新樂園魚蛋麵餐廳

今早睇完醫生想去飲茶，點知喺街市左行行右行行攪到晏咗，去街市大樓買完糍粑仲講緊返屋企樓下茶餐廳食午餐，靈機一觸不如喺街市大樓食埋，唔駛兜去揾食 🤣🤣🤣一向有幫襯開新樂園晚飯，早兩星期仲摸門釘，原來而家疫情生意都係淡靜，所以佢哋逢星期一休息。我哋叫咗蓮藕炆腩仔飯同四季豆肉鬆炒飯，蓮藕腩仔都好入味好啱餸飯，蓮藕啱季節仲咬到有絲 🤭🤭四季豆肉鬆炒飯夠鑊氣，食到啲飯一粒粒唔會一舊舊，一啲都唔膩 👍👍奶茶都算合格但算不上好正，整體性價比都好高 😋😋😋…查看更多

如果講環境，就千祈唔好去街市食，lee度嘅環境包括地方同客仔都係唔夠class, 有幾台客仲喺度一路食一路猜媒。但係由於現埸坐爆曬人，及見到周圍枱d食物賣相唔錯，儘管一試。一坐低伙記熱情招呼，叫做補番先天不足。我點咗椒鹽蠔仔，蘇脆得嚟好好食，好香口，d皮唔會炸到一舊粉咁，碟餸嘅賣相亦唔錯，金黄色。我平時係連天婦羅都唔會食，此店竟然令我開金口食炸野。好野! 另外三杯雞亦夠鑊氣，如果唔係有少少炒到焦黑色會更理想。…查看更多

說大埔，最容易找好野食的地方，就是大埔墟。而大家又要找老字號的話，一眾由舊時廣福橋橋頭起家，直至今時今日依然在經營的的大排檔小店，就集中在大埔墟街市的熟食中心了。去年，因為太太的兄長從美國回來，親戚們說中午在街市平平地開兩圍。我們來到《新樂園魚蛋打冷小廚》，原來安排了小炒同海鮮加工。那我就在街市熟食中心裝修後重開後的這一個時間，評一評去年吃過什麼好東西。從來只知道《新樂園魚蛋打冷小廚》在早上會有點心，炒粉麵、魚蛋粉等等。從來沒想過是可以在樓下街市買海鮮，拿上來做來料加工。因為太太一家人，大概有一半是素食者，所以，這一餐都不會是大魚大肉。我們只來幾個大家啱食的海產類食品，再加些炒粉炒麵就是了。而且，大埔街市有一個特點，只要有幫襯，每一檔食肆都不會介意大家從場內其他的熟食檔帶東西來一齊享用。我們分了兩圍，所以出來的份量只有一半。買了蜆給他們來一個簡單的豉汁炒蜆。在味道上絕對是合格，原因就是鑊氣夠，味道又濃又鮮又香，大排檔炒菜的風味，莫過於此。另一味是蒸龍躉球。街市買來了新鮮的龍躉腩，每一分肉都是爽口，爽脆同鮮甜。店方只用蔥同豉油就可以令到魚肉好好味了。薑蔥蟹，我們買到最新鮮既蟹，再用最快的速度斬件，再用最快最具鑊氣的方法炒熟。令鮮甜的蟹汁完全地保留在蟹殼蟹肉來，每一口都是蟹的鮮味。此味道，大排檔才有。是日，只有少部份的食物是來料加工，我們更感興趣的，其實是午市的炒粉麵。阿仔跟一班阿姨們來得多，所以一來到就知道要吃什麼。那天，一碗牛腩河加魚皮，就可以令他滿足一整天了。這兒的牛腩，是清湯腩，我沒有研究湯底有什麼了，只知道牛腩的肉味非常之出眾，而且很腍。到了最後，我要幫阿仔包底所有河粉，在吃每一口河粉當中，我深深地 feel 到牛腩的肉香味。另外，我們每檯都炒了兩碟河粉，一是乾炒牛河，二是乾炒豬扒河。單是看顏色，香味及上檯時的水蒸氣，已經知道這是一個鑊氣十足十的炒河。豉味同顏色一樣，非常之均勻。炒牛河，在濃濃的豉香帶出了更濃郁的牛肉味；而炒豬扒河，就著重了豉味，始終豬扒的味道沒有牛那麼濃。再來了一份肉絲炒麵。底部的炸麵十分之出色。吸了汁之餘又卜卜脆，有香口的肉絲的茨汁味道，也有香脆的炒麵味道。最後來的一道菜，是鹽焗雞。為何是最遲來呢? 原來因為我們是中午來，店方只好即叫即焗。所以，這一道鹽焗雞，是熱辣辣的，而且是真的鹽焗出來的，咸香味佈滿在每一分的雞肉內，甚至連雞骨也有可愛的鹽巴香味。可以說，這是當日最好食的一道菜式。其他素食的炒青菜同隔離檔買回來的點心及素食就不評了。只說是《新樂園》的小炒同炒粉麵，我覺得是極具水準的。晚上來打冷又好，炒幾個小菜又好，應該會是很出色。…查看更多

