新泰東南亞餐廳 (興旺閣)

营业中

休息中

去完會展 同老公試下呢間泰國餐廳環境好有情調 好岩拍拖同朋友黎聚會😍叫左個泰式炒金邊粉 賣相好靚 有層薄薄既蛋衣鋪喺面 靚得黎又好食 金邊粉味道酸酸甜甜 十分惹味而且份量夠大份 兩人食好夠飽！泰式炒椰菜仔 清清地又幾好味 岩岩好可以balance下其他重口味之選😂泰式炒蜆 估唔到係咁大隻既花甲 炒得好惹味 而且粒粒都好新鮮同無砂 味道唔錯！椰青好大個夠灑清甜 次次食泰國野必嗌！餐廳侍應大部分都係泰國姐姐 服務好周到 一叫即到👍🏻

星期日下午茶時經過呢間泰國餐廳，未食lunch又見到下午茶時段餐牌全單8折，幾吸引，所以入去試吓。餐廳裝修都幾靚，店員安排我哋坐卡位，好寛闊舒適。後來發現原來上面仲有一層，一大班朋友嚟都唔錯。我們2人點了2份午市套餐+小食，再加一份我最愛的大蜆。海南雞飯，要讚一讚雞肉好嫩滑，味道適中。油飯啖啖油香，連雞湯都好好飲。星洲喇沙蝦米線走芽菜，大大碗，呢度嘅喇沙比較重椰香味，配菜豐富，米線軟硬適中。小食蝦餅，跟餐加$28的蝦餅竟然有4件咁多，完全無諗過。蝦餅食落夠熱夠彈牙，好香口，推介。馬拉盞炒通菜，亦都係水準之作，通菜軟硬剛剛好，好夠咸香味。最後就係辣椒膏炒大蜆，大大碟，食得出有多款香料的辣汁，又唔會太辣，好開胃。而且蜆肉大大隻，無沙，每粒都吸到辣椒汁的味，好夠鑊氣，配凍飲啤酒飲一流！個人十分推介！飲品點了2杯青檸梳打，好清新～另外加杯熱香茅茶。另外想讚一讚呢度店員服務態度十分好，有笑容，亦主動介紹不同類型餐點。睇餐牌仲有其他炒海鮮都好吸引，下次再嚟試。

今天是我們慶祝的日子,家人選了美麗的餐廳樓高三層, 我們早吃所以坐了最下一層很好經理給了我們坐似皇帝座位的位, 有四個孔雀, 甚優美周圍環境很美, 還以為去了泰國開餐, 很大很開洋, 燈飾美我們點了四款食物, 因敏感未能吃海鮮點了一份惹味的豬頸肉, 肉味夠不會乾, 大大件, 不是太熱氣因為不是烤很脆那款, 性價比高, 反而喜歡這風味, 小孩也可吃主菜點了一個蝦醬飯, 是經理推薦, 果然香味十足,而且不咸,相信是優質的蝦醬, 材料有蛋絲,腰果, 豆, 肉鬆, 加上泰國臘腸五大件, 經理教我們要把面的材料混和飯一起吃, 我們照做果然更好吃, 我很喜歡泰國臘腸, 好味過香港產的再來是青咖哩雞, 小小辣, 本身應是很辣, 但店員很好替我調了少辣, 濃濃的味, 我們用作撈飯, 這款菜色有大大件的雞柳, 仲有南瓜,咖哩汁很特別, 不像平日的稀稀的, 很地道風味還有點了蝦炒金邊河,賣相美, 有三件大蝦, 用蛋來包住整個河, 十分可口, 不太油是我最欣賞的,有蝦, 豆腐干, 花生粒作配料, 我們很努力吃, 但實在太大份量, 要多人來更好下次要點經理介紹的羊肉串, 酸菜魚, 牛排, 焗咖哩軟殼蟹, 約埋

本來想去吃韓料，但奈何等位的人太多，轉為食泰餐。價格不算便宜也不算貴，但對得起環境和質素。金邊粉和豬頸肉的味道都不錯，美中不足是豬頸肉的黑胡椒太多了。芒果糯米飯的出品也不錯，雙色糯米飯熱熱地，芒果甜甜地，值得一試。服務態度很不錯，會及時加水、幫助解決問題。很多人來吃咖哩麵包蟹，應該是招牌，有機會可以一試。兩個人吃了一個主食一個肉一個甜品，加起來一共3XX，還算合理的價錢。整體來說無功無過，想食泰餐可以考慮。

