新發粥店 (已結業)

凍凍地諗住食d熱野，叫左魚片粥、生菜同炒面。魚片粥入面d魚片極薄，又唔係多，粥底唔綿，米又落唔多，只能說岩岩合格。炒面冇味，乜料都冇，個菜就咁清水淥左算，要自己落豉油。總括來講係為填飽個肚而食，冇味道可言…查看更多

近日天氣凍，跌至11-12度，加上陰雨綿綿，濕凍唔係講笑，所以lunch決定買碗熱騰騰嘅粥暖吓身。同事話鵝頸橋附近有間新發粥店唔錯，去到先發現改頭換面變咗大發粥粉麵。粥啫，斷估質素唔會差得太遠，嗱嗱臨卜鎚：「一碗皮蛋牛肉粥、一碗皮蛋豬紅粥，加多個炸兩甜醬辣醬，行街。」一打開個蓋，熱氣騰騰暖意四溢，令人在寒天油然感到一絲窩心溫熱暖意，幸福感頓升，好似細個玩《模擬市民》咁，頭頂條紅色狀態bar即刻變綠，得咗。膠匙𢳂一啖，嘟起我個紅粉緋緋櫻桃小口吹兩吹凍少少先隊入口。淡而無味，立即落鹽落胡椒粉都幫唔到幾多，杯水車薪。豬紅，唔彈牙，偏硬。粥，偏稀，應叫粥水。滿懷期盼點知大失所望，呢方面經驗，除咗大發粥粉麵畀我，仲有白石茉莉奈。好多人大讚：「身材澎湃！」「人妻世一！」「我見猶憐美人樣！」個樣睇落真係嗒得杯落，覺得冇介紹錯，信咗。點知，同大發碗淡茂茂粥係兩極，極肥膩，睇見都滯🤢。😋1/5嗰一分，係畀面炸兩，唔好誤會，唔係好食，只係正常。諗諗下🤔️，或者唔係大發唔好食，只係唔啱口味。對於真心鍾意淡口味嘅人，呢間可能冇得頂🤪。又或者，專門供應醫院餐粥，應該有得諗、有得搵。🥳…查看更多

粥夠棉滑 豬紅正正常常 炸兩夠軟夠薄身 好有米香入面油炸鬼夠曬脆 真係外軟內脆 香噴噴 有水準傳統粥店黎講 環境算乾淨 無發現任何小昆蟲 冷氣都夠！價錢係呢個地段黎講 基本無邊間粥舖便過呢間 真心推薦…查看更多

趕時間又想唔到食乜，見到粥店就入座，環境就一般，但味道尚可，起碼唔覺有味精👍🏻👍🏻牛脷酥夠晒熱，店員還主動問要唔要剪，真係窩心❣️❣️粥底夠熱，勺幾下碎牛已經熟晒😋😋…查看更多

若果說到不舒服有什麼適合吃，通常第一個念頭就是吃粥吧!? 粥的話我是偏向喜歡那種舊式粥舖，在銅鑼灣會想到 新發粥店 價位不算很高，而且平日晚上過來人也不多。✦ 皮蛋豬紅粥 ($22) - 粥很綿，而且都夠熱的，還有少許薑絲。料也不少的喔~最多當然是口感頗滑的豬紅，皮蛋相對比較少，大概只吃到兩舊左右。✦ 皮蛋瘦肉粥 ($22) - 不喜歡豬紅的話，也可以配瘦肉的喔價錢都一樣。還有不吃蔥記得提前說呢✦ 叉燒腸粉 ($17) - 因為一人一碗粥又好像太少，就點了腸粉！進店時見到師傅在整，腸粉很有彈性，如果叉燒是蜜汁的就好了。認真~平時很少出街會吃粥，所以偶然去吃會覺得是很滋味的…查看更多

本身想叫生滾粥，但係職員就話會等好耐。旁邊已經有人話等咗20分鐘都未上。並且發生好多落錯單上錯單問題。但係現場客人不足15個人。個人覺得職員愛理不理，態度非常一般。同灣仔嗰間忠記粥店根本冇得比。不過銅鑼灣冇什麼粥店選擇，只好硬著頭皮。…查看更多

而家啲粥店麵店買少見少，舊式嘅就更加越嚟越少啦😅見完客行去銅鑼灣竟然經過呢一間就好香聞到都好想食嘅油炸鬼😋所以拿拿林買兩條呀見到佢新鮮炸起😁即刻買番一兩條返公司食啦😋😋熱辣辣喺條街度食好辛苦嘅攞返公司食啦嘩！一返到公司啲同事就vee嘩鬼叫咁:(我以為咩事🤣😂原來佢哋都聞到油炸鬼味呀個個即時過嚟你met忽我met忽大家一齊開心share啦🤣😂個個都話脆卜卜好好食買到返公司都仲係脆卜卜好好食喎仲冇乜空氣好有麵包嗰種感覺食完都飽曬當係一個happy嘅下午茶啦#KatkatFoodie …查看更多

傳統粥品店喺香港已經買少見少，多數都係連鎖店，依家搵到一間喺銅鑼灣呢間不是連鎖店的作品，所以試吓呢個蝦米腸算係全間餐廳質素最高嘅食物，暫時來講係我食過全港最好食的蝦米腸，腸粉好夠滑，即叫即做，蝦米夠多。呢個就係兩質素中間啦，因為中間嗰油炸鬼已經好林，不值得一食呢個豆漿係我飲過最難飲嘅豆漿之一，好甜，但係最難飲嘅重點都係因為佢係好燶，好臭，可能有啲人鍾意，其實呢個都係特色之一，只係我接受唔到呢碗粥正正常常，材料都算多，不過啲粥比較稀，但係整體味道都OK嘅…查看更多

