新港宴會廳

酒樓係香港都仔，會經常去的，但真係好想好想講，佢哋嘅新鮮出爐（叉燒餐包）可以話係OK的，因為每次出爐唔多，一出爐即刻都會相擁去排隊，排唔緊要，有啲坐得比較遠嘅乘客，去到都已經沒有得攞，最慘今日去飲茶，排第4個，竟然冇得攞，一盤餐包大約24個、點解冇得攞？就要問啲經理！！每個經理行埋去預留（兩碟），比其他食客。搞到我哋真係排隊嘅就沒有得攞。！！呢個情況唔係一次！同啲姐姐講我冇辦法啊，點解經理可以攞兩碟，我只可以攞一碟，我都係有俾錢飲茶的，佢話，你問啲經理啦。😡😡😡😡😡😡😡😡…ดูเพิ่มเติม

正所謂偷得浮生半日閒，飲個早茶最精神，今日嚟到香港仔新光宴會廳，試一試佢，早晨個優惠孖寶，燒賣再加馬拉糕先係35蚊，平到你唔信，再整多碟腐皮蝦卷，又夠熱又夠香，又夠脆，配埋喼汁頂呱呱，現場禮拜一非常多人，好多公公婆婆喺度飲茶，接近爆場嘅水平，原來咁多人留港消費，無他嘅，呢度真係夠平，食物質素又高，講返食物呢度個燒賣，餡料比例唔錯，肥豬肉比例恰當所以好彈牙 。馬拉糕都好出色，鬆軟如雲，搣開後出曬煙，輕型蓬鬆，幾乎能在嘴裏化開，但有焦糖嘅香味，同埋黑糖嘅混合，估唔到一個平價孖寶都咁高水準…ดูเพิ่มเติม

星期一同屋企親戚食飯聚餐。當中發覺新港晚餐性價比算幾好，同食物質數唔錯。當中酒樓有啲優惠，例如冬瓜宗88左右，預4-6人份。除此之外，晚餐都有多人套餐。食物唔錯，可以食到都算新鮮，例如蒸班，海鮮等。另外除左海鮮，都有試佢嘅乳鴿同花膠羹。食落品質都正常。整體來講就算晚餐，都性價比高，比較推薦多人一齊聚餐。…ดูเพิ่มเติม

位於香港仔新港宴會廳的午餐。我們品嚐了椰香南瓜西米露、擂沙芝麻包、七彩炒米粉、菠菜黃金芝麻餅。每道點心算合格、味道可接受。酒樓環境可，服務尚可，是飲茶食點心一個地方選擇…ดูเพิ่มเติม

今天下午，我到位於香港仔新港酒樓午餐。我點了爐端燒鰻魚叉燒飯。飯香味扑鼻，鰻魚肥美入口即化，叉燒香脆多汁，讓我的味蕾享受了一場盛宴。這道美食不僅帶給我飽足的滿足感，更讓我感受到香港獨特的美食文化和精湛的烹飪技藝。在這個繁忙的工作日午餐時光，享受一道美日本式美味的爐端燒鰻魚叉燒飯，讓我充滿能量，迎接下半天的工作挑戰。…ดูเพิ่มเติม

初二開年飯 分兩段時間6:00-8:008:30-10:30我地簡左8:30食晚飯一入到去 間酒樓既枱🙄🙄🙄簡直好善用空間枱貼枱 櫈貼櫈 。勁迫😨😨上每碟都勁快 好趕收工其實都明白既 員工都想早d收工同家人食開年飯 但好似真係快左啲既食物就不過不失啦禁既節日 煮得唔難食已經好好了…ดูเพิ่มเติม

約咗三五知己由淺水灣漫步往香港仔，到達香港仔都已經十二點幾，正好食晏時候，於是搵間酒樓坐低歎下茶食個包兼吹下水。上到去呢間酒樓剛好有張檯啱啱有人埋完單起身走，坐低後竟然發覺有午市特價推廣嘅點心同飯麵，真係開心大發現，一於唔客氣剔啲特價嘢先！香芋絲炸春卷$14.8炸得唔錯夠脆，但可惜凍咗，蜂巢炸芋角$15.8呢個好掂，熱辣辣又夠鬆化，好食。鮮蝦韮菜角$16.8夠哂大隻但都係唔夠熱，味道還可以，香煎蘿蔔糕$15.8都幾大件，普普通通冇驚喜，煎蝦米腸粉$28腸粉都幾滑，唔錯。路邊鯪魚滑生菜$21.8大大碗魚肉係粗條份量都幾多，魚肉實淨真材實料，抵食又好食！時菜鯪魚球$16.8好普通，魚肉較削身，冇果碗鯪魚滑咁實淨。南乳炆豬手$15.8呢碟個個都話正，豬手夠淋又入味！豆腐火腩飯$58呢碟飯完全冇味，認真唔係好得！灼菜心$32算比較貴，唔抵食。金針雲耳蒸龍躉頭腩飯（細籠）$68真係幾細籠，只係一般點心籠咁大，但食落都 ok, 有頭有腩樣樣齊。迷你砂鍋雲吞雞五粒$55鍋內真係得五粒雲吞及1/4隻雞，雲吞同湯都唔錯，幾好味。另外叫咗陳皮紅豆沙$9.8一碗，食唔到有陳皮但煲得都唔錯，紅豆好淋。最後埋單剛好每人一百元。…ดูเพิ่มเติม

為了心儀片皮鴨 三條老鬼再捧場一隻片出十多件 新鮮熱辣齊組裝皮薄均勻色澤靚 美好滋味未能忘有錢爺們米芝連 無錢新港螺頭湯材料豐富足斤兩 湯色清澈回味長可惜鮑魚無甚味 咬來咬去嘴巴忙劏得乾淨去腑臟 口感爽脆又冰涼大碟抵食好拌飯 滑蛋蝦仁好大方炒蛋嫰滑啱啱好 有蝦如此合期望一例平凡貴妃雞 毫無食慾雞皮黃香港食雞好艱難 不及廣東清遠鄉咸魚肉餅好惹味 啖啖鮮美帶咸香一窩潮汕蠔仔粥 解膩消暑勝乾糧埋單找數五百餘 逆市幫襯當救亡服務慇懃夠熱誠 下次來時祝健康…ดูเพิ่มเติม

胖胖冬瓜外皮青 却叫咱們口不停瑤柱響螺做湯料 材料豐富切成丁清新潤滑入口甜 老火靚湯倍溫馨脆皮燒雞足一隻 啱食四口小家庭肉質結實有雞味 不是老雞已超齡一件左腿一件右 吃得快樂不消停蠔餅under 沒煎透 蒼白一片似浮萍不是潮式非泰味 這味菜式極畸形人人都說海鮮好 我嫌蠔仔味道腥粉絲蝦煲最好食 可惜蝦腸判死刑又黑又長極趕客 回頭機會應是零揮手揚聲都回應 今餐晚飯職員醒慘淡經營生意經 還望撤銷限聚令祝願豪客消費增 個個石斑揀東星…ดูเพิ่มเติม