新香冰廳餅店

睇youtube介紹呢間茶記，由一名OL接手繼續經營。吸引我既地方係仍然保留原有既裝修+班底，食既唔止人情味，仲有滿滿既老味道。就係老師傅煮出既味道，唔係一色一樣既預製味道。而新香更係少有自設餅房既茶記，每天都有新解麵包蛋撻出爐，真係非常難得。當日常既事開始減少，意識到日常好快就會變成回憶。今次試左佢地既撈麵套餐，一個撈麵+半份西多士或雞翼，非常岩我呢D又想食麵，但係又食唔到一個完整份量西多士既人!!!!!食物：1.撈麵套餐: 潮式炸醬公仔麵 + 西多士 $402.撈麵套餐: 麻辣口水雞公仔麵 + 西多士$403.支裝維他奶+$64.蛋撻5.凍奶茶+$21.潮式炸醬公仔麵 $40 宜家已經好少係茶記見到有炸醬公仔麵，見到餐牌有即刻叫個試下先。茶記炸醬既味道當然不是譚仔個鹹鹹地帶酸既味道。呢次食既款係帶有少少甜味，非常客易入口，配公仔麵簡直係絕配，因為甜甜地既味道，食多幾啖都唔會出好鹹或者好膩既感覺。公仔麵既麵質亦非常彈形，唔係煮到一半等有客人叫再煮返熱個種又硬又un既口感。2.麻辣口水雞公仔麵 $40惹味香口既味道一直都係我既至愛，見到茶記都有麻辣口水雞，一定要叫黎試一試。一入口肉質嫩滑，而且新香不是主打麻辣或者川菜既食店，當然對呢種比較專門既味道，要求相對都要降低返D，而佢地既麻辣味道適中，公仔麵係上面既提過係彈形，唔會好似食緊D好淋或者咬落少少硬既半熟麵感覺。3.西多士(撈麵套餐)西多士就驚喜不大，唔係話唔好食，係好食就一般應有既水準。只包中間有我最愛既花生醬。不得不提半件西多士+撈麵係剛剛好既選擇!!!!4.蛋撻新鮮出爐酥皮蛋撻，剛剛出爐蛋撻已經脹卜卜咁從焗爐拎出黎，事不宜遲就叫過黎食。酥皮非常鬆軟，層次分明，而蛋漿味道不會太甜，香濃蛋味。5.凍奶茶凍奶茶口感順滑，奶香濃郁但唔會太膩，茶味香醇帶微微苦澀，本人係幾鍾意帶少少苦澀，飲落茶味既感覺比較重，而奶既分量唔洗特別order都已經做到好適中，有時太多奶又好掩蓋左茶香，而奶少又會好澀。總結: 面對舊區重建，港人消費模式既轉變，大量連鎖經營既進攻。本地食店既經營環境雪上加霜，近年已經不斷有老牌既茶記結業，茶記算係香港人既集體回憶，非文化遺產。新興既冰室已變質，再不是以往茶記風味，即叫即整已變得奢侈。不要等到傳統老店結業前幾天先趕住去搭尾班車，襯日常事未踏入回憶既大門，請大家多多支持!!!!…查看更多

小時候住係附近，媽媽間中會係呢度買早餐俾我食，食得最多就係沙嗲牛肉麵！搬咗之後我自己黎食過一次，應該都已經係三年前嘅事，今日突然想黎懷舊一下。中午12點幾去到，即時有位！我嘅目標相當清晰，即刻點餐：特餐沙嗲牛肉麵多士走油熱檸茶$43熱檸茶：茶底都算係濃一啲個種，合格！沙嗲牛肉麵：賣相同以前食嘅差唔多，麵質同細個食到嘅非常接近，沙嗲汁完全係以前個種味！牛肉入味，夠淋！多士：方包係佢地自家製嘅？好食！煎蛋、午餐肉、火腿正常發揮！本來想食埋蛋撻，但已經好飽食唔落了，唯有下次再嚟懷舊先再食！…查看更多

