新景園咖喱小廚

全港最好吃的咖喱豬扒飯 —— 新景園咖喱小廚假如有一天它倒閉了，我真的會感到無比傷心。新景園的咖喱豬扒飯，最打動我的，是它那濃郁得恰到好處的咖喱醬汁。咖喱的香料層次非常豐富，每一口都散發著濃厚的香氣，既有辣勁，又不會過於刺激，讓人欲罷不能。豬扒則是外脆內嫩，炸得金黃酥脆，完全不油膩。一刀切下去，能感受到肉質的彈性和多汁。最重要的是，豬扒的份量非常足夠，大大的一塊放在飯上，簡直是滿足感爆棚！唯一的缺點：排隊的煎熬新景園的唯一缺點，就是它的排隊時間實在太長了。作為一家人氣爆棚的小廚，無論是中午還是晚餐時段，門口總是大排長龍。如果你想吃到這道咖喱豬扒飯，可能需要做好排隊半小時甚至更長時間的心理準備。但我可以肯定地說，這點等待絕對是值得的。…查看更多

之前社交平台,社交平台 都見到呢間餐廳介紹，有一次我同同事早早出門去，未到一點，嘩條龍排到呢🤨,結果第一次就係門口都食唔到，隔咗幾個月，我同另一個同寧係附近做嘢，今次諗住叫外賣又好，現場食都食到啦⋯⋯據我同事講，呢間開11點錶如果第一輪開門入唔到去食，基本上就要開始排隊。另外佢收三點定四點，所以，我地只好叫外賣。其實外賣都唔易打得入🤣🤣今次我地好好彩，一打就通，我就試到出名的咖哩豬扒飯。豬扒係鬆軟的，咖哩汁濃厚，微辣，兩者相配非常好食，而且豬扒份量大大份，飯小d 都好飽。如果唔係排得咁誇張，我都想現場食次🤭…查看更多

他們的豬扒質素，份量，性價比是無話可說的好，咖喱汁味道，香味，層次都是心機之作。 豬扒沒有鬆肉粉，沒有味精，做得表面微微香脆，粉是非常薄一層。內裡酥軟有肉汁，調味剛剛好而帶肉香，厚度適中，份量男士也可能覺得有點大。咖喱混合多種香料，香濃微辣而不膩，是越吃越吊你胃口的吸引，絕對不是交來的咖喱膽。我每個月也會光顧幾次，水準一直保持。 就算叫外賣，他們也可以非常精準的告訴你什麼時間可以取，是專業和經驗的累積。不過最近我看到，有客人排隊等開門，見過了11:30還未開門，打電話入去抱怨投訴，最後11:45開門，老闆出來問剛才誰打電話，結果他不允許那位客人進餐廳，是被趕走了！另一次有位女士，應該是遊客來， 因為朋友還未到，她進內佔2個位，點了2份餐，但店員就叫她離開，要齊人才進來，她因為聽不明白，馬上致電朋友趕來，但朋友來到還是被一齊趕走了。我聽到那朋友連番跟遊客朋友道歉，說本來特意介紹這家出名豬扒給她試的。明白老闆客人太多，他忙不過來，躁底難免，也可能真的不想有這麼多生意，不過客人也是喜歡他的食物才來，受到這樣對待，也說不過去，希望老闆盡快找到方法，減輕工作壓力，也平衡到顧客服務和感受，不要浪費這麼美味的豬扒手藝。…查看更多

已經唔係第一次食，但啲外賣安排真係越嚟越亂，打電話叫定話12:30落去攞，12:30落到去畀咗錢仲要等，過咗成20分鐘後1號店員問我哋嗰3個咖哩豬岀左未，我同同事答未嘅同時又岀咗12:30 7個飯畀人，1號店員放低咗袋外賣，以為係我嗰3個飯，2號店員即時開聲鬧我哋叫我哋唔好拎啲飯，仲未到我哋其實外賣你叫啲客跟時段攞唔係問題，但都可以畀個外賣no.人㗎？12:30成5個客同時拎餐，點分？你話你跟落單時間岀餐，但啲客又點知落單先後？好食冇用，服務態度咁差，外賣安排亂到咁就真係唔會再幫襯…查看更多

昨天去了排隊超過半小時、朋友介紹所以來試、沒什麼特別。 價格是一般茶餐廳的雙倍但是份量是超大的、兩塊大炸豬排一大盤飯夠2人吃。 味道一般、地方很小、應該是網紅餐廳所以這麼多人。 無必要去擠去排隊。…查看更多

