新豐記魚蛋牛什大王

灣仔莊士敦道，向來都係好多的士車行喺度交更，如果兩點零三點，放低部車新豐記絕對係好選擇，牛腩飯，雲吞麵，應有盡有，佢個牛腩特別想講，因為我覺得好入味，同埋炆得好淋，去一間粉麵茶餐廳食飯雖然好似怪咗少少，但係我確實好鍾意食，小食亦都可以，試過有一次食雲吞麵加脆炸魚皮，好正，魚皮就算去到夜晚都好脆，脆有脆食，點湯有點湯既香，油菜選擇都多，蠔油生菜，腐乳通菜，呢啲唔使講，大路嘢，不過不失，夜媽媽，想食宵夜，又或者的士交更後，絕對係一個好選擇…查看更多

今日放工 朋友突然嗌食晚飯就去咗附近一間 粉麵茶餐廳. 呢間餐廳平時係 日頭去幫襯估唔到夜晚都咁旺場.招牌牛坑腩麵$49做得非常出色 牛坑腩肥瘦均勻 ，非常非常有牛肉味好香甜。五香牛雜$42最鍾意食就係佢個金錢肚，唔會太硬 亦唔會好腍。淨魚皮餃$42 不錯的,正常水準炸魚皮$26呢個非常之驚喜 ，炸得好脆口非常之薄身，完全沒有油膩的感覺， 走時候仲買多包返屋企。##麵餐飲品加13蚊…查看更多

食碗牛什啫，員工成日在附近吹水，可怕是噴口水，另一位阿姐就狂咳，但又鍾意講野。。。唉，d人又無禮貌，方便自己收隔離碗，抹桌也要你唔好飲住俾佢抹埋你個位。。。what a service....怪不得hk is falling....…查看更多

下午 比較得閒 ，搭地鐵去咗灣仔 逛街 。見到 有一間 新豐記 ，是一間傳統的 粉麵餐廳 。看一看招牌 ，價錢不是太貴 ，便入去餐廳 。叫了一碗 五香 牛雜米， 埋單都是40元。 牛雜有很多類型 ，味道都唔錯。…查看更多

夥計不知所謂！衛生極之差！呢頭攞完碗嘢食俾你，之後佢不斷用手喺食客面前搲屎X！我哋一路食嘢一路已經當睇唔到，嗰位阿叔仲要特登喺你面前勾到你見到為止！等你出聲話佢，佢仲唔認！之後仲施施然走開！未去過間餐廳咁黐線！之後另一個着到成身污糟邋遢，唔知係咩身份嘅阿叔，都唔知佢係咪員工，跟住行過我哋側邊放飛劍口吐東西落地下！！！以前幫襯過，平時個個夥計無論男女已經大大聲粗口橫飛！跟住都算！今日食多次，發覺呢間嘢啲員工越嚟越黐線！大家千祈唔好去，極之污糟！！！…查看更多

喺地鐵站出嚟，返公司順路買個早餐。叫咗個五香肉丁麵，配火腿炒蛋， 加多杯熱鴛鴦。外賣加一蚊，承惠37蚊，價錢合理。個麵冇分湯， 好彩公司距離唔遠，食嗰陣啲麵仲係爽口未淋。 五香肉丁幾多下， 粗略數過都有七至八粒。 炒蛋同火腿都係直接浸住咗個麵度， 但整體味道都唔錯。…查看更多

今朝外勤工作去到灣仔，不熟悉呢頭有咩食，就隨便找間餐廳食早餐，叫咗個葡汁鮮茄牛腩粒通粉和波蘿油，個通粉好酸，早餐不應該叫蕃茄湯底，因為太酸了，牛腩也不太新鮮。波蘿油雖然很邪惡，但幾好味。店里沒有了波蘿，職員即刻去買返來。…查看更多

未食過咁垃圾嘅粉麵！第一次食牛腩粉麵冇腩汁！啲牛腩臭㗎！雲吞臭㗎！米粉碎嫁！三文治有雞蛋殼！隻杯有洗潔精味！$60俾啲咁嘅嘢人食！我洗鬼識佢呀！態度又差！咩玩法呀！ …查看更多

同朋友去灣仔嗰頭食野，晚上11點嘅灣仔冇乜選擇，見到有間仲係營業緊嘅就走咗入去食。小弟叫咗個清湯牛腩飯，同行有人因為深夜費事食咁多所以叫咗兩個麵。牛腩入口即融，令人喜出望外，配上湯汁送飯一流友人表示所選擇的麵質素也不錯，唯用餐環境及員工態度一般餐廳名稱：新豐記魚蛋牛什大王餐廳地址：灣仔莊士敦道149號地鋪#新豐記魚蛋牛什大王 #晚餐 #高性價比抵食之選#安東尼日記 #安東尼美食日記 #美食博客#香港 #香港美食 #香港美食之旅 #香港好去處 #港島 #港島美食 #港島美食之旅 #港島好去處#灣仔 #灣仔美食 #灣仔美食之旅 #灣仔好去處…查看更多

