新香園

营业中

休息中

行過好多次，日日都好多人排長龍終於今日唔使排隊，直接入去坐低叫嘢食，所以入去時心情都靚啲人人都叫蛋牛治$22，所以叫左一份，加左一杯$20紅豆冰。心理上覺得嘢食平過嘢飲好多。蛋牛治味道一般，個人認為唔值得排隊食，不過廿零蚊，其實都算不過不失。紅豆冰一個字，差，D豆好硬，我相信如果係老人家嚟食，應該有D困難，成杯嘢只有奶味，好似飲緊有冰既奶水，成杯野（冰丶奶丶紅豆）完成分開好唔夾。好奇怪既飲品。希望下次會好D。

之前就係去過呢間嘅舊舖冇食過因為⋯所以😅今日買完布經過咦新野喎入去試吓點知出乎意料好好食😋好食就已經知道係真嘅😛因為佢係舊鋪再開多一間👏🏻服務態度好到不得了唔可以唔講因為舊舖比我感覺不良🤪（因為曾經排隊等位就係態度嘅問題離開）我今日叫咗呢個經典野就係牛肩三文治烘底同埋紅豆冰👍🏻三文治唔使講好味到震👀👅淡淡牛肉🙈🐗紅豆冰粒粒紅豆都好出色同埋好林嘅最重要杯紅豆冰係唔會太甜🙊價錢非常合理值得推薦🤨😋😋😋😋😋😋😋

我哥哥好鍾意食呢度既蛋牛治 以前耐唔耐會外賣買返黎俾我食😆😆😆😆唱完通k諗住食個早餐 的士司機就提議呢一間🚕🚕 皆因佢開24小時～🕐🕑🕒🕓🕔🕕🕖🕗🕘🕙🕚🕛好耐都冇食過就同同行友人一齊去左黎得呢間就梗係食佢最出名既蛋牛治🥪🥪加烘底～其實出名還出名 味道都係不過不失啦 係大家可以想像到既味😆😆不過既然佢開24 大家早起或者零晨口痕想食熱野🥪🥪🍜🍜🍲就係一個好選擇

雖然呢間新香園都已經比好多人介紹到爛哂！但始終去到今時今日小女子先第一次試，都想比返少少真實感想嘅🤣講真呢個馳名蛋牛治，每日都有咁多人慕名而嚟，咁總係好食嘅！但老實講，我又唔覺得去到超級超級好食囉🤷🏻‍♀️純粹係食落用新鮮牛肉整嘅蛋牛治，覺得佢落足料！但實質味道又未至於好吸引會想再食...另外再叫多咗個牛腩撈麵，2個字”難。食”講完！總結: 單憑份蛋牛治，的確保得住個名但其他食物真係無必要試😿 💰蛋牛治 $ 20 + 1 (烘底)💰牛腩撈麵 $ 36

今次又食到嚟深水埗，試咗一路都好想試嘅蛋牛治新香園！😋😋入到去裝修都幾特別，見佢啲午餐都唔算好貴五十零蚊有個飯。即刻叫咗個豬手麵，同埋例牌梗係要蛋牛治烘底。個蛋牛治賣相其實一半，見佢側面窿窿地，初頭有啲失望，但係一拎起塊包咬落去果下，就完全明白點解會咁出名！牛肉非常香，餡料係好夠味！加埋個烘底真係冇得頂！個豬手麵就普普通通啦，面又唔係話有咩特別，豬手都係正常過得去，所以黎食都係主打蛋牛治😆😆