在門口等了20分鐘,突然前面有三個人插隊。門口職員話可以，因為就算1個在等，他們在未入餐廳前都可以插隊。職員仲講如果我地排後面不滿意可以離開。這是什麼道理和態度。以後不會再幫襯…查看更多

每隔一段日子就會心思思好想食，而每一次我都唔會排到隊，因為條隊太長龍啦，每次都係只有望門興嘆，唯有打電話去訂，跟住攞返屋企自己慢慢食。佢絕對係我嘅Comfort food😋😋😋😋😋,豬扒大過我塊面，咖喱汁亦都係我喜愛嘅味道。如果真係夾硬要挑剔嘅話最多就係話佢啲飯唔夠粒粒分明囉，但佢嘅乾炒牛河亦都係我其中最喜愛嘅一樣嘢食。其次就係佢嘅椒鹽魷魚，但係呢只有夜晚，晚飯時候，先至有得食😘😘😘😘…查看更多

Lunch要排隊無所謂, 要min pay $86都打左個突, 入到去地方偏細但都叫唔會大家踫到果隻。好啦落左單之後真係等勁耐? 我係等左差唔多30mins, 心諗你唔係炸定晒d 豬扒架咩?唯一欣賞佢係d 豬扒份量好充足(隔離2個外藉人士睇到都嘩嘩聲)。到食落口真係講左粗口。咖哩汁:咖哩真係偏辣, 係唔需要整到咁辣 (事後諗返可能迫人獨立叫野飲, 不過要成$22凍飲, $1x罐汽水)。牛腩:我同事叫左牛腩 (特登1人叫1款一次過試晒豬+牛), 牛腩韌得濟, 咬得好攰, 真係大快活都好食過佢豬扒:係正既! 炸到岩岩好, 仲好juicy, 我係欣賞既, 份量係正常男人都未必食得晒飯:呢樣真係敗筆黎, 硬到乜咁, 我食淨半兜, 唔係誇張我事後真係食到個胃un住un住總結:含住淚比左$103好辛苦咁食左兜飯, 可一不可再…查看更多

每次經過都大排長龍，趁住提早收工去諗住唔使排隊， 點知原來開18：30. 最終都係排咗45分鐘先有得開餐。。 咖哩豬扒為了咖哩豬扒慕名而來。豬扒大大份，炸得很鬆脆，但又keep到肉好juicy。 咖哩比較辣 （平時唔係好食得辣)，但送飯一流。份量勁大，足夠兩個人食椒鹽鮮魷如果下次有機會再嚟， 椒鹽鮮魷係必點。 魷魚唔韌很爽口，味道剛好唔會咸。 聽落應該好熱氣既餸，食完又唔會覺得熱氣。 乾炒牛河呢個就真係比較強差人意， 牛肉是好食的， 整體味道也不錯， 但係問題出自河粉， 太厚太硬唔夠滑，感覺好似擺耐咗乾咗咁。總結，未試過可以試， 唔使點排隊都可以encore。但係如果叫我好似今次咁排半個鐘以上， 就真係冇咁神心了！…查看更多

大大份！以前細個就食，每隔一排，突然間會想食。依家係要自己放假🏖️才會走去挑戰排隊食一個午餐。我今次用了1小時排隊啦！天氣熱，都努力排隊食，我諗我今次食完應該會隔一年半載才有心機排。…查看更多

這家之前是在抖音刷到的，在我收藏夾裡，放了好久的了，今日來灣仔開會，終於有機會一試。到達的時候是工作日的 12:35，人龍都幾長，排了二十分鐘隊終於到我✌️價格在香港茶餐來說算貴但分量真的超級多，還是厚切，應該理解它是小菜了，還送了一個飯給你，這樣理解，東西就不貴了。豬扒確實好吃，不枉我排了 20 分鐘，可以！需要留意飲品需要另叫，每位堂食最低消費 83 元港幣，介意的就不要去了。點了一瓶可樂 15 元，外賣盒 1 元，買單 114。…查看更多

