新記冰室

今（23-8-2025 Sat）朝同老公落荃灣買嘢前食個早餐，去邊喥食，嚟好耐冇嚟嘅新記啦，我哋嚟到見佢閂咗門，係咪未開門呢？我裝吓，唔似有人，但門口掛住營業中嘅牌，我再裝吓，見到有客人喺裏面，於是趟開道門入去。坐喺喥嘅女店員即招呼我哋隨便坐，我哋坐卡位，睇埋menu，見到$53.00嘅自選套餐，有要加$5.00嘅招牌豬頸肉，我食過未呢？唔理喇，都要呢個啦，然後要通粉，煙鴨胸，忌廉雞湯，飲熱檸水。老公要$37.00嘅精選早餐B,,沙爹牛肉麵，火腿，太陽蛋牛油多士，都係要熱檸水。熱檸水即到係正常，我最後至飲，檸檬係有少少澀。2.8分老公嘅嘢食陸續到齊，我試佢沙爹牛肉，好鬆軟，味道好夠，沙爹湯都濃，好味。5分我嘅招牌豬頸肉煙鴨胸忌廉雞湯通粉到嚟，睇見招牌豬頸肉都幾多，食吓先，味道幾濃，口感爽但唔係脆，側邊有啲唔太討好嘅脂肪；煙鴨胸有3片，呢個帶點甜，Ok嘅；通粉同湯都正常冇問題。4分原來我哋真係有食過佢嘅招牌豬頸肉（食評係2022年11月2日提交嘅呢篇：https://www.openrice.com/zh/hongkong/review/yeah-%E9%A3%9F%E5%BE%97%E8%88%92%E6%9C%8D-e4600028上次食評係2024年8月3日提交嘅呢篇：https://www.openrice.com/zh/hongkong/review/yeah-%E7%94%9C%E5%92%97%E5%95%B2-e5602349），而且都同樣有食煙鴨胸。環境：今次冷氣開得唔多夠，坐正出風口，連最後至飲嘅熱檸水都冇凍到，一飲就成頭汗。2.5分抵食係2.7分…查看更多

唔係間間茶記有芝士撈丁，就試左個豬頸肉煎蛋芝士撈丁！呢間中午都坐滿，野食都係等一陣就有。視覺上都已經feel到碗麵熱量爆燈，食落去更加覺得呢碗好邪惡，偶然放縱自己可以食下 豬頸肉煎得香口，外層微焦，每塊都大塊，油脂分佈平均。每塊都切得啱啱好，唔會太厚太薄，啖啖肉味。煎蛋係半熟款，蛋黃流心，撈埋麵一齊食真係一絕。蛋香同芝士味融合得好靚，令整碟麵多咗啲滑溜感。芝士醬黏住一丁，味道濃郁，好滿足，整體上會適合鍾意食得重口味嘅人。 …查看更多

一入門口見到3位職員喺度傾偈…我地微笑舉手示意兩位，職員黑口黑面…咁就自己搵位坐低啦…..想點餐時又禮貌舉手…..黃頭髮個女人唔知係咪老闆娘？翹住雙手….黑口黑面….勁串咁講 食咩呀 講呀 ……. 😂😂😂其實我地就係決定要食咩先示意要點餐，唔使咁串嘅！點完餐3位職員繼續超級大聲傾…..大笑…..超吵…唔係講笑，真係好大聲，好似個餐廳得佢哋3個咁，其實人地食嘢都想清淨下，唔係個個人都想聽你地拍拖又俾人飛嘅事……..😂又講其他人嘅是非…….真係好吵…..傾偈嘅時候識笑…🙂‍↕️見到客人即刻變黑面….香港茶餐廳咁多…真係未遇過一間態度咁差嘅！食物OK 唔難食，無好食到要人非食不可嘅地步，就改下個服務態度啦！唔會再幫襯！…查看更多

一開始嗌咗芝士撈公仔麵，芝士味超濃好食(^з^)-☆仲嗌咗個茄汁煙肉公司炒通粉，好足料，蕃茄味都好濃。嘢飲就配咗凍檸茶同埋華田，檸檬茶茶味好濃，華田有好濃嘅奶味同埋朱古力味（華田沒有加奶及加濃）侍應態度一般，環境好似舊式茶餐廳，仲見到麵包電視同埋舊款電話(´▽｀)…查看更多

時間日子如圖，熟客堂食開噶啦，今日家人買外賣明明係套餐送熱飲，店主側側膀唔多覺完全唔問飲咩，默認唔跟飲品。你唔問熱飲做乜唔收散買價錢？稍後致電去查詢點解唔跟熱飲，話平時買套餐客人無要求跟熱飲話套餐就唔跟，但又收套餐錢窩，究竟係商家唔老實定係忙中有錯就大家自己評論了。Anyway商家話下次可以過來飲返窩，不過無話憑證用乜嘢證明，聽住先了。作為一個熟客食開，就住呢件事真心失望。呢個嚴重牽涉誠信問題，絕對唔係溝通問題咁簡單，一杯熱飲就睇到好多嘢。下次唔問人飲乜就直接收散叫錢。外賣單上明顯用套餐價錢加左個12蚊既生菜，所以商家係明顯知道呢個係套餐來，對於平時買既人咪次次比你skip杯飲品？宜家唔係客人要求唔需要飲品，而係商家無主動去問去提供而又收一個套餐價錢，背後動機就不得而知了，留比大眾去評論。PS 落單交接比外賣既係男仔，聽電話係平時係度阿嬸…查看更多

