新金榮小廚

時隔多年過來屯門新金榮食鵝片，成條街有好幾間，大把位置坐，味道依然好正！鵝片唔會柴，加啲醋更加好味！而且好大片，底下仲有啲鹵水豆腐同花生。每碟餸份量都幾大，韭菜豬紅都係必點，胡椒味夠濃！牛百葉好脆，好大條，味道都唔錯，不過就係如果坐裡面空調大啲辣椒油凝結得比較快。小炒王好送酒，炸過嘅魷魚好香！好大一碟，可以慢慢食。仲係同一個靚姐帶位，好熱情，同我哋好好傾！靚姐頭髮都白曬了，不過做野好爽手，態度非常好！…查看更多

假期前夕9點半入座，叫咗4樣嘢再加白飯，上菜都算快。煎蠔餅有兩塊，唔多蠔仔，但煎得好香口，所以都 OK。薯仔牛柳粒，薯仔香口，但牛柳粒炒得過咗火，口感比較乾。沙拉骨唔合格，全碟都係一塊塊無骨豬排嚟嘅，仲要係用鬆肉粉乸到腍曬嗰隻。$128 條烏頭好唔掂，超腥，但家人話佢沾咗醬食就冇問題，所以我放棄，留哂俾佢食。疫情前同疫情中都食過依間，果陣都唔錯嘅，唔知點解依家差咗咁多呢…查看更多

每次想同老公食啲野同飲下酒，都會選擇去新金榮小廚，喺何福堂輕鐵站落車後過條馬路就到，個度有好多打冷嘅大排檔選擇，而我通常去新金榮小廚。椒鹽鮮魷，烤蠔餅（烤得好鬆脆），椒鹽多春魚，滷水拼盤都係我推介之一，送啤酒一流🍺🍺🍺味道唔會失望，推介😋😋價錢合理，兩公婆飲埋啤酒通常都食$400左右。…查看更多

今次好接地氣咁食大排檔，去到先知原來兩條街啲舖都係同一間，咁真係要試下啦🤣豉椒炒蜆味道唔會太辣，太鹹啱啱好，最緊要係無沙👍🏻椒鹽九肚魚魷魚鬚雙拼新鮮炸上黎，香好脆又熱辣辣，不過就要等得耐啲。海蜇豬手正常發揮，最有驚喜嘅係馬拉盞通菜煲，咸香味十足，送飯一流👍🏻👍🏻👍🏻…查看更多

屯門剩低嘅打冷舖頭其實唔多，呢間都算係歷史悠久，同埋食物質素都過得去。但唔知點解可以容許啲食客響舖頭裏面食煙🚬。仲要一支接一支成晚都未停過😞。希望老細顧及吓其他食客嘅感受，制止客人嚮舖頭裏面食煙🙇🏻‍♂️。講吓今晚啲食物大眼雞OK可以，但係啲肉就黐住啲皮好難撩出嚟個滷水雜錦款式都多嘅，豬腸冇異味、個腎整得好腍、鵝腸都好爽個蠔餅好多蠔仔同埋都炸得夠脆韭菜豬紅就唔知點解個豬紅有啲甜味，可能落錯咗糖鵝片就幾林下都幾入味…查看更多

大時大節，一家人食飯，喺屯門真係搵唔到第二間取代佢，今次寫食評，你好想推介一個食物俾大家，就係佢個薑蔥魚腩煲👍🏻好有鑊氣，爆得超香，一定要推薦俾大家試試。另外值得一提嘅係呢一間嘅員工真係好好客好熱心😂大家喺門口經過嘅時候好易就會俾佢拉咗入去食飯…查看更多

屯門打冷一流，羊腩煲足料 好味，食完仲可以加火鍋配料，天氣凍最啱食！位置方便，價錢平，食物多選擇，食完羊腩煲覺得唔夠嘅，有興趣可以叫埋頭盤或者小菜食下，鑊氣十足！…查看更多

屯門新金榮，成條街都係佢咁濟，應該同妹記係同一間？食物水準未可以高到100分，但都有80分，整體食物質素數中上，大推酸菜魚，最重要既係，佢好大碟！係出面平時食到既量，最小多1/3，有啲誇張到係多1個double！Cp值超高，無論量，味，服務都好好👍🏻👍🏻…查看更多

自從屯門牛朋友朋友帶完我食一次之後，次次黎到屯門食大排檔都會揀新金榮😋😋係地鐵站附近，可以搭一個站輕鐵或者行過去。成條街都係佢嘅舖位（記住係係內街，唔係大街果間啊）炒餸大碟，又有鑊氣🔥價錢又實際👍🏻👍🏻出名好多舖頭啲份量都越黎越細。有幾個frd一齊share，叫多幾個餸就最適合不過。餐廳食飯時間好多人，要排隊架！想食就早啲去攞位啦☺️☺️環境就唔係果啲高級有裝修架啦，但係有冷氣，仲有啤酒妹賣啤酒，好有氣氛。…查看更多