食過之後就覺得 名不虛傳👍🏻早餐叫了一客雪菜肉絲麵，雪菜真係有傳統雪菜香味，朋友連湯都飲埋，個麵質又做到軟硬適中；另外叫了一客 沙嗲牛肉米粉，沙嗲牛肉非常濃滑沙嗲味香濃，但又唔會杰撻撻，配上餐肉、火腿及煎蛋。我們還另外叫一個菠蘿包及蛋撻，菠蘿包做到外脆內軟，表面脆口，真的是我兒時的回憶，蛋撻亦做好美味可口😋樣樣食物都另我們回味無窮。由於太過急不及待菠蘿包未影已經食咗啦！應該好快又會再嚟嘗試其他食物😋…查看更多

之前看過一條影片介紹這裏，收藏了這個店，特地來的，下了地鐵坐925M，到市場下車，走一段直路就到了。雖然有點遠，不過我還是慕名來了。[米飯]口味：點了熱賣的沙爹公仔面。 挺好吃炸豬扒就一般，普通味道。 碰上蛋撻出爐，蛋撻很香很好吃。下次來試下雞翅，賣相很好，應該很好吃。[薄荷]環境：懷舊的裝修，座椅之間不會特別窄，坐起來也舒服。[服務鈴]服務：員工有個伯伯比較老，說話聽不太清楚，需要大聲點點。因為服務人員都比較老，所以不會很及時，但都有序，不會怠慢。下完單到出餐速度也是10分鐘 不會特別久。大家的時間都是差不多。[糖果]性價比：一個餐先40元，地板級的價格，從來沒在香港吃過這麽便宜的餐。這個價格，要求不了食物質素多高，但是食物做法比較實際，沒有任何花裏胡哨的東西，一吃就是簡單的製作。很家常的味道，不會有太多調味。推薦奶茶與蛋撻。這個地方很好，街坊人情味很足，從搭巴士也會有人熱心指點，這是在其他區域沒有的。在這個居民區，餐廳裏都是附近居民，大家都與餐廳的員工也相熟，只有我是旅客來就餐，搭臺的靚女也熱心介紹食物同推薦，非常難得[微笑][微笑] 吃飽後， 後來與我搭臺的阿叔，點的是 米線套餐，選擇了 一大塊豬扒與一對雞翅。也主動熱心推薦我明天再來嘗試，這個餐廳讓我感覺的非常溫暖，看的出我是稀有的旅客都非常熱情。如果各位想體驗最平價最樸素的茶餐廳，這裏是最佳選擇。這裏的奶茶尤為出色，我本來只想喝喝茶，但是點單的伯伯 可能聽不太清楚，不理解，所以改成凍奶茶。這杯凍奶茶出乎意料的好喝，沒有過濃的茶味，也沒有過甜，平衡的剛好，來的朋友一定要試試。 因為此餐廳是做鄰裏生意，沒有開通電子支付，準備好現金或者八達通 結賬。下次來香港，一定會再來品嘗其他食物。[點贊][點贊]…查看更多

幾年前同朋友行完「城門水塘」就落嚟「新香冰廳」食晏晝，今次都喺，同老表兩個由大圍經「下城門水塘」行返上去「城門」主霸，跟住再落返葵涌，亦都喺專登帶佢嚟試下呢間好有人情味嘅懷舊冰室，呢啲真正幾十年老店，依家真係買少見少。鋪面擺滿一排排嘅麵包，因為佢啲都喺兼營餅店，而且啲麵包喺佢哋師傅即場新鮮製作，所以，都見唔少街坊嚟買麵包。入到裡面，一派懷舊冰室樣，尤其個水吧，講就唔多講，大家睇相都見。呢度仲喺保持舊式裝修，無話咩枱側櫃桶，所有，調味料、餐具都放晒喺枱面一旁，自由取用。餐牌除咗貼晌喺枱面玻璃下之外，其次就喺貼滿成間餐廳嘅牆壁之上，小弟就揀咗個特餐，而老表就喺午餐度埋手。午餐：鮮茄豬扒飯 $45雖然午餐只喺寫住奉送熱飲，但喺店家好慷慨，加送多個例湯，而是日例湯喺煲蓮藕，味道方面就喺大路嘢，不過你估佢唔到咁大碗，真喺兩個人都夠分。主角豬扒亦估唔到又加咗隻煎蛋，真喺買菜搭棵蔥，而且，件豬扒非常之大件，老表佢話入口鬆化，蕃茄汁都好唔錯，酸酸香香，味道唔會太假。特餐：沙爹牛肉麵 $40特餐嘅主食有四款口味，小弟就偏愛沙爹牛肉麵，麵底嚟嚟去去都喺茶記專用嗰啲，唔會有咩太大分別，煮得啱啱好都收貨，個沙嗲汁就好香濃，牛肉軟腍，份量仲好夠；此外，仲配埋多士搭餐肉、火腿、煎蛋，所以隻煎蛋就拼多士食，餐肉同火腿就放埋攞啲沙爹牛肉跟麵一齊食，喺好豐富嘅一份午餐。熱奶茶嚟到「新香」梗喺推介老表試飲佢哋嘅熱奶茶啦，因為上次飲過確喺唔錯。今次呢兩杯，睇睇色澤就幾對辦，不過，飲落茶味就淡咗啲，唔喺奶多嘅問題，喺唔夠茶香，你會覺得個茶底好似啲人唔夠貨賣，就加水沖多杯咁，個人覺得就唔合格。雖然杯熱奶茶有啲失準，但其他嘢食就唔錯，加上人情味，好招呼，街坊價，我都仲會不時嚟幫襯吓，支持吓小區老店，要支持唔喺等人家結業先嚟做囉！…查看更多

