新香園

新舖環境光猛整潔，坐得舒服過舊店好多！平日朝早九點幾已經坐滿9成，眼見隔離個個都叫招牌蛋牛治多士，不過我今日想食啲暖胃嘢，最後揀咗個早餐—煎蛋漢堡扒通粉配咖啡。先講個煎蛋，真係煎得恰到好處！蛋白脆脆地，蛋黃一篤就流心，正。漢堡扒厚度適中，煎得香口，仲有啖啖黑椒香味，咬落去仲保持到肉汁。通粉湯底睇落清淡，飲落似即食湯包味，但味道不錯。杯咖啡明顯係即磨，入口香滑回甘，茶記有咁質素確實難得。整體而言，價格合理味道好，以茶記早餐嚟講已經超標完成！…查看更多

佢哋所謂嘅鮮牛冶嘅做法係攞兜牛肉直接隊落微波爐加熱。簡直大失所望。以前都唔係咁樣。食咗咁多年啲質量越嚟越差。以後都唔會再去。依家基本上淨係得返個名。佢仲要最低消費$29。雖然每次食都唔止。但係再三強調佢都係得返個名㗎咋。佢哋啲竹升麵次次都林晒，一啲都唔爽口。沙嗲牛冇沙嗲味，其實剩係得梳打牛btw人情味其實都冇乜，啱啱食完見到一對母女入嚟食嘢，因為佢哋淨係叫咗個蛋牛治加凍檸茶，唔夠佢哋所謂嘅最低消費人均29, 個店員即刻叫其中一個出去等（店舖仲有四成空位以上）。當然冇話佢哋做得唔啱，佢哋只係跟規矩做嘢（老細都喺度）（坐收銀位）。但係只可以講，今時不同往日啲嘢已經變晒。 臨埋單前問老闆關於份牛冶，佢話係用微波爐㗎啦。😳🥴🥴🥴🤦‍♂️咁鍾意預製菜返大陸算啦！ …查看更多

朋友仔落香港玩，指名要試深水埗敲🔥的【新香園】蛋牛治😋這次帶他來汝州街這間是🆕分店～環境好比老店寬敞，保留傳統茶記風味之余，又有不少創意菜✨出了🆕的麻辣蛋牛治、豬手、芒果檸檬茶等，選擇好豐富！🥪b試！出名的蛋牛治！🆕店多了麻辣味！這次原味和麻辣味通通試一遍新鮮熱辣敲美味🌶️麻辣味帶點點甜辣的感覺 風味up！🍜 雙蛋沙爹牛粗面沙爹好濃香，牛肉夠曬嫩～粗面口感爽滑彈牙，朋友說好喜歡🍗瑞士汁雞翼：夠大只！油亮亮的讓人好有食慾，咸咸甜甜好入味🍞西多士：炸得金黃色、脹啵啵！內里花生醬，焦脆的表面淋了蜜糖~來香港少不了這一份🥤黑白涼粉冰和凍鴛鴦，還有紅豆冰、菠蘿冰等港式風味飲品 好多選擇哦…查看更多

深水埗新香園：懷舊大排檔的驚喜招牌麻辣牛肉蛋治下午二時到訪深水埗新香園，輪候約二十分鐘方能入座。店面格局雖略顯逼，但仿舊式大排檔的裝修風格，對香港人而言別有一份親切感。首試沙嗲牛豬潤面，沙嗲醬汁中規中矩，可惜牛肉稍嫌過韌；然而豬潤確實出色——切得厚薄適中，火候掌控精准，爽脆彈牙之余保持鮮嫩，盡顯師傅功力。另點古法芙蓉蛋飯，蝦仁、叉燒、韭菜等材料落足，炒蛋香滑，整體不過不失。全餐最驚艷非麻辣牛肉蛋治（烘底）莫屬！麵包烘得香脆，麻辣牛肉餡香濃惹味，辣度恰到好處，余韻在齒頰留香，絕對是令人欲罷不能的必點之作，更是再度光顧的充分理由。新香園雖非十全十美，但憑著這份風味獨特的蛋治，已值得專程到訪一試。新香園 (深水埗)深水埗汝州街186號地鋪…查看更多

