新菜園餐廳

新菜園餐廳

(已結業)
San Choi Yuen Restaurant
新菜園餐廳 (已結業)
9
3
5
196
kenneth12299557
災難性嘅體驗
kenneth12299557
等级2
2022-05-06
519 浏览
关注
絕不建議黎呢度食飯我知道今日比較多人但係我無可能接受呢種服務 呢種態話說我下晝一點九個字坐低嗌野食好 落左單 咁等野食啦得左三個字 終於黎到杯例湯但係 碗例湯唔講以為係雪櫃拎出黎個語氣仲要差到好似係我錯咁 對唔住都無聲再等多兩個字 終於有野食但係 唔係我地的等多陣 好野終於有岩既野飲啦但基於已經等左成半個鐘 我都無晒胃口食咁我同佢講啦 呢兩杯 我畀返正價你野食我就唔食啦 因為等得太耐佢講左句:無得咁架wo 一係你唔食畀錢 一係你等多陣 等得耐就梗架啦我都唔想同呢d人理論 直接畀錢走人算我都好少咁嬲 唔係黎長洲做野我都好少會係長洲食埋野先走希望咁多位旅客 可以注意下呢間餐廳條友應該係老闆/主管之類黎 好多時會坐收銀位的查看更多
以上食记乃用户个人意见 , 并不代表OpenRice之观点。
赞好
分享
检举
评分
1
味道
4
环境
1
服务
4
卫生
1
抵食
乞丐食客
長洲馳名偷雞收多錢餐廳
乞丐食客
等级2
2022-02-27
317 浏览
关注
呢間餐廳老闆經常故意有心收多錢,喺長洲個名已經臭到飛起。請各位所有遊客香港人入長洲玩時注意!多謝各位留意。啲嘢係好食,份量唔錯,環境亦幾好,望住殯儀館打齋食嘢真係別有風味。特別留意:呢個老闆唔係收多你幾蚊,而係收多你幾十蚊甚至五六十蚊。表面笑騎騎好有禮貌,其實係奸到飛起,非常無良!樓面阿姐亦係非常特別,落單問完你食乜,三秒記憶唔記得,樓面亦係會收多錢!本人經已喺長洲住咗30年,好多街坊朋友亦係曾經慘遭毒手。懇請各位留意。避免墮入陷阱圈套。成為賊人嘅目標。查看更多
以上食记乃用户个人意见 , 并不代表OpenRice之观点。
1
分享
检举
係咪白白淨老牛聲果個男人...
2022-04-05
回应
评分
--
味道
2
环境
1
服务
3
卫生
--
抵食
Eric19790708
可惜沒有鮮桃賓治
Eric19790708
等级4
2021-03-07
599 浏览
关注
「年初二」我跟阿媽、妹、外甥女眾人,前往「長洲」旅遊,到享用午飯的時間,阿媽決定選擇光顧「長洲」裡面,主打港式茶餐廳食品以及中式小菜食品餐廳「新菜園餐廳」。阿媽雖然已經在「新菜園餐廳」的侍應面前,點了很多碟中式小菜食品,奈何「新菜園餐廳」餐牌眾多中式小菜食品裡面,偏偏就是沒有「牛腩」。結果「新菜園餐廳」的餐牌實際內容,迫使我需要另外為自己點一客,給自己一個人享用的碟頭飯食品,阿媽最後也沒有反對我個人的決定,由得我自己決定自己午飯內容。最後我在「新菜園餐廳」的主餐牌裡面研究一會兒之後,終於選擇了享用價錢不算便宜,價錢需要賣足足港幣七十元一碟的「咖喱牛腩飯」。至於「新菜園餐廳」裡面的飲品方面,我發現「新菜園餐廳」餐牌裡面顯示供食客選擇的飲品,到最後還是未必能夠隨便選擇享用到,例如「新菜園餐廳」裡面的「鮮桃賓治」飲品,餐廳的人就說無法提供。最後我只能夠退而求其次,改為選擇享用「新菜園餐廳」實際甜味味道感覺,和紅茶實際濃厚程度都只屬於一般的「凍奶茶」飲品就算數。至於阿媽自己選擇的「新菜園餐廳」小菜食品裡面,我只是選擇了享用小菜裡面的「啫啫滑雞煲」食品,其餘小菜食品還是留給其他人慢慢享用。