大家食海鮮好多時都走去三聖，鯉魚門或流浮山，其實大埔都可以好好味架 🤤🤤大埔街市都出名多嘢賣，地下有好多檔新鮮海鮮賣，今次我哋諗定食乜就行吓邊檔靚就既場買，買咗攞上樓上即煮 😍😍蒜蓉粉絲蒸貴妃蚌，粉絲小咗啲，但無影響鮮味，仲幫我哋留肚食其他嘢。豉椒炒聖子，聖子新鮮，配菜夠多又入味。豉油王大蝦，嘩嘩嘩，好味到不得了，大蝦有好多膏，蝦肉又實，豉油味係晒啲蝦，無得頂。以上 3 款海鮮雖然自己買，但可見新樂園啲廚工了得。我哋 4 個人以上每款每人 2 隻，食完都飽咗 8 成，跟住叫咗椒鹽豆腐同小炒王送酒，豆腐好係味，我好飽都隔陣又夾件落肚 🤣🤣🤣呢度小炒王無得輸，出去食過幾間唔同配料，我都係喜歡呢間，但今晚啲韮菜有小小老，都好正。…查看更多

等左半個鐘都未有得食一路只係出啲特價午餐 一次過出晒啲抄飯抄米 出左3次我既都未到 後我黎既人都食左一半 做生意做到咁真係失敗 霸咁大地方咁多張枱 啲生意都做唔切 一個茄牛飯都要等半個鐘 …查看更多

眾所週知，大埔街市的食杯新鮮，款式多，價錢平，所以有不少大埔C9都會去這裡買餸，甚至吸引其他人區的C9誇區前往。上面的熟食中心其實都不簡單，今日去的新樂園魚旦粉麵餐廳，早、午市毫不起眼，只賣一般的魚旦粉，晚上卻做小炒滷水海鮮，味道和價錢都不錯，點了潮式煎蠔餅、滷水豆腐、滷水鵝肉、椒絲腐乳生菜和街市自購加工的白蜆。潮式煎蠔餅炸醬薄薄，香脆鬆化，蠔仔分量多而肥美，配啤酒一流；滷水豆腐入味，但略嫌不夠滑；滷水鵝肉肥瘦適中，鵝肉有咬口入味；椒絲腐乳生菜炒得翠綠；白蜆炒煮的時間掌握得好，生熟程度剛剛好，調味也十分惹味。全部才吃了四百元，真是超值得很。…查看更多

聽聞大埔街市熟食中心有好多出名既美食，今日就趁放假去享受美食揀咗呢間新樂園，好快就坐滿晒，好熱鬧食咗4樣小菜，韮菜豬紅、咕嚕肉、沙薑雞腳、魚香茄子煲韮菜豬紅好入味好香，又抵食咕嚕肉其實唔係間間餐廳都整得好味，但試咗呢間好夠鑊氣，外面就算凍咗都仲好脆👍🏻沙薑雞腳好重既膠質，如果再淋多少少會更易咀嚼魚香茄子煲既鹹香味好足夠，好夠鑊氣，一煲岩晒二人份量食物整體都好好味，不過真係要洗乾淨d碗，因為好明顯見到仲未洗乾淨…查看更多

波友喺呢度熟客，好多時一大班人打完波會嚟開餐，星期六、日好多時無位。雖然係街市大樓，地方算得上乾淨，冷氣夠凍，但有時冷氣機底會滴水，睇你好唔好彩啦！早 2 日嚟食晚飯，原本想叫冰梅骨同南瓜炆魚腩，但老細話冰梅骨少人叫所以無做啦，好可惜，以前食過好好味架，佢個欖角骨都係正，但上星期食咗 2 次所以揀咗其他菜。另外佢哋無南瓜，咁又揀其他啦。終於叫咗小炒王同砂鍋魚頭煲，一枝啤酒，2 個人無叫飯，最後都係食唔晒 🤣🤣…查看更多