位於灣仔bakehouse果條街有間泰國菜。店入面原來都幾大，有幾層，朋友和我被指引到了第二層。環境不錯，有空間感，適合聊天。職員睇落都係泰國人，彼此之間講泰文，態度友善，不斷幫忙斟水，仲好細心凍水暖水任你揀。同朋友兩個人叫左四道菜，食到好飽好飽。炒大蝦金邊粉冇唸過份量咁大，一碟足夠三四人份量！我地好努力食左好多碗都係食唔晒。通菜好香囗，囗感軟硬適中。燒豬頸肉份量多，大大塊，而且烤得好香。咖啡牛肉咖啡汁好香濃惹味，今次冇配到薄餅，下次可以試下按店員推介門配薄餅咁食。食完好想去泰國~

Tucked away in the bustling heart of  wan chai , this Thai fusion restaurant offers a delightful culinary experience that seamlessly blends traditional Thai flavors with a touch of local Hong Kong flair. From the moment you step inside, the inviting atmosphere sets the stage for an unforgettable dining adventure.One of the standout features of this establishment is its commitment to using fresh, high-quality ingredients. The curry soft shell crab baked in bread bowel is a testament to this dedic

又約左朋友食泰國野 , 今次等佢發板表明要食新泰雖然好耐之前都食過, 但係不同的分店, 記得當時都唔差, 唔知其他分店係咪一樣水準餐廳感覺舒服寬敞 , 環境感覺都grand , 裝修風格應該係所謂的泰式納風 , 都幾高級仲唔止一層樓, 店員東亞人居多餐具及MENU都精緻 , 店員亦見客氣有禮第1樣就叫左 燒豬頸肉$98新鮮燒起, 香濃惹味炭火味十足, 微微燶乃本人至愛, 份量合理, 汁醬濃度亦適中, 唔太鍾意食太瘦, 呢碟肥瘦肉均勻又一邊淋淋地, 燶邊又有咬口, 好推薦肉碎生菜包(豬)$88新鮮熱辣 , 辣椒不算多辣度適中, 不會難以入口, ORDER前 店員有提示辣度方面可調教, 又是半肥瘦的肉碎, 伴以生菜食可去去油膩感燒西冷扒 $138誠意之作, 必點首選 , 肉味濃郁 , 目測內裏5-6成熟 , 燒得岩岩好, 牛肉口感最佳的極致 , 份量應都可以, 唔點汁都夠好食, 點左味道更上一層樓蝦醬炒飯 $98係要點下D飯面先夠飽既 , 蝦醬有着獨一無二的鹹香鮮味 香鄦撲鼻, 蝦糕泰式調料並以蛋佐料 , 加微甜咸的泰式腸做配角, 口味確實獨特因為有野做趕住走 , 下次黎會再試冬蔭公同甜品

泰式生蝦 $118 食生蝦多數都會擔心衛生問題，但係大家可以好有信心咁樣喺呢度食。食落去依然鮮甜！私心鍾意夾埋生嘅蒜頭一齊食，雖然食完之後個口會有一大浸味，但係嗰陣辛辣味同埋辣椒嘅辣度一齊食真係好過癮。肉碎生菜包$88 食泰國嘢點可以唔食生菜包。大大碟生菜包，雖然對於香港人嚟講佢真係有辣味，但係配埋新鮮嘅生菜葉一齊食就可以中和咗。份量大到感覺上可以試過一齊食。泰式咖喱牛 $108 呢一款咖喱唔會太辣，加埋牛肉嘅肉味點啲印度薄餅真係一流。食落去都覺得有八至九條牛肋條，大大啖配埋薄餅！薄餅嘅酥脆，亦都令到口感更加豐富。泰式菠蘿炒飯$138 菠蘿炒飯有肉鬆可以俾自己隨意加落去，上菜嘅時候腰果亦都會擺咗喺旁邊俾自己按口味加落去。炒飯裏便有大蝦、提子乾、臘肉粒，食落去好惹味。而且一啲都唔油，每一粒飯都係夠乾身分開一粒粒。