入屯門食宵夜打冷（新金榮小廚）叫咗幾個小菜食宵夜飲飲啤酒豉椒炒蜆，鹵水拼盤，蔥油雞，炸蠔餅，炒豆苗，老字號小炒有鑊氣，蔥油雞夠香滑，炸蠔餅夠鬆脆，好好味，價錢合理！…查看更多

位於輕鐵何福堂站，有一條食市街，想飲下啤酒啤啤佢，想坐得耐，係香港人一定會識得揀大排檔，今日我揀咗新金榮試試佢。叫咗九肚魚、啫啫雞煲和滷水雜錦，正常嘅味道，只食氣氛。…查看更多

今日同一大班老朋友相聚，決定去屯門新榮記小廚食飯。 這裏以小炒出名，同朋友叫以下小菜：蜜椒薯仔牛仔粒 $98椒不算多，但蜜糖味香，牛仔粒份量合格。由於蜜味煮得好，同朋友們最後連青椒紅椒都食埋，送飯一流。沙拉骨 $88我一直的最愛，多年前一食便愛上🤭。今日再叫，質素仍然如初。份量多，厚肉不柴，熱辣辣嘅沙律醬包裹着每一嚿肉，好食到舔手指😋。菠蘿咕嚕肉（$88）酸甜汁好好味，菠蘿很大塊，咕嚕肉尺寸不算大，但勝在份量多，好味。XO醬西蘭花肥牛（$98）份量不少，但食不出XO醬味，有點小失望。金銀蛋時蔬 （$118）份量充足，調味適中。辣酒煮螺（$138）非常好食，辣到恰到好處，感受到辣味但又唔會過於腸口。份量非常多，新鮮，值得推介。椒鹽鮮魷 （$118）(爆推🌟🌟🌟🌟🌟)全枱最愛，鮮魷非常之新鮮大舊，份量多。炸得香脆，並不油膩，真的外脆內軟，椒鹽味非常之濃厚，性價比十分之高，爆推。高質大排檔的感覺，啤酒也不貴，適合一班朋友共聚的好地方。@Big_Big_Foodie…查看更多

每次要等齊朋友收工再舟車勞頓返到入屯門食晚餐，當然想搵間餐廳可以坐得耐，尤其 👦🏻 喜歡同朋友飲兩杯🍻就會揀去何福堂大排檔，最夜營業到凌晨兩點每次必點滷味拼盤、煎蠔餅、椒鹽鮮魷拼九肚魚同 👦🏻 最愛嘅豉油王炒麵，當然仲有不少好食小菜！所以小菜都係即叫即做，即叫即炸 🤤 又大份！新金榮係屯門老鋪，水準一直都keep到，最緊要開得夜又有酒水供應😏𝖳𝖺𝗌𝗍𝖾 ♥︎♥︎♥︎♥︎♡𝖲𝖾𝗋𝗏𝗂𝖼𝖾 ♥︎♥︎♥︎♥︎♡𝖣𝖾𝖼𝗈𝗋 ♥︎♥︎♥︎♡♡𝖧𝗒𝗀𝗂𝖾𝗇 ♥︎♥︎♥︎♡♡𝖢 / 𝖯 ♥︎♥︎♥︎♥︎♡…查看更多

蠔仔肉碎粥（大）$108成個蠔仔粥整體嚟講都幾好食同好夠味，用料都唔孤寒，有好多蠔仔同配料，成碗粥都夠四個大人分。唯一遺憾係個粥底唔夠綿，飯係一粒粒似湯飯多啲。蜜汁薯仔牛仔粒 $98另一款我覺得唔錯嘅小菜，味道甜甜地有少少黑椒味，牛仔粒同薯仔煮到個外皮有少少脆，口感一流。可惜成碟感覺份量唔夠，配菜類太多，肉類較少。潮州煎蠔餅（大）$108蠔餅畀想像中大份，亦都煎到十分之脆。每塊蠔餅都落足料，鍾意食蠔嘅人應該會好滿足。建議如果要食就嗌小份，大份太多慢慢食落就會覺得好滯， 而且放太耐未食就會開始慢慢出油同變淋影響口感。德國脆皮咸豬手 $148呢碟需要較長嘅時間烹煮，表皮都整到十分之脆， 咸道適中，肉質就偏柴少少，唔夠肉汁。沙拉骨$88一般餐廳水準，係煮好嘅肉排上面淋上沙拉醬，主要食沙拉醬味道。…查看更多

同朋友經常提起打冷，都話要嚟新金榮，講咗成年，終於嚟啦！薪金榮必食黃金三寶是基本吧，每次叫黃金三寶，最終食吓食吓都會發現係五寶，應該係因為廚房一次過整第二樣必叫嘅係蠔仔粥，一大碗三個人食啱啱好，好多蠔仔。薑蔥蠔煲同粉絲雜菜煲都唔錯，當然最後仲有我最愛嘅豉椒鵝腸，啲鵝腸多到食極都食唔完，好抵。朋友喺超市買咗盒三文魚，打冷配三文魚，我都係第一次，但夥計叔叔好好，冇話我哋帶盒三文魚嚟食，反而仲笑我哋配搭奇怪。睇到呢篇食評，去新金榮，千祈唔好叫三文魚啊…查看更多