新泰東南亞餐廳 (雙子匯1期)

营业中

休息中

主打一系列正宗東南亞菜式的「新泰東南亞餐廳」於香港成立多年，最新分店選址啟德雙子匯，店內裝潢充滿渡假風情，座位寬敞舒適，設室外雅座可遠眺啟德景觀，夜景觀賞值高-泰式青咖喱雞 $108雞肉嫩滑有雞味，配菜有薯仔、泰國茄子、紅椒及豆角等，絕不馬虎，咖喱清香溫順，辣度不高，很惹味-印度薄餅 $42富牛油香的薄餅非常香脆，蘸上咖喱醬汁更美味-蒜蓉炒貴妃苗 $98份量充足，貴妃苗新鮮爽脆，翠綠可愛，蒜香十足，健康之選

去啟德行下新商場雙子匯, SOGO好靜…但逐層上行到最高好似入左結界😂 14樓既新泰突然勁旺, 好多家庭客店員著泰國服飾又好親切原來午市套餐只需$75, weekend都有供應, 12:50pm前離仲有九折!午餐 - 泰式鹵鴨湯河粉 $75鹵鴨唔算好嫩滑但緊緻鮮甜肥瘦適中, 大讚個湯飲落好清, 簡單用蒜粒就提到鮮, 飲多幾啖都唔頸渴午餐$25可加配小食, 揀左泰式炸蝦餅, 金黃脆卜卜, 蝦膠好彈牙; $8可轉配特飲, 龍眼冰清甜多果肉麵包焗咖哩軟殼蟹 $248軟殼蟹外脆內軟炸得好透, 個農夫包味道較plain, 蘸咖喱就岩晒, 質地亦好脆, 包連咖喱清碟🙂‍↕️泰式炒椰菜仔 $108每粒椰菜仔都切左一半, 軟硬適中, 保留蔬菜質感同水份同時又吸滿蒜香鑊氣原個椰青大菜糕 $75好清甜又夠冰凍, 刮出椰肉放入大菜糕, 無論味道同質地都有所提升, 爽過飲椰青😆

新泰向來出名，今次黎左呢間啟德嘅新泰試下，裝修份外新穎乾理，店員一部分都係泰國🇹🇭藉員工醃無骨鳳爪沙律🥗鳳爪爽口新鮮，酸酸地挺開胃，蕃茄🍅都好鮮甜馬沙文牛腩🐮 馬沙文咖喱🍛好有椰奶香味，牛腩好嫩滑淋甜仲有啲薯仔🥔作配菜～印度薄餅🍕香脆酥化，一定要蘸上馬沙文咖喱一起吃，吸收晒啲精華！雖然好邪惡😈但的確好好食～泰式蝦炒金邊粉金邊粉質感彈牙，配上原隻大蝦新鮮彈牙，非常爽甜！醬汁亦不會太辣，尤其好食！馬拉盞炒通菜🥬通菜呈翠綠色，咬落去好爽脆，而且有少少辣🤏要食返啲蔬菜中和一下飽膩感泰式奶茶🥤喝下去清甜涼快！在這個夏天喝一口非常鮮渴消暑！

⭐️上菜速度令人驚喜，幾乎唔需等待，讓人能迅速享受美食。食物嘅份量也相當充足，無論係主菜還是配菜，都能讓饕餮客滿足。更重要的是，價格合理，性價比極高，讓人感覺每一分錢都花得值得。⭐️餐廳提供的戶外用餐空間非常寬敞，讓人係享受美食嘅同時，也能呼吸新鮮空氣，享受周圍嘅環境。整體用餐體驗非常愉快，不僅適合家庭聚餐，也適合朋友聚會。總之，呢度嘅美食同服務讓人印象深刻，絕對值得再次光臨！

今日喺啟德同朋友去咗行下 順便搵食 行過睇到呢間泰國菜門面幾靚 就試一試 一入到去職員好有禮貌咁問我哋會唔會想坐outdoor 但因為今日比較大風 所以我哋冇揀到 不過都影咗幾張相(如果坐outdoor應該會好chill) indoor其實都好闊落 佢預既二人枱其實都夠四個人坐 食物方面😋我哋嗌咗細既冬陰功 二人份量啱啱好 可能為咗迎合香港人嘅口味 佢都係偏酸而冇咁辣 非常開胃 前菜叫咗芒果軟殼蟹籽米卷 芒果同軟殼蟹既份量比其他泰國餐廳多 口感好豐富 超級推介！ 另外嗌咗豬牛雞串燒 值得一提個沙嗲醬十分出色 沙茶醬同咖喱比例平衡到燒烤好既串燒 感覺毫不油膩主食叫左馬拉盞炒通菜同越式蟹肉炒粉絲 前者就係你想像到既味道🤓🤓後者蟹肉ok 鑊氣十足 同粉絲一齊食原來幾夾 而且整體份量都好多 兩個人食岩岩好

