新泰東南亞餐廳 (興旺閣)

营业中

休息中

#ftf_灣仔正宗地道惹味泰式東南亞菜尖沙咀分店已經食過好多次，今日試灣仔分店，選擇超多，全部都好吸引！環境都好舒適，適合大夥兒歡聚！香芒軟殼蟹米紙卷 $98⭐️⭐️⭐️⭐️⭐️清爽開胃，結合芒果甜味與酥脆軟殼蟹，米紙卷口感豐富，適合春夏。搭配酸甜醬汁更提味！燒豬頸肉沙律 $88⭐️⭐️⭐️⭐️⭐️豬頸肉焦香嫩滑，沙律以洋蔥拌入泰式酸辣汁，超惹味！用生菜包住食，開胃解膩。 泰式蝦炒金邊粉 $118⭐️⭐️⭐️⭐️經典泰國街頭美食！金邊粉鑊氣足，酸甜平衡，大蝦新鮮彈牙，可依喜好加花生粉。 雞肉生菜包 $118⭐️⭐️⭐️⭐️香辣炒雞肉碎佐以檸檬葉、九層塔，用生菜包裹食用，口感清新帶微辣。 青咖喱羊架 $188⭐️⭐️⭐️⭐️⭐️東南亞風味混搭！青咖喱椰香濃郁微辣，羊架肉質軟嫩，醬汁適合配薄餅。強烈推薦！印度薄餅 $42⭐️⭐️⭐️⭐️薄餅外脆內軟，必點配青咖喱羊架，沾醬超滿足！🍴新泰東南亞餐廳 (灣仔)📍灣仔大王東街21-23號興旺閣地舖至2樓回頭率🤡🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

公司同事調遣新部門，特別請我地一行5人係新泰東吃飯，特別比左係角落的大臺比我地，剛剛好只有另一圍臺有人，唔算嘈。可能由於今次唔係係叫set lunch, 叫Alaka, 上菜時候都係熱D 。 🍳 **奄列海鮮炒飯**  第一眼見到個賣相幾吸引。現煎的薄蛋皮如絲綢般包裹住粒粒分明的茉莉香米，炒飯裡面有蘿蔔丁、青豆、蝦同少量青口。後尾偏淡，好彩同場我地有叫埋青咖哩，剛剛好可以用黎送飯。   🥘 **泰北青咖喱豬配印度千層餅**  青咖喱泛着翡翠光澤，咖哩味濃，齒頰留香，用黎點薄餅好好味。肉同配料都唔算少，主要如果肉可以再切細塊D 就更易分享。🦐 **炭燒大虎蝦佐雞醬**  手掌長的斑節蝦剖背鋪陳，炭烤脆殼下藏着凝脂般的膏黃。蘸取附贈的雞醬時，蝦肉Q彈入味鮮美，都容易剝離壳。只可惜分量有點少。   🍖 **原個菠蘿排骨**  掏空的菠蘿作盞，琥珀色的排骨浸潤在熱帶果酸裏。叉子輕戳即脫骨的肉質，最妙是刮下果肉纖維拌入醬汁，彷彿吞下一整片雨林陽光。  🔥 **泰式鄉村燒雞**  桧木砧板上的這隻走地雞真係好好味！雞皮形成薄脆的焦糖盔甲，撕開的瞬間雞肉多汁鮮嫩。⚠️ **催客提示頻繁**：即便全面還

最近去咗灣仔一間食泰國菜嘅老字號餐廳，全棟樓高3層，木質調裝修風格好有泰國氣氛feel。Menu好厚選擇頗多，主角麵包焗咖喱軟殼蟹係全場MVP，咖喱加咗椰漿及蛋，特別香濃，軟殼蟹炸得脆卜卜，麵包吸晒個咖喱汁，份量好多，唔使叫炒粉麵飯都得。🙂‍↕️燒豬頸肉烤得啱啱好，外脆內軟，醬汁甜辣過癮，炭燒味好香，食到停唔下來。另外仲叫咗個海鮮泰式炒大蜆炒得香辣惹味好正，大蜆新鮮多汁，食落好有層次。店員推介椰青沙冰！🥰椰香味濃，冰沙好幼滑好清涼，仲有啲椰肉粒，大推，冇介紹錯👍🏻

