新漢記飯店

今晚同屋企人想回味一下鄉下嘅客家菜，特登揀左呢間好出名嘅餐廳一試，的確令人喜出望外一入到餐廳平平無奇，只係一間普通地道餐廳，每張圓枱都好大張，好岩多人黎食。跟住開始點餐時有某d菜係必食！好似梅菜扣肉、釀苦瓜都係客家特色小食！確實一d都無令人失望！苦瓜唔會好苦，好鮮！肉汁又夠梅菜扣肉係我地個個爭住食！好開心食到豬油砵仔飯！因為唔係周圍有得食，再配埋佢嘅豬油同豉油😍真係好好味！呢個茄子釀豆腐都好好味，豆腐好入味！每個餸都有驚喜最後呢道菜好遺憾我唔記得叫咩名....但真係一定要叫黎食！因為好少見！成餐飯令我地成家人都回憶番鄉下嘅味道，好傳統嘅客家菜！又正宗又夠火喉！多人黎食可以食到好多款餸👍🏻👍🏻👍🏻…查看更多

之前想去食但係冇開門 星期六晚找對方食飯 醒起之前睇過報紙介紹同埋發哥有推介今晚終於食到櫃檯下姐好好禮貌上咗樓上坐環境都唔錯叫咗四樣食物半隻走地雞 味道唔錯肉同皮都好食雞地質地係比較有咬口，我自己就好鍾意番茄豆腐卜浸絲瓜 材料新鮮清甜調味比較清淡好好食阿媽讓涼瓜 呢個非常好味送飯一流珍珠生蠔煎蛋 叫之前仲好擔心係出邊嗰啲炸蠔餅又油又難食 原來係大大粒生蠔嘅煎炒鴨旦裏面仲加咗韭菜，勁香同埋好新鮮一啲都冇腥味另外帶咗一個豬油撈飯同埋一個白飯$505埋單總括來講所有材料都好新鮮煮嘅方面都好好食同埋標榜冇味精真係值得推介我之後應該會叫一班朋友去食因為餐單裏便都有成5/60樣嘢食全部都睇落好好味…查看更多

例湯腥臭難飲（冬瓜豬骨湯血水未洗清就去煲） ，鹹味好重份量較少（個碟好大，但份量真的少，味道相當鹹食完都要飲番幾杯水解渴），性價比低，聯和墟裡算幾差既飯店地方坐位還可以…查看更多

夜晚9點左右收工返到嚟，見未食過新漢記咪試吓！3個人叫咗4碟餸：山渣橋頭咕嚕肉 $98啲咕嚕肉炸得幾脆，但好多都係啲洋蔥，菠蘿都無乜幾粒，個人覺得山渣味唔夠突出豬油渣炒菜心 $88好少見嘅豬油渣，真係細個先有，好香好正，真係兒時回憶雖然唔健康，間唔中食吓OK正宗走地雞 $158雞算好滑，但真係有啲細隻，有兩個汁醬俾你食雞鹹魚菜粒炒飯 $88個炒飯好正，好乾身同好香！整體嚟講都OK，份量有點少，價錢算貴，但值得一試！…查看更多

雖然位置偏僻，位於粉嶺聯和墟的一家客家菜，要專登揸車去食。但這裏有一些是外邊比較少見的客家菜。所以每隔兩三個月都會來食一次。今晚就食了其中呢幾樣，坊間比較少見的:正宗走地雞，肉不嚡亦不肥，雞皮較為厚身，雞味濃郁，通常都不再沾豉油或者蔥油，都已經好好味。煎九棍魚餅，沒有加其他魚一齊打成魚餅，熱辣辣，魚肉質彈牙，沾甜酸醬食，更加惹味。紅蔥爆連墨汁鮮吊桶， 曾經試過有兩次來到無得食，一上枱就聞到香噴噴，最愛原隻吊桶，連墨膽也沒拿掉，配上紅蔥頭和醬汁一齊爆香，一個字，正，外邊真係食唔到。…查看更多

補食評 因為我屋企人 鐘意食中式野既，成日食酒樓真係好鬼悶，所以黎試下，一直d人都話聯和多野食，一直都少黎，發現真係有唔少餐廳，所以黎踏足下😂😂😂呢到d姐姐推介 既魚面，出面真少有既，呢到有得食，不過野食就真係唔大碟啦我地叫左個魚乾 ，同埋叫左個魚湯 ，係不錯既🤤🤤 清清地姐姐話呢個都好多人試，都可以😊…查看更多

