新景園咖喱小廚

营业中

休息中

這家之前是在抖音刷到的，在我收藏夾裡，放了好久的了，今日來灣仔開會，終於有機會一試。到達的時候是工作日的 12:35，人龍都幾長，排了二十分鐘隊終於到我✌️價格在香港茶餐來說算貴但分量真的超級多，還是厚切，應該理解它是小菜了，還送了一個飯給你，這樣理解，東西就不貴了。豬扒確實好吃，不枉我排了 20 分鐘，可以！需要留意飲品需要另叫，每位堂食最低消費 83 元港幣，介意的就不要去了。點了一瓶可樂 15 元，外賣盒 1 元，買單 114。

一直聽到呢間啲咖哩出名，一哈都好想去試，咁啱經過附近，諗住就去試下……是日旁晚去等開門，天氣已經好熱，開咗門買外賣，仲話要等多半小時，早去到明明盒外賣已經喺門口，個店員仲要話唔係我叫我再等，好啦！等到7：06先攞兩盒外賣出嚟，跟住叫晒，先叫門口盒外賣，原來真係我嘅，本來係熱嘅外賣，都已經變暖，仲要同我講我可以唔要！ok！下次想再幫襯都難！咁嘅價錢，咁嘅服務態度，幾好食都冇用……完全令人極度失望……

事緣呢日咁啱一個去灣仔辦事，就一試呢間so called名店，1：20去有條人龍，等左接近半個鐘有位。卡位就無，去到一張大圓枱，已經見到每位必點的咖喱豬扒。份量超多，見隔離個男人都食唔曬要搵盒裝走 。另一邊個女仔食剩一半。我份豬扒來時，仍係份量好多，咖哩汁係分開上，只見較稀，認同其他網友講偏辣無椰香的。要辣定要椰香人人可取向不同，但D汁稀就已經趕客，而且味道絕稱唔上咩秘製。我特登唔點咖喱汁下試下塊豬扒咩料，口感唔鞋但醃得唔夠入味。豬扒飯98另加凍飲22,無套餐價，雖然豬扒份量夠曬多，但始終係下欄野，寧願平廿蚊少返D豬扒。總而言之，吹大左，無下次。

首先要介紹嘅，係茶餐廳嘅不敗經典——「咖哩豬扒飯」！當呢碟飯送到面前嗰刻，視覺上已經係一種享受。金黃色嘅咖哩汁濃稠得恰到好處，毫不吝嗇地淋滿整個飯面，旁邊伴隨著一塊煎至金黃、厚實嘅豬扒。輕輕聞一下，咖哩嘅辛香同埋豬扒煎過嘅肉香交織，即刻勾起食慾。用匙羹舀起一啖飯，沾滿咖哩汁送入口中，哇！呢個咖哩唔係淨係得個辣字，佢帶有港式咖哩獨有嘅香料層次同埋微甜，隱約仲有一絲椰奶嘅香氣，口感順滑，同白飯簡直係天作之合！塊豬扒亦都做得好出色，外層煎得帶點焦脆，內裡嘅肉質依然保持住軟嫩多汁，醃料味道滲入肉中，同咖哩汁一齊食，鹹香同咖哩嘅微甜完美融合，係一種令人感到滿足嘅comfort food。另一款考驗茶餐廳功架嘅招牌菜，就係「干炒牛河」！一碟出色嘅干炒牛河，最緊要就係「鑊氣」！呢度嘅干炒牛河一上枱，就聞到一股強烈嘅鑊氣香氣，證明師傅嘅火候控制得非常到位。碟頭夠大份，河粉炒到條條分明，色澤均勻油亮但又唔會過度油膩，完全冇黐埋一舊舊嘅情況。夾起一條河粉放入口，口感滑溜得嚟帶點彈性，醬油嘅鹹香同埋鑊氣嘅焦香完美地鎖喺每一條河粉之中。牛肉片亦都切得夠大塊，而且炒得好軟嫩，一啲都唔會韌或者鞋口，份量亦都好足。

坐落於灣仔的新景園咖哩小廚以咖哩豬扒飯聞名🐽即使長期大排長龍，但仍然深得附近街坊、上班族喜愛🫶🏻甚至是遊客必吃的香港美食代表🔥———————————————————————雖然早已聽聞新景園的豬扒飯份量是多得離奇🧐但上菜當刻仍是令我大為震驚🤣炸豬扒多到幾乎佔據了整個碟面‼️此等份量在全港都可以說是絕無僅有🤩除了件數多外，豬扒本身亦非常厚切😚皮脆肉嫩，極為鬆化彈牙😋肉汁豐富得來不會令人覺得油膩，邊位少許的肥膏部分亦十分爽口🥳絕對是滿分的炸豬扒教科書🥹而咖哩方面則是傳統的港式茶記咖喱🍛質地偏稀身，辣度適中👌🏻雖未算特別但亦已令人滿意🤗———————————————————————新景園的炸豬扒飯大得驚人😳現場所見幾乎每位食客都要打包🤣此等質素和份量，即使售$98仍是物有所值👍🏻👍🏻

