新聲咖啡店

好耐冇試過呢種味道，嘢飲全部即叫即煮仲要係明火煮食，真係味道都唔啲😋佢用既麵係香港做的麵質同平時普通茶記唔同㗎，全部都真才實料做，現在真係買少見少。雖然係喺行仔，但衛生環境一啲都唔差㗎！…查看更多

電視台成日介紹啲好勁嘅大排檔😏😏新聲其實都經典，喺北京道條巷仔都成30年🤨🤨不過佢只提供傳統冰室/茶餐廳嘅公仔麵、米粉和通粉餸就不離豬扒、火腿、香腸、雞蛋、肉丁、沙嗲牛肉和免治牛肉😋😋可能係咁，所以相對地冇咁特別🧐🧐呢度食嘢唔好講乾淨衛生，舒適亦都唔掛鉤😝😝以前未戒煙，成日鍾意坐喺啲食得煙嘅地方飲咖啡，呢度係一個最好嘅選擇，隔離冬菇亭俾食環署抄牌食煙，呢度就冇呢個問題😬😬一個充滿回憶和人情味嘅地方，咁就過咗20幾年🤗🤗快啲啦好耐冇嚟過，好開心仲可以同事頭婆佢地打招呼🥰🥰今次唔係想喺度寫食評，只係有感而發一下食咗個沙嗲牛丁➕凍齋啡走甜十年如一日嘅味道😚😚佢一日仲喺度，我都會再嚟，食到佢退休為止😎😎好評就梗架啦，人情味同回憶都夠做啦😂😂…查看更多

好飲既奶茶一定要夠熱夠香，茶味夠濃！（當然是我個人口味）在我而言暫時只覺得小店排檔會比較出色。或者集團有集團既好，但係如果我經開附近 我會揀小店多於集團。特別是家庭式小店：人情味濃d 茶味都濃d感覺都chill d…查看更多

依到個環境就麻麻地。不過係食香港味道。唔會有大陸人。因為佢地見到都唔會入黎食。不過真係唔係咁岩行過揾下食乜早餐都未必會知依到有間野。野野都係正常茶記野，無乜特別新穎野。但出品都唔錯，貴精不貴多。雖然簡單一個麵。但食落好新鮮。唔係啲千年肉絲，硬膠膠。相反佢又好林。應該係新煮出黎。最出色係佢杯茶走。夠滑又有茶味。最後唔夠飽。整多個鮮油多。塊多士卜卜趣。時間做得岩岩好。食完個人滿足哂。依間靜靜地食出本土既味道。…查看更多

竟然出入尖沙咀十幾廿年, 都唔知有間咁既茶水擋. 今日見到, 直程喜出望外.全日的三文治餐, $24, 餐蛋治, 麵包, 合格程度, 軟度適中, 可是邊位有些少硬口. 餐肉無煎過, 以對大排檔的期望, 不能接受啦. 蛋煎炒得全熟, 乾乾的, 硬實口感.奶茶, 大杯裝, 茶味奶味剛好, 收貨啦.…查看更多

五月上旬．晴人走在車水馬龍的北京道，一個屈尾十，轉入了這條小巷，坐在一旁，喝杯咖啡，這才是真正的蛇竇。嚴格來說，這裡是沒舖面的，枱及椅連廚房也只是放在路邊，沒空調，餐牌選擇不多，只是米粉、通粉及麵，另外多士麵包及各式飲品。在尖沙咀區工作了一段時間的朋友，都可能會來過這裡蛇王。而這裡有另一好處，就是全方位都可以吸煙，是日跟煙友吃午飯，來了這裡。要了個煎蛋榨菜肉絲米的午餐，好大碗，米粉爽身，包吃得飽。榨菜夠味。蛋溏心，而這裡的煎蛋也出色的，大家有機會，可以一試。作為經營了好一陣子的茶檔，杯熱咖啡當然很不錯，香濃夠勁道。埋單18元，經濟抵食。行番出北京道，又一條好漢。…查看更多