呢間客家菜開咗好多年，一直未有機會試。今次就專程約朋友放工後食宵夜！三杯豬腸煲：每枱都會點呢個煲仔菜，上枱熱辣辣。豬腸個皮好脆，有咬口，比較濃味送飯一流！炒花生苗：樓面姐姐推介，出面啲餐廳少有。用咗啲豬肉碎同少少辣椒嚟炒。啲花生苗真係有一粒花生喺度，不過比較硬。而花生對落嘅部分食落就有啲似芽菜。味道都係比較濃，配白飯👍🏻白切走地雞：雞肉唔算嫩滑，有啲部位仲比較難咬。不過隻雞唔肥，而皮下有充滿住啫喱狀嘅骨膠原，但呢半隻要二百幾蚊我下次就未必會叫餐牌仲有好多菜式，應該要一大班人嚟食叫多幾款嚟試…查看更多

收銀態度良好，但 束辮大陸 口音的女人服務態度勁差， 只是取一點豉油， 他都不給我 不瞅不睬， 叫也沒反應， 食了兩次， 態度依然是一樣， 不是常客就沒服務態度，食物 份量少但很好吃， 就是不喜歡服務員的態度…查看更多

閏蜜一家一直支持的客家農家菜我們為了吃 千里迢迢來到粉嶺新漢記漢哥特別來打招呼特別介紹：1）豬腳根2）豬大腸3）蝦醬蒸豬肉4）鴨下巴5）可惜試不了滷水鵝肝非常滿意非常特別的菜色唯一缺點是比較多油 …查看更多

今天到新漢記午飯，點了黃酒炒雞和咸菜炆豬肉，店員下單後不久，上菜時變了黃酒煮雞，算了反正也沒關係！但味道不好，紅棗也未煑透，是乾的。等了十五分鐘，咸菜炆豬肉還沒上，問店員，她說要時間炆，等多一下，十分鐘後上菜，熱氣騰騰，正，一食，豬肉外面熱但𥚃面冷的，問店員，她說再加熱，我説落單錯，未煑熱就上菜，她不停話佢冇錯，係我自己點錯，話我屈佢，我同佢講對不起，找數，走人。咁差嘅態度，咁差嘅食物，我冇理由食，更冇理同佢鬧交，找數去食第二間，錢，當跌咗算了！…查看更多

工作中午餐，難得阿頭推介呢間，去到唔使等位，坐門口大枱，古字招牌，入內大大個木牌匾，桌椅較迫，午餐選擇不多，大家好快落好單！食物都好快到例湯：海帶唐芹豬骨湯，比較少見嘅配搭，唔知點解有陣壓味，不過同事話飲落無怪味！台北肉燥鹵蛋飯（$43）大碗飯，鹵蛋切半，睇落以為好老，蛋白彈牙，蛋黃香，好味，肉燥顏色深色，鹹香好味，最驚喜係啲白飯，乾身鬆軟，好味過屋企絲苗白飯，撈肉燥一流，白菜爽脆，好味！熱檸茶（跟餐）白瓷杯，茶夠熱茶底濃而不澀，好味同事食：蔥油走地雞（$45）椒鹽焗豬扒（$43）楊州炒飯（$43）凍檸茶：熱檸水：凍奶茶：凍檸水：食物好味（大家幾樣都話好味）不過份量不夠，男仔都唔夠飽，飯都唔夠多！女店員豪爽唔廢話，落單上菜勤快！食物好味但唔夠飽…查看更多

星期五打完波，訂了新漢記晚飯，7點已經坐滿，好在訂了位，否則撲空。6個人叫了9個菜，樣樣都有驚喜。墨魚餅 - 墨魚餅香脆彈牙，佐酒一流。黃酒煮雞 -  雞先斬件走油，然後回鍋配上惹味黃酒汁，裏面夾雜大量野味薑米，其味無窮，必食之選。蠔仔煎蛋 - 純用雞蛋煎，冇加薯粉， 蛋香撲鼻，蠔仔大大粒，好味道。油浸筍殼魚 - 第一次吃到這麼大條的鮮筍殼，魚骨炸到卜卜脆，但魚肉 仍鮮嫩無比，雖然時價要800大元， 但物有所值。一品炒魚面 x 2- 鮮魚麵 用紅洋蔥唐芹認真香口彈牙。山藥 （鮮淮山）咸豬骨湯 - 這道相對來說 比較清淡帶點鹹香，可以中和一下之前濃味的菜式。據説山藥中含有大量的澱粉以及酶類、蛋白質等營養素。多吃山藥的好處很多，不但對腸胃好，還能幫助降低血糖，是糖尿病患者的理想食物。豬油缽仔飯 - 邪惡首選，但其味無窮；粒粒企身缽仔飯，淋上濃香豬油及醬油，認真滋味。黑蔗糖蜂巢糕 - 上桌時熱辣辣出曬煙，黑糖嘅清香撲鼻，口感微微煙韌，比馬拉糕濕潤 黏口一些，值得一試再試.6個人埋單$2100，每人 @$350，價錢合理。黃酒煮雞墨魚餅蠔仔煎蛋豬油缽仔飯 一品炒魚面山藥 （鮮淮山）咸豬骨湯 黑蔗糖蜂巢糕 油浸筍殼魚…查看更多