身為港島街坊今次一定要大推呢間隱藏喺春園街嘅神級茶記——📍新景園咖喱小廚！平時經過都見到條打蛇餅嘅大長龍👫今日專登提早收工殺過去，終於試到傳說中嘅 鎮店雙寶 真係一試難忘啊😍【豬扒咖喱飯🍛】🐷塊豬扒一上枱就知冇得輸！金黃色嘅炸衣咬落去，咔嚓一聲脆到似食緊薯片，更加神奇嘅係完全唔會油膩啲肉仲厚過我本passport，一啖咬落去滴肉汁仲會爆曬出嚟😋咖喱汁 就用個細碗分開裝嘅，可以自己調味~咖喱汁就夠晒港式風味—— 鹹香帶少少微辣🌶️仲有啲沙嗲嘅甜味，入面嘅 薯仔🥔就煮到起沙，加埋滴汁撈飯食到我lamlam脷～👍【乾炒牛河🍝】枱果陣係熱辣辣嘅夠曬鑊氣🔥河粉炒到油令令但唔會黐埋一嚿嚿 🐮牛肉片醃到入味又唔韌，入口帶住焦香，仲有啲芽菜同蔥吊味份量多到兩個人都食唔嗮！碟頭仲大過我塊面！！果然夠晒「大件夾抵食」🤭⚠️千祈唔好貪方便叫外賣！個豬扒一定要趁熱食先keep到個脆度，堂食仲可以免費添汁添飯，抵到爛啦～😎

我等咗半個鍾，就到門口見到外賣原來只係 58。咁點解要排咁**耐**去入去**迫**又要俾多 $40？有無人明白？份量有分別？嗰 1x1呎嘅枱好有feel？最後我都係放棄去咗附近間咩咩家食日式咖喱雞排算。$66 有埋沙律，可樂，座位有合理空間亦唔會有時間上嘅壓力。當然係快餐味道。至於新景園，下次試下一早電話叫個外賣再同大家報告下。其實半年前試過呢間野，當時叫乾炒牛河，印象中算係咁，但未去到要排大半個鍾咁神聖。當時旁邊個人叫咗咖喱豬扒，攞嚟時我爭啲嘩咗一聲，好大份，佢最後都食剩三分一。

嚟咗第三次啦，之前兩次都大排長龍今次都唔例外，但係今日有時間等大概排咗30分鐘左右終於入座呢度最出名就係咖喱豬扒飯同埋乾炒牛河同朋友share一齊食$98一碟份量十足乾炒牛河真係好出色，炒得好乾牛肉鬆軟咖喱豬扒飯咖喱有點辣，但係豬扒炸得好出色好香好脆好軟熟排隊嘅時候已經點定餐，所以上菜速度都好快

星期六中午時間嚟到，排咗大約半個鐘。基本上每枱都有嗌乾炒牛河同咖喱豬扒/雞扒飯，我就嗌多咗碗中湯。乾炒牛河 （$90）超巨型，份量足夠兩位成年女士食😂好多牛肉，炒得好好，河粉條條分明👍🏻河粉冇想像中咁濃味，主要係牛肉帶出味。另外油光十足，不過乾炒牛河就係要多油先炒到。咖喱豬扒飯 （$98）有足足三大塊炸豬扒！趁熱食時豬扒外脆肉嫩、有肉汁。咖喱好香好夠辣！一碟飯夠食兩餐😂老火靚湯 （$15）大碗足料，裏面有好多雪耳同豬肉。堂食有最低消費$83，份量實在太大，食唔晒可以打包。食完大約兩點幾，已經冇晒乾炒牛河。

終於有機會去灣仔朝聖呢一間出名港式咖喱嘅茶記排咗超過40分鐘隊 真係不能低估佢嘅人氣🥹咖喱豬扒飯 $96豬扒炸至金黃色 外面酥脆 內裏保持鮮嫩肉汁 的確出色 咖喱醬味道香濃惹味 帶微辣 撈飯食一流 份量大得誇張 幾乎每一枱都食唔晒要打包🤣 除咗豬扒飯之外 仲可以揀其他菜式 例如雞扒､牛腩､魚柳等等 乾炒牛河 $88除咗咖喱飯之外 乾炒牛河都值得一試 河粉彈牙 夠鑊氣 牛肉份量好多