【冰廳】一個充滿年代感嘅叫法葵涌一間舊式茶記近年由年輕老闆接手保留原貌繼續經營老員工老裝潢老街坊門口位擺滿自家麵包但方包質素就麻麻地，過淋唔鬆軟除外，食物味道正常，夠平多選擇如果我住附近，都會成日係度打躉食物其次，反而係個氛圍夠麻甩夠隨便所以呢度真係主要做街坊生意#dcb食在香港 #dcb吃喝玩樂 #dcb葵涌 #食在香港 #香港美食 #美食 #hkfoodie #foodiehk #相機食先 #手機食先 #吃貨人生 #打卡 #食好西  #instagood #tbt #like4like #followme…查看更多

地點真係好遠，但行吓行吓就到了。門面好似麵包舖，擺滿晒一個個新鮮出爐嘅菠蘿包、蛋撻，仲有一大堆糖餅勁吸引入到去坐低所有選擇喺晒牆上，基本上係早餐、午餐、下午茶同埋一啲健康選擇，唔算多選擇，但茶餐廳要有嘅都有。佢嘅午餐之選有三樣，配西多士或炸雞髀，完全係贏咗一半一般茶餐廳跟餐多士。// 咖喱(沙嗲)牛公仔麵一開始以為只係好普通嘅茶餐廳沙嗲牛麵，點知上到嚟係一堆沙嗲咖喱免治牛肉，喺公仔麵上，另外有碗湯另上。本身以為係撈麵咁食，然後送咗碗湯，所以飲咗幾啖碗湯，發現係超濃嘅火腿通嘅湯，好正！諗諗吓應該喺度落碗麵度食。不過都好正，可以嘗埋佢碗湯嘅精華。食第一啖嘅時候，超 驚 喜 ！完全係超濃郁嘅沙嗲免治牛肉！佢再驚喜嘅位係，佢竟然有茄子同好多蘑菇片！完全係結合咗咖喱、魚香茄子！簡直從未試過，好味到傻！另外更驚喜嘅位係，佢跟餐多士係可以揀西多士，完全滿足咗想食，但少機會食下午茶之選，半份剛剛好，不多也不少仲要跟餐送嘢飲，咁樣都只係$40，價錢又贏埋！…查看更多

平時經過都見入面都好多食客，是舊舖裝修，地下都係舊式冰廳地磚仔，我都十分喜歡。環境較擠迫，但都是乾淨衛生，食客好多都是街坊，是舊式冰廳較為嘈雜。價格合理，份量足，之前我只是外賣，菠蘿包蛋撻都是暖的，也有好多其他糖餅。今次星期一平日10：15有位特意入內試早餐，奶茶香滑，茶味濃，沙嗲牛麵嘅沙嗲汁味佳稍鹹，牛肉麵底多士等就一般。…查看更多