呢度嘅西多士簡直係我食過最正嘅版本！外皮焗到金黃色，薄薄一層脆到"咔嚓"聲，入面仲keep住鬆軟。我估師傅可能先搽層牛油先至焗，先至做到咁神奇嘅口感。中間啲花生醬份量啱啱好，香濃得嚟又唔會太漏，同個脆皮夾到絕！必試佢哋個麻辣牛肉三文治，辣度溫和得嚟好香口，牛肉醃得入味，夾埋新鮮蔬菜真係好開胃。紅豆冰都整得好好，紅豆煮到起沙但唔會太甜，同啲油膩嘢食好夾。總括嚟講，樣樣嘢都做到茶餐廳應有嘅水準，值得專登過嚟試！…查看更多

要點佢哋個「招牌蛋牛治烘底」！成件事簡直係藝術啊 —— 滑潺潺嘅炒蛋夾住厚切牛肉，兩者味覺撞出火花，再襯埋烘到金黃香脆、邊位微微焦香但完全唔油膩嘅吐司，每啖咬落去都聽到「喀嚓」聲，幸福感爆棚！至於西多士就見仁見智啦～呢度嘅西多士面包體特別薄身，炸完外層金脆但內裡軟綿！黃油同蜂蜜糖漿擺喺隔離自己落，鐘意濃甜定輕盈口感都隨你話事～夏天朝早黎嘅話，必配一杯凍奶茶！茶味濃郁帶甘，奶味順滑唔膩，再撈多撈冰鎮過嘅紅豆冰，熱辣辣嘅天氣即刻涼浸浸～呢間小店雖然環境簡樸，但每一樣食物都充滿住用心…查看更多

🥪新香園必食麻辣蛋牛治👍🏻新香園的蛋牛治是以新鮮牛肉製成，並非外間的罐頭咸牛肉。鮮牛肉幼嫩，帶有濃濃的牛肉香，加上特製的麻辣醬🌶️調味，令蛋牛治的層次提升不少，微辣不會蓋過鮮牛肉香，反而令滋味感倍增。🤤🤤 麵包可自行選擇要多士還是普通不烘的麵包，個人覺得不烘的麵包更能吸收牛肉蛋汁，口感更好。這次點的公司麻辣蛋牛治，除了雞蛋，新鮮麻辣牛肉，還加入了午餐肉和火腿，味道變得更豐富更惹味！另外單點的凍奶茶亦不容錯過。茶味香濃，淡淡奶香，口感幼滑，跟蛋牛治很配！🧋🥪…查看更多

好有懷舊味道，蛋牛治都幾好食，炒蛋都算幾滑，呢個份量早餐或者下午茶就啱啱好，好在住附近間唔中都落嚟幫襯，加埋杯熱奶茶就非常之滿足。有時都會試吓佢啲碟頭飯都唔錯㗎⋯…查看更多

三文治即叫即整熱辣辣份量普普通通味道都係一般勝在新鮮熱辣奶茶一流極力推薦除咗三文治仲有其他粉麵同埋特別嘅嘢飲最特別我係出邊比較少見滾水蛋買咗杯外賣奶茶俾朋友朋友飲時話落咗糖我朋友飲奶茶係唔落糖所以要提提大家如果外賣嘢飲平時冇落糖記得叫走甜…查看更多

蛋牛治的外觀吸引，外脆內軟，吐司的烤焗程度恰到好處。內餡的牛肉和蛋黃混合，味道濃郁，必食瑞士雞髀的色澤誘人，醬汁濃厚，雞腿肉質鮮嫩多汁。瑞士汁好正,滿足感十足。豬手麵的湯底清澈，味道鮮美，豬手肉質軟嫩，與細麵的搭配相得益彰。湯中還有青菜，增添了清新感，是一道令人滿意的主食。西多士外脆內軟，搭配的牛油讓口感更加豐富。表面金黃酥脆，非常適合搭配熱飲整體而言，菜品各具特色，，都能滿足不同的味蕾需求。餐廳的氣氛也讓人感到放鬆，是聚餐的好去處。…查看更多