平時上嚟大埔市政熟食檔晚飯一定會18:00前來, 貪其易搵位, 服務又好啲, 我地今晚黎到已經19:00 , 晚市黃金時間, 今晚冇得揀食邊間, 邊間有位就坐低, 結果新樂園坐低左。咁大間鋪、咁多台食客祇有兩個人負責樓面, 執枱、落單、上菜都係呢兩個人, 人手嚴重不足可想而知, 坐低咗好耐都冇人理.....唯有自己攞碗筷好了, 叫了好幾次落單....哥仔姐仔應完 '轉頭嚟' 就冇咗影蹤, 不過呢兩位阿哥阿姐非常識做人, 雖然忙得一頭煙.....但佢哋都唔會對客人粗聲粗氣, 說話方式及語調令客人舒服, 最少唔會讓客人等到一肚氣.....仲要聽埋啲谷鬼氣嘅說話, 呢啲咪叫做識做人囉, 大家好聲好氣, 反而令客人多了份包容添。好多大排檔美食韭菜豬紅韭菜同豬紅基本上我都唔食麻辣魚頭魚頭份量都幾多, 魚頭嫩滑, 夠麻香, 個汁夠味得嚟唔太鹹口。魚香茄子煲肉碎鹹鹹香香, 送飯一流, 茄子軟腍入味, 只係油膩咗啲咁囉。咕嚕肉呢間大排檔個師傅出品都幾有水準, 咕嚕肉皮薄餡靚, 骨肉唔乾, 個甜酸汁調較得甜酸度也適中, 好食呀黃金鮮魷邪惡到不能有, 鹹蛋黃下得足, 鹹香惹味, 鮮魷唔乾身, 黐滿鹹蛋黃, 超正五個人叫咗六碟餸, 加兩枝大啤、可樂及檸樂, 埋單大約每人一百, 好食又抵食…….如果你唔介意服務被怠慢的話…查看更多

為影子姐姐慶生，選在她家住的大埔區。老伴第一時間想到的便是那些連鎖酒樓餐廳，看看有沒有半席供應。然而，小的聽到連鎖酒家立即皺眉。又是那些公式化的菜式，甚麼百花釀蟹箝、桂花蚌西蘭花、炒飯、炸子雞⋯⋯想想已教人退避三舍。誠然在今時今日的經濟形社會，日常生活總離不開大企業大集團。然而，在細節中，咱們能否稍稍逃脫，感受一下一息尚存的民間味道，支持一下小商戶的刻苦經營？ 於是小的苦掘柔腸，忽然靈光一閃。想起政府耗用龐大資金興建的大埔街市，在街市二樓之熟食市場不是林立著多家獨立經營的餐廳食肆嗎？ 從網路搜㝷，獲得最多食評者屬於「三小姐海鮮小菜」。然而細閱內容，卻發現評價好壞參半，該說不上甚麼具質素的地道美食。問一問影子姐姐，她亦曾嚐過三小姐，味道卻非常一般。結果咱們便光顧了影子姐姐推介的「新樂園魚蛋點心小廚」。在星期日的晚上，咱們一行七人浩浩蕩蕩地來到大埔街市。六時多的二樓熟食市場，雖然已零零星星地坐著不少的客人，但咱們依然可輕鬆入座。 魚蛋點心？咱們想吃小炒呵！原來魚蛋點心其實只是個虛名，餐廳卻是包羅萬有。店前掛著林林總總的潮洲滷味，餐牌裡尚有許多地道小菜。 小的本以為老伴與咱家都喜歡椒鹽鮮魷，然而他卻搖頭否定。反而點了一窩蠔仔粥。蠔仔粥上場是一池的湯水，以為材料不足？原來正宗潮式吃法，湯與米飯總要貌合神離，讓沉在底部的白飯依然保留一粒一粒的圓備自足。蠔仔粥的味道不錯，湯汁透出絲絲的蠔腥氣色。在炎熱的天氣下，一碗熱騰騰的蠔仔粥下肚，即使熟食市場有空調設備，卻只如杯水車薪般吃得咱們個個汗流狹背。 通菜牛肉不過不失，腐乳落得充足，卻稍稍未夠鑊氣。相反這兒的生炒骨卻做得水準一流，骨肉均稱，酸甜之間亦是恰到好處，比之早前在寶琳大排檔吃的凡品要好多了。 雜菜粉絲煲內附魷魚，讓粉絲煲更清香鮮甜。雖說不上精彩紛呈，卻做到價位相配，賣相健康。可惜雜錦滷水拼盤卻是全餐的最大敗筆，說得上雜錦，可謂包羅萬有。然然，精明的老闆卻從中取巧，把低價滷味無限呈獻，而且更是奉上頭頭尾尾的下欄貨！平價紅腸與肥到顛的所謂腩肉佔位最多。然後再舖上雜亂無章的些許鵝腸、生腸、豬頸肉等次貨。小的孤陋寡聞，茫然不知豬頸肉、肥腩肉等也能加入滷味之行列。然而大大的一碟滷味，傳統的鵝片、掌翼、腎等一一久奉。咱們彷彿是在雜亂無章的一碟下欄菜中尋食，要知道雜錦其實是劣品，還是正正規規地點選指定拼盤好了。滷味的味道亦是不足，淡淡的似乎未夠入味。 涼瓜䱽魚弄得甚具鑊氣，黃𩶘䱽先經滾油炸過，然後才回鑊與涼瓜共舞。雖然外表香鬆，在濃味底下仍能吃出䱽魚已久經冷藏。不過百元以內的一碟，咱們就不該要求太高了罷！ 吃過腸飽肚肥，都只承惠六百多元。而且在場的啤酒女郎服務非常好，上菜加湯招呼周到。搵食艱難，為讓顧客與老闆滿意，隨了賣啤酒其實也是免費的女侍應。…查看更多