🔹燒牛柳沙律 $118材料豐富有沙葛、青瓜、車厘茄、大蒜、唐芹、蔥香、生菜及胡蘿蔔絲等；燒牛柳緊緻多汁，肉嫩鮮香；多種蔬菜新鮮爽甜，配搭酸辣平衡的汁醬，醒胃滋味-🔹冬蔭功 (細) $98除大蝦外，加入秀珍菇、草菇及芫茜等；大蝦鮮甜爽彈，湯品集鹹酸辣三種味道，層次分明-🔹日本南瓜焗海鮮飯 $158原個南瓜呈上，誠意十足芝士鋪面，海鮮有海蝦、魷魚及青口海鮮新鮮爽口，米飯加入三色豆及粉綿香甜的鮮南瓜肉，啖啖椰漿香氣滲到飯中，齒頰留香

多人推薦過新泰尖沙咀分店宜家新泰分店都進駐左啟德雙子匯新商場部分店員好似係泰國人 地道感覺座位舒適 另設卡位餐牌及餐具精美提供溫水 養生人加分冬蔭湯海鮮金邊粉 $88大大“窩” 連大湯匙羹材料豐富 多款海鮮 🦑🦪🦐橙黃色既冬蔭湯好吸晴湯頭唔太辣 酸甜開胃同幼身金邊粉好夾泰式燒春雞釀香茅黃飯 $228製作需時 值得等待見隔離2枱都有叫原隻燒春雞 唔算太大隻 2個人可以食得晒跟一碗惹味沙律 同埋醬汁燒春雞同埋釀係入面既香茅黃飯 都好入味雞肉嫰滑 一啖雞肉加一啖飯 好食鐵板蠔仔炒蛋 $118鐵板上枱 滋滋咋咋同餐牌相有d分別 似係炸多過炒？圖片真係只供參考鐵板底鋪左大量芽菜蛋餅厚實多料 每啖都有飽滿既蠔仔而冇腥味飛天通菜 $98惹味 新鮮翠綠通菜

今次去左啟德新地標雙子匯果邊行街，成棟大樓餐廳唔算多，我就簡左呢間位於14樓，裝修充滿泰國風情而且環境舒適既泰式餐廳。除左室內座位外都有設室外可以直接望到啟德既景色，食物同服務質素都非常唔錯。———————————————🌟 燒西冷牛扒 ($138)叫咗5成熟，牛扒煎得啱啱好，切開仲見到完美嘅粉紅色，肉質超級腍滑。佢比較特別係有泰式醬汁配襯，醬汁味道酸酸辣辣充滿泰式風味。🌟冬蔭功(小) ($98)湯底酸辣度平衡得好好，唔會太刺激，飲落好順喉。入面有兩隻大頭蝦，蝦肉爽口彈牙，仲有大量草菇同香茅，香料味好正宗，飲完成個人暖笠笠！🌟泰珍珠椰菜苗炒香菇 ($108)椰菜苗炒得翠綠爽脆，超級夠鑊氣，香菇吸晒醬汁精華。🌟泰式蝦炒金邊粉 ($118)金邊粉炒得乾身唔油膩，茄汁味偏濃但唔會太甜，蝦肉新鮮爽口。最吸睛係面頭個蛋網，一切開果下熱辣辣既煙同香味都溢出，打卡一流！🌟泰式凍奶茶 ($48)叫咗少甜，茶味香濃得嚟帶淡淡花香，甜度啱啱好，飲落順滑，完美中和泰菜嘅辛辣！