🎈餐牌午餐日日不同，每日亦有多款選擇，價錢十分合理，包湯及飲品。.🎈食物評分👇原條鰻魚拼和風牛肉飯 $64⭐️⭐️⭐️💫 3.5分午餐包湯及飲品，看到有原條鰻魚，還有和風牛肉，聽落像很吸引，心想，要好好對自己，於是便叫了。鰻魚的確原條，鰻魚醬汁的味道算一般，和風牛肉則有點頗韌和難咬開的感覺，其實是很大塊，啖啖肉，可是太韌咬不開，硬著頭皮要全大件放入口，我會寧願叫別的。當然$64全個餐又包湯又包飲品，又原條鰻魚，又和風牛肉，已算抵的了，一分錢一分貨也算合理了。…查看更多

我和同事收工經過，諗住食返個牛腩麵暖下肚，人多係同人搭枱，少事一則，無傷大雅。但吾好彩的是對面男人係甘咳吾停，我哋見未落order而剛剛旁邊即刻有兩張吉枱就要求轉枱和細聲禮貌地講明原委，點知俾一個地中海既夥計好惡好大聲話安排左我哋坐就坐啦…轉乜鬼枱出黎食野係甘啦。。。當埸我哋即刻呆左。。。大佬！宜家每日新冠確診差不多1萬人啊😵吾講服務態度。。。佢有冇同理心ka😡跟住我和同事嬲嬲地對望一下好有默契頭也不回就離開了。有呢d夥計加埋衛生欠佳既環境，我說服吾到我下次會再黎幫襯😡…查看更多

新豐記魚蛋牛什粉麵餐廳夜晚9點幾係灣仔搵野食，地鐵站一出黎2至3分鐘就到，仲要開24小時添，食物種類選擇多，有飯有麵有小炒我同老婆叫左牛腩麵$40同雲吞面$40，麵有少少鹼水味，湯底正常，食到後尾加左少少辣椒醬先遮到鹼水味，佢個辣椒醬都幾香牛腩就有d“鞋”, 未至於咬唔到雲吞麵$40,雲吞就皮薄爽口彈牙加左個腐乳通菜$10，d菜睇落有d老，腐乳咸左少少想加個凍飲但要成$13，真係加唔落手有投訴既係成日有d蚊之仔飛黎飛去真係好煩地點方便仲要開24小時，而且價錢相宜，唔使驚冇野食啦灣仔莊士敦道149號…查看更多

08/04/2023（六）1110時好耐無食廣東粉麵，想食雲吞係朋友介紹下入咗呢間餐廳，叫咗雲吞牛肚米。雙拼麵得2粒雲吞，真係第一次見，點知擺落口，個雲吞竟然「叔」咗，真係眼反。做粉麵餐廳連個雲吞都做成咁，無言。好在牛肚叫正常，份量多。順帶一提係服務態度，啲侍應好似叫狗咁叫你，其中有個客嗌魚蛋乜乜，但原來冇魚蛋，個侍應通知返佢，但係猛喺度叫冇魚蛋冇魚蛋，個客又戴咗earphone，聽唔到你講嘢你又唔行埋去，淨係識得叫。…查看更多

我只係想食一份正常牛河炒Q到濕唔似濕乾唔似幹D所謂肥牛咬唔入個芡用潲水整嘎？係咪有人冒認你地招牌頂係你地自己想拆招牌個炸雲吞炸到完全只有油憶味真係太餓隔硬食反胃 嘔曬出黎 條俐仲要辛苦到痴線！我好少寫評，就係知道大家生意難做但係你D嘢食到我嘔！炒牛河當你濕炒，你加咩落去？粉似蒸煮唔似炒，個芡好似人地食剩撈埋灣仔黎噶！你做連鎖噶！你個炸雲吞油炸到得油味我個口啷到俐甩啦成個口腔仲係嗱著噶！你做唔到宵夜控制唔好品質你唔好做啦！賣下急凍魚蛋就算啦仲咩要炒炸D垃圾出黎吹毀人地有限的歡樂期待！…查看更多

去完動植物公園，本來想帶家人去幸屋，可惜原來初五先啟市，所以就沿路找找看，經過這間，媽咪話不如就吃這間，就入內.初時以為只有粉麵，原來什麼都有，我們就叫餸吃飯.一來就先給例湯，西洋菜湯好大碗，都足料，不過媽咪話飲完有d口渴鹹魚蒸肉餅，三杯雞，梅菜蒸鯇魚由於試過吃魚頭經驗，所以落單講明唔要魚頭😂蒸肉餅ok, 唔多肥肉.三杯雞惹味.蒸魚肉滑熟度剛好.每一樣都非常多，我記得埋單好似唔使$200.…查看更多