湾仔酒店入面嘅日本餐厅，环境高贵又唔拘谨。大厅以宫廷式深木色设计，仲有靓靓露台花园户外用餐位置，气氛好啱约会或者朋友聚会。最近餐厅每逢星期三晚推出嘅「ᴛʜɪꜱ ɪꜱ ɪᴢᴀᴋᴀʏᴀ」任食任饮餐单，$368 就可以 90 分钟内无限追加日式菜，另外仲可以加埋饮品ꜰʀᴇᴇ ꜰʟᴏᴡ 套餐，饮品选择好多，除咗啤酒、红白酒、ꜱᴀᴋᴇ、ꜱʜᴏᴄʜᴜ 外，连各款 ᴄᴏᴄᴋᴛᴀɪʟ、ᴍᴏᴄᴋᴛᴀɪʟ 同气泡茶都有提供，诚意十足。.食物方面选择丰富，由小食到卷物、串烧一应俱全。前菜有三文鱼他他脆筒、香辣枝豆、紫菜薯条等几款都几开胃。卷物用料新鲜，最印象深刻系炸虾配柚子辣椒、鹿儿岛豚腩卷同火炙 ᴀ5 和牛卷，味道层次分明。串烧部分水准不俗，鸡翼带微甜酒香，豚腩肉油脂香浓但唔腻，带子亦厚身鲜甜。整体水准高，出品用心。.当晚去到现场座无虚席，见不时有人 ᴡᴀʟᴋ-ɪɴ 但都试唔到，可见受欢迎程度。配合现场 ʟɪᴠᴇ ᴍᴜꜱɪᴄ 表演，气氛放松又有情调。对比起同类酒店餐厅，呢个价钱可谓极具性价比，啱晒想 ᴍɪᴅ-ᴡᴇᴇᴋ ᴄʜɪʟʟ 一下或者一班朋友轻松聚餐嘅人。唯一要留意系呢个任食只限星期三举行。…查看更多