話說好鍾意食呢間嘅蛋牛治，但啱啱先知原來開咗分店，開左起碼成年幾兩年，最大嘅分別就係新店可以食麻辣蛋牛治雖然我唔係好食辣不過好似好吸引所以就心郁郁想嚟食今日放咗工，一行四人黎左食，真係興奮，我地四個人，嗌左兩份「麻辣蛋牛治」兩份「蛋牛治」，四份「南乳豬手」，每人一杯熱奶茶，四個人淨係食咗三樣嘢，但係每份嘢食都好有質素先講「麻辣蛋牛治」先真心有驚喜喎，佢真係有麻辣嘅感覺但係唔會令到你超級辣，每嗰人都一定接受到但又可以過到您嘅麻辣癮，真心出色嘅然後再叫埋普通既「蛋牛治」，不過食完麻辣即刻冇得比但係普通蛋牛治都好食嘅，因為佢啲牛肉真係超級多，好足料，好juicy但「麻辣蛋牛治」會更加出色然後「南乳豬手」亦都係必食嘅，因為可以補充骨膠原，呢度嘅豬手淨係睇個顏色就知好入味，食落口啲豬手皮超級淋，炆得好夠時間，真心好食，成個口都有念住嘅感覺，果然係其中一道招牌菜最後飲埋佢哋杯奶茶，我叫咗小奶，果然可以試到佢哋嘅茶底係好香濃茶味🍵

舊區中找尋午餐的地方頗有意思，同事推介「新香園」豬手及鮮牛肉蛋三文治。喜歡小店特色，店舖坐位舒適。點選 南乳豬手一份，兩碗 牛筋麵 味道十足，牛筋夠淋豬手入味😋果然名不虛傳。美中不足的是紅豆冰比較淡豆不夠淋。食量有限也不想浪費食物與金錢，留待下次再嚐鮮牛蛋治。

招牌菜仲保得住，其他就。。。上次去捌哥食早餐，見到隔離新香園坐滿人，今次特別來試下。以前試過桂林街果間，新香園（堅記）,但裝修食物服務都吾得，希望哩間OK啦 9點左右去到，好好彩居然有卡位，其實去到我地走我都見吾到有一張吉枱啊。裝修舊中帶新，好多圓木枱，位置夠寬，坐得舒服先叫4個餐，食到差不多再叫佢個招牌牛肉蛋三文治，等佢可以熱D。仲有女夥計好醒目，見我地4個人，主動問我地要吾要切4份。雞排炒蛋（2分）- 睇顏色都知道炸得太厲害太乾，雞肉都差不多乾曬，燒汁都算OK，雞蛋係滑的，三文治就只有小小牛油，牛排炒蛋（4分）-牛排幾好味道，仲有肉汁,有咬口，黑椒汁幾香,沙爹牛肉米（3分）- 沙爹甜甜地，吾辣，牛肉幾淋，奇怪由通粉轉米粉要加2蚊，扣分魚蛋米（2分）-魚蛋幾爽，米粉普通，湯太淡蛋牛治（5分）-真係名不虛傳，牛肉比蛋仲要多，有肉汁，滑滑地，多士剛剛好，黃黃地，脆脆地。咖啡（4分）- 帶D好特別的香味，吾錯鸳鸯（2分）-茶的比例太多，仲有茶吾香，無咖啡味，飲完仲脷鞋。

深水埗出名多美食，就算係茶記都有唔少，係朋友介紹下去左新香園我叫左柱侯牛腩麵，麻辣蛋牛治，加一杯香芒凍檸茶！而朋友叫左柱侯牛筋麵和蛋牛治！上圖嘅係牛腩麵，朋友送了我一塊牛筋我覺得牛筋炆得幾腍身，幾軟滑好味！而牛腩都ok唔會嚡口，唔洗$30就有呢個質素算唔錯！蛋牛治記得要叫烘底！會香好多 就咁睇相都知佢足料，超香口超好味! 個人覺得麻辣蛋牛治比普通蛋牛治更多了一份麻香！如果食到辣嘅朋友不妨試下至於香芒凍檸茶就味道麻麻啦，香芒味唔算好突出，要成$22一杯就唔多抵！總結，大推麻辣蛋牛治！記得要叫烘底呀！

星期五放工 又係拖住疲倦身軀揾下野食既時候唔想買 洗 煮 洗 肚好餓呀媽去深水埗 食麻辣牛治 某程度上我對麻辣都有種鍾情 所以吸引到我唔駛等太耐 入到去 叫野食先1 麻辣蛋牛治+烘底好食 個人覺得唔算太辣 食得出有麻辣味蛋內仍有汁 juicy 烘底 包表面脆身 正2 雲吞麵麵份量多 彈牙約有4粒雲吞 有蝦的3 椰香豬扒飯葡汁味？ 豬扒都大片 入口唔會太乾凍飲都係加兩蚊成為$97 價錢合理兩個人食 夠哂其實我都係慕名而來 無令我失望既一路食 都不斷有客入去大部份都係搭枱我走既時候 外面開始排隊👋🏻