深水埗對於好多人嚟講，絕對係超容易盪失路嘅熱點，唔知你有無同感呢？話說我有一日因為要去深水埗買嘢，喺唔識路嘅情況之下，依稀記得經過一間懷舊茶記，門口大大隻寫住「馳名蛋牛治」！但嗰日趕時間，所以無停低食下午茶。當隔咗一段時間之後，我嘅記憶只係剩返懷舊茶記，次次特登去搵但都搵唔翻！今日嚟到深水埗，我已經完全無咗呢回事，偏偏新香園大大隻寫住嘅「馳名蛋牛治」終於喺我面前再次出現，一於試試！新香園分店環境好啲，價錢都會貴少少；另外因為新香園分店個廚房大啲，所以推出唔少總店無嘅食物。不過，作為第一次嚟新香園，就梗係要試吓最基本嘅馳名蛋牛治啦！本身我冇諗過要烘底，但店員極力推薦，原來真係有驚喜！首先烘過嘅麵包夠香脆，而炒過嘅蛋牛又嫩滑，所以口感一流！牛肉份量好多，唔會炒得老，仲有唔少蛋汁，真係超級超級好味！Um…麻麻哋啦！因為新香園亦有售賣潮州粉麵，所以呢個沙嗲牛肉螺絲粉帶有一浸鹼水味。牛肉係入味嫩滑嘅，不過相信冇人想喺一碗沙嗲牛肉粉面入邊識到鹼水嘅感覺。…查看更多

同老友去咗附近一間茶餐廳，都係懷舊又經典嘅味道👀👀🍛🍛沙爹牛肉公仔麵沙爹香氣嗰股濃郁得嚟帶住微微辣意調配嘚啱好，牛肉片厚切又大片入口嫩滑，肉香同沙爹香完美融合。公仔麵保持住彈牙口感，一啖面一啖牛肉，再飲啖沙爹湯，嗰種滋味正到痹!!🍲🍲肉片通粉通粉軟硬度啱啱好，咬落有彈性。肉片新鮮嫩滑，湯底清淡鮮美，襯托出通粉同肉片本味，食落好舒服唔會膩。🍞🍞餐牛治煎至兩面金黃，外層酥脆內裡嫩滑，一口咬落去，各種味道層次豐富，每啖都充滿港式茶餐廳嘅經典味道。…查看更多

為了一試麻辣蛋牛治，與同事早點出門口放lunch，仲搭埋uber衝過去。由於未到1點食飯時間，所以唔使等位，但就要搭枱坐，同台是遊客，佢哋三人各叫了一份麻辣蛋牛治，好誇張！我哋想試其他食物，所以4人叫了兩份麻辣蛋牛治烘底，再分別叫了咖哩牛脷撈公仔麵、瑞士汁雞髀蛋飯、雲吞麵及炸醬麵，連埋兩杯嘢飲，一杯係跟餐，盛惠$230，都算合理價錢！麻辣蛋牛治係夠辣，但因為比較辣關係蓋過了牛味同蛋味，我食牛脷撈公仔麵，咖哩汁唔夠多同埋唔夠辣，我要再加辣椒油，麵太淋，牛脷好厚，尚算夠淋咬到入口！普遍食物正正常常茶餐廳水準，食只係個分懷舊氣氛！…查看更多

深水埗有太多美食選擇！新香園最愛‘’ 麻辣蛋牛治‘’👍再加一杯熱奶茶，滿足😋熱奶茶已不是大排檔風味！麻辣蛋牛治麻辣恰到好處！可惜比以前細份咗牛扒通粉豬潤鲜牛公仔麵猪潤爽口！鲜牛肉麻麻！早餐👍…查看更多

呢間舖新開嘅時候已經帶三歲嘅小朋友嚟食蛋牛治，點知一試愛上😍以前每個星期都會食三次以上🤭咁多年來都一直keep到水準👍🏻👍🏻，每次一去到深水埗第一時間就係去新香園，每次都會叫兩份蛋牛治，一份唔辣一份麻辣😝仲一定要烘底開四🤭🤭唔烘底都好食嘅，不過烘左就脆口啲🤤牛肉又彈牙又滑👍🏻唔會食到筋位👍🏻即叫即做熱辣辣👍🏻平時去開仲會食淨豬手超級大件👍🏻同埋牛筋都係必食👍🏻👍🏻…查看更多