1點左右去到，門口已經有勁多人等緊除左堂食多人等，連外賣都有勁多人等位，人流簡直係絡繹不絕鋪面都算幾細下，得8張枱左右，所以等位都要等幾耐下，前面得3group人但係都要等左半個鐘多啲一入到坐低已經有侍應黎落車，勁快手，所以係門口可以諗定食咩，一坐低就可以落order📝同埋侍應姐姐同老闆都好有禮貌🍛咖哩豬扒飯 嚟到無理由唔試下個招牌菜啩😍😍成碟飯嘅份量超級大，塊豬扒同我手板一樣大🖐豬扒即叫即炸，皮薄多肉，好淋一啲都唔韌，炸粉唔厚但係好香脆咖哩係偏水嘅質地，微辣，帶有微微香料味，入面仲有舊薯仔，不過就唔係好淋個隻咖哩嘅黃係超染色超重個隻，食完記得清潔下啲牙😆🍅蕃茄豬扒飯 相比起咖喱，蕃茄汁係透透地明，而且係杰啲，但係蕃茄味唔重🍛咖哩魚柳飯 魚柳一樣都係勁多同勁大塊，同埋都係炸粉唔厚同埋夠脆價錢都幾貴下，而且飲品要散叫，凍飲＋$18但係如果係附近返工／住買外賣仲抵，外賣比堂食平一半

小店門外有兩條隊, 一邊外賣, 一邊堂食, 人流不絕。小店環境乾淨企理, 只有約28座, 搭枱是必然的。店員不多, 即使繁忙, 態度仍良好親切, 且十分有效率, 排了約半小時便可入座。小店牆上餐牌選擇不少 (只能拍攝到部份), 只見出餐仿似只有咖喱豬扒飯和乾炒牛河般, 甚受歡迎。咖喱豬扒飯 $96咖喱豬扒飯份量頗大, 咖喱醬汁香辣惹味, 內有薯仔1大件, 不會煮得過腍。白飯乾身, 粒粒分明, 細嚼有飯香。豬扒有2大件, 已切件, 方便食用。豬扒肉質鬆軟, 不乾不柴, 部分更有 juicy 口感, 外皮炸得薄脆, 剛炸起熱辣辣的, 不沾汁也很惹味。豬扒邊只有少少骨, 啖啖肉, 吃到一半已有飽腹感, 1人吃實在太撐了。小店冷氣不弱, 食物冷卻得快, 有邊吃邊凍到振的感覺。其間聽到有堂食食客想多叫一盒咖喱豬扒飯作外賣, 要等50分鐘, 生意真好。P.S. 每人最低消費$80, 中段設落場時間

早幾年先聽到呢個名，想當年黃到英國開分店，到今時今日，餐廳每日依然大排長龍，人氣不減。① 咖喱豬扒飯 $96② 咖喱雞飯 $96兩碟飯一上枱會嚇親，因為豬扒同雞扒大到就嚟遮晒個白飯！每碟各有兩大塊新鮮炸起的豬扒同雞扒！！炸雞扒酥脆肉嫩，豬扒亦夠厚身，咬落完全唔柴。咖喱係港式果種，唔算好辣，仲有舊好腍既薯仔。③ 干炒牛河 $88另一餐廳招牌就係干炒牛河，同樣大堆頭，牛肉算多，而且好大塊，河粉炒得有鑊氣 ，係幾好食。.餐廳有最低消費，但3個人叫3碟真係太多，我淨返成碟咖喱雞扒飯接近無食過要打包。如果三人同行有女士，建議叫兩碟，然後叫飲品或小食比較適量。

長期都排長龍嘅新景園咖喱小廚😆 呢一日忽然好想食！排左一個鐘隊🥺 今日條隊好多遊客，平時嘅話可能40分鐘都會排到！入座之後，諗都冇諗就揀咗咖喱豬扒飯同凍檸茶😙 唔使5分鐘啲嘢食就到🤩 超級香，豬扒咬開好Juicy！咁厚都做到咁Juicy真係好難得🥰 成份差真係好大，眼見得好少人食得晒！食到好飽好飽，再飲凍檸茶真係好fresh🤗 開心滿足的一餐♥️飯$98 + 飲品$22職員仲係一如以往咁nice☺️ 真係好鍾意呢度🥳

新景園咖喱小廚的咖喱豬扒飯(港幣96元)，不是因為咖喱醬好吃，是豬扒的份量簡直豐盛到讓人瞠目結舌，又厚又大塊，而且在超大的盤子上還疊到了兩層。白飯也給得十分大方，滿滿一整盤。咖喱是分開放在另一個碗裡的。份量和CP值真的很讚。