新樂冰室

I went to this restaurant quite often and recently the service and the food are shit to the next level, today I ordered a steak meal (medium rare) and they served me a nearly-well-done steaks and it tasted like the new level of badness. NEVER GO TO THIS RESTAURANT AGAIN, IT WILL NOT SURVIVE!!!…查看更多

員工態度差到極點，件三文治可以膿到苦嘅！咸魚雞粒炒飯可以乜味道都冇！初初開店時質素好好！冇黎一排員工同食物都差到爆！無心經營不如執咗佢算數啦！食客光顧都係想食一間用心經營的小店！唉……！…查看更多

呢間野新開左唔係好耐，但係吸引咗好多人去試。lunch去，滿座咁滯。佢嘅Menu係非常非常之多選擇，同朋友睇咗好耐好耐都唔知揀咩好。海南雞又想試、炒嘢又想時、跟住常餐又想試。朋友嗌咗個常餐，係羅宋湯通粉，量非常之大，而且真係濃湯羅宋湯，我吃了一口覺得很香濃唔怪得見到隔離枱咁多人都食常餐。我仲見到隔離枱有人食嘅常餐有炸雞翼加雞翼尖，睇到差唔多有三隻，再加埋其他配料，非常之抵食。會配埋厚多士，亦都好得好靚，金黃色，搞到我下次都想試。我自己就叫咗個XO醬豬扒炒公仔麵，炒得好乾身， XO醬味道重，所以好夠香。配料都夠多，芽菜、蔥，炒埋一齊令到佢更香。豬扒量都好多，食唔晒呀！呢間嘢真係好不錯，下次一定會再嚟食，因為佢有好多嘢都好似好正，好想試，尤其係常餐。…查看更多

食個早餐 ， 簡簡單單，野食份量少質素平平都算，同區來算，價錢中高價位，最重要係員工啲態度真係世界級咁差，冇禮貌，呼喝食客😂😂單憑呢幾樣野已經可以注定好快執笠，要試伏就趁早，遲左冇機會，真係點到你唔伏？？？？？…查看更多

叫左個常餐蕃茄牛腩通心粉，牛腩好韌完全咬唔郁，好難食！上菜極慢，食完個通粉個奄列多士都未到，催左佢10幾廿次先到，杯餐飲到最後直頭係冇到，伏！永不幫襯！樓面多人手就完全做唔到野，水吧更是廢！沖一杯野飲都咁難？…查看更多

本來食物ge 質素尚可，早餐同常餐茄腩通味道都ok,但自從九月開始，食物質素直線下降最離譜ge 係員工態度，越嚟越差，冇禮貌，對d客呼呼喝喝，我入去食野好似欠左佢地咁，貼錢買難受可以blacklist以後唔去…查看更多

原來我有兩個朋友日日都會去食早餐 因為佢哋喺嗰邊返工 由9月開始 每日早餐都有不同 特色 炒滑蛋電 老蛋 凍檸茶反曬 凍奶茶冇茶味 好似溝水 蒜蓉多士 變咗齋多士 今朝飲咗杯 利賓納 淡而無味 我朋友話以後都唔會再去食 呢間餐廳 佢話 食咗咁耐開舖 質素ok 由9月開始 食品 一日一日測 員工 日日唔同 冇制服穿 五顏六色 背心短褲都可以返工 大聲喧譁 員工態度要改善 不願置評…查看更多

💚新樂冰室💚呢間人流都好多，去到嘅時候都差不多滿座。餐廳採用自助落單，自己係坐就搞掂哂所有野。上菜速度都幾快，服務態度正常。但要講嘅係，枱面餐牌只有常餐，冇午餐，係要去到網上點餐先知有。*香煎豬扒配沙嗲汁撈公仔麵，+5蚊配大大份火腿奄列&菠蘿包 $50豬扒都幾大塊，香口，但唔乾柴，所以OK。公仔麵有少少太‘淋’，所以食落口感麻麻。沙嗲汁量都多，撈完都有剩，唔會好咸，味道正常。奄列就話大大份，但size其實同普通一樣。菠蘿包正常，如果加5蚊就有，都唔錯，可以試下。另外，再加配11蚊要咗斑斕樽仔奶茶。小編個人覺得可以唔洗試。甜，但冇斑斕味，又冇奶茶味，所以冇下次😂*沙嗲牛肉公仔麵 $45份量都多，麵都得偏‘淋’。味道正常。呢個冇加錢轉，正常食返牛油多士同火腿奄列。牛油多士都幾脆，唔錯。奄列冇特別。…查看更多