第一次過黎雙子匯食晚飯，平日晚市每間餐廳都有位，甚至可以包場真係生意麻麻......我地就揀咗呢間泰菜試下，知道佢喺其他地區有分店，甚至扎根咗好多年都無機會食過，就試下呢間新分店啦！呢間分店我諗應該係裝修最好、最新淨，而且空間感最充足既分店兩個人叫到既餸菜唔多，所以決定試d basic野，睇下佢既味道如何冬陰功湯味道唔錯，用料充足，兩隻蝦都鮮甜，成個湯底酸辣得黎有少少甜，好易入口飛天通菜略咸，不過用料都新鮮，蒜粒好香原本叫燒豬頸肉，點知落錯單，黎咗碟串燒，我地都唔想浪費食物，就將錯就錯食串燒啦牛豬雞各2串，個樣燒得好靚，不過醃肉略嫌太多鬆肉粉，所以肉質差d，不過個沙嗲醬係好味既，有花生香最後就係呢個泰式炒肉碎，味道都係好正常既，食到底就油膩少少。整體黎講，食物算唔錯，個人覺得稍為濃味咗d，價錢合理，環境舒適，仲有2小時免費泊車。有下次！

今日諗住去啟德Sogo行吓 順便睇吓附近有咩食原來呢間新泰喺度開咗分店 試試佢先🥩 燒西冷牛扒見到Menu張相好吸引就嗌嚟試吓果然有驚喜 牛扒燒得好香口生熟到拿捏得啱啱好 牛味濃郁肉質一啲都唔韌 點埋隔離嘅醬汁 一流🍗 青咖哩羊架羊架燒得好香脆 大大嚿好滿足青咖喱汁值得一讚 調味非常惹味味道微辣而且好清新 質地亦好掛汁用嚟點旁邊嘅蔬菜食冇得頂🐟 蕉葉烤鱸魚呢度菜非常特別 用成塊蕉葉包住黎燒既鱸魚好有泰式風味 食落味道清新 而且調味啱啱好鱸魚肉質鮮嫩 多汁 魚身好厚肉 好滿足🥗 鹹魚炒芥蘭呢碟芥蘭炒得非常惹味 鑊氣十足鹹魚份量好足料 非常真材實料

📍 新泰東南亞餐廳 (雙子匯1期) (九龍城)九龍城啟德協調道12號雙子匯1期崇光啟德店食匯堂14樓1404-1405號舖👉🏼 越式蟹肉炒粉絲💰118😋😋😋😋.7/5呢道越式蟹肉炒粉絲真係好正！粉絲吸咗蟹肉嘅鮮味，口感滑而唔膩，加上一啲香料，味道層次分明。蟹肉肉質鮮甜，每一口都令人心滿意足，配搭啲三色椒同埋芽菜，真係非常清新可口！👉🏼 鐵板蠔仔炒蛋💰118😋😋😋😋.8/5鐵板蠔仔炒蛋係一個好香嘅選擇！蠔仔鮮美，炒蛋滑溜得嚟又唔油膩，兩者結合得好好，仲有鐵板上嘅香氣，令人食得非常開心。每一口都充滿海鮮嘅鮮味，非常推介！👉🏼 泰珍珠椰菜苗炒香菇💰108😋😋😋😋.7/5呢道菜就係清新又健康，珍珠椰菜苗嘅脆感搭配香菇嘅香味，味道好平衡。炒得剛好，保持咗菜嘅鮮嫩，口感非常好，適合鍾意清淡口味嘅朋友👉🏼 燒西冷牛扒(5成)💰138😋😋😋😋.9/5燒西冷牛扒真係一絕！五分熟嘅掌握得好好，肉質鮮嫩多汁，咬落去非常滿足。配搭簡單嘅調味，令牛肉嘅原味更突出，真係好好味！👉🏼 燒豬頸肉💰98😋😋😋😋.9/5燒豬頸肉味道厚重，肉質柔嫩，外面微微焦香，裡面卻保持著多汁，食落去唔會感覺太油膩，搭配啲醬汁更添風味