話說最近搬去銅鑼灣住，發掘下附近有咩野食，見到有間粥店，話晒香港粥店已經好少。咁試下呢間。入到去，得兩個呀姐，係一個重鄉音嘅呀姐帶位。落左單，先留意到個呀姐咩都做，從倒垃圾到幫我切牛脷蘇再送餐，再幫其他人夾炒麵（炒麵個夾係放係鑊炒麵裡面）, 但戴住同一對藍色個啲手術手套！ 跟住自家制牛脷蘇出鑊，佢地鋪塊紙皮箱拆開的紙皮係台，將出鑊的牛脷蘇放係上面吸油同攤凍。咁見到呢個情況，我唔係好想食，咁就咁食粥應該安全D，叫左個皮蛋瘦肉粥，一食到D肉，嗅嘅！即係扮講電話有急事即走！…查看更多

估唔到第一次寫openrice評論就俾咗呢間餐廳，喺附近行行吓搵緊嘢食，經過呢間粥店本身都幾有興趣，諗住望下個餐牌，望望下點知見到門口堆嘢食有大大隻活生生既曱甴喺度，我最終就咁影咗張相，決定走佬 (仲點食得落呀。。。。。。。)寫出黎都係希望大家唔好中伏，啲粥好唔好食我唔知，建議大家才都係等間野改善左衛生環境先幫襯，除非你接受到食曱甴掂過嘅野落肚啦。。。。。🤮🤮🤮🤮🤮🤮👎👎👎👎👎…查看更多

今天經過銅鑼灣鵝頸橋附近，見到這間粥店門口放了一大盆白色鬆糕及其它油器食物，每樣都是$9。於是便有外賣了一個鬆糕及煎堆回家試吓。蒸熱後，煎堆的油瀉了出來便不覺油膩，咬落煙韌但缺少了芝麻香咪，加熱後鬆糕也算鬆化且份量十足，一個可以兩個人吃。…查看更多

呢食油膩野太多 想食番清淡點 於是好是旦咁搵咗間粥鋪又幾好味我自己叫了碗皮蛋瘦肉粥 個粥底好新鮮滾熱騰騰 盛出來的時候仲有啲熱泡走出嚟 個粥比較稀 我自己比較鐘意稀既粥 因為易啲入口至於味道岩岩好 乎合我口味 皮蛋同瘦肉既份量都幾多 只係想多啲脆花生就好了男友就點了艇仔粥 非常足料 佢覺得都幾正常 同一般粥鋪都差唔多我們仲叫了叉燒腸粉 男友表示比較喜愛腸粉多過粥 但我覺得個腸粉皮有點厚 味道還好 我諗食傳統粥鋪食的不只是食物 還有人情味 見到店員跟街坊有講有笑 場面都幾溫馨 按價錢來說都算便宜 兩個人都只是$53 所以都可以講平靚正呀…查看更多

由於病左嘅關係，啱啱去完聖保祿睇醫生，銅鑼灣一帶粥店又唔多，近近地就黎左呢間橋底老店嘅粥鋪。其實本身病胃口已經唔好，諗住食碗熱辣辣嘅粥同腸粉。同埋經過門口見佢炸緊油炸鬼，好似幾新鮮幾脆。所以諗都唔諗就行咗入去。:(叫左一個皮蛋瘦肉粥，最先黎到。碗粥比外面嘅size 細，不過料好足。但可惜面頭嘅花生係淋嘅，似係擺得太耐個種。碗粥亦吾夠熱... 之後黎咗個炸兩，唔係啩，夠油炸鬼淋嘅？食咗一舊已經唔想再食...但我咁為食點會甘於止食一碗粥？結果再搏一搏叫多個腸粉...諗住齋腸粉難食極都有限掛~個齋腸粉嚟到，我同男朋友一人食咗一舊，兩個嘅反應都好一致....唉～ 唔多講喇。不過平時幾難食嘅嘢佢基本上都唔會嘥食埋...結果埋單$59，頭也不回走咗。…查看更多

今日身體不太舒服，想食得清淡一點，就到了銅鑼灣鵝頸橋近時代廣場的一間粥店食粥。粥店價錢十分合理，今次點左一個皮蛋粉腸艇仔粥，價格都只是$22一碗。熱辣辣的艇仔粥，粉腸爽滑彈口，加上魷魚鬚及分量十足的碎牛和皮蛋，實屬於抵食自選👍🏻👍🏻另外不得不讚粥底，之前曾經幾次光顧，都覺得粥底煲得非常綿滑，愛粥之人必試！.另外，點了一隻鹹肉糭，鹹肉糭內有綠豆蓉，蛋黃和肥豬肉，味道不過不失，勝在價格經濟實惠。…查看更多

因為感冒去銅鑼灣睇醫生，之後因為冇乜胃口 ，經過銅鑼灣鵝頸橋新發粥店，入去食碗粥填肚。皮蛋瘦肉粥20元，豬腸粉10元，一共30元總算填飽肚。皮蛋瘦肉粥 唔係好大碗， 但勝在足料兼夾味道唔錯又夠熱 ；但豬腸粉就麻麻地，啲腸粉搭埋一嚿，也不夠滑溜，雖然枱面有醬汁（甜醬/麻醬/辣醬）但個個膠樽都好肮髒， 黏黐黐 。見到門口有鮮炸油炸鬼，牛脷酥，炸煎堆賣，不過今次唔舒服，唔敢輕舉妄動，都係留返下次先啦。總體來說粥品可以，但店內衛生情況有點惡劣，外賣油器應該可以，但不建議堂食。…查看更多