早前跟一眾同事研究去邊到食海鮮好, 有地胆表示大埔熟食中心的大排檔都不錯, 可以係下面海鮮檔揀完海鮮拎上去大排檔加工。 今次揀到了新樂園吃晚飯。我們6點多先在下層的街市繞了一圈揀海鮮, 然後還買了馳名雞腳 ! 上到新樂園來料加工~~這裏的環境乾淨光鮮, 冷氣非常足夠~~一坐低, 員工就送我們一碟酸菜花生,酸菜有酸甜, 涼涼的又少許香辣, 花生新鮮香脆, 非常開胃~! 我們在這裏點選了潮式大拼盤，大大碟, 很抵食。魚香茄子煲, 茄子滑嘟嘟, 魚肉碎有咸香, 很好下飯。椒鹽鮮魷, 粉漿鬆脆, 魷魚爽口彈牙, 配啤酒岩哂。加多碟椒絲腐乳通菜, 好夠獲氣, 仲好大碟~自來加工海鮮, 都做得不錯。海鮮+加工+4個小菜+ 2支生力+2個白飯, 人均先$300, 相當抵食~!!…查看更多

今晚想吃有鑊氣的廣東小炒，所以來到大埔墟市政街市熟食樓層。事前沒有特定一個檔攤的，只是隨便逛逛，就坐下來。來到新樂園。我們點了三個小菜，兩個小菜一般，鹵水拼盤就不濟了。先來蝦乾肉碎芥蘭，很家常，還好，芥蘭爽脆。而另一個是啫啫雞，原來是用鐵板上菜的，熱騰騰。蒜頭香，但是雞肉就不嫩滑，而且挺鹹。鹵水拼盤不濟，全是｢碎濕濕｣的一堆，而且非常鹹！非常肥膩！更甚的是，紅腸已經是加工食品，但紅腸竟然是｢宿｣的！真令人失望！…查看更多

近期想食靚羊腩煲真的好難揾，一般兩百幾蚊得幾舊羊肉，想揾舊腩都幾難。今晚去大埔本來主打自來海鮮，但未坐低就見到超大標語，羊腩煲上市，唔試由自可，一試真的萬分驚喜，$298一煲唔算平，但份量十足，8個人每人起碼兩三件，最少七成腩肉，全部帶皮，唔覺有味精/雞粉，味道非常濃郁。配唐好菜更是絕配，康生菜一樣咁正值得一吃再吃…查看更多

今日想食欽記，但去到已經3點幾，冇得食，但真係好想食魚蛋粉，所以食下呢到!我叫左魚蛋河加熱奶茶$26👍👍真係好平下，魚蛋唔算彈牙，但都有魚味，湯濃味!算係甘啦!雖一令我覺得真係好麻麻既係辣椒油，得咸，冇咩辣，又唔夠香奶茶用呢種杯裝，會冇甘滑😢😢ps呀姐都好好人，又好快手下!…查看更多

早前到了新樂園吃晚飯, 點選了的潮式拼盤有鵝, 香腸, 豬肚等, 大大碟, 很抵食, 琵琶豆腐釀得很滋味, 鹹度適中, 腰果炒蝦仁略嫌腰果太少, 只加了西芹作配料, 而通菜炒牛肉就很惹味, 牛肉鮮嫩, 田雞煲的豬潤夠多, 味道不錯, 整個晚飯6個人吃也不用五百元, 十分抵食, 值得推介.…查看更多