啓德雙子匯陸續有更多餐廳開幕，呢間位於14樓嘅泰國菜尤其多顧客。不過附近AIRSIDE以至九龍城區都多泰國菜，競爭不小，一於試下質素相比同區其他泰國菜如何。泰式菠蘿炒飯 ($138) ★★★✰✰泰式炒野菜仔 ($108)  ★★★✰✰菠蘿炒飯味道非常standard，面頭有兩隻大蝦，入面有啲魷魚粒、提子粒等等，附有腰果同肉鬆，飯量豐富，價錢唔算好平。至於炒野菜仔，都明白Brussel sprouts本身炒出嚟會有啲硬同埋有少少苦味，只能算係普普通通嘅蒜茸炒菜。泰式蝦炒金邊粉 ($118) ★★✰✰✰賣相討好，可惜金邊粉炒得有啲碎，而且唔係每啖都有充足嘅甜酸味，亦略嫌大蝦有雪藏味。燒烤大拼盤(扇貝、半殼蠔、大虎蝦、鮮菠蘿) ($428)  ★★★★✰烤菠蘿十分有質素，甜度剛好而且仲好有水分。呢度嘅大虎蝦肉質好新鮮烤得熟到適中；扇貝同蠔有大量芝士，味道同海鮮質素屬正常發揮。燒豬頸肉 ($98) ★★★★✰相比其他菜式，烤豬頸肉一百蚊以內有十幾片都算比較抵；辣汁惹味，本身豬頸肉亦唔韌同好香口。泰式生蝦 ($118) ★★★★✰泰式生蝦肉質有彈性，感覺新鮮，與酸辣汁好契合。一碟大概7-8隻。整

啟德雙子匯一期14樓超大超靚景性價比高新泰東南亞餐廳👍一次好滿足既午餐體驗！二人套餐好食又抵食泰式蝦米紙卷清新可口的小吃，食材新鮮，生菜、米紙、鮮蝦和各種蔬菜，搭配酸甜的調味醬，口感脆爽，非常適合當作開胃菜。泰式清咖喱雞，印度烤餅辛辣中帶有清新的香料氣息，椰漿的滑順與甜美平衡了咖喱的濃烈，使每一口都充滿層次感。雞肉，蔬菜吸收了咖喱的香味，搭配印度烤餅一齊，實在太滋味！馬拉盞炒通菜味道鮮美獨特，帶有濃郁的海鮮風味。馬拉盞醬的鹹香與微辣，讓通菜的清新口感更加突出。炒制過程中，通菜保持了脆嫩的質地，與醬料的融合創造出豐富的層次感，讓每一口都充滿香氣和滋味，令人食欲大開。永遠唔會令人失望嘅飯後甜品芒果糯米飯

來到啟德玩，發現樓上竟然有一間裝修好靚，座位又大，睇落好高級的泰國菜，睇左外面菜單，發覺價錢都係正常泰菜價錢，馬上入去試一下。來食泰國菜應該大部分會試冬陰功湯，但係我五想飲酸酸辣辣的，就大膽滴試左距地個肉骨茶。有驚喜，湯底無好濃的藥材味，好清甜的肉湯味，仲有肉骨的分量好足見到隔離檯個菠蘿飯几靚，我地又點左一個，菠蘿係甜菠蘿，個飯超好食鳳爪分量有滴少，但係味道係可以的。生菜肉包正常水準，碎肉都比較多汁，味道可以。距地個燒烤其實好正！本身肉燒得五柴，搭配距地個醬，簡直係我食過最好食的泰式燒烤。春卷麵粉稍微多左少少，味道係可以的。呢個飛天通菜勁辣，送飯一流，不過五知係五係季節問題，我鐘意菜葉多滴。泰式奶茶好濃的茶味，一個字，正！

之前在其他地區都有食過新泰，啟德這一間是第一次，餐廳裝修又真係靚靚的👍🏻，有啲金碧輝煌的感覺，而且地方大，仲有露台位置。先來個小吃-香芒軟殼蟹米紙卷，睇個賣相好fresh，因為菜很嫩，芒果又甜，食落真係有種清新的口感。之後就係冬陰功湯（小），小小辣，濃味，好多料（蝦🦐）幾岩香港人口味，如果去泰國飲冬陰功湯，通常都偏辣。再來有辣椒膏炒蛋大蜆，蜆正常，反而重點去咗個辣椒膏，超級惹味，直頭可以撈飯食👍🏻。鐵板蠔仔炒蛋，我見到台台人都有叫，而家上枱時滾熱辣，睇個樣都正😋，食落表面鬆脆，蠔仔好大隻，蠔仔蛋下面有芽菜墊住，入晒味，推介🫰🏻🫰🏻。印度薄餅一定要食，非常鬆脆，點咖喱又得，點辣椒膏又得。好好食。👏🏻👏🏻話時話。，落單張單除咗有中文，仲有泰文🤣，咁得意，同埋我見到侍應真係有用泰文溝通🤣🤣🤣。