今朝去深水埗做野，出發之前，同拍檔食番個豐富的早餐，唔係邊有力做野呀！行開去到汝洲街的新香園，見佢新淨同環境舒適就入左去食。我地食左紅豆麥皮﹑蛋牛治同吞拿魚粟米多士，當然早餐要飲番杯熱奶茶啦。麥皮加左紅豆粒，感覺有多啲野咬，無咁齋。味道不錯。雖然個吞拿魚粟米多士個樣唔太好睇，但食落口感好豐富，好足料～仲有蛋牛治，烘底，飛邊。蛋都炒得好滑，咸牛肉好香，好滿足啊！最後，奶茶我覺得都有茶味，沖得夠滑夠香。

唔食牛肉既我，昨天下午都專程過來。點都要order一份蛋牛治烘底俾我老公，叫佢試食。嘩，佢食咗一大啖，d 汁滴出來，好正喎，我忍唔住咬咗冇牛肉但有少少蛋既，d肉汁加埋蛋的確好味，唔咸。👍😋我地3個人另外叫咗1. 牛腩麵（老公話唔錯）2 牛筋麵（我唔食牛，但食牛筋，炆得好淋，食完仲覺得有膠質黏黏咁，我鐘意👍，鐘意食淋既牛筋既人會覺得好鍾意😋）3. 厚切牛脷配牛腩汁（如果唔講，佢地系配黑椒汁既）阿仔話牛脷好食, 不過我略嫌個汁如果要來撈飯，會覺得些少咸。總括黎講，唔錯，下次試晚餐。晚餐有佢地推介溫泉蛋滑牛飯，到時叫老公阿仔試😅

原本入到去，見餐牌食物好普通有啲失望諗左好耐都唔知食乜好最後叫左個豬手飯同凍奶茶豬手質地滑而爽口，南乳味夠香唔太咸奶茶夠茶香亦夠滑仲要好細心有骨碟唔洗整到周圍污糟店內企理乾淨

汝州街近北河街一段由過去幾年開始越來越多食肆進註，而這間老字號就係最近一、兩年係此處開設第二間分店，今日路經見舖內不算太多人，便入內避下暑兼醫下五藏廟。煎猪扒一丁 ( $37)原本想叫豬手麵，但天氣實在太熱，唔多想食熱湯食物，便叫了香煎猪扒一丁，睇到里度你可能會奇怪可解我又會叫一丁麵呢，都係湯麵喎…? 原因係我睇餐牌上面張相，完全冇為意原來圖片內係有少少湯嘅，我便一心以為係撈麵，所以結果我都係食左一碗我唔係太想食嘅湯麵，不過咁，湯麵上塊豬扒食落又幾煙韌，如果可以切多幾刀切細塊 d 咁就仲方便入口，唔使成大塊夾起來咬，用筷子處理真係有點難度。紅豆冰 ( $20)奶同紅豆比例為七三比，不太甜，紅豆粒煲到軟諗有少少起沙，有得飲又有得食，好味其實我都知入得來係應該叫佢地嘅招牌食品 ，惟有留待下一次吧。

今日咁岩經過深水埗要去整嘢，所以就點都要順便去食個蛋牛治過吓癮啦！去到都係坐滿人，不過就唔洗排隊！不過我淨係想食份蛋牛治所以都係買外賣算啦叫咗份烘底22蚊，不過因為太耐無食唔知有無加價印象中好似以前唔洗22蚊。。。比完錢等咗大概5分鐘就有得食了！拎上手熱辣辣一食落口還是果種味道口感！我本人唔中意食蛋都好愛吃這個蛋牛治！味道真係好好食！間鋪仲要24小時！真係無得輸丫！烘左面包有d脆加上好味的蛋同牛肉真係好正！