本來有個構思，做一個鳳凰村食店，遂間評嘅系例，點知一開波就落筆打三更，入咗呢間伏店，當晚我和靚媽，仔仔合共柯打了兩個牛扒餐，及一客海南無骨鷄飯，先講個鷄飯，鷄肉碎濕濕無一件完整似手撕鷄多D，但同個飯一樣係淡茂茂嘅，反而跟餐個中湯D味精就爆燈，飲一啖就覺得口渴，要即時飲水溝淡，留在口内嘅味精味，好嘞跟住經典囉，海南鷄飯咁差，個兩個扒餐都預咗吾慌好食，跟餐個西湯希如水，加$3嘅凍檸蜜似水，兩牛扒無肉味，同侍應攞茄汁，喼汁調味，講咗兩次竟然俾一碟茄汁，一碟辣椒醬給我，再問多兩次侍應攞喼汁，就話冇喼汁結果俾咗碟鎮江醋我用，食咗幾拾年扒，都未曾試過用辣椒醬及鎮江醋來調味呢次真係要向呢間食店，寫個服字…查看更多

今日（19/9/2021）朋友推介到這餐廳食早餐 ，本想拒絕，事源今年年初曾幫襯，有過麻麻地既經歷，朋友勁力推薦，咁就再試一次。是次被安排地下層，環境及光線勝過樓上，對比之前，服務及食物質數都有所改善點了三份早餐，蒜香牛油多士脆口，招牌沙爹牛肉米粉及米線，味道都OK。…查看更多

行過 黃大仙一間冰室入去試下， 入到去覺得呢間冰室冇管理 門口個個阿姐 無禮貌 喺度指指點點 坐低之後 叫咗下午茶瑞士汁肉片炒河同埋凍奶茶 朋友叫咗一個 常餐 沙爹牛肉麵 熱奶茶 肉片炒河 好鹹凍奶茶冇茶味 朋友杯熱奶茶好澀 朋友叫員工畀少少花奶 態度即刻黑面 食完然後埋單行到收銀處 見到黑面嗰個員工喺度鬧人 …查看更多

由等位排隊開始，語氣已很兇。因为要手机下单老人家叫幫手又不太友善。到收錢時又冇人理等了成分钟，問下可以用支付宝比錢又兇言話你睇下再望一望你。間間餐厅都不夠人手，点解要來比你black face。完…查看更多

途徑黃大仙，十點都肚餓，剛好泊到車，見一間茶餐廳，試一試啦，買外賣！女職員：幾位 ？（無乜禮貌）堂食無位！攞飛吖 ！想買外賣, 唔該 ！你自己落單啦（指我去收銀櫃）我排隊啦！男職員：你等陣，我收錢先（我排隊先，但語氣尚算友善）叫了 2 個早餐，$38+$42, 等了差不多 15 分鐘 ！於是問一問女職員, 目無表情 ：未呀 ！再等幾分鐘，入去再問男職員，他跟進 ！剛做好 ！這時發覺入內堂食只有 出行 app, 沒有填表 ！…查看更多

今日又同三位壯男晚餐，黎到呢間餐廳一齊叫四款小菜自選晚餐撐枱腳🍽原先四餸小菜$248 包白飯+餐湯（紅/白/中）+熱飲！（凍飲+$3，特飲+$7，樽仔奶茶+$10）餐湯揀左三白一中，白湯正常味道，中湯係木瓜豬骨湯味道都夠既！餸就揀左男人既浪漫枝竹豆腐火腩+蟲草花雲耳蒸雞+黑松露炒蝦仁+魚香茄子煲。送餐時間尚快，而每個餸既份量都不是大大碟，不過醒咗味道正常來補救，如果要彈的只是黑松露的蝦仁是冰鮮味！其他都是正常菜餐廳水準！飲品我地都係揀左特飲，分別係樽仔奶茶，雙重朱古力與凍洛神花蜜。大家都飲到津津有味！…查看更多

餐廳的食品質不錯！但是服務由開業至今，仍然沒有改善！侍應對 *換枱*的顧客惡言相向！收銀員經常黑面，連最基本的多謝都無一句！最近下午更有一部冷氣壞了！夏天實在無法忍受！尤其是週末週日繁忙時段，侍應有*罵客*之嫌！侍應更大聲叫囂。而家仲要用QR CODE自己落單！試問黄大仙舊區，可行嗎？！希望盡快改良服務，可再品嚐有質素的食品！…查看更多