餐廳位於灣仔修頓球場附近的大王東街地點非常之方便同埋易搵距離灣仔地鐵站4分鐘內的路程餐廳環境都算大樓底又夠高坐得好舒服除咗四人餐枱還有供應12人的大圓枱算是灣仔區少有***泰式炒金邊粉***份量十足熱辣辣嘅Presentation唔錯大大啖蝦肉非常爽口彈牙配料有豆腐條、芽菜、蛋、蔥金邊粉都好滑總之好食😋***泰式咖啡配奶備用***大大杯凍飲好濃味嘅咖啡炎熱的天氣下非常解渴值得一提的是而家下午茶set（2:30-4:30p.m.)做緊全單八折有海南雞又有Laksa好抵食細看menu其實都幾多不同款式的野食有燒烤、海鮮、湯、多款的炒粉麵飯如果多啲人黎食就可以試多啲菜式服務態度良好🙂起菜速度都好有效率👍

👨🏻‍🍳新泰東南亞餐廳 (興旺閣) (灣仔)📍灣仔大王東街21-23號興旺閣地舖至2樓 「系好食既泰國菜🤤」 男友帶吃🤤原來新泰坐擁3層🙈豪華泰國風裝修，坐得好舒服🤤 👍🏻🍽️麵包焗咖哩軟殼蟹 $248外酥脆內軟糯既麵包🤤配咖喱軟殼蟹一流，惹味，夠熱👍🏻吾使剝殼，食得方便😋 👍🏻🍽️肉碎生菜包（豬） $88爽脆生菜，肉碎調味比平時淡少少，但系好夠味🥹👍🏻同埋好惹味！！ 🍽️泰式蝦炒金邊粉 $118個人覺得偏甜左少少🙈但系蛋包同金邊粉既口感都好有嚼勁🤤蝦都系啖啖肉、鮮甜👍🏻 👍🏻🍽️芒果黑白糯米飯 $78超甜芒果🥹同泰國食到既芒果一樣味！！黑糯米、白糯米都超煙韌好食，可以自己食晒一個😆再encore!! 服務都好好，間中會fill茶水🙈🫶🏻

喺灣仔搵開晏黎食嘅人都知，喺合和一帶搵間正正常常的餐廳堂食都預咗要成舊水，不過好彩有啲店會提供early lunch優惠，唔收加一，新泰就係其中一間。最近同同事黎左食一次，餐牌係咁嘅：泰式蝦炒金邊粉賣相好開胃，又足料，推介炒野！馬拉肉骨茶配白飯之前黎食過單點，記得個肉骨茶係唔錯，set lunch份量都唔少，推介！隔咗十日八日再黎食個餐牌已經換咗，都幾好，可以換下口味。見到keep住有海南雞飯，我就試咗：食落正正常常，冇乜特別，份量好足夠。小貼士：。要12:50前埋單先有10% off。。入座時店員會不厭其煩咁提你一個鐘頭要交檯。。如果自己一個人入去食，入座時店員會不厭其煩咁提你一定會被人搭檯。

今日呢間泰國菜令我感到好失望。環境係ok既，內面坐位同裝修都唔錯，但係食物就唔係咁啱我啦。今日叫左一個午餐泰式蝦炒金邊粉，同一杯奶茶。金邊粉好油，食左幾啖就已經好膩，雖然有加青檸同埋個金邊粉本身都係偏甜，但係真係好膩。奶茶都唔好飲，上面重有黑色一點點（睇相），應該係啲碎茶葉？

