新記冰室

今（23-8-2025 Sat）朝同老公落荃湾买嘢前食个早餐，去边喥食，嚟好耐冇嚟嘅新记啦，我哋嚟到见佢闩咗门，系咪未开门呢？我装吓，唔似有人，但门口挂住营业中嘅牌，我再装吓，见到有客人喺里面，于是趟开道门入去。坐喺喥嘅女店员即招呼我哋随便坐，我哋坐卡位，睇埋menu，见到$53.00嘅自选套餐，有要加$5.00嘅招牌猪颈肉，我食过未呢？唔理喇，都要呢个啦，然后要通粉，烟鸭胸，忌廉鸡汤，饮热柠水。老公要$37.00嘅精选早餐B,,沙爹牛肉面，火腿，太阳蛋牛油多士，都系要热柠水。热柠水即到系正常，我最后至饮，柠檬系有少少涩。2.8分老公嘅嘢食陆续到齐，我试佢沙爹牛肉，好松软，味道好够，沙爹汤都浓，好味。5分我嘅招牌猪颈肉烟鸭胸忌廉鸡汤通粉到嚟，睇见招牌猪颈肉都几多，食吓先，味道几浓，口感爽但唔系脆，侧边有啲唔太讨好嘅脂肪；烟鸭胸有3片，呢个带点甜，Ok嘅；通粉同汤都正常冇问题。4分原来我哋真系有食过佢嘅招牌猪颈肉（食评系2022年11月2日提交嘅呢篇：https://www.openrice.com/zh/hongkong/review/yeah-%E9%A3%9F%E5%BE%97%E8%88%92%E6%9C%8D-e4600028上次食评系2024年8月3日提交嘅呢篇：https://www.openrice.com/zh/hongkong/review/yeah-%E7%94%9C%E5%92%97%E5%95%B2-e5602349），而且都同样有食烟鸭胸。环境：今次冷气开得唔多够，坐正出风口，连最后至饮嘅热柠水都冇冻到，一饮就成头汗。2.5分抵食系2.7分…查看更多

1. 一位年青男员工挂住玩电话, 完全唔理客人需求2.谂住落order叫餐,举左两次手,见到,扮见唔到3.送餐上嚟, 一只手睇住电话, 一只手送餐, 争啲跌落地4.讲嘢态度,极唔耐烦,好似欠咗佢5.讲真,嘢食系唔差嘅,系人嘅服务态度同语气问题6.咁嘅服务态度,啲嘢几好味都好,都唔会再帮衬…查看更多

唔系间间茶记有芝士捞丁，就试左个猪颈肉煎蛋芝士捞丁！呢间中午都坐满，野食都系等一阵就有。视觉上都已经feel到碗面热量爆灯，食落去更加觉得呢碗好邪恶，偶然放纵自己可以食下 猪颈肉煎得香口，外层微焦，每块都大块，油脂分布平均。每块都切得啱啱好，唔会太厚太薄，啖啖肉味。煎蛋系半熟款，蛋黄流心，捞埋面一齐食真系一绝。蛋香同芝士味融合得好靓，令整碟面多咗啲滑溜感。芝士酱黏住一丁，味道浓郁，好满足，整体上会适合钟意食得重口味嘅人。 …查看更多

一入门口见到3位职员喺度倾偈…我地微笑举手示意两位，职员黑口黑面…咁就自己揾位坐低啦…..想点餐时又礼貌举手…..黄头发个女人唔知系咪老板娘？翘住双手….黑口黑面….劲串咁讲 食咩呀 讲呀 ……. 😂😂😂其实我地就系决定要食咩先示意要点餐，唔使咁串嘅！点完餐3位职员继续超级大声倾…..大笑…..超吵…唔系讲笑，真系好大声，好似个餐厅得佢哋3个咁，其实人地食嘢都想清净下，唔系个个人都想听你地拍拖又俾人飞嘅事……..😂又讲其他人嘅是非…….真系好吵…..倾偈嘅时候识笑…🙂‍↕️见到客人即刻变黑面….香港茶餐厅咁多…真系未遇过一间态度咁差嘅！食物OK 唔难食，无好食到要人非食不可嘅地步，就改下个服务态度啦！唔会再帮衬！…查看更多

一开始嗌咗芝士捞公仔面，芝士味超浓好食(^з^)-☆仲嗌咗个茄汁烟肉公司炒通粉，好足料，蕃茄味都好浓。嘢饮就配咗冻柠茶同埋华田，柠檬茶茶味好浓，华田有好浓嘅奶味同埋朱古力味（华田没有加奶及加浓）侍应态度一般，环境好似旧式茶餐厅，仲见到面包电视同埋旧款电话(´▽｀)…查看更多