柚巴菲搭配清爽的水果，口感滑顺，画下完美句号～整体黎讲，无论系服务、环境同味道都非常值得再次光临！🌟🍴
继续阅读
之前食过尖沙咀𠮶间，今日试吓湾仔新开𠮶间，位置有点难揾，装修跟尖沙咀有点不同，比较新潮，侍应服务很好，有亲切感，不过每张枱距离比较近，感觉不太好，寿喜烧食物质素保持良好，总括来说，今天的用餐体验不错。
继续阅读