今日嚟到呢一間充滿度假風情嘅泰國餐廳無論裝修Menu餐具等等令我感覺我真係置身喺泰國真係好似去咗旅行咁真係好癲Menu揭極都仲有有好多泰國餐廳冇嘢食連甜品都超多選擇！嘢飲好快就上龍眼冰同鹹檸檬梳打隻鹹檸檬大到！同埋好夠鹹！喉嚨好舒服！啲嘢食完全唔係照騙係真係同張相一模一樣㗎！！呢個Pad Thai賣相好靚！味道同泰國嘅一樣！而蝦都係入味，唔係雪味！串燒啲肉超大嚿！！！可以揀要咩肉，我三款都要晒串燒真係燒得好香 同時肉好嫩唔會乾柴！沙嗲醬甜甜地 唔會太搶肉嘅味 掂！青檸蒸烏頭又係必食嘅泰國菜！烏頭鋪滿青檸，蒜同辣椒，醬汁非常惹味而且條魚蒸得啱啱好啖啖肉，唔會一夾就散食得非常爽！可惜我地唔夠多人 如果唔係可以叫多啲，試多啲唔同嘅嘢食！值得encore！

灣仔都幾多泰國🇹🇭菜食好耐之前已聽過呢間泰國餐廳個名但就第一次嚟呢間分店食午市有lunch set $75我哋分別點咗芝士焗香芋海鮮飯及星洲喇沙蝦米線，凍飲+$3，特飲+$8雖然服務人員好多泰國人但食物味道好港式😆不過焗香芋海鮮飯真係好大碟飯味道可以接受啱食量大嘅男士食飯補充體力😆餐廳大有兩層，想快快醫飽個肚可以嚟星洲喇沙蝦米線的豆腐卜未煮熟🤣新泰東南亞餐廳 (興旺閣) (灣仔)灣仔大王東街21-23號興旺閣地舖至2樓

呢間泰國餐廳，我由W Square開始幫襯到大王東街，座位坐得舒服、食物質素滿意，見客或者同朋友嚟食飯的好地方。因為成日食嘅關係，所以叫咗非皇牌嘅餸菜：🥢 越式燒春雞讓香茅黃薑飯切開隻雞，內裏有黃薑飯，啲飯夠入味，雞肉嫩滑，配上醬汁一流！🥢 鴨肉生菜包用鴨肉嚟做餡料，口感得意。🥢 泰式生蝦呢個正常發揮，都係食佢嘅新鮮！🥢 蝦餅魚餅小拼盤蝦餅魚餅都係不二之選其實我仲嗌咗個沙律，不過唔記得咗影😆呢度服務好，講真我好明白點解佢做十年不倒！

🍚 泰式海南雞飯賣相已經好現 好似便當feel 有菜有湯 雞皮晶瑩，肉質嫩滑 泰式版本醬汁酸辣蒜蓉醬撞擊薑蔥油，淋上吸飽雞湯精華的黃薑飯🍝泰式炒金邊粉上桌先聞到焦香！金邊粉裹滿羅望子酸甜醬，大蝦彈牙，花生碎+青檸汁的經典操作，一秒穿越曼谷街頭大排檔🍢 街邊雞肉串雞腿肉串燒出虎紋焦斑，咬開肉汁四濺！蘸上花生沙嗲醬，椰奶香溫柔包裹辛辣，記得追加兩串都只係$28🦐 酥炸鮮蝦毛春卷皮炸成金色蕾絲，每口都藏著完整蝦肉，蘸梅子醬酸甜解膩🍹 ▫️青檸梳打：氣泡帶著香茅檸葉香，十分清爽▫️椰汁冰：香濃綿滑椰汁香🥥🥭 芒果雪糕糯米飯溫熱椰漿糯米墊底，疊上芒果雪糕+新鮮芒果粒，冷熱交織感覺😆─── 𝗘𝗔𝗧𝗜𝗡𝗚 𝗡𝗢𝗧𝗘𝗦 ─── ✓ 午市套餐$75起包飲品，打工族秘密基地 📍新泰東南亞餐廳 (興旺閣) (灣仔)灣仔大王東街21-23號興旺閣地舖至2樓