「新菜園餐廳」小菜食品「啫啫滑雞煲」裡面的「雞肉」,「雞肉」沒有連着很大的骨頭,雞肉實際口感感覺很熱很腍,看來「啫啫滑雞煲」所使用的煲,傳熱的實際能力也不能小覷。至於「啫啫滑雞煲」裡面的「雞肉」實際味道裡面,夾雜有少許鹹味和香味,「雞肉」的實際香味感覺,主要來自於「啫啫滑雞煲」配料例如「薑蔥」和「蒜頭」裡面。至於我的「咖喱牛腩飯」,「咖喱汁」的實際辣味感覺雖然很強,但是這樣不等於「咖喱汁」實際質地感覺會偏向比較稠密,相反地,「咖喱汁」實際質地十分之稀,我感覺像享用「咖喱湯」多過「咖喱汁」。也正正因為「咖喱牛腩飯」裡面的「咖喱汁」實際製成品質地感覺太過稀的關係,所以辣味「咖喱汁」實際份量比我預期增加不少,「咖喱汁」實際份量多到我食完「咖喱牛腩飯」時,仍然剩下很多「咖喱汁」。至於「咖喱牛腩飯」裡面的「牛腩」實際製成品體積,我覺得只是一般而已,沒有很大塊牛腩肉,最重要的是沒有任何「牛筋」跟隨在旁邊。至於「咖喱牛腩飯」的實際口感感覺方面,「牛腩」雖然沒有連着「牛筋」,但是勉強都算是能夠啖啖都食到豐盛肥美的「牛肉」和肥美脂肪口感。至於「涼瓜炆魚」方面,我一向都不喜歡「涼瓜」裡面的苦味,所以「炆魚」外層香脆,內部口感軟腍,而且骨頭不算很多,偏偏就是被苦味「涼瓜」,令「炆魚」實際鹹味味道夾雜了少許苦味。至於「椒鹽鮮魷」的實際味道,因為「椒鹽」實際鹹味和辣味味道偏向濃厚的關係,所以亦間接令外層口感彈牙的「鮮魷」味道變得有點辣。最後我的「新菜園餐廳」午餐「蔬菜」部分食品,靠一客味道相對比較清淡的「金銀蛋菜苗」補救。食完午飯,結賬後我們繼續在「長洲」裡面閒逛。查看更多
+ 6
以上食记乃用户个人意见 , 并不代表OpenRice之观点。
3
分享
检举
评分
3
味道
4
环境
4
服务
3
卫生
3
抵食
雲尼施達恒
長洲本土小店,好味抵食
雲尼施達恒
等级4
2019-11-27
963 浏览
关注
雖然我住深水埗,但係其實我係長洲本土居民,間唔中會返去探下屋企人,新菜園係我屋企咁多年嚟嘅飯堂,無非都係食啲簡單餸,大碟抵食,每次去到都似返咗屋企咁,呢啲本土飯堂好處就係你鍾意叫佢走味精又得,鹹啲,甜啲,冇加一,又唔會斤斤計較,老細冇乜所謂,平易近人坐低之後老細就整個例湯大家飲下今晚係飲佛掌瓜生炒排骨是我老豆最鍾意嘅,必點呢個煎蠔餅係我一個姨甥女叫嘅唔係台灣嗰隻,簡單啲嚟講我會話係蠔仔煎蛋,又係好大件蠔都好大粒新鮮,長洲呢啲海鮮最正椒鹽鮮魷又係必點嘅,大碟抵食呢碟炒涼瓜係我點嘅,因為我好想食涼瓜呢個係乜嘢肉都冇嘅清炒涼瓜而我阿媽就叫涼瓜炆魚最終係張碟清炒涼瓜倒埋落碟炆魚度😂呢碟係我其中一個姨甥女食嘅肉醬飯三色蒸水蛋茄子魚鬆金銀蛋菠菜,因為嗰日冇莧菜呢一碟並唔係一個生炒骨呢個係素生炒骨嗰啲係齋嚟嘅,呢個好索汁總括而言我都係一啲性價比之王呢度完完全全啱曬我口味正宗中式餐廳食品我要求唔高大件夾抵食開開心心又一餐喺長洲嚟講我覺得算幾好味而有真係好抵食查看更多
+ 7
以上食记乃用户个人意见 , 并不代表OpenRice之观点。
1
分享
检举
评分
5
味道
4
环境
4
服务
4
卫生
5
抵食
siu4you
長洲四人前
siu4you
等级4
2019-07-12
552 浏览
关注