我也是看了YouTube 介紹而慕名而來的！香港連鎖餐廳多的是，獨立店舖已買少見少，何況非集團背景的小店，－定要支持一下，所以都係千山萬水長途跋涉到來幫襯，可能今日係公假，就算係三點時段，都人頭湧湧，－位難求! 好在角落卡座有人剛離座，所以啱啱好，唔駛等！真心菜單款式多，價錢算係咁，由於第一次試,所以點了最貼地但又唔係間間茶記有嘅叉燒湯意加煎雙蛋配多士，飯腳叫咗炸豬扒麵。真心食物算好食，豬扒麵有兩件豬扒，算係多，而且豬扒味道唔錯，其實係煎豬扒非炸豬扒，公仔麵煮得剛好。叉燒意粉中的叉燒唔算柴，意粉湯底亦不求其，加上杯齋鴛鴦，飲得出茶味！整體算出色！如果我住係附近，我應該都會係常客。…查看更多

今日去朋友屋企前係佢附近見到呢間比較懷舊冰室就入去試吓！牆上面嘅餐牌都係用筆寫出黎😬冰室門內就有各式各樣嘅懷舊餅食、麵包蛋撻蛋糕購買😃臨近中秋，好多款手工月餅🥮我最鍾意食嘅雙黃及四黃白蓮蓉🥰聽姐姐講因為自家製冇乜落防腐劑😊臨走前都買咗兩個返屋企試吓🤗呢度茶餐係叉燒湯意粉🙌雞湯底飲落唔會過鹹😬意粉軟硬適中.唔會煮到超級腍👍配埋雙太陽蛋及加一蚊轉多士🤣不得不提呢度嘅鴛鴦真係幾好飲🤩茶香奶滑帶點咖啡味👍…查看更多

睇完YouTube介紹慕名到訪，星期日下午1點鐘1位難求，要等位。勤奮老板娘親力親為，一盆盆新鮮出爐麵包穿梭餅房與門口麵包檔之間。烈日當空，老板娘請客人入內等候，體貼周到！裝修食物種類，播放歌曲全是懷舊式冰廳，仲有維他奶，極罕有！伙記做到冇停手，依然無阻慇勤服務，笑容滿面，有問必答。叫咗招牌沙爹牛食物好味，人情味更加難得！拎拐杖客要走，伙記拖扶、開路出埋舖頭。呢D濃濃人情味係從前茶記的回憶，令人懷緬。堂食之餘仲有叫外賣，冇諗過樓面阿姐入咗盒，拎嚟比我睇過，邊度搵，好感動！伙記同D客互動，客人都份外好傾。老板娘老公放假過嚟幫手，齊心合力！小店值得支持！…查看更多

很少去葵涌，今日由港島區出發去試試新香。乘搭港鐵去葵芳站再轉乘235M巴士，於北葵涌街市站落車步行數分鐘便到達。門口兩邊各有一排大玻璃櫃分別擺放好西式麵包及傳統中式糕點。行入冰室坐下，望著貼在牆上的餐纸，最後叫了吉列豬扒常餐。40元一客加一杯熱飲。上桌時有塗了牛油的餐包，茄汁焗豆，香腸，煎疍及一塊超巨型的豬扒！坐在對面的太太笑著建議我要加沙律醬吃豬扒會更好味。環顧店鋪，應該大部份是街坊。他們一進店，伙記們已經招呼著，並按他們慣常的喜好下單。我喝著奶茶吃著常餐，靜靜聽著街坊們的閒聊，不時看著師傅、伙記及老闆娘Mandy等人把一盤盤新鮮出爐麵包拿出去櫃面，雖然我是第一次光顧，也有一種說不出的親切感。埋單後到外面買了皮疍酥便離開，行了幾步，聽到後面有人很大聲跟我說bye bye, 原來是Mandy追出來，因為阿姐告訴她我由港島專程去探店。我停下和她談了一會，叫她要好好加油做下去！看著她額頭上的汗珠，有點心疼，但深信有魄力有熱誠的她會愈做愈好的！…查看更多