本身冇乜期望，諗住簡單經過簡單間泰國餐廳食🥸 入到去覺得性價比都幾高，價錢嚟講唔算好貴，環境好舒適，而且都好大有兩層，多啲朋友去都冇問題！ 豬頸肉炭燒，燒得好香脆 好正！ 菠蘿炒飯，份量好足，配料都好多，超級抵食，兩個人share 超級足夠！！ 不過我自己就唔鍾意菠蘿炒飯入邊有提子乾 通菜都好食，不過鑊氣呢我覺得就可以再多少少最後就嗌多個芒果糯米飯，黑白糯米都有滿足我兩個願望，其實糯米飯都好香好軟熟，配上暖暖嘅椰汁，好食！

#mochicouple_hk灣仔搵食團鄰近灣仔站🚇嘅泰式餐廳🇹🇭，餐廳連地下有3層，餐廳環境都沖滿泰式風格。坐位闊落，無論少至1-2，多人到一圍圓枱都有位，而且環境乾淨，員工服務態度好好，不時同我哋加水，主食差唔多食完又會問甜品係咪可以上👍🏼👍🏼1️⃣ 飛天通菜($98)都幾大碟, 好足鑊氣😎以簡單的調味料如蒜蓉、魚露和辣椒來烹調😊 通菜嘅口感好爽口而且鮮嫩，唔會炒得過熟，加埋調咗味嘅汁一齊炒，帶有微微的辛辣和鹹味，又唔會好油😛 好味指數：🍡🍡🍡🍡2️⃣ 燒豬頸肉($98)一碟有好多件豬頸肉，外皮加咗香茅絲一齊燒，色澤金黃、外皮酥脆香口😋 而內裡肉質鮮嫩多汁🤩 經過燒完嘅豬頸肉，充滿油香，每一啖都可以食到肉的香氣和微微的煙燻味，搭配特製的醬料，少少酸，好有層次💓好味指數：🍡🍡🍡🍡3️⃣泰式蝦炒金邊粉($118)🤍 賣相超級靚，用雞蛋整成一個網，包住金邊粉😍金邊粉炒得啱啱好，口感滑順，有啲彈牙。加上吸收了濃郁的調味料，酸酸地少少辣，好過癮😚有3隻大蝦，好彈牙爽口，而且份量都幾多😆好味指數：🍡🍡🍡🍡🍡4️⃣芒果雪糕配糯米飯（$68)🤍上枱用椰青裝住,好可愛😇香甜的芒果雪糕滑順細膩，好有芒果味，似係自家

🍀是日點餐🍀泰式明鱸魚 烏頭(推!!)(💰228)(+10% 🛎️)講起都流口水，真心非常惹味！一黎店員點火坐熱條魚夠曬有睇頭。等1-2分鐘試下啲湯先，入口酸酸甜甜好開胃，連埋啲酸菜絲蔥絲真係好想快啲食條魚。魚肉夠香夠滑，亦都份量足～兩個人食有啲飽，建議三人食用。店家仲好細心，預備定一小殼湯，等我哋有需要時再淋一淋條魚。我會話呢個菜係必點！｜👅: 5/5日本南瓜焗海鮮飯(💰158)(+10% 🛎️)呢個都相當特別，真係原隻大南瓜入面焗海鮮飯。入面仲有厚厚嘅南瓜肉🎃可以𢳂出黎送魚同飯食！健康又好味😋醬汁方面，係用咖喱焗嘅，但唔會好辣，唔錯👍🏻飯量幾足，海鮮會相對較少，建議鍾意食嘅朋友可以直接叫南瓜焗咖喱海鮮呢個餸｜👅: 4.5/5亮點🥳：-餐廳門口同入面都有好多唔同嘅打卡位，好有泰國feel～建議可以睇定鍾意佛像、泰鐘定係其他，喺book檯師mark定-雖然餐廳好大，但都好夠waiter照顧每檯嘅需要-不過建議要有耐性小小，始終客人多，上菜要等等

呢間泰菜在灣仔大王東街，裝修華麗，座位舒適。點了：蝦餅，太鹹了，味道不佳。串燒牛肉，牛肉質地普通，味道一般。青咖喱牛肉，個青咖喱汁O K，但不算出色。肉碎生菜包，肉碎弄得頗鹹，味道麻麻。大蝦柚子沙律，有啲怪，未食過會加汁的柚子沙律，味道可以。炒金邊粉，又係同平時食嗰啲不同，金邊粉掛滿汁，但味道可以。軟殼蟹米紙卷，呢個幾好，味道唔錯。整體一般般。