本身諗住試第二間泰國嘢點知冇開，過嚟買蛋撻見到對面有間泰國嘢就打算試吓#肉碎生菜包 $88呢個生菜包辣辣地所以相對嚟講都比較惹味，而佢嘅辣係食第一啖唔覺，食食吓就開始滲出嚟，到後尾直頭嚟料🤣🤣🤣搞到要係咁飲水#燒豬頸肉 $98豬頸肉係呢三樣嘢入面最好食嗰樣，本身豬頸肉都有少少調味，加埋個醬汁真係冇得頂，又帶有少少甜甜地，令人忍唔住一舊接一舊#泰式蝦炒金邊粉 $118呢一個粉真係最唔推薦，首先食落個味道剩係得個甜味，其餘咩味都冇，就算吱咗青檸汁都補救唔到，啲粉好似煮得太耐，有啲過腍甚至爛爛地咁搞唔掂，真係唔會再嗌呢樣

今晚，我特意帶老婆來慶祝她的升職，選擇了灣仔的人氣泰國菜餐廳——新泰東南亞餐廳。這裡的裝潢充滿濃厚的泰國風情，牆上掛滿了精緻的泰國畫作和各式飾品，讓人彷彿置身於泰國的熱帶氛圍中。店員們親切有善，服務態度極佳，讓我們感受到賓至如歸的氛圍。我們的晚餐選擇了幾道特色菜品。首先是香芒軟殼蟹米紙卷，酥脆的軟殼蟹搭配清新的香芒，口感絕佳。接著，泰式蝦炒金邊粉色香味四溢，蝦肉鮮嫩，金邊粉吸收了濃郁的調味，令人陶醉。蕉葉烤盲曹則是另一道亮點，香氣撲鼻，盲曹的肉質鮮美，搭配蕉葉的清香，讓人食指大動。奄列海鮮炒飯則是我們的主食，海鮮新鮮，米飯粒粒分明，口感豐富。最後，我們品嚐了芒果糯米飯，甜美的芒果搭配香糯的米飯，完美的結束了這頓美味的晚餐。整體而言，今晚的慶祝活動不僅讓老婆感受到我的心意，也讓我們一同享受了美好的泰國風味。

今日同班friend去咗灣仔老字號新泰食飯，佢哋喺灣仔經營多年，而且係雙層設計，裝修好有泰國風味，一入到去就好似去咗泰國咁。我哋一行四人，坐得都幾舒服。首先要讚嘅係佢哋嘅串燒，唔算醃好耐，但食到肉本身嘅鮮味，再點埋佢哋嘅沙嗲醬，都幾惹味 。肉碎生菜包酸酸辣辣，非常開胃，而且肉碎炒得夠香，撈埋生菜一齊食，口感豐富，水準之上。 香辣海鮮炒河粉都好出色，河粉炒得夠鑊氣，彈牙得嚟又唔會太油膩，配料都好足料，有新鮮嘅青口，食得出係用心製作。 另外，馬拉盞炒通菜都好好味，味道幾好，馬拉盞的香氣濃郁，通菜又保持了爽脆的口感CP值都算幾高，食物質素唔錯，價錢都合理，值得一試。店員最後仲有問下大家有咩改善好唔好食。同埋食生菜包前好貼心準備好濕紙巾比我地

好食，服務好好，環境優雅闊落。我哋嗌咗馬沙文咖喱，豬肉串燒，印度薄餅，都好好食，海南雞飯啲飯都好食，啲雞就稍嫌冇咁嫩滑。至於椰香木薯就唔好嗌啦，其實就係番薯。總嘅嚟講非常滿意，性價比高。