以前係尖沙咀食過，野食好味服務又ok~ 今次係荃灣呢間食真係…… 首先一入到去已經黑口黑面，噤我就隨便搵個位坐啦，比較年長個位女侍應都幾冇禮貌，叫佢落單都唔行埋黎，企係原位問食乜呀？！我講完佢又聽唔清楚，最後終於肯行埋黎，未講埋飲咩佢又開始行開，行開完又聽唔清楚…🙂 本身去之前已經睇到有啲食評話態度差，估唔到可以親身體驗到😂 芝士麵雖然冇以前噤好食但都唔差～豬頸肉好食，奶茶好飲～ 唔介意服務態度既可以試下…查看更多

We found this cha chaan teng restaurant on the way. We ordered stay beef macaroni only to find out that this place is actually famous for their cheese cream instant noodle. The neighbour table ordered this and it looked tasty as well.The interior tries to catch the retro cha chaan teng restaurants vibe with the neon logo and the old b/w tv. It‘s okay, but maybe a bit too hard trying.The stay beef macaroni was good. I added chili sauce to round up the taste. The meal was accompanied by cold lemon tea an cold Yuen yang served in stainless steel mugs. Both taste were strong.…查看更多

評論話員工態度差，食物唔好食。唔知啲人係咪用酒店既準則，去食茶餐廳，我就覺得員工態度無問題。野食好味！下次會再食！*特別見到牆上有警告紙 叫人不准在店內大小便*-明就明…查看更多

之前係度翻工，好中意過黎食lunch。平時食開常餐，今次就試下呢個川椒牛肉煎蛋飯。川椒牛肉好入味呀，唔會好辣，牛肉好嫩滑，伴碟仲有d 雜菜，煎蛋又係流心蛋😆送飯一流呀！…查看更多

今日泊左架車係路德圍，經過見到裝修懷舊諗住試一試。叫左個沙嗲牛肉麵同五香肉丁米粉，d肉一pat野，個沙嗲完全只係得生抽既味。杯熱奶茶好似1:99稀釋完杯，唔知想點。無下次真係…查看更多

好無禮貌，想黎試下，我排緊隊等位，等等下都係唔想等，買外賣，我入去問佢，我話買外賣，佢態度勁差叫我去排隊，出面啲人都排緊隊我都知，但人哋係堂食。。新記班員工係咪未訓醒？唔好怪啲人北上消費，自己態度咁就算啲野幾好食都唔會有人再去，比錢你做生意原來係要受氣！唔好講咩藉口好忙就態度唔好呢啲笑話，我係消費者，係咪一定要受你地啲氣，無消費者買野你地點生存？公道講啲野食係唔差，但係都係果句客人唔係比你地咁樣對待，唔該搞好啲態度！…查看更多

今晚同媽咪係荃新天地睇完戲，見想食既餐廳都收左鋪啦🙂‍↕️咪唯有由荃新天地2期行返去路德圍搵餐廳食飯媽咪見到呢間冰室想試咪陪佢食囉我記得好耐之前黎係一d大約30歲既男侍廳為主果陣時仲因為某個YouTuber推介所以去試，第一次食真係幾好食架當時亦冇咩冰室係香港呢間都可算係符合香港人口味😃點知………過左幾年姐，侍應變曬人變曬幾個當餐廳係遊樂場既後生仔女去做…….食物亦隨即變差…………..咸到爆炸…………………….同當年已經冇得比真可惜！呢樣都唔緊要當填肚算！比錢既時候，個女仔一眼都冇望過我比佢既錢剩係掛住望住前面同佢講野既呀叔！唔知以為佢中意左個大叔好耐tim🫢唔怪之得d食物都咁重口味🙂‍↔️…查看更多

新記芝士麵，呢一間係我那些年的回憶及味道。那些年果陣時「新記」係灣仔起家，當時我最鍾意食他們的豬頸肉芝士麵。今時今日佢地開到黎荃灣，當然要一試啦！今次一行4 人，係食宵夜，叫左豬頸肉煎蛋撈麵、西多士，紅豆冰及奶茶紅豆冰。味道依舊，仍然有那些年的味道。值得讃👍…查看更多

次次食完新記 之後嗰幾日都要限制自己飲食😂豬頸肉煎蛋芝士撈丁 $62🧀超濃超多嘅芝士豬頸肉煎得香 唔會太難咬開🐖一篤爆個蛋黃撈埋芝士同出前一丁超邪惡 常餐B 沙嗲牛肉通粉 配 炒蛋腸仔多士 $50🐄沙嗲唔係好多 沙嗲牛肉中規中矩所以夾埋通粉食就沙嗲味唔係好出炒蛋都炒得靚 腸仔同多士都係正常 🥚炸薯條 $30 🍟幼身嘅薯條 同出面茶餐廳嘅炸薯條好大分別有黑松露醬 似沙律醬同黑松露撈埋一齊鮮油奶多 $22🧈一大嚿牛油夾住塊啱啱烘好嘅多士牛油偏凍 少少溶溶地 咬落去係成嚿牛油裏面仲要有煉奶 超邪惡🍞但係好好食 …查看更多

有一日入去食早餐都覺得唔妥,冇咩人。之後叫咗沙嗲牛肉麵。沙嗲牛肉麵底冇問題,但係沙嗲汁非常少,牛肉唔係嫩滑嗰種係嚡熠熠。服務態度不好,黑口黑面嘅女待應，問你食啲乜嘢,落單冇表情。我見唔到佢門口寫住只收現金，但係呢間餐廳唔收支付寶,唔收八達通。佢夠膽唔收兩個五毫子，話俾你聽個態度亦都串。我得一張$500大紙,咁問佢收唔收？最後佢竟然收，咁我就就咁算！ 我記得好耐之前已經食過佢一次所謂招牌嘅芝士撈麵,根本真係唔好食,得個鹹字,又普通完全冇咩技術可言。…查看更多