This restaurant is just next to my working place, and in terms of price it is not particularly cheap. Today to farewell one of my colleague, we ordered a set for four people. Deep-fried squid is tasty. There are some fried garlic on top. Typical one but tasty.Sweet and sour fish fillet are very tasty! They use seawater fish which is more firm and more flavourful than typical fishes! Recommended!Fried cowpea is very tasty and fried with black beans and chilli. A typical Sichuan dish.Roasted pork belly with Winter-melon and bean curds such a summer delight. Winter melon has a soothing effect and attenuates the roasty hint of roasted pork. One drawback is the winter melon is a bit too firm.Forgot to take some photo before our lunch. Here is the aftermath. 😂 查看更多
以上食记乃用户个人意见 , 并不代表OpenRice之观点。
1
分享
检举
评分
4
味道
4
环境
3
服务
3
卫生
3
抵食
黄的的
試下午餐
黄的的
等级3
2018-08-25
807 浏览
关注
早一晚呢度食海鲜,見有居民响度叫常餐,睇落佢件T骨扒ok喎,有印象平價食T骨扒嘅地方已經係執咗九世嘅農場餐廳。 呢度76蚊有個餐跟羅宋湯,所以午餐時間嚟試一試。 份T骨扒配黑椒汁掂喎,肉質ok唔un. 個汁都幾好食,薯條好香脆。 個羅宋湯夠熱好飲。 另外女友叫沙律,好似60幾蚊。 用料係舊式西餐廳嗰啲,火煺,卡夫芝士,蕃茄,青瓜,菜。大大碗,我只係試咗兩啖。無驚喜! 凍奶茶就唔算好飲,其實早一晚都試咗杯……另叫蒜蓉包,因為實在太好食查看更多
+ 2
以上食记乃用户个人意见 , 并不代表OpenRice之观点。
2
分享
检举
评分
4
味道
3
环境
5
服务
3
卫生
5
抵食
推介美食
T骨扒
蒜蓉包
相关食记
30日内同一位会员在同一间餐厅提交的食记
黄的的
買料加工,幾好食
黄的的
等级3
2018-08-25
222 浏览
关注
唔想再食嗰啲平價海鲜套餐,叫你入去一個樣,坐定又另一回事,而且食物質素好極有限,就算唔叫套餐都試過奶嘢,一間海乜王食到有火。 所以今次去街市買海鲜,好似叫新聯記,買咗龍蝦,三隻蚧,半斤蝦,四隻蚌,大约400蚊。 問海鲜呀姐揾邊間煮好,佢介紹新菜園,仲叫啲蚧要煮咖哩炒蚧配蒜蓉包去到新菜園老闆問完想點煮,叫我同女友唔駛加嘢,因為話好夠食,頂盡加碟菜,咁就加碟菜啦,仲有一定叫蒜蓉包。 上菜好快,啲嘢好食,蒜蓉包配咖哩汁真係無得頂加工費+炒菜+蒜蓉包+3支大啤+1杯凍奶茶。。$48x下次會再嚟查看更多
+ 6
以上食记乃用户个人意见 , 并不代表OpenRice之观点。
3
分享
检举
评分
5
味道
3
环境
5
服务
3
卫生
5
抵食
推介美食
蒜蓉包
咖哩炒蚧
相关食记
30日内同一位会员在同一间餐厅提交的食记
billychan0512
長洲小店,一定比遊客區來得好!