今日下午約咗朋友去灣仔泰式餐廳食tea,外面呢望落去似三層高的餐廳，外面啡色嘅建築物，印住新泰大大的招牌！可以叫lunch set或單點：lunch set:泰式海南雞飯$75,成個便當落枱已經好吸引，每一格都擺唔同嘅食物，好豐富！可以揀雞油飯或者白飯，去骨雞肉好鮮嫩，有薑蓉及泰式辣汁可以點，好惹味，另外仲有冬瓜胡椒湯，炒雜菜。呢個勁推介👍🏻日本南瓜焗海鮮飯，呢個需時大概25分鐘左右，聽店員講呢個係用咗日本嘅溫室南瓜，初初以為用切粒南瓜肉嘅焗飯。一嚟到先知道原來係原個南瓜攞去焗。裏面釀入炒飯，飯面蓋上微辣嘅海鮮咖哩。海鮮有墨魚及蝦。店員仲提供刀叉，裏面啲南瓜肉都可以刮光刮淨來吃，南瓜控超滿足。芒果雪糕配糯米飯：呢個我覺得幾特別，整個椰青拆肉，加入暖暖嘅糯米飯，芒果肉，芒果雪糕及椰奶。 滿滿椰汁香配冰凍嘅雪糕加埋軟糯嘅暖糯米飯，一冷一熱好得意。滿足晒鍾意椰青，芒果，糯米飯嘅我，食落去多層口感椰汁冰：好有椰子味，好冰凍環境舒適，下午茶時段不是太多人，傾偈嘅好地方，店員好有禮貌，服務好好👍🏻

今晚與朋友去到新泰東南亞餐廳，位於灣仔大王東街，是一個充滿泰國風情的餐廳。餐廳提供三層樓高的舒適環境，讓顧客能夠享受美食同時感受泰國的異國氛圍。服務人員親切周到，隨時準備滿足客人的需求，讓用餐體驗更加愉悅。 我非常喜歡這裏的前菜，有創意又美味，醃無骨鳳爪沙律和香芒軟殼蟹米紙卷。鳳爪爽口美味，開胃酸辣，增加食慾。軟殼蟹米紙卷則精致可口，配搭酸甜醬汁，更加惹味。    主食方面，泰式菠蘿炒飯和冬蔭海鮮金邊粉是必試的經典菜品。炒飯炒得熱氣騰騰，帶有酸甜味道，一試難忘。金邊粉的冬蔭湯味濃郁鮮香，份量非常充足，而且鮮美可口。    甜品我推薦芒果黑白糯米飯，色香味俱全，讓人回味無窮。飲品選擇也很豐富，我們選擇了消暑的芒果沙冰和龍眼冰，解渴清涼，配合泰式食品非常合適。 整體的就餐環境非常舒適，裝修考究，讓人倍感放鬆。服務人員彬彬有禮，笑容滿面，為我們提供殷勤的服務。這裡的食物不僅分量足夠，而且味道一流，值得每位食客一試。

同朋友食追月飯，好多餐廳都要book 位，我哋行到呢間泰國餐廳，walk in 等左大約10分鐘就有位喇！餐廳有兩層，間隔都好寛落，由於下層已經滿座，所以安排我哋坐上層，樓梯一樣裝修靚 光猛，坐位都好舒適！我哋order 左豬肉串燒（4串)$88軟殼蟹紙卷西檸蒸鱸魚$198豬肉串燒啖啖肉啊，本身燒到甜甜哋，外表有啲脆，已經好好味😋，再試下點埋啲醬汁，酸酸地甜甜地～又係另一個口味啊軟殼蟹紙卷，呢個真係讚啊，食過有啲紙卷一夾落去子卷就穿窿，自此就好少order 黎食，今次係朋友揀，就試下啦，呢份紙卷好明顯有厚度，吃落去煙煙韌韌，下次食物list又多返樣菜品食喇！西檸蒸鱸魚$198嚟到條鱸魚好大條，要用肥美黎形容🤣🤣仲有湯上埋，唔夠湯可以即時加，而且侍應提點咗將湯放喺魚尾嘅位置，如果爐度太多湯湯怕會倒瀉倒，瀉咗可以直接倒落返個碗嗰度唔會整親人😘整體我覺得好好味，酸酸辣辣，我個人可以接受到辣，由於我朋友因為覺得好辣，所以飲咗好多水侍應都好細心不停過嚟加水，仲問佢係咪覺得太辣，關懷客人，而且佢哋都係笑容滿面，感覺很好