一直聽到呢間啲咖哩出名，一哈都好想去試，咁啱經過附近，諗住就去試下……是日旁晚去等開門，天氣已經好熱，開咗門買外賣，仲話要等多半小時，早去到明明盒外賣已經喺門口，個店員仲要話唔係我叫我再等，好啦！等到7：06先攞兩盒外賣出嚟，跟住叫晒，先叫門口盒外賣，原來真係我嘅，本來係熱嘅外賣，都已經變暖，仲要同我講我可以唔要！ok！下次想再幫襯都難！咁嘅價錢，咁嘅服務態度，幾好食都冇用……完全令人極度失望………查看更多

事緣呢日咁啱一個去灣仔辦事，就一試呢間so called名店，1：20去有條人龍，等左接近半個鐘有位。卡位就無，去到一張大圓枱，已經見到每位必點的咖喱豬扒。份量超多，見隔離個男人都食唔曬要搵盒裝走 。另一邊個女仔食剩一半。我份豬扒來時，仍係份量好多，咖哩汁係分開上，只見較稀，認同其他網友講偏辣無椰香的。要辣定要椰香人人可取向不同，但D汁稀就已經趕客，而且味道絕稱唔上咩秘製。我特登唔點咖喱汁下試下塊豬扒咩料，口感唔鞋但醃得唔夠入味。豬扒飯98另加凍飲22,無套餐價，雖然豬扒份量夠曬多，但始終係下欄野，寧願平廿蚊少返D豬扒。總而言之，吹大左，無下次。…查看更多

首先要介紹嘅，係茶餐廳嘅不敗經典——「咖哩豬扒飯」！當呢碟飯送到面前嗰刻，視覺上已經係一種享受。金黃色嘅咖哩汁濃稠得恰到好處，毫不吝嗇地淋滿整個飯面，旁邊伴隨著一塊煎至金黃、厚實嘅豬扒。輕輕聞一下，咖哩嘅辛香同埋豬扒煎過嘅肉香交織，即刻勾起食慾。用匙羹舀起一啖飯，沾滿咖哩汁送入口中，哇！呢個咖哩唔係淨係得個辣字，佢帶有港式咖哩獨有嘅香料層次同埋微甜，隱約仲有一絲椰奶嘅香氣，口感順滑，同白飯簡直係天作之合！塊豬扒亦都做得好出色，外層煎得帶點焦脆，內裡嘅肉質依然保持住軟嫩多汁，醃料味道滲入肉中，同咖哩汁一齊食，鹹香同咖哩嘅微甜完美融合，係一種令人感到滿足嘅comfort food。另一款考驗茶餐廳功架嘅招牌菜，就係「干炒牛河」！一碟出色嘅干炒牛河，最緊要就係「鑊氣」！呢度嘅干炒牛河一上枱，就聞到一股強烈嘅鑊氣香氣，證明師傅嘅火候控制得非常到位。碟頭夠大份，河粉炒到條條分明，色澤均勻油亮但又唔會過度油膩，完全冇黐埋一舊舊嘅情況。夾起一條河粉放入口，口感滑溜得嚟帶點彈性，醬油嘅鹹香同埋鑊氣嘅焦香完美地鎖喺每一條河粉之中。牛肉片亦都切得夠大塊，而且炒得好軟嫩，一啲都唔會韌或者鞋口，份量亦都好足。配埋爽脆嘅芽菜同埋甜甜地嘅洋蔥絲，為成碟牛河增添咗豐富嘅口感層次。呢碟干炒牛河，無論係鑊氣、調味定係口感，都係水準之上，食得出係用心製作嘅味道。…查看更多

坐落於灣仔的新景園咖哩小廚以咖哩豬扒飯聞名🐽即使長期大排長龍，但仍然深得附近街坊、上班族喜愛🫶🏻甚至是遊客必吃的香港美食代表🔥———————————————————————雖然早已聽聞新景園的豬扒飯份量是多得離奇🧐但上菜當刻仍是令我大為震驚🤣炸豬扒多到幾乎佔據了整個碟面‼️此等份量在全港都可以說是絕無僅有🤩除了件數多外，豬扒本身亦非常厚切😚皮脆肉嫩，極為鬆化彈牙😋肉汁豐富得來不會令人覺得油膩，邊位少許的肥膏部分亦十分爽口🥳絕對是滿分的炸豬扒教科書🥹而咖哩方面則是傳統的港式茶記咖喱🍛質地偏稀身，辣度適中👌🏻雖未算特別但亦已令人滿意🤗———————————————————————新景園的炸豬扒飯大得驚人😳現場所見幾乎每位食客都要打包🤣此等質素和份量，即使售$98仍是物有所值👍🏻👍🏻…查看更多