billychan0512
等级3
2017-06-04
1K 浏览
关注
一行13人來食海鮮😎😎😍,🐟🦀🐙海鮮我地就自己買,拎黎加工,我是長洲本土人,完全不建議遊客吃海鮮套餐,海鮮海鮮,當然要食游水生猛🐟🦀🐙,自己去街市買才真的最好👍👍!豉油王煎海蝦😍😍😍,蝦肉好結實,豉油王做得味道啱啱好,開頭想白汋,老闆話會嘥咗隻蝦,不如試下豉油王,一試原來真係好好味👍👍👍薑蔥藍花蟹🦀我非常之喜歡食藍花蟹,因為本身味道非常清甜,而且中醫角度嚟講又唔濕。所以介紹畀香港嘅朋友,佢哋食過都好鍾意,壳薄容易食, 而薑蔥嘅份量非常多 ,因為我太喜歡吃蔥了😆😆😆呢個蒜蓉包🍞🍞🍞係新菜園嘅招牌,佢另一個招牌係羅宋湯🍲,不過今日食中餐我哋冇叫羅宋湯,老闆就送咗呢個蒜蓉包俾我地💖💖💖花尾躉炒球,肉質爽口,而份量也非常足夠!涼瓜炆花尾躉骨腩, 淨番啲骨就要嚟炆,一魚兩食一啲都冇浪費,而我最喜歡嘅又係啲配菜,即係涼瓜椒鹽鮑魚,真係第一次試本身諗住清蒸鮑魚仔,跟住海鮮檔老細話 你買呢隻鮑魚試下椒鹽,估唔到又啱味鮑魚肉一啲都唔柴!芝士焗帶子,芝士味好濃,反而食唔出帶子嘅鮮甜,而帶子肉有點過火,有少少美中不足豉椒炒聖子,聖子好鮮甜,豉椒味唔會過鹹,意料得到的好味蒜蓉粉絲蒸蚌仔,蚌仔肉鮮甜唯獨美中不足的是粉絲不夠分椒鹽鮮魷,呢個鮮魷唔係我買的,是這個餐廳提供,但鮮魷也非常新鮮爽脆炸得吹卜卜啱啱好焗豬扒飯,呢個係老闆誠意推介,咁我哋好想食飯,本來就想叫白飯,咁老闆推介到我哋一定要試,試咗之後豬扒肉好冧,飯都炒過好香,成都飯非常之滿足個個都爭住最後佢哋想食啲肉,咁買咗個泰式豬頸肉,蝦醬炒通菜,金銀蛋白菜仔,全餐都好滿足,食飯就係咁開開心心食乜都好食 個個朋友都食得好開心😍😍😍,因為佢哋之前食海鮮會去西貢鯉魚門我同佢講你黎長洲啦,又大件又抵食又新鮮佢哋試過之後已經急不及待話下次幾時再嚟食過 開心查看更多
+ 7
以上食记乃用户个人意见 , 并不代表OpenRice之观点。
2
分享
检举
评分
5
味道
3
环境
4
服务
4
卫生
5
抵食
推介美食
豉油王煎海蝦
薑蔥藍花蟹
必食馳名蒜蓉包
花尾躉炒球
涼瓜炆花尾躉骨腩
椒鹽鮮鮑
芝士焗帶子
豉椒炒聖子
蒜蓉粉絲蒸蚌仔
椒鹽鮮魷
焗豬扒飯
beebee2120
羊架煎得很香, 肉質也很嫩滑, 但黑椒汁咸了一點...*_ *~
beebee2120
等级4
2016-04-22
984 浏览
关注
羅宋湯: 這家餐廳的羅宋湯非常濃郁, 這濃郁的味道絕對是日積月累京煮成的... 但這家餐廳的碗碟也同樣經過日積月累的使用率, 所以很多都破裂了, 小心小心!!! 羊架意粉(黑椒汁): 羊架煎得很香, 肉質也很嫩滑, 但黑椒汁咸了一點...意粉煮得非常的"o林"...牛扒飯: 朋友吃, 不予置評!熱檸檬茶: 普通茶餐廳熱檸檬茶味道...查看更多
以上食记乃用户个人意见 , 并不代表OpenRice之观点。