訂咗7個人位,坐一張10人枱,空間都大D,我地就叫咗,自家制黃酒炒雞×1炒花生苗×1咕嚕肉×1老媽子釀苦瓜×1肉餅×1蠔餅×1黑糖糕×1豬油飯×5自家制黃酒炒雞,食得出有酒香味,雞炒得唔錯,相當吸引炒花生苗,花生曲夠新鮮,又帶D辣味,好有小炒感覺,非常好味咕嚕肉,肉夠味,我都覺得唔錯老媽子釀苦瓜,大讚釀肉釀得好出色,肉當中同時帶出苦瓜嘅金香非常滿足肉餅,肉餅最講求肉質,而佢嘅質感就做得非常好蠔餅,蠔非常鮮,再加埋蛋香味實在抵擋唔倒誘惑黑糖糕,黑糖味夠突出,個糕熱辣辣好好味豬油飯,豬油夠香,再加小小豉油真係完美組合…查看更多

This is my first time in Fan Ling and also my first time trying Hakka cuisine. And honestly, I was so impressed by the variety and the great quality of the authentic Hakka dishes.This chicken soup with wonton is one of my favourite dishes of the night. The chicken soup is really refreshing and sweet (in an genuine not artificial way). And it feels so good to have some warm chicken soup while suffering from a whole week of terrible exacerbation of my allergic rhinitis🤧This bowl of rice here is also exclusively found in Hakka cuisine, where you pour some fatty oil and soy sauce into the rice, and eat it with any dishes. I had it with the super tender and yummy steamed meat pie and finished the whole bowl in like 2 minutes🤤Seafood is also something not to be missed in an authentic Hakka meal. These fried prawns here are super fresh and perfectly seasoned. We literally couldn’t stop eating.These are bitter gourds filled with meat balls soaked in soup. They have an interesting texture and mix of different flavours. A very interesting dish. hkfoodtour’s official verdict: Very authentic Hakka dishes. Amazing food. But don’t expect good service😂…查看更多

未試過食客家菜，一心訂了7點鐘枱，諗住帶家人前來品嚐新漢記的客家菜，我們7時準時到達門口，我便向企近門口染了金短髮的中年女職員說已訂了今晚7點枱...我話都未說完，她就很悔氣跟我說「沒有枱」我再跟她表示已經book 了位7點，跟著她很不耐煩，很大聲，很不禮貌的回答「店有幾輪時間食既，我店開6點，第一輪6點，D客未食完點俾枱你，訂枱又點呀！你係出面等la」，我其實等一陣是不要緊的，但可否禮貌些呢？當時我已非常不滿她的不耐煩態度，但家人已來了，我說服自己等多一會吧，我們一家有老有嫰又等多20分鐘，然後我再問金髮女職員大約何時有枱呢？她又好不耐煩，態度悪劣如常再跟我說「訂枱接電話的人不是我，是另外的同事接，他沒有跟你說訂了枱都要等嗎？但他已下班，所以唔關我事wor！說完她又去做其他工作，沒有再理會我們！我心想她不是在店𥚃工作嗎？「同事登記訂枱，他下了班，不關我事」她是不是暗示不做我們生意？因為訂抬不是她登記？如果正如她所說「頭輪是6點」為何都接受訂7點枱呢？walk in 不是更好嗎！最重要是此金短髮中年女職員態度非常惡劣，非常不禮貌！好像不愁沒有生意做似的！所以為免大家食完背脊骨落，貼錢買難受，最後轉了地方！經過今次之後，我永遠都不會幫襯此店，幾好食都假，未入門口都感到九流服務！…查看更多