走進呢間冰室，首先係被個溫暖嘅氣氛圍住，我一坐落，已經迫唔及等嚟試佢哋嘅招牌啲咩啦。首先係班餅底嘅雪菜肉餅米線，啱啱好嘅鹹香啲味同咸咸地嘅雪菜完美結合，米線滑嘟嘟嘅，啖啖肉餅真材實料。攞過份煎雙蛋嚟，外圍微脆，撞穿個蛋黃瞬間流晒出嚟，黃澄澄嘅誘惑，搭配簡單嘅火腿同餐肉，依家仲要講埋煎得金黃香噴噴嘅多士，香脆得嚟唔油膩，真係好正點啊👍！飲品方面，當然少不了杯經典港式奶茶。嗰陣奶香同茶香完美交織，每一啖都係温暖滿足，感覺就好似係☀️出現喺雲層之間，閃閃發光。至於服務，呢度啲員工真心親切有禮，即叫即有，令人食得舒坦兼得意。如果你想尋味古早嘅茶餐廳feel，呢間冰室絕對值得你黎一轉，食返個滿足嘅早午餐🍽️！…查看更多

總括嚟講 78.1923820/100今次嚟到呢一間隱世嘅懷舊冰室ok值得試一試 ❤️ 環境方面 75.293829/100一開始只不過係經過俾佢懷舊嘅感覺吸引到，成日食新潮野間吾中都好想回味返從前食茶餐廳嘅感覺，所以入咗呢間餐廳 。位置唔算話好闊落、衛生環境正常、但佢真係細細個傳統茶餐廳嘅模樣，其實而家好多茶餐廳都越嚟越新潮反而缺乏懷舊感覺 所以入到去好似番左小學咁🤭食物方面 79.283902/100今次點咗五香肉丁公仔麵同埋雪菜肉絲米粉 ，應有嘅味道都有，真係有返六歲食茶餐廳嘅感覺🥹嗰種味道幾好食，係來自於情懷而吾係味道，奶茶味道來講就中規中矩，唔算話好好飲嘅奶茶 （可能我對奶茶要求比較高）價格 90.273829/100價格嚟講真係十分分抵食，一個常餐連嘢飲$38 ，仲要佢嘅伴碟唔係剩係得多士火腿同蛋總有午餐肉，我見到佢其他下午茶20幾蚊 講真，我覺得20幾蚊食一個餐連嘢飲，你自己煮都唔得啦🥹 抵食到喊我會覺得呢間可以係成日得閒嚟嘅餐廳，但係唔應該長途跋涉特登走來食。但係如果住喺附近嘅話就值得得閒過嚟食又抵食，又有情懷🥰總括嚟講 78.1923820/100今次嚟到呢一間隱世嘅懷舊冰ok室試一試 ❤️ 環境方面 75.293829/100一開始只不過係經過俾佢懷舊嘅感覺吸引到，成日食新潮野間吾中都好想回味返從前食茶餐廳嘅感覺，所以入咗呢間餐廳 。位置唔算話好闊落、衛生環境正常、但佢真係細細個傳統茶餐廳嘅模樣，其實而家好多茶餐廳都越嚟越新潮反而缺乏懷舊感覺 所以入到去好似番左小學咁🤭食物方面 79.283902/100今次點咗五香肉丁公仔麵同埋雪菜肉c米粉 ，應有嘅味道都有，真係有返6歲食茶餐廳嘅感覺🥹嗰種味道幾好食，係來自於情懷而吾係味道，奶茶味道來講就中規中矩，唔算話好好飲嘅奶茶 （可能我對奶茶要求比較高）價格 90.273829/100價格嚟講真係10分抵食，一個常餐連嘢飲$38 ，仲要佢嘅半點唔係剩係得多士火腿同蛋總有唔餐肉，我見到佢其他下午茶20幾蚊 講真，我覺得20幾蚊食一個餐連嘢飲，你自己煮都唔得啦🥹 低食到喊我會覺得呢間可以係成日得閒嚟嘅餐廳，但係唔應該長途跋涉特登走來食。但係如果住喺附近嘅話就值得得閒過嚟食又抵食，又有情懷🥰…查看更多

小弟外國返嚟，想懷念舊香港。呢間冰室 有80/90年代香港冰室氣氛同味道。包點蛋撻 酥脆軟滑;牛肉湯麵 肉嫩味濃;配杯檸茶，加支玻璃樽裝維他奶，好有想當年小學時代嘅情懷。外國返港嘅話，值得嚟試吓。…查看更多