赞好
分享
检举
评分
3
味道
3
环境
3
服务
3
卫生
3
抵食
w25330506bowling
菜式、份量及味道不錯,但有三個重點要改進 - 新菜園餐廳, 長洲
w25330506bowling
等级1
2013-08-07
661 浏览
关注
         新菜園餐廳的四餸一湯加白飯一碗的套餐,食物質數不差,有很多不同菜式供選擇,份量亦足夠,味道也頗好,而價餞亦合理。但有三個重點畧為美中不足,須要請注意及改善(1)  欠1碗例湯; (2) 欠2道小菜; (3) 數錯100元(1) 我們一行15人於12/7/2013(星期五)傍晚6時30分抵達位於長洲建新里1-2號的新菜園餐廳晚膳。我們落單叫了3份晚飯小菜套餐,每份套餐包括4餸、1湯及白飯,全部應有12道小菜及3碗例湯。但至大家開懷暢食至晚飯尾聲時,其中一位朋友發現枱上只有2碗例湯,於是向老闆查詢。老闆則說每碗湯己加大了,即等於3碗湯的份量,我們均覺得有點莫名其妙,為什麼上菜時不向我們表明呢?我們亦不打算追討,他可能覺得我們有點懷疑,於是立即執生說,我再上多1碗湯俾你們啦!(2) 我們再點算小菜是否到齊時,發現還有2道小菜未到 (分別是瑤柱扒西蘭花及雜菜煲),於是再向老闆查問,他竟然沒有check單及check廚房,開口便說已上齊菜啦。我們則重申真的未上齊菜及清楚說出菜名,這時,他知道不能再辯說,便說即時上這2道菜給我們(3) 到結賬時,大家早已計算餐牌上的價錢,計到總賬單數目是642元,我們並且向每位朋友續一收錢,所有找贖都在枱面上完成,並由一人負責點算及集齊共收到645元(最少點算了3次),接着亦由另外一人亦點算三次,共點算六次以上,故肯定645元無誤,便叫埋單,賬單果然跟我們預算一樣是642元。於是我們便收起3元,支付642元給老闆,但他並沒有在我們面前點算,便拿着642元到餐廳後方,那隱閉處,是我們看不到的地方,約5秒鐘後,那老闆便拿著我們剛付的錢說,我們少付了100元,我們便堅持沒有少付,真的給了642元,但他仍然言之鑿鑿地說少了100元,我們無奈地沒有再爭論,我便再多付100元,然後再搜查枱底,看看是不是跌了,但遍尋不獲,大家便離開。但大家在店外討論後,均覺得我們的確沒有少付一百元,及有一位朋友立即上「Open Rice」查閱這餐廳的食評,竟然給我們發現這餐廳問題多多,還有錯收及濫收錢的記錄,於是決定返回餐廳內與老闆理論和討回公道,初時他還堅持,說他入了那收銀房間後便立即出來向我們說少了一百元,在這短短時間內沒有拿起一百元,但當我們問他為什麽沒有在我們面前點算清楚便把錢取走,之後又從房間內行出來說我們少付錢,我們說這樣的行為,實令人懷疑疑,有點不誠實可靠,你話欠幾多都得喇!再加上我們在手機上打開那些強而有力的「Open Rice 食評」記錄,比他看看,這時候,並且有一位朋友用手機拍下我們雙方理論的短片,他在無所遁形下,態度即軟化,且立即從枎袋內取出一百元,還說當「豪給」我們,最後,終於我們取回一百元,事件平息,我們沒有報警追究,便離開這黑店查看更多
