新泰東南亞餐廳 (雙子匯1期)

是日喺启德行街，喺sogo 双子汇揾野食😍见到14楼呢间新泰东南亚餐厅装修得好华丽🤣有一大只大笨象，仲有好多富有泰国特色既摆设，餐厅采用半开放式设计！俾我地有好chill 既感觉😍😙😙呢度嘅午市套餐非常抵食，假日都有都系$75咋，仲包埋普通餐饮如果想饮特色饮品嘅好似龙眼冰椰子冰，呢啲就加$8都唔算贵呀😄😄午市套餐嘅选择都非常多有饭有面我见最多人就叫海南鸡饭，我哋就叫咗一客试吓，再追加一个焗奶油大虾伊面😆😆焗奶油大虾伊面味道好特别，甜甜地嘅，几开胃，奶油大虾肉质都唔错😌正正常常🤭🤭谂谂吓好耐冇食过鱼，仲叫咗条青柠蒸乌头试吓，唔要乌头可以拣鲈鱼🐟我好钟意呢条蒸乌头 ，好入味！正！😆😆青柠蒸鱼$198 （乌头）海南鸡饭$75升级 炒杂菜$28椰汁冰$8焗奶油大虾伊面$75龙眼冰$8烧西冷牛扒$138- 可以拣几多成熟😚我地㨂咗七成熟，都煮得唔错！🤗🤗仲切埋片🤗🤗摆碟都好靓好吸引！总括而言，呢间餐厅无论食物卖相定价钱都非常吸引！仲有环境布局Tim! 可以食得开心，又坐得舒服！打咭仲一流！新泰东南亚餐厅 (九龙城)九龙城启德协调道12号双子汇1期崇光启德店食汇堂14楼1404-1405号舖…查看更多

启德开左好多新商场, 系屋企附近揾食都方便得多, 早几日系双子汇行完街上左楼上食泰国菜, 之前食过湾仔分店, 相比下启德新开店铺新装修, 餐厅都几大间, 坐得舒服阔落泰式串烧有猪、牛、鸡三款肉各两串, 配左咖哩汁点黎食, 每串肉都腌得几入味, 食落味道甜甜地, 肉质几嫩滑, 估唔到份量都唔少, 点埋汁食更加惹味食泰国又点少得泰式生虾, 好耐无食过, 生虾爽滑可口, 连埋面头块蒜片同辣椒加泰式生虾辣生一齐食, 超正, 酸辣兼备, 食完立即起返条瘾想去个旅行!铁板蚝仔蛋卖相好吸睛, 外层炸得酥脆可口, 蚝仔劲大粒肉之余, 份量多到吓一跳, 加上鸭蛋既香气再点埋个甜辣酱一齐食, 完全系食唔停口可爱摆盘既日本南瓜海鲜饭, 本身以为系普通用白汁焗饭, 一食先知原来个饭底系冬阴公味炒匀, 酸酸辣辣好开胃, 而馅料分别有鲜鱿, 大虾, 青口等等, 食饭之余仲可以食埋香甜既日本南瓜肉蓉, 整个口感都好丰富, 超好味最后叫左个椰汁沙冰, 完全唔系普通咁用椰汁冲成, 饮得到当中除左有椰奶, 仲有椰子肉碎, 除左饮之外仲可以食埋椰肉, 椰味更加浓厚, 叫一个已经够哂两个人饮…查看更多

今日去左启德双子汇行下商场，食个lunch.同朋友去左一期14楼嘅泰国菜新泰食午餐。餐厅装修好有渡假风情，坐得好舒服，而且唔会噪。星期六午市都仲有set lunch, 我地叫左一个越式蟹肉炒粉丝 加配 烧猪颈肉沙律。餐饮跟配冻即磨咖啡越式蟹肉炒粉丝都几大碟同足料， 蟹肉都足，食落香甜，粉丝炒得干爽口，唔会太重口味，味道唔错。加$25 配埋 烧猪颈肉沙律，酸辣开胃，猪颈肉爽口好食，沙律菜够新鲜。串烧羊肉 卖相好靓，烧得啱啱好，配料蕃茄仔，洋葱，菠萝等等，色彩鲜艳。羊肉粒，肉质有咬口，带少少筋，有香浓嘅羊肉味，配埋酸酸地嘅酱汁好夹。蔬果配料新鲜，食落好juicy, 风别系菠萝超香甜多汁，必试羊肉串烧。原个菠萝咖哩虾充满椰香嘅咖哩食落香甜顺口，够厚身，虾数过有8只左右，用咖哩煮完都有食到虾嘅鲜味，肉质弹牙。放左阵都仲暖暖地嘅香脆印度酥饼配埋咖哩好好食，外脆内软。泰式冻奶茶，叫左少冰少甜，奶茶味道够香浓，几好饮！餐厅都好多泰国人店员，服务有礼亲切，环境都好好。…查看更多

