新香冰廳餅店

睇youtube介绍呢间茶记，由一名OL接手继续经营。吸引我既地方系仍然保留原有既装修+班底，食既唔止人情味，仲有满满既老味道。就系老师傅煮出既味道，唔系一色一样既预制味道。而新香更系少有自设饼房既茶记，每天都有新解面包蛋挞出炉，真系非常难得。当日常既事开始减少，意识到日常好快就会变成回忆。今次试左佢地既捞面套餐，一个捞面+半份西多士或鸡翼，非常岩我呢D又想食面，但系又食唔到一个完整份量西多士既人!!!!!食物：1.捞面套餐: 潮式炸酱公仔面 + 西多士 $402.捞面套餐: 麻辣口水鸡公仔面 + 西多士$403.支装维他奶+$64.蛋挞5.冻奶茶+$21.潮式炸酱公仔面 $40 宜家已经好少系茶记见到有炸酱公仔面，见到餐牌有即刻叫个试下先。茶记炸酱既味道当然不是谭仔个咸咸地带酸既味道。呢次食既款系带有少少甜味，非常客易入口，配公仔面简直系绝配，因为甜甜地既味道，食多几啖都唔会出好咸或者好腻既感觉。公仔面既面质亦非常弹形，唔系煮到一半等有客人叫再煮返热个种又硬又un既口感。2.麻辣口水鸡公仔面 $40惹味香口既味道一直都系我既至爱，见到茶记都有麻辣口水鸡，一定要叫黎试一试。一入口肉质嫩滑，而且新香不是主打麻辣或者川菜既食店，当然对呢种比较专门既味道，要求相对都要降低返D，而佢地既麻辣味道适中，公仔面系上面既提过系弹形，唔会好似食紧D好淋或者咬落少少硬既半熟面感觉。3.西多士(捞面套餐)西多士就惊喜不大，唔系话唔好食，系好食就一般应有既水准。只包中间有我最爱既花生酱。不得不提半件西多士+捞面系刚刚好既选择!!!!4.蛋挞新鲜出炉酥皮蛋挞，刚刚出炉蛋挞已经胀卜卜咁从焗炉拎出黎，事不宜迟就叫过黎食。酥皮非常松软，层次分明，而蛋浆味道不会太甜，香浓蛋味。5.冻奶茶冻奶茶口感顺滑，奶香浓郁但唔会太腻，茶味香醇带微微苦涩，本人系几钟意带少少苦涩，饮落茶味既感觉比较重，而奶既分量唔洗特别order都已经做到好适中，有时太多奶又好掩盖左茶香，而奶少又会好涩。总结: 面对旧区重建，港人消费模式既转变，大量连锁经营既进攻。本地食店既经营环境雪上加霜，近年已经不断有老牌既茶记结业，茶记算系香港人既集体回忆，非文化遗产。新兴既冰室已变质，再不是以往茶记风味，即叫即整已变得奢侈。不要等到传统老店结业前几天先赶住去搭尾班车，衬日常事未踏入回忆既大门，请大家多多支持!!!!…查看更多

小时候住系附近，妈妈间中会系呢度买早餐俾我食，食得最多就系沙嗲牛肉面！搬咗之后我自己黎食过一次，应该都已经系三年前嘅事，今日突然想黎怀旧一下。中午12点几去到，即时有位！我嘅目标相当清晰，即刻点餐：特餐沙嗲牛肉面多士走油热柠茶$43热柠茶：茶底都算系浓一啲个种，合格！沙嗲牛肉面：卖相同以前食嘅差唔多，面质同细个食到嘅非常接近，沙嗲汁完全系以前个种味！牛肉入味，够淋！多士：方包系佢地自家制嘅？好食！煎蛋、午餐肉、火腿正常发挥！本来想食埋蛋挞，但已经好饱食唔落了，唯有下次再嚟怀旧先再食！…查看更多

食过之后就觉得 名不虚传👍🏻早餐叫了一客雪菜肉丝面，雪菜真系有传统雪菜香味，朋友连汤都饮埋，个面质又做到软硬适中；另外叫了一客 沙嗲牛肉米粉，沙嗲牛肉非常浓滑沙嗲味香浓，但又唔会杰挞挞，配上餐肉、火腿及煎蛋。我们还另外叫一个菠萝包及蛋挞，菠萝包做到外脆内软，表面脆口，真的是我儿时的回忆，蛋挞亦做好美味可口😋样样食物都另我们回味无穷。由于太过急不及待菠萝包未影已经食咗啦！应该好快又会再嚟尝试其他食物😋…查看更多