以上食记乃用户个人意见 , 并不代表OpenRice之观点。
赞好
分享
检举
评分
--
味道
--
环境
--
服务
--
卫生
--
抵食
LOVECOPY
真真正正既食到一肚火~
LOVECOPY
等级1
2012-05-28
562 浏览
关注
我地4 個大人2 個小朋友1 個BB 去食飯,一坐低我地叫左中式四人套餐$196,套餐包四個小菜( 1. 枝竹火腩炆魚 2. 京都牛仔骨 3. 紅燒豆腐 4. 0者0者雞煲 / 4個白飯 / 1 窩味精湯 ) 我地一家諗住叫住先唔夠食再叫野食,點知等到D野上枱,D小菜真係小到得人驚,見到都已經唔想再叫野食啦~( 1. 得4件枝竹4件超薄超細火腩炆魚骨 2.京都超多洋蔥牛仔骨碎上 3. 菜心塾低紅燒6件豆腐 4. 全部都係細細粒既0者0者雞煲<上枱時得1/4煲>見到真係咩野火都嚟呀~所我我地決定唔再加野食<重邊敢叫呀~>食完諗住比錢走啦~比張$500佢找,找返$302起初以為係我地自己睇錯啦~一出門口再睇真係$196,咁咪入去同佢攞返$2,點知幾個人圍住我亞媽係到講又依樣又果樣,講2分鐘先比返$2我地. 其實唔係因為$2既問題,係因為我地一家都覺得比人呃囉~查看更多
以上食记乃用户个人意见 , 并不代表OpenRice之观点。
赞好
分享
检举
评分
3
味道
3
环境
1
服务
3
卫生
1
抵食
顛的人
惡劣的服務態度
顛的人
2011-04-10
314 浏览
對不起,我們最後沒有決定在這餐廳用餐。去了三日兩夜的CAMP,今天下午出營後打算吃完午飯就走經過這餐廳見到有位,又有set lunch 就打算在此用餐我們入座了後決定點餐,老板才說今天是假期沒有set lunch原來有西餐餐牌和小菜餐牌的,還收走我們的西餐餐牌!!我們有人好心提點老板應收走set lunch 的板老板沒有立即叫伙記收走,而且當我們有人說放得個板係到就應該負責老板還回答說"娶個老婆返o黎都唔負責啦" 由於他的態度如此差,我們決定不在此餐廳用餐在我們還未離開餐廳之際,竟聽到老板說︰"班人都顛gei!" 我只可以說,就算你的餐廳唔憂做服務態度唔係咁個lor~ 我地唔介意你星期六日想賺多o的無set lunch但係你擺得出o黎要負責lor~咩叫娶o左老婆都唔使負責ar?好心提埋你仲要咁o既態度,真係不能夠忍受!好了,你咁唔負責任,咁我地坐低o左都可以走啦~你可以話我地是顛的,但係唔使俾我地聽到lor~我想…有時好唔好食都已經係其次,第一印象已經係咁好食又如何呢?查看更多
以上食记乃用户个人意见 , 并不代表OpenRice之观点。
赞好
分享
检举
(長洲新菜園餐廳)你所講果個老板係吾係白白淨 ok高 幾大隻 把聲有d... 果個男人= = 請問果日間餐廳忙吾忙.