餐厅真系好有特色，由门口一装修布置，到每一个侍应打招呼都真系好似去咗泰国睇得出餐厅都好注重每一个细节今日两个人食饭拣咗一个汤，2个菜，一个主食1.肉碎生菜包-鸡肉2.冬荫功汤3.蒜蓉炒贵妃苗4.泰式菠萝炒饭冬荫功汤，汤头酸辣开胃，喺口腔入面爆发出柠檬叶、香茅和辣椒嘅层次感，既有热辣刺激又保留泰菜嘅香气。海鲜份量十足，虾肉鲜甜弹牙，汤底香浓但唔会过咸，真系令人一啖接一啖，好适合开胃，细份量都好够两个人饮😋肉碎生菜包，可以拣鸡肉或者猪肉平时成日都食猪肉，我哋今次就试吓鸡肉肉碎味道浓郁，酸酸辣辣，完全足够包晒每一块生菜，口感清新又健康，味道同质感都极佳至于蒜蓉炒贵妃苗，青菜爽脆，蒜香浓郁，每口都带住浓厚嘅蒜香同油润感最后，泰式菠萝炒饭带出咗明显嘅酸甜果香，米饭粒粒分明，好松散，完全唔会黏笠笠。菠萝同炒饭混合得宜，以菠萝上菜感觉又美观饭粒又能够吸咗菠萝的香味，满满的炒饭整餐约两人$464，食物质素、份量配合环境，都觉得不错…查看更多

新泰启德店必食！沙嗲串烧 x 冬荫公 真系正到爆！喂，讲起启德揾食，想食正宗又高质嘅东南亚菜？「新泰」真系唔可以错过！佢哋间启德分店坐得舒服，重点系啲嘢食坚掂，尤其系佢哋嘅沙嗲串烧同冬荫公汤，食过返寻味㗎！ 沙嗲串烧 - 食肉兽最爱！新泰嘅沙嗲串烧，真系镇店之宝！佢哋啲串烧（鸡牛猪都有，最推鸡同牛！）烧得啱啱好，外皮带少少焦香，咬落去啖啖肉都 超Juicy超嫩滑，一啲都唔「鞋」口！最灵魂梗系佢哋个秘制沙嗲酱啦！花生味超香浓，带住啲微甜同香料味，仲有少少粒粒花生碎添，口感丰富到晕！点满个酱，真系一串接一串，停唔到口㗎！同friend share叫半打/一打，系基本啦！冬荫公汤 - 酸辣过瘾！钟意饮冬荫公嘅朋友，呢度嘅版本真系 超！级！推！ 一上枱就闻到好香嘅香茅、南姜、柠檬叶味，劲开胃！汤底嘅 酸、辣、香 平衡得好好，唔会一味死辣或者得个酸字，而系好有层次！辣度算适中（如果怕辣可以叫少辣），饮落去个喉咙会feel到少少刺激，但跟住系浓郁嘅海鲜甜味同香料香，好过瘾！仲要 料超足，大大只鲜虾、爽口草菇，饮完个身暖粒粒，超满足！点解特别推介启德店？环境够新净宽敞，坐得舒服，好适合同班friend或者屋企人慢慢食、倾吓计。服务都几好，上菜速度合理。价钱方面，呢个质素绝对合理，性价比高！想食地道又高质嘅泰式风味，沙嗲串烧配冬荫公呢个组合，真系 必点！食完包你心思思想再encore…查看更多