之前看过一条影片介绍这里，收藏了这个店，特地来的，下了地铁坐925M，到市场下车，走一段直路就到了。虽然有点远，不过我还是慕名来了。[米饭]口味：点了热卖的沙爹公仔面。 挺好吃炸猪扒就一般，普通味道。 碰上蛋挞出炉，蛋挞很香很好吃。下次来试下鸡翅，卖相很好，应该很好吃。[薄荷]环境：怀旧的装修，座椅之间不会特别窄，坐起来也舒服。[服务铃]服务：员工有个伯伯比较老，说话听不太清楚，需要大声点点。因为服务人员都比较老，所以不会很及时，但都有序，不会怠慢。下完单到出餐速度也是10分钟 不会特别久。大家的时间都是差不多。[糖果]性价比：一个餐先40元，地板级的价格，从来没在香港吃过这么便宜的餐。这个价格，要求不了食物质素多高，但是食物做法比较实际，没有任何花里胡哨的东西，一吃就是简单的制作。很家常的味道，不会有太多调味。推荐奶茶与蛋挞。这个地方很好，街坊人情味很足，从搭巴士也会有人热心指点，这是在其他区域没有的。在这个居民区，餐厅里都是附近居民，大家都与餐厅的员工也相熟，只有我是旅客来就餐，搭台的靓女也热心介绍食物同推荐，非常难得[微笑][微笑] 吃饱后， 后来与我搭台的阿叔，点的是 米线套餐，选择了 一大块猪扒与一对鸡翅。也主动热心推荐我明天再来尝试，这个餐厅让我感觉的非常温暖，看的出我是稀有的旅客都非常热情。如果各位想体验最平价最朴素的茶餐厅，这里是最佳选择。这里的奶茶尤为出色，我本来只想喝喝茶，但是点单的伯伯 可能听不太清楚，不理解，所以改成冻奶茶。这杯冻奶茶出乎意料的好喝，没有过浓的茶味，也没有过甜，平衡的刚好，来的朋友一定要试试。 因为此餐厅是做邻里生意，没有开通电子支付，准备好现金或者八达通 结账。下次来香港，一定会再来品尝其他食物。[点赞][点赞]…查看更多

几年前同朋友行完「城门水塘」就落嚟「新香冰厅」食晏昼，今次都喺，同老表两个由大围经「下城门水塘」行返上去「城门」主霸，跟住再落返葵涌，亦都喺专登带佢嚟试下呢间好有人情味嘅怀旧冰室，呢啲真正几十年老店，依家真系买少见少。铺面摆满一排排嘅面包，因为佢啲都喺兼营饼店，而且啲面包喺佢哋师傅即场新鲜制作，所以，都见唔少街坊嚟买面包。入到里面，一派怀旧冰室样，尤其个水吧，讲就唔多讲，大家睇相都见。呢度仲喺保持旧式装修，无话咩枱侧柜桶，所有，调味料、餐具都放晒喺枱面一旁，自由取用。餐牌除咗贴晌喺枱面玻璃下之外，其次就喺贴满成间餐厅嘅墙壁之上，小弟就拣咗个特餐，而老表就喺午餐度埋手。午餐：鲜茄猪扒饭 $45虽然午餐只喺写住奉送热饮，但喺店家好慷慨，加送多个例汤，而是日例汤喺煲莲藕，味道方面就喺大路嘢，不过你估佢唔到咁大碗，真喺两个人都够分。主角猪扒亦估唔到又加咗只煎蛋，真喺买菜搭棵葱，而且，件猪扒非常之大件，老表佢话入口松化，蕃茄汁都好唔错，酸酸香香，味道唔会太假。特餐：沙爹牛肉面 $40特餐嘅主食有四款口味，小弟就偏爱沙爹牛肉面，面底嚟嚟去去都喺茶记专用𠮶啲，唔会有咩太大分别，煮得啱啱好都收货，个沙嗲汁就好香浓，牛肉软腍，份量仲好够；此外，仲配埋多士搭餐肉、火腿、煎蛋，所以只煎蛋就拼多士食，餐肉同火腿就放埋攞啲沙爹牛肉跟面一齐食，喺好丰富嘅一份午餐。热奶茶嚟到「新香」梗喺推介老表试饮佢哋嘅热奶茶啦，因为上次饮过确喺唔错。今次呢两杯，睇睇色泽就几对办，不过，饮落茶味就淡咗啲，唔喺奶多嘅问题，喺唔够茶香，你会觉得个茶底好似啲人唔够货卖，就加水冲多杯咁，个人觉得就唔合格。虽然杯热奶茶有啲失准，但其他嘢食就唔错，加上人情味，好招呼，街坊价，我都仲会不时嚟帮衬吓，支持吓小区老店，要支持唔喺等人家结业先嚟做啰！…查看更多