2011-08-31
回应
评分
--
味道
--
环境
--
服务
--
卫生
--
抵食
betty420
貼錢買難受x2
betty420
等级1
2011-04-06
206 浏览
关注
今日諗住假期, 同屋企人開開心心去長洲一日遊, 週圍行下, 再食個Lunch, 就去左呢間咁既餐廳我地叫十個送 (含兩個炒粉麵), 一共等左一個半鐘, 最後都係仲有一碟未黎, 咁我地就問個伙記,如果未炒, 我地就唔要, 取消左佢, 佢答, 等等啦~~ (語氣好唔想理我地), 我地再等十分鐘, 就再問,佢又係答, 等等啦~~ (語氣又係唔想理我地), 我地就同佢講, 我地而家唔要呀, 取消左佢~~我地係見到廚房既師傅係到傾計, 如果好忙, 我地又有咩所謂~~跟住叫埋佢埋單, 我地一共兩枱, 一共25個人, 佢竟然收我地30個人既茶錢,每位$3, 我地就問佢, 邊到有咁多人, 佢話, 你地黎到我問你幾多人, 你地話15-16個人, 咁咪已經計少左羅~~ 去茶樓, 人地問你幾多人, 最後都會數人頭啦~~ 其實我覺得佢係諗你唔會睇單, 收多我地就話你數下我地有幾多人?? 佢就用粗口招呼我D~~ 我地一共食左千幾蚊, 但唔係錢既問題~~ 如果佢咁既服務態度, 簡直同導遊阿珍無分別我地就係貼錢買難受, 以後請我都唔會黎~~查看更多
以上食记乃用户个人意见 , 并不代表OpenRice之观点。
赞好
分享
检举
评分
--
味道
--
环境
--
服务
--
卫生
--
抵食
jeffreyng33
價廉物美的一餐
jeffreyng33
等级1
2010-06-28
124 浏览
关注
蟶子王的肉的確是爽甜有致,加上豉椒去同炒又加添了不少惹味之感。怪不得是此地另一省招牌之作......燒乳鴿…外皮夠脆也夠味道…當然不能與專吃乳鴿的老店相比…但也合格有餘……蒜蓉粉絲蒸扇貝…大大隻的新鮮扇貝…加上大量粉絲蒜蓉…帶子彈牙..另外不得不讚侍應服務唔錯, 佢地無論落單, 上菜, 加水等都幾周到, 又唔會煩住 d 客人..查看更多
以上食记乃用户个人意见 , 并不代表OpenRice之观点。
赞好
分享
检举
评分
5
味道
5
环境
5
服务
5
卫生
5
抵食
推介美食
豉汁炒蟶子王
Wolverine
貼錢買難受
Wolverine
等级3
2009-04-11
139 浏览
关注
不知所謂! 正一貼錢買難受!首先一點鐘到這家店, 問老板六位坐邊一句「咁多位自己唔識坐呀!」算!點好菜, 等了大半小時. 一碟菜都沒上過.第一次問老板, 望都沒望廚房, 隨口答一句「整緊」(之後看到數檯明明比自己遲入坐遲點菜的都一碟一碟地上菜)十分鐘後再問, 話再唔上菜就走. 老板強勁呀! 即入廚房, 當住我與朋友面前大叫「十八號全部唔上」!好, 既然你唔至在我這檯客, 又臭串, 走! 之後去第二間不知几舒服!事後一看這裡, 幸而自己沒等下去!查看更多
以上食记乃用户个人意见 , 并不代表OpenRice之观点。
赞好
分享
检举
(長洲新菜園)我想問果日臭串果個老板係吾係白白淨 ok高 幾大隻 把聲有d... 果個男人 希望你可以回應我 謝謝^^
2011-08-31
回应
兩年前的事... 唔太記得了...依稀係白白淨, 算高大的....係男人唔係女人就 100% 記得係
2011-08-31
thx~ 我識得果個男人 佢平時吾作咁= =
2011-09-01
回应
睇呢度都睇到~ 咁多朋友都受過佢氣, 中佢招
2011-09-01
佢平時吾係咁嫁 對客人好溫柔 可能佢果日有d野吾開心所以先咁= =
2011-09-01
回应
评分
--
味道
--
环境